وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

كێن ئه‌وانه‌ی دژی گشتپرسین؟

لەلایەن رێبوار کەریمی 12/9/2017
 رێبوار کەریمی
رێبوار کەریمی

''نه‌خێرگوتن به‌ ڕێفراندۆم''  و ''نه‌خێرگوتن ‌‌له‌ ڕێفراندۆمدا'' دوو شتی جیاوازن! ‌‌

''نه‌خێرگوتن به‌ ڕێفراندۆم'' ڕێگاكه‌ی بایكۆتكردنی رێفراندۆمه‌. ئه‌مه‌ ماف و ده‌رفه‌تێكی ڕه‌وا و دێمۆكراتیكه‌ بۆ ناڕازییه‌كان له‌ پڕۆسه‌ی سیاسیی هه‌رێمی کوردستان و كارنامه‌ی كاره‌ساتباری حیزبه‌ حاكمه‌كانی چاره‌كه‌ سه‌ده‌ی ڕابردووی كوردستانە.

به‌ڵام، ''نه‌خێرگوتن له‌ ڕێفراندۆمدا''، - كاتێك پرسیاره‌كه‌ پێوه‌ندیی به‌ پرسی سه‌روه‌ریی نه‌ته‌وه‌یه‌كه‌وه‌ هه‌یه‌-، دوور و نزیك، هیچ پێوه‌ندییه‌كی به‌ پڕۆسه‌ی سیاسی و كایه‌ی دێمۆكراسیی ناوخۆیی هه‌رێمه‌وه‌، نییه‌. نه‌خێرگوتن له‌ ڕێفراندۆمدا، هه‌ڵوێستێكی سیاسییه‌ ڕوو به ‌دنیا، به‌رامبه‌ر به‌و پرسیاره‌ی ئایا ده‌ته‌وێ خه‌ڵكی كوردستان خاوه‌ن سه‌روه‌ری بن، یان ده‌ته‌وێ هه‌ر ئه‌و شوێنگه‌یه‌یان هه‌بێ كه‌ به‌درێژایی مێژووی ناوچه‌كه‌، عه‌ره‌ب و عه‌جه‌م و تورك پێی ڕه‌وا بینیون‌؟ نه‌خێرگوتن له‌ ڕێفراندۆمدا، ده‌نگدانه‌ به‌مه‌ی دووهه‌میان. 

به‌بڕوای من ئه‌وانه‌ی خوازیاری ''نه‌خێرگوتن به‌ ڕێفراندۆم''ن، زۆربه‌ی زۆریان كه‌سانی دڵسۆز و نیه‌تپاكن، كه‌ ته‌نیا نائومێدی و نادڵنیایی له‌ نیازی پارتی و بارزانی –به‌ پله‌ی یه‌كه‌م-، و هه‌روه‌ها ترس له‌ ئاكامه‌ نه‌خوازراوه‌كانی ڕێفراندۆم، وایان لێده‌كا به ‌ڕێفراندۆم بڵێن نه‌خێر. له‌ ناو ئه‌م ته‌یفه‌دا كه‌سانی وای تیایه‌ كه‌  ده‌یان ساڵه‌ '' سه‌ربه‌خۆیی نه‌ته‌وه‌یی'' هه‌وێنی خه‌ون و خه‌باتی سیاسی و ڕۆشنبیرانه‌یان بووه‌. زۆر له‌مانه ئه‌وانه‌ن كه‌‌ كاتی خۆی له‌ لایه‌ن ''حوكمی ژاتی- خوازه‌كانه‌وه''‌، به‌ ناواقعی و ساویلكه‌ و ته‌نانه‌ت ئاژاوه‌گێڕ‌ له‌قه‌ڵه‌م ده‌دران. ئه‌مان ئێستا و داهاتووش، كۆڵه‌كه‌یه‌كی شیاوی پشت پێبه‌ستنی گه‌ل و نیشتمانن. جه‌وهه‌ری ڕه‌خنه‌ی ئه‌م گرووپه‌ ئه‌وه‌یه‌ كه‌ بنیاته‌ سیاسییه‌ لاوازكراوه‌كانی كوردستان و ئابوورییه‌كی داته‌پیو و، گه‌لێكی دڵشكاو و ماندوو، به‌رگه‌ی ته‌وژمه‌ نه‌خوازراوه‌كانی هه‌نگاونان بۆ سه‌ربه‌خۆیی ناگرن. ڕه‌خنه‌ی ئه‌مان ڕه‌خنه‌یه‌كی بنیاتمه‌نده‌. هه‌ڵبه‌ت جگه‌ له‌ به‌شداری له‌ گفتوگۆ گشتییه‌كاندا، كارتی سیاسیی ده‌ست ئه‌مان بۆ ڕووبه‌ڕووبوونه‌وه‌ له‌گه‌ڵ واقعی ڕێفراندۆم، ته‌نیا به‌شدارینه‌كردنه: بایكۆت‌.

