وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

هەڤپەیڤین

"نەوشیروان مستەفا بەنیاز نییە بگەڕێتەوە كوردستان"

لەلایەن پشتیوان جەمال 3/1/2017
 نەوشیروان مستەفا، رێكخەری گشتیی بزووتنەوەی گۆڕان
نەوشیروان مستەفا، رێكخەری گشتیی بزووتنەوەی گۆڕان

رووداو - سلێمانی

جەمیل هەورامی، ئەندامی سەركردایەتیی یەكێتی لە باڵی "ناوەندی بڕیار" دەڵێت بێدەنگبوونی باڵەكەیان بۆ ئەوەیە بە هێمنی كێشەكانیان لەگەڵ باڵی "زۆرینە"چارەسەر بكەن.  هەروەها دەڵێت چاوەڕێی گەڕانەوەی د.بەرهەم ساڵح، جێگری سكرتێری دووەمی یەكێتی دەكەن بۆ ئەوەی هەفتەی داهاتوو ناوەندی بڕیار بۆ تاوتوێكردنی دۆخی یەكێتی كۆببێتەوە.

جەمیل هەورامی سەرەتای هەفتەی رابردوو لەگەڵ چەند سەركردەیەكی باڵی "ناوەندی بڕیار" سەردانی هێرۆ ئیبراهیم ئەحمەد، ئەندامی مەكتەبی سیاسی یەكێتییان كرد. هەورامی بە ئەرێنی باسی ئەو سەردانەی كرد و گوتی "رای هێرۆخان و پاڤڵ تاڵەبانیش ئیجابی بوو، كۆبوونەوەكەشمان ئومێدبەخش بوو".

جەمیل هەورامی لە هەڤپەیڤینێكدا لەگەڵ (رووداو) باسی هەنگاوەكانیان بۆ چارەسەری كێشەكانیان لەگەڵ باڵی زۆرینە دەكات. رەخنەش لە نەوشیروان مستەفا، رێكخەری گشتیی بزووتنەوەی گۆڕان دەگرێت كە لە پرسی سەرۆكی ئەنجوومەنی پارێزگای سلێمانیدا لایەنگر بووە. بۆ یەكگرتنەوەشیان لەگەڵ گۆڕان دەڵێت ئەگەر نیەت هەبێت بە شەش مانگ یەكدەگرنەوە.

 
لەسەر داوای هەڤاڵانمان و داوای ئێران بێدەنگ بووین

رووداو: چوار مانگە ناوەندی بڕیارتان راگەیاندووە، بەڵام خەریكە لە بیری خەڵك دەچێتەوە، بۆچی بێدەنگ بوون؟

جەمیل هەورامی: ناوەندی بڕیار ماوە و لە ئیشی خۆی بەردەوامە.

رووداو: بەڵام دەنگ و رەنگتان نەماوە؟

جەمیل هەورامی: هەندێك لە هەڤاڵان و ئۆرگانەكان و دۆستانیشمان كەوتوونەتە نێوانمانەوە، بۆیە ماوەیەكە چاوپێكەوتن و لێدوانمان كەمكردووەتەوە و ئومێدەوارین هەنگاوەكان بەرەو چارەسەركردنی كێشەكان بێت.

رووداو: بێدەنگیتان بەهۆی هەوڵە نێوخۆییەكانە، یان داوای ئێرانە، چونكە پێشتریش گوتەبێژەكەتان گوتی لەسەر داوای ئێران بێدەنگ بووین؟

جەمیل هەورامی: خۆیشمان و ئێرانیش، بەڵام زیاتر برادەرانی خۆمان پێیان باشە زۆر قسە نەكەین، بەڵكو بە هێمنی هەنگاو بۆ چارەسەر بنێین.


هیچ كۆبوونەوەیەكی تاكلایەنە بە كۆبوونەوەی شەرعی نازانین
رووداو: هەفتەی رابردوو سەركردایەتیی یەكێتی كۆبوونەوەی كرد، بۆچی بەشداریتان نەكرد؟


جەمیل هەورامی: بانگهێشتی كۆبوونەوەكە كرابووین، بەڵام بەشداریمان نەكرد، دوو ساڵیشە بەشداری كۆبوونەوەی سەركردایەتیمان نەكردووە، تەنیا بۆ كۆبوونەوەكەی رێككەوتنی یەكێتی و گۆڕان نەبێت. هیچ كۆبوونەوەیەكی تاكلایەنەش بە كۆبوونەوەی شەرعی نازانین.

رووداو: دوای ئەو كۆبوونەوەیە، لەگەڵ هێرۆ ئیبراهیم ئەندامی مەكتەبی سیاسی و پاڤڵ تاڵەبانی كوڕە گەورەی تاڵەبانی كۆبوونەوە، باسی چیتان كرد؟

جەمیل هەورامی: جەختمان لە چارەسەركردنی كێشەكان و پتەوكردنی ریزەكانمان كردەوە. وەكو خۆیشم ئەوەندەی تێبینیم كردووە لە هەردوولا ئیرادەیەك بۆ چارەسەری كێشەكان هەیە.

رووداو: گوترا هێرۆخان لەبەر دۆخی تەندروستی، نەچووەتە كۆبوونەوەكە، راستە؟

جەمیل هەورامی: نەخێر، لەبەر ئەوە بوو هەنگاوی زیاتر بۆ چارەسەری كێشەكان بنرێت.

رووداو: كۆبوونەوەكەی سەركردایەتی لەسەر داوای كێ بوو؟

جەمیل هەورامی: لەسەر داوای كاك مەلا بەختیار بوو، لەبەر ئەوەی كاك كۆسرەت و د.بەرهەمیش لێرە نەبوون.

هەڵوێستی ناوەندی بڕیار نەگۆڕاوە


رووداو: ئێوە تا ئێستا سێ راگەیەندراوتان بڵاوكردووەتەوە كە رەخنە لە دۆخی نێوخۆیی یەكێتی دەگرن، ئێستاش هەمان هەڵوێستتان هەیە؟

جەمیل هەورامی: بەڵێ.

رووداو: رەخنەكانتان چین؟

جەمیل هەورامی: یەكەم: نەبوونی ناوەندی بڕیار، چونكە زۆرجار بڕیار بەشێوەی تاكڕەوی دەدرێت. دووەم: داهاتی یەكێتی شەفاف نییە، چەندە و لە كوێیە و لای كێیە و چۆن خەرج دەكرێت. میدیاكانمان یەك گوتاری سیاسییان نییە كە تەعبیر لە رای یەكێتی بكات.

رووداو: باسی بڕیاری تاكلایەنەت كرد، زۆرجار دەڵێن لەنێو یەكێتیدا تەنیا هێرۆخان بڕیار دەدات، راستە؟

جەمیل هەورامی: هەر كەسێك بێت، كێشەكە ئەوەیە یەكێتی ناوەندی بڕیاری نەماوە و حورمەت لە بڕیاری یەكدی ناگرن.

رووداو: دارایی لای كێیە؟

جەمیل هەورامی: لە بنەڕەتدا مەكتەبی دارایی و ئیدارەی گشتیمان هەیە و دەبێت دارایی لەوێ كۆبكرێتەوە، بەڵام گومانمان هەیە ئەو داهاتەی یەكێتی هەیەتی، لەسەر ئیدارەی گشتی تاپۆ كرابێت و داوای لێكۆڵینەوەمان كردووە.


لە هەردوو باڵاكە ئیرادەیەك بۆ چارەسەركردنی كێشەكان هەیە
رووداو: دوای سەردانەكەتان بۆ لای هێرۆخان هیچ هیوایەك بۆ چارەسەری كێشەكان هەیە؟


جەمیل هەورامی: لەو سەردانەدا باسی كێشەكانی یەكێتی و كوردستان و پارچەكانی دیكەشمان كرد، ئەوە هەر سەردان بوو، نەچووینە نێو وردەكارییەكانەوە، بەڵام رای هێرۆخان و پاڤێڵ تاڵەبانیش ئیجابی بوو، كۆبوونەوەكەشمان ئومێدبەخش بوو.


جەمیل هەورامی، ئەندامی سەركردایەتیی یەكێتی لە باڵی "ناوەندی بڕیار"

رووداو: پەیامی هێرۆخانتان بە كۆسرەت رەسوڵ و د.بەرهەم گەیاند؟

جەمیل هەورامی: بە تەلەفۆن پێمانگوتوون، ئەوانیش پێشوازی لە هەر هەنگاوێكی ئیجابی دەكەن، چاوەڕوانی گەڕانەوەی كاك بەرهەمین بۆ ئەوەی هەفتەی داهاتوو وەكو ناوەندی بڕیار كۆبوونەوە بكەین بۆ باسكردنی ئەنجامی ئەو كۆبوونەوەیە لەگەڵ هێرۆخان و تاوتوێكردنی دۆخەكە.

رووداو: ماوەیەكە پاڤڵ تاڵەبانی وەكو دانوستاندنكاری باڵی "زۆرینەی یەكێتی" مامەڵە دەكات، رۆڵی لە چارەسەری كێشەكاندا چۆنە؟

جەمیل هەورامی: كاك پاڤێڵ كوڕی مام جەلالە و نزیكەی بیست رۆژە لە پەرۆشی خۆی هەوڵ دەدات بۆ یەكڕیزیی یەكێتی. سەرەتاش قسەی لەگەڵ دایكی كردبوو، دواتر دایكی رایسپاردبوو كە قسە لەگەڵ ئێمە بكات.

رووداو: ئەنجوومەنی ناوەند پڕۆژەیەكیان بۆ چارەسەری كێشەكان هەیە، ئێوە چۆن سەیری ئەو پرۆژەیە دەكەن؟

جەمیل هەورامی: ئەوانە پێشنیازن، بەڵام دڵخۆشكەر نین، لەبەرئەوەی دەستیان نەخستووەتە سەر كێشە سەرەكییەكان، ئاخۆ ناوەندی بڕیار لەنێو یەكێتیدا كێ دەبێت و چۆن بڕیار دەدرێت، ئەگەر هەر لایەكیش پێوەی پابەند نەبوو دەبێت چی بكرێت.

 
داوای لێكۆڵینەوەمان لە داهاتی یەكێتی كردووە

رووداو: واتە گفتوگۆی لەسەر ناكەن؟

جەمیل هەورامی: گفتوگۆی لەسەر دەكەین، بەڵام باسی هەموو كێشەكانی نەكردووە.

رووداو: پێشتر گوتەبێژی ئەنجوومەن گوتی 54 جار كۆبوونەوەمان لەگەڵ هەردوولا كردووە؟

جەمیل هەورامی: ئەوەندەی بزانم لیژنەكەیان بە رەسمی یەكجار هاتوون لەگەڵ كاك كۆسرەت و برادەران كۆبوونەتەوە، بەڵام رەنگە بە تاكە كەسی لەگەڵ هەڤاڵانی دیكە دانیشتبن.

رووداو: پڕۆژەكەیان لایەنگیری بۆ یەكێك لە دوو باڵەكەی پێوە دیارە؟

جەمیل هەورامی: لایەنگیری پێوە دیار نییە، رەنگە پێشنیازەكانیشیان چارەسەری 40%ی كێشەكان بكات، بەڵام كێشەی سەرەكی ئێمە پێش هەموو شتێك متمانەیە و دواتریش ناوەندێكی بڕیار.

رووداو: دەگوترێت ناوەندی بڕیار تەنیا بومەلەرزەیەكی سیاسی بوو، شكستی هێنا لە بەدیهێنانی داخوازیەكانی؟

جەمیل هەورامی: نەخێر شكستمان نەهێناوە و بومەلەرزەش نەبووە.


پاڤڵ تاڵەبانی لەلایەن هێرۆخانەوە راسپێردراوە قسە لەگەڵ ئێمە بكات
رووداو: هەفتەیەكە باسی یەكگرتنەوەی گۆڕان و یەكێتی گەرمە، لەو باوەڕەدان یەكێتی و گۆڕان یەكبگرنەوە؟


جەمیل هەورامی: پێشتر سەرسەختانە دژی گۆڕان بووم، بەڵام كاتێك دۆخی زۆنی سەوزم دەبینی لەو فەوزایەدا كە خەریك بوو ئاشتەوایی كۆمەڵایەتی تێكدەچوو، ئەمنییەتی ئابووری نەمابوو، سەرسەختانە پشتگیری یەكگرتنەوەی یەكێتی و گۆڕانم كرد لە جیاتی رێككەوتننامەی سیاسی، لەگەڵ ئەوە بووم رێككەوتننامەكە ببێتە هەنگاوێك بۆ یەكگرتنەوە، بەڵام دوای رێككەوتننامەكە، برادەرانی گۆڕان بەتایبەتیش كاك نەوشیروان لە ئاستی تموحی ئێمەدا نەبوو كە كاریگەریی هەبێت بۆ چارەسەركردنی كێشەكان.

كاك نەوشیروان لە 1976ەوە جێگر نەبووە، بەڵكو سكرتێری موكەڕەڕ بووە و خۆشەویست بووە لامان، تەسەورم دەكرد دوای رێككەوتننامەكە، كاریگەریی باشتری هەبێت لەسەر نزیكبوونەوەی زیاتری یەكێتی و گۆڕان و یەكگرتنەوەشمان، بەڵام بەداخەوە وا نەبوو.

رووداو: دوای رێككەوتننامەكە، بۆتان دەركەوت نەشیروان مستەفا مەیلی بۆ یەكگرتنەوە نییە؟

جەمیل هەورامی: نەك مەیلی بۆ یەكگرتنەوە نییە، بەڵكو لە جیاتی دانیشتن بۆ چارەسەری كێشەكان، دووركەوتەوە، بۆ نموونە لە پەیكەربەندیی نوێی ئەنجوومەنی پارێزگای سلێمانیدا، كاك نەوشیروان بووە لایەنگر و موراعاتی دۆخی یەكێتی و ناوەندی بڕیاری نەكرد. لە كۆبوونەوەی مەكتەبی سیاسی بڕیار درا ئەكرەم شەریف بكرێتە سەرۆكی ئەنجوومەن، بەڵام بۆ سبەی پەشیمان بوونەوە، ئەوەش بە بڕیاری هێرۆخان.

رووداو: دوای رێككەوتننامەكە، هیواتان بە یەكگرتنەوە هەبوو؟

جەمیل هەورامی: ساڵی رابردوو دوای گەڕانەوەی كاك نەوشیروان سەردانم كرد و قسەم لەگەڵ كرد و ئەو ئومێدەشم پێی هەبوو، بەڵام رۆیشتەوە بۆ لەندەن، ئەوەش لە دۆخێكی قەیراناویدا بەتایبەتی لە زۆنی سلێمانی كە چەندین كێشە هەبوون. لەوانە مەسەلەی ئاڵوگۆڕی پۆستی پارێزگارەكانی سلێمانی و هەڵەبجە، كێشەكانی یەكێتی، ئەوەش رێككەوتننامەكەمان بێ ئەوەی خاڵێكی جێبەجێ كرابێت، بۆیە ئەگەر لێرە بووایە رەنگە كاریگەری لەسەر چارەسەری كێشەكانی یەكێتی و یەكگرتنەوەكەش هەبووایە.

 
پڕۆژەكەی ئەنجوومەنی ناوەند دڵخۆشكەر نییە
رووداو: زانیاریتان سەبارەت بە گەڕانەوەی نییە؟


جەمیل هەورامی: ئەوەندەی لە برادەرانی گۆڕانم پرسیوە بەنیازی گەڕانەوە نییە.

رووداو: مانەوەی بۆ چارەسەری تەندروستییە؟

جەمیل هەورامی: نەخێر، چونكە ئەگەر بۆ چارەسەری تەندروستی بێت دەتوانێت لێرەش دەرمان بەكاربێنێ.

رووداو: ئەی بۆچی ئەو ماوەیە دووركەوتووەتەوە؟

جەمیل هەورامی: لە خۆی بپرسن.

رووداو: تۆ لەجێی نەوشیروان مستەفا بوویتایە چیت دەكرد؟

جەمیل هەورامی: كاك نەوشیروان دوای مام جەلال كاریزمای خۆی هەیە و خۆشمانویستووە و كاریگەری لەسەر یەكێتی و گۆڕانیش هەیە و دەیتوانی لە كوردستان بۆ چارەسەری كێشەكانی یەكێتی، دەوری خێر ببینێت.

رووداو: لەو باوەڕەدان باسی یەكگرتنەوەتان لەگەڵ گۆڕان بچێتە پێشەوە و بە فیعلی یەكبگرنەوە؟

جەمیل هەورامی: وای نابینم، گۆڕانیش هەرچەندە كۆبوونەوەی جڤاتی نیشتمانی و گشتی دەكەن، بەڵام لەنێو خۆیاندا رای جیاوازیان لەسەر یەكگرتنەوە هەیە. یەكگرتنەوەی یەكێتی و گۆڕان بە چارەسەری كێشەكانی یەكێتییەوە بەستراونەتەوە، پاشان بەرنامەیەك دابنێین و بڕۆینە كۆنگرە بەرەو یەكگرتنەوە.

رووداو: ئەگەر ئێستا دەست بە هەنگاوەكانی یەكگرتنەوە بكەن، چەندی پێدەچێت؟

جەمیل هەورامی: ئەگەر نیەت هەبێت بە شەش مانگ تەواو دەبێت.

رووداو: پەیامەكەی بارزانیت بۆ چارەسەری كێشەكان پێ چۆنە؟

جەمیل هەورامی: هەنگاوێكی باش بوو، چونكە ئەگەر لایەنەكان یەكدەنگ نەبین كێشەكان چارەسەر ناكرێن و هیچمان بە هیچ نابێت.

13506 ژمارەی بینین

 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Emir Doski | 21/02/2017 09:36:43 ص
Hîvîdarîn ew girê best ji di nava çaksazîyê dabît û horî dahatê wê bihête vegeandin bo nav xezîna hikûmeta herêmê
هەرێمی كوردستان و رووسیا گرێبەستێكیان واژۆكرد
| 2 کاژێر لەمەو بەر | (1)
كاوە | 20/02/2017 08:17:45 م
ئێران حسابی تەواوبووە لە ناوچەکەدا روژ دوای روژ بەرەو تەمەنی خۆرئاوابوون دەروات ناشتوانێت هیچ بکات دژ بە هەرێمی کوردستان تەنها ئەوە نەبێ قبولی بکات و...
سیروان | 21/02/2017 12:02:39 ص
ئێران پێش سەربەخۆیی کوردستان دەیهەوێ هەندێک ئیمتیاز وەربگرێ، چونکە پاش سەربەخۆیی دەستی ناکەوێ. وای دابنێین کوردستان سبەی سەربەخۆیی رابگەیەنێ، ئێران...
ئاڵای کوردستان لە تاران
| دوێنێ کاژێر 11:20 | (2)
كاوە | 20/02/2017 07:57:32 م
بە رای من ترامپ سەرکەوتوو نابێ جۆنکە، نەیزانی سیاسەت سیاسیی دەوێ نەك بزنسمان بە هیچ شتێکی سیاسی ئاشنا نیە تەنانەت نازانێت چۆن هاوسەنگی دەپارێزێت لە...
ترەمپ بەرامبەر دی سی
| دوێنێ کاژێر 01:10 | (1)
Azad Azad | 20/02/2017 07:54:25 م
به‌ڕاستی چیرۆگێگی دڵ ته‌زێنه‌ .....هه‌موڵاێك سوپاسی ڕوداوو ده‌كات بۆ كارێگی زۆر ئینسانی و كوردایه‌تی.
هاونیشتمانییەکی کەرکووک دوای 42 ساڵ لە سوودان دۆزرایەوە
| 17 کاژێر لەمەو بەر | (1)

لە بەشەکانی دیکەی رووداوەوە

 قائیمقامی کەرکووک یەکەم نووسراو بە زمانی کوردی دەردەكات 1 کاژێر لەمەوبەر |

قائیمقامی کەرکووک یەکەم نووسراو بە زمانی کوردی دەردەكات

رۆژی زمانی دایک پیرۆزدەكات زۆرتر
دوای دوو ساڵ زیندانی باسیمە دەروێش بێتاوان دەرچوو 1 کاژێر لەمەوبەر |

دوای دوو ساڵ زیندانی باسیمە دەروێش بێتاوان دەرچوو

بەتۆمەتی پێدانی زانیاری هەڵە بە پێشمەرگە زۆرتر
هەرێمی كوردستان و رووسیا گرێبەستێكیان واژۆكرد 2 کاژێر لەمەو بەر | (1)

هەرێمی كوردستان و رووسیا گرێبەستێكیان واژۆكرد

روسنەفت سێ ساڵ نەوتی هەرێمی کوردستان دەکڕێت زۆرتر
0.188 seconds