وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

هەڤپەیڤین

عەبدولستار مەجید: یەكگرتوو بڕیارێكی باشی نەدا بوو بە ئۆپۆزیسیۆن

لەلایەن رووداو 3/12/2018
عەبدولستار مەجید، ئەندامی مەكتەبی سیاسی كۆمەڵی ئیسلامی: پێمانباشە حكومەت لەسەر بنەمای خاڵ پێكبهێنرێت
عەبدولستار مەجید، ئەندامی مەكتەبی سیاسی كۆمەڵی ئیسلامی: پێمانباشە حكومەت لەسەر بنەمای خاڵ پێكبهێنرێت

رووداو - هەولێر

عەبدولستار مەجید، ئەندامی مەكتەبی سیاسی كۆمەڵی ئیسلامی كوردستان دەڵێت هێشتا پارتی بۆ مەسەلەی پێكهێنانی حكومەت قسەی لەگەڵ نەكردوون و پێشبینیش دەكات پێكهێنانی كابینەی نوێ‌ زۆر دوابكەوێ‌.

ئەم كابینەیەی حكومەت هەشت مانگی پێچوو هەتا پێكهێنرا، عەبدولستار مەجید لەو باوەڕەدایە پێكهێنانی كابینەی نوێ‌ زیاتر لەم كابینەیەی ئێستا دوابكەوێ‌، هۆكارەشی دەگەڕێنێتەوە بۆ "پەیوەندیی ساردوسڕی حیزبەكان، بەشێكیشی پەیوەندی بە كێشەی ناوخۆی حیزبەكانەوە هەیە".
پەرلەمانی كوردستان لە رۆژی 6/11/2018 كۆبووەوە، بەڵام بەهۆی رێكنەكەوتنی لایەنەكان لەسەر پێكهێنانی حكومەت، كۆبوونەوەكەی پەرلەمان بە كراوەیی هێڵدرایەوە، عەبدولستار مەجید پێیوایە فراكسیۆنەكانی پەرلەمان بەرپرسن لەو دۆخە، چونكە رازی بوون بە هێشتنەوەی كۆبوونەوەی پەرلەمان بە كراوەیی.

فراكسیۆنی كۆمەڵ لەگەڵ ئەو یاداشتەدا نەبوو كە لە یەكەم رۆژی كۆبوونەوەی خولی نوێی پەرلەمان هێنرابووە نێو پەرلەمان بۆ هێشتنەوەی كۆبوونەوەكە بە كراوەیی. عەبدولستار مەجید دەڵێت: "ئێمە لەگەڵ هێشتنەوەی كۆبوونەوەكانی پەرلەمان بووین بۆ ماوەیەكی دیایكراو، پێموابوو یەك مانگ مۆڵەت بدەینە لایەنەكان، ئەگەر لەو ماوەیەدا رێكنەكەوتن سەرۆكایەتی پەرلەمان كۆببێتەوە و سەرۆكایەتی هەڵبژێرێ‌ و لێژنەكان دابنێ‌".

كۆمەڵی ئیسلامی هەرزوو سەرۆكی فراكسیۆنەكەی لە پەرلەمان دیاری كرد، لە خولی رابردوودا سۆران عومەر، سەرۆكی فراكسیۆن بوو، لەو خولەدا ئەگەرچی سۆران عومەر زۆرترین دەنگی لیستەكەی هێنا. بەڵام بە بڕیاری حیزب، عەبدولستار مەجید كرایە سەرۆكی فراكسیۆن. عەبدولستار مەجید لەوبارەیەوە دەڵێت: "بەپێی پەیڕەوی ناوخۆی حیزب دانانی سەرۆكی لیست بۆ هەڵبژاردنەكان لەلایەن سەركردایەتییەوە یەكلادەكرێتەوە. دیاریكردنی سەرۆكی فراكسیۆنیش هەر لە سەركردایەتی یەكلادەكرێتەوە".