به‌ڵام ئه‌وانه‌ی گرووپی دووهه‌م، ئه‌وانه‌ی ده‌یانه‌وێ به‌شداری بكه‌ن و له‌ ڕێفراندۆمدا بڵێن ''نه‌خێر''؛ ده‌كرێ ئه‌مان، به‌سه‌ر سێ پێڕدا دابه‌شیان بكه‌ین: 

پێڕێكیان ئه‌وانه‌ن كه‌ له‌ باشترین حاڵه‌تدا ''نه‌خێرگوتن به‌ ڕێفراندۆم'' و ''نه‌خێرگوتن له‌ ڕێفراندۆمدا''  تێكه‌ڵ دەکەن‌‌. ئه‌مان شیاوی دیالۆگ و، به‌ئاگاهێنانه‌وه‌ن له‌وه‌ی كه‌‌‌‌ كورد گوته‌نی؛ دۆ و دۆشاویان تێكه‌ڵ كردووه‌.

پێڕی دووهه‌م، ئه‌وانه‌ن كه‌ نانیان له‌ نه‌خێرگوتندایه‌ له‌ ڕێفراندۆمدا. ئه‌مان یان ئه‌وانه‌ن كه‌ قازانجی بازرگانییه‌ گه‌وره‌كانیان به‌ هۆی ڕیسكی ڕێفراندۆم و ئاكامه‌كانیه‌وه‌ زیانی پێ ده‌گات، یان ئه‌وانه‌ن كه‌ به‌ پارووی حه‌رامی ده‌زگا ئیستخباراتییه‌كانی ده‌وڵه‌تانی ده‌وروبه‌ر ده‌میان چه‌ور بووه‌ و، قورمیش كراون. بۆ ئه‌مان، نه‌خێرگوتن له‌ ڕێفراندۆمدا، هه‌ڵبژاردنێكی ئابوورییه‌.

پێڕی سێهه‌م، ئه‌وانه‌ن كه‌ هه‌ڵبژاردنێكی ئایدیۆلۆژیكیان كردووه‌. بۆ ئه‌وان، عێراقی چاره‌كه ‌سه‌ده‌یه‌ك دوای ئه‌نفال و جینۆسایدی خه‌ڵكی كوردستان، شامی شه‌ریفه‌ و چیتر له ‌مه‌داری ئه‌قڵ و بیركردنه‌وه‌یاندا شتێك به‌ناوی پرسی نه‌ته‌وه‌یی و ترسی دووپاتبوونه‌وه‌ی ڕابردوو، بوون و بایه‌خی نه‌ماوه‌. هه‌ربۆیه‌ به‌ڕووهه‌ڵمالڕاوییه‌وه‌ ته‌نانه‌ت تانه‌ی نه‌ژادپه‌ره‌ستیش له‌وانه‌ ده‌ده‌ن كه‌ دروستكردنی كیانێكی سه‌ربه‌خۆ بۆ به‌رگرتن له‌ دووپاتبوونه‌وه‌ی ئه‌نفال و جینۆسایده‌كانی داهاتوو، به‌پێویست ده‌زانن. 

له‌ ڕوانگه‌ی سیاسییه‌وه‌، ئه‌م پێڕه‌ی سێهه‌م، له‌ پێڕی دووهه‌م نزیكتره‌ تا له‌ پێڕی یه‌كه‌م. واته‌، ئه‌مان سه‌ره‌ڕای هه‌موو ساویلكه‌ییه‌كی سیاسی، به‌ڵام گێل نین. ئه‌مان سیاسه‌ت ئه‌كه‌ن، به‌ڵام سیاسه‌تێك كه‌ - پێ بزانن یان نه‌زانن – ته‌نیا ئاوده‌كاته‌ ناو ئاشی نه‌ته‌وه‌ باڵاده‌سته‌كانی ناوچه‌كه‌ و له‌وێشه‌وه‌، ئامانجه‌ سیاسیه‌كانی ده‌وڵه‌ته‌ داگیركه‌ره‌كانی كوردستان ده‌پێكێت. هه‌ڵبه‌ت ئه‌مان ئه‌گه‌ر له‌پای هه‌ڵوێسته‌كانیاندا، هیچ نه‌بێ وه‌ك پێڕی دووهه‌م، نان و نه‌وایه‌كیشیان پێ ببڕایه‌، هێشتا هه‌ڵبژاردنه‌ سیاسییه‌كه‌یان زۆر ئاوه‌زمه‌ندانه‌تر ده‌بوو له‌وه‌ی ئاوا له‌ خۆڕایی و به‌لاش، پرسی نه‌ته‌وه‌یه‌ك بۆ پرسی بارزانی چكۆله‌ بكه‌نه‌وه‌ و، ناڕاسته‌وخۆ‌ ببنه‌ خزمه‌تكارێكی چكۆله‌ی هه‌مان ''ئه‌جندای بارزانی''! 

ئه‌وه‌ی ئێستا بووەته‌ خاڵی هاوبه‌شی هه‌موو ئه‌و گرووپ و پێڕانه‌ی سه‌ره‌وه‌‌، ئه‌وه‌یه‌ كه‌ تێكڕای ئه‌و ته‌یفه‌ جیاجیایانه‌ی لاگری ڕێفراندۆمن، به‌ خزمه‌تكاری ''ئه‌جندای بارزانی'' له‌قه‌ڵه‌م ده‌ده‌ن. به‌م شێوه‌یه‌ش سوپایه‌كی گه‌وره‌ی نه‌ته‌وه‌یی بۆ بارزانی تۆكمه‌ و ته‌یار ده‌كه‌ن! ژیرانه‌تر وا بوو كه‌ نه‌یارانی ڕێفراندۆم ڕووكاری پرسه‌كه‌یان وا ساده‌ نه‌كردایه‌ته‌وه‌. له‌ هه‌ر حاڵدا هیچ نه‌بێ بۆ ئه‌و لایه‌نه‌ی كه‌ لاگری ڕێفراندۆم و سه‌ربه‌خۆیین، وا باشه‌ كه‌ ئه‌و پۆلێنكاری و جیاكارییه‌ی سه‌ره‌وه‌ له‌ نێوان لایه‌نه‌كانی ناڕازی له‌ ڕێفراندۆم له‌به‌رچاو بگرن، تا ده‌رفه‌تی دیالۆگ، وه‌ك تاكه‌ به‌ستێنی هه‌وڵدان بۆ لێكگه‌یشتن له‌ كوردستاندا، به‌ پارێزراوی بمێنێته‌وه‌. نیشتمان هی هه‌موومانه‌ و، له‌سه‌ر كه‌س تاپۆ نه‌كراوه و، ناشكرێت! 

نیشانەکردن : گشتپرسی
3232 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 21/06/2018 09:10:09 م
ده‌ست خۆشی له‌ خه‌ڵكی خانه‌قینی به‌شه‌ره‌ف ده‌كه‌م به‌ڕاستی ساحێب هه‌ڵویستی مه‌ردانه‌و و كوردانه‌ی خه‌ڵكی كوردستانن حه‌قی وایه‌ ئه‌مڕۆ له‌ كه‌ركوك و...
خانەقینییەکان داوای گەڕانەوەی پێشمەرگە دەکەن
| دوێنێ کاژێر 11:27 | (1)
شیخ محمد امین | 21/06/2018 05:05:15 م
برای خوشه ویستم ئه مه ده سکه وتیکی میژوییه بو گه لی کوردستان و پارتی و خه لکی کوردستان چه شنی ماسیو ئاون لیک جیاناکرینه وه ، پیم وایه باندی لاده ری...
احمد حسن زێڕۆ | 21/06/2018 08:25:27 م
ده‌ستخۆش دكتۆر ئه‌وانه‌ی دوێنێ ویستیان ده‌نگی پێشمه‌رگه‌ بسوتێنن له‌ سه‌ر تیڤیه‌كان هاواریان ده‌كرد و ده‌یان ووت ( ئه‌مڕۆ ڕۆژی له‌ دایكبوونی...
دەستکەوتێکی دیکە بۆ پارتی و کوردستان
| دوێنێ کاژێر 07:06 | (2)
Kheder Shadman | 21/06/2018 01:02:49 م
کاک دڵشادێ خۆشه‌ویست و به‌ڕێز زۆر پێرۆزه خدر شادمان Graz
ئەنوەر سوڵتانی | 21/06/2018 08:18:01 م
پیرۆز بێت و سەرکەوتی گەورەتری بەشوێندا بێت. بریا مامۆستای بەڕێزمان هەوڵێکی بدایە یەکەمین ئۆپێڕای کوردی لە سەر ئەساسی بەیتی دمدم یان خەج و سیامەند و...
دڵشاد سەعید دکتۆرای لە میوزیکی کوردی وەرگرت
| 20/6/2018 | (4)
krekar | 20/06/2018 10:47:34 ص
دەست خۆشی بۆ مامۆستا لوقمان
رۆناڵدۆ باشترین یاریزانی گه‌ڕی یه‌كه‌می مۆندیاله‌
| 19/6/2018 | (1)

لە بەشەکانی دیکەی رووداوەوە

پێکوتەیەکی نوێ دژی شێرپەنجەی مێشک تاقیدەکرێتەوە 9 کاژێر لەمەو بەر |

پێکوتەیەکی نوێ دژی شێرپەنجەی مێشک تاقیدەکرێتەوە

تەمەنی تووشبووان درێژدەکات زۆرتر
جۆرە کرمێکی دەگمەن لە باڵەکایەتی دەدۆزرێتەوە دوێنێ کاژێر 10:00 |

جۆرە کرمێکی دەگمەن لە باڵەکایەتی دەدۆزرێتەوە

گوماندەکرێت جