وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کولتوور و ستایل

مەلەك كۆچتۆبین: شەیدای دەنگی عەبدولقەهار زاخۆییم

لەلایەن هیوا سەڵاح 19/5/2017
بە توونسییەكان دەڵێم سەردانی كوردستان بكەن
بە توونسییەكان دەڵێم سەردانی كوردستان بكەن

رووداو- هەولێر

مەلەك  كۆچتۆبین (Malek Cochtoben)، میوزیكژەن و گۆرانیبێژی توونسی، خۆی و ئامێری قانوونەكەی لە شاری هەولێر بوون، بۆ ئەوەی لە رێگەی هونەرەكەیەوە گەشتیارانی كوردستان بۆ وڵاتەكەی رابكێشێ‌، بەڵام پاش ئەوەی هەولێری بینی، بڕیاری دا جارێكی دیكەش سەردانی بكاتەوە.

مەلەك بەهۆی ئەو هەواڵانەی رۆژانە لەسەر عێراق لەبارەی شەڕ و تەقینەوەكان بڵاودەبنەوە، سەرەتا لەو سەفەرەی دوودڵ بووە، بەڵام دواتر بڕیاری داوە بێت و تەنانەت بەڵێنی دا كە جارێكی دیكەش بێتەوە.

 مەلەك كە ماستەری لە میوزیك هەیە و ئێستا لە زانكۆی تونس وانەی میوزیك دەڵێتەوە، لە هەڤپەیڤینێكدا لەگەڵ (رووداو) گوتی كە زانیاری لەبارەی گۆرانی و میوزیكی كوردی هەیە. تەنانەت گوتی كە گوێ لە دەنگی عەبدولقادر زاخۆیی دەگرێ.

هەفتەی رابردوو پێشانگای رۆژهەڵاتی ناوەڕاست بۆ گەشتیاری لە شاری هەولێر بەڕێوەچوو.

هەر كە دەچوویتە نێو هۆڵی پێشانگاكە، دوو كچ كە یەكێكیان مەلەك بوو، بە جلوبەرگە تەقلیدییەكانیانەوە سەرنجیان رادەكێشای. ئەوان میوزیكێكی ئیندۆنیزییان دەژەنی، بەڵام بە جلوبەرگی توونسییەوە كە سەرنجی زۆر كەسیان راكێشابوو، بۆیە وێنەیان لەگەڵ دەگرتن.

مەلەك كە لەوێ ئامێری قانوونی دەژەند، دواتر بە (رووداو)ی گوت: "ئێمە دەزانین كە میوزیك زمانێكی جیهانییە، ئەگەر لە وشەكانیشمان تێنەگەن، دەتوانین لە رێگەی میوزیكەوە پەیامی خۆمان بگەیەنین، هاتووین هونەری توونسی نیشانی خەڵكی كوردستان بدەین. ئێستا لە هەموو كات زیاتر رۆژهەڵاتی ناوەڕاست پێویستی بە ئاشتییە، تەنیا میوزیكیش دەتوانێ‌ ئەو كارە بكات".

هەمیشە دەگوترێت ئەگەر سیاسییەكان نەیانتوانی گەلان لەیەك نزیك بكەنەوە، هونەرمەندان دەتوانن ئەو كارە بكەن. مەلەك لەوبارەوە دەڵێت "ئێمە دەمانەوێ لە رێگای موزیك و هونەرەوە پەیامی خۆشەویستی بە مرۆڤایەتی بگەیەنین، چونكە موزیك پەیامی ئاشتی و خۆشەویستی هەڵدەگرێت. دیارە زۆربەی گەلان لە رێگای هونەرەوە یەكتر دەناسن، هەر بۆیەش ئێمە لە رێگای هونەرەوە زیاتر میللەتی كوردمان ناسی".

ئەو سەبارەت بە ئامێری قانوون دەڵێت: "ئەوروپییەكان ئامێری پیانۆیان هەیە كە وەك پاشای ئامێرەكان ناودەبرێت، لە رۆژهەڵاتی ناوەڕاست و بە تایبەتی لەنێو عەرەبدا ئامێری قانوون شای ئامێرە میوزیكییەكانە، قانوون ئامێرێكی زۆر كۆنە، بەڵام ئێستا لە شێواز و ژەنینی ئامێرەكە نوێگەری كراوە، بێ ئەوەی رەسەنایەتی خۆی لەدەست بدات".

مەلەك ئاوێتەی ئامێرەكە ببوو، هێندە رۆچووبووە نێو ئامێرەكە لەگەڵ هەر نۆتەیەك هەموو لەشی دەكەوتە جووڵە. مەلەك چیرۆكی خۆی و قانوونەكەی دەگێڕێتەوە و دەڵێت: "چیرۆكی من و قانوون درێژە، من پێشتر ئامێری عودم دەژەنی، بەڵام كاتێك قانوونم ژەنی هەستم كرد زۆر لەگەڵ یەك دەگونجێین ، هەرچەندە قانوون ئامێرێكی سەخت و دژوارە بۆ فێربوون،، چونكە ژێیەكانی یەكجار زۆرە و كۆكردنەی ئاسان نییە و ژەنینی تەكنیكێكی زۆر دەوێت، بەڵام زۆر لە رۆحی من نزیكە، من پێیوایە ئامێری قانوون زۆر لە من دەچێت".

مەلەك لەبارەی میوزیكی كوردییەوە دەڵێت: "من یەكێكم لەو هونەرمەندانەی كە زۆر شەیدای میوزیكی توركیم، هەروەها حەزم لە میوزیكی كوردیشە كە لە میوزیكی توركییەوە نزیكە، مەقام و بەستەی كوردی زۆر دڵهەژێن و بەسۆزە، پێموایە دەبێ گەلی عەرەب زیاتر لەبارەی میوزیكی كوردییەوە بزانن".

مەلەك هەندێك لە گۆرانیبێژانی كورد دەناسێ‌ و سەرسامە پێیان. ئەو دەڵێت "بەڕاستی دەمێكە شەیدای دەنگی عەبدولقەهار زاخۆییم كە هونەرمەندێكی كوردە، من زۆر زۆر حەز لە دەنگی ئەو دەكەم، هەرچەندە هیچ لە وشەكانی تێناگەم، بەڵام ئەداكردن و شیرینیی دەنگی عەبدولقەهار سەرنجی هەموو خەڵك رادەكێشێت. زۆر بە تام و چێژ گۆرانی دەڵێت".
 
ئەوەی زیاتر لە هەموو شتێك سەرنجی مەلەكی راكێشاوە، میواندۆستیی كوردە. مەلەك گوتی "گەلی كورد، گەلێكی میهرەبان و سادە و میواندۆستن، بەڕاستی لە هەولێر پێشوازییەكی زۆر باشیان لێكردین،  كوردستان چووەتە نێو دڵم و هەولێریشم زۆر خۆشدەوێت، هەروەها لێرە ئارامی و ئاسایش هەیە بەپێچەوانەی ئەوەی لە میدیاكانەوە باس دەكرێ".

مەلەك بەڵێنی داوە كە گەڕایەوە توونس كوردستان لەبیر نەكات "لە توونس باس لە میهرەبانیی گەلی كورد دەكەم، لەگەڵ رۆشنبیرانی توونس باسی كوردستان دەكەم و ئاگاداریان دەكەمەوە كە كوردستان شوێنێكی خۆشی گەشتیارییە و دەتوانن پشووی خۆیان لێرە بەسەر ببەن".

نیشانەکردن : مەلەك كۆچتۆبین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

شیخ محمد امین | 21/06/2018 05:05:15 م
برای خوشه ویستم ئه مه ده سکه وتیکی میژوییه بو گه لی کوردستان و پارتی و خه لکی کوردستان چه شنی ماسیو ئاون لیک جیاناکرینه وه ، پیم وایه باندی لاده ری...
دەستکەوتێکی دیکە بۆ پارتی و کوردستان
| 11 کاژێر لەمەو بەر | (1)
khoshi tahir | 20/06/2018 12:20:29 م
پيروزى بى هونةرمةندى گةورة دلشاد سةعيد 👏 چاويشمان رون ئةمةى كورد ☺
Kheder Shadman | 21/06/2018 01:02:49 م
کاک دڵشادێ خۆشه‌ویست و به‌ڕێز زۆر پێرۆزه خدر شادمان Graz
دڵشاد سەعید دکتۆرای لە میوزیکی کوردی وەرگرت
| دوێنێ کاژێر 02:15 | (3)
krekar | 20/06/2018 10:47:34 ص
دەست خۆشی بۆ مامۆستا لوقمان
رۆناڵدۆ باشترین یاریزانی گه‌ڕی یه‌كه‌می مۆندیاله‌
| 19/6/2018 | (1)
Mahmood | 20/06/2018 09:23:37 ص
کەمی هۆشیاری خەلک و سستی جێ بەجێ کردنی یاسا لە لایەن بەرپرسانی هاتووچۆ وەزعەکە گەیشتیتە رادەیەکی مەترسیدار ئاخەر کامیرا دانان چ سوودی دەبی لە کاتیکدا...
لە هەولێر بەهۆی شكاندنەوە سەر یەكدی بە ئۆتۆمبێل ، كەسێك كوژرا
| دوێنێ کاژێر 10:36 | (1)

لە بەشەکانی دیکەی رووداوەوە

جۆرە کرمێکی دەگمەن لە باڵەکایەتی دەدۆزرێتەوە 20 کاژێر لەمەو بەر |

جۆرە کرمێکی دەگمەن لە باڵەکایەتی دەدۆزرێتەوە

گوماندەکرێت جۆرێکی تۆمارنەکراوبێت و لەجیهاندا زۆرتر
لەبارەی لابردنی لەوزەتێن هۆشداری دەدرێ دوێنێ کاژێر 12:08 |

لەبارەی لابردنی لەوزەتێن هۆشداری دەدرێ

بەشێکن لە کۆئەندامی بەرگری زۆرتر
پسپۆڕێک بەبێ دەرمان گوشاری خوێنی نەخۆشەکانی دادەبەزێنێ دوێنێ کاژێر 11:25 |

پسپۆڕێک بەبێ دەرمان گوشاری خوێنی نەخۆشەکانی دادەبەزێنێ

پرۆگرامێکی ئاسان بۆ نەخۆشەکانی دادەنێ زۆرتر
0.406 seconds