كابینەی رابردوو بنكەفراوان بوو، بەڵام كۆمەڵ و گۆڕان لە نیوەی رێگا بەجێیانهێشت، یەكگرتووی ئیسلامیش بەدوای ئەواندا، بەرپرسانی پارتی لە لێدوانەكانیاندا دەڵێن حكومەتێكی بنكەفراوان دروست ناكەن، بەڵام حكومەتی زۆرینەش نابێ‌.

بەرپرسەكەی كۆمەڵی ئیسلامی دەڵێت: "حكومەتی بنكەفراوان پێكنایەت، چونكە دوو فراكسیۆن لە ئێستاوە رایانگەیاندووە كە دەبنە ئۆپۆزیسیۆن، كەواتە حكومەتی داهاتوو زۆرینە دەبێ‌" بەڵام دەڵێت :"هەڵەیە كە بگوترێ‌ حكومەتی بنكەفراوان شكستخواردوو بووە، هۆكاری دیكە هەبوون كە سەركەوتوو نەبوو، لەوانەش حیزبی دەسەڵاتدار دەستی لە كاروباری حكومەت و پەرلەمان وەردەدا". 

عەبدولستار مەجید نایشارێتەوە كە ئەوانیش ئەوكاتەی لە حكومەت بوون، بایی ئەوەندە دەستیان لە كاروباری حكومەت وەرداوە: "بەڵام كۆمەڵ پەرلەمانی دانەخستووە، یان وەزیرەكانی حیزبێك لە حكومەت دەربكات".

كۆمەڵ چ جۆرە كابینەیەكی دەوێت؟ عەبدولستار مەجید دەڵێت: "ئێمە پێمانباشە ئەو حكومەتەی پێكدەهێنرێ‌، حكومەتێكی خزمەتگوزاری بێ‌، ئەگەر ئێمە تێیدابین یان تێیدا نەبین، حەز دەكەین حكومەتەكە سەركەوتوو بێ‌". 

عەبدولستار مەجید كە لەو كابینەیە وەزیری كشتوكاڵ بوو، بەهۆی بڕیاری حیزبەكەیەوە ناچار بوو دەست لەكار بكێشێتەوە، ئەو پێیوایە هەرچەندە باری ئابووریی كوردستان جیاوازە لە رابردوو، بەڵام حیزب لێناگەڕێ‌ حكومەت سەركەوتوو بێ‌ "ئەگەر حكومەت لە چنگی حیزب رزگاری نەبێ‌، پەرلەمانیش كارا نەبێ‌، ئەو حكومەتە وەكو رابردوو حیزب ئاراستەی دەكات".

هەریەك لە نەوەی نوێ‌ و یەكگرتووی ئیسلامی كوردستان رایانگەیاندووە كە بەشداری حكومەتی نوێ‌ ناكەن و دەبنە ئۆپۆزیسیۆن، بەڵام كۆمەڵ هێشتا خۆی یەكلایی نەكردووەتەوە. عەبدولستار مەجید پێیوایە "یەكگرتوو بڕیارێكی باشی نەدا كە بوو بە ئۆپۆزیسیۆن".

سەرۆكی فراكسیۆنی كۆمەڵ دەڵێت: "تا ئەم لەحزەیە بڕیارمان نەداوە بەشداری حكومەت بكەین، بڕیاریشمان نەداوە ئۆپۆزیسیۆن بین. هەر كاتێك ئەو لایەنەی كە رادەسپێردرێ‌ بۆ پێكهێنانی حكومەت سەردانی كۆمەڵی ئیسلامی كرد و داوای لێكرد بەشداری بكات و بەرنامەی خۆی هێنا بۆ چوار ساڵی داهاتوو، ئەوكات بڕیار دەدەین".

سەبارەت بە ئیستیحقاقی كۆمەڵی ئیسلامی لە كابینەی داهاتوو، عەبدولستار مەجید دەڵێت :"جارێ‌ گفتوگۆ نەكراوە، بەڵام دوو رێگە هەیە، یان رێككەوتنی سیاسی، یان خاڵ، ئێمە ئەوەی دووەمیان بە گونجاو دەزانین، چونكە ئەم رێگەیە لە دادگەرییەوە نزیكە".

كۆمەڵی ئیسلامی و بزووتنەوەی گۆڕان لە رابردوودا لە زۆر پرسدا هاوڕابوون، بە یەكەوە بڕیاریاندا لە حكومەت بكشێنەوە، ئێستاش دەگوترێ‌ یەك پاكێجیان هەیە بۆ ئەوەی بەشداری لە حكومەت بكەن، یان ببنە ئۆپۆزیسیۆن.

عەبدولستار مەجید لەوبارەیەوە گوتی: "بۆ بارودۆخی ئێستا هەماهەنگیمان هەیە، بەڵام هیچ رێككەوتنێكمان نییە بۆ بەشداریكردن لە حكومەت یان ببینە ئۆپۆزیسیۆن. لێكتێگەیشتنمان هەیە كە رەنگە وا باش بێ‌ بەیەكەوە بەشداری حكومەت بكەین، یان ببینە ئۆپۆزیسیۆن".

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : حکومەت
1459 ژمارەی بینین

 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rizgar Khoshnaw | 10/12/2018 09:03:40 ص
هه‌ زار ڕه حمه ت له گۆڕتان بەشیر موشیر و مامۆستا نه به ز .
Rebwar | 10/12/2018 12:48:56 م
Ruhhy ba bahasht shadbet
رەسمەن ئینفیسالی بوو
| دوێنێ کاژێر 10:13 | (2)
Hawas kakaey | 10/12/2018 10:20:17 ص
توركمانه كان پشتيان به توركيا قايمه ،مه سيحيه كان پشتيان به ئه مريكا قايمه ، ئه ى كاكه يى داماو پشت به كى ببه ستيت بو ئه وه ى وزاره تى ...
رووداو پشکی پارتی و یەکێتی و گۆڕان لە کابینەی نۆیەم ئاشکرا دەکات
| دوێنێ کاژێر 08:52 | (1)
كاميران بامه رنى | 09/12/2018 01:52:07 ص
وهگرتنی خه لاتی روزنه مه وانی UN پیروزت بئت هه رسه رکه وتوییت. بابه ته که ت زور گرنگ و له جئگا و کاتی خویدایه هیفیدارم لایه نه به رپرس و هه مو کوردیک...
فرهاد | 10/12/2018 09:28:46 ص
كاك مةجيد دةستت خوش بةراستي ئةوةى جنابت و نامو لةو جةند سالةى رابردوو كردتان تايبة ت لة ماوةى شةرى داعش بة ناسان\نى كور ئةو بة ناو فةرمانكةى...
ئەو دەرفەتەی کە کورد خەریکە لەدەستی دەدات
| 5/12/2018 | (9)
ئەختیار یارئەحمەد بەگ | 09/12/2018 10:26:56 ص
زۆر بە داخەوە بۆ دواماڵئاوایی گەورە پیاو مامۆستای خەمخۆری ڕاستەقینەی خەباتی کوردایەتی دکتۆر جەمال نەبەز. هەموومان مەبەستم نوخبەی ڕۆشنفکر، خەمخۆرانی...
Rizgar Khoshnaw | 10/12/2018 09:11:52 ص
بلیمه تێک ماڵ ئاوایی لێ کردین ، ڕۆحت شاد .
پرۆفیسۆر د.جەمال نەبەز کۆچی دواییکرد
| 8/12/2018 | (4)

لە بەشەکانی دیکەی رووداوەوە

 ئەمساڵ لە ئەمریکا ژمارەی حاڵەتەکانی ئیفلیجی منداڵان زیادیکردووە 5 کاژێر لەمەو بەر |

ئەمساڵ لە ئەمریکا ژمارەی حاڵەتەکانی ئیفلیجی منداڵان زیادیکردووە

د. تۆماس کلاک: نەخۆشیی ئیفلیجی منداڵان دەگمەنە، زۆرتر
 نەخۆشخانەی چارەسەری قوربانییانی کیمیابارانی هەڵەبجە دەکرێتەوە دوێنێ کاژێر 11:24 |

نەخۆشخانەی چارەسەری قوربانییانی کیمیابارانی هەڵەبجە دەکرێتەوە

لە مانگی داهاتوو دەستبەکارکردن لە نەخۆشخانەکە زۆرتر
0.172 seconds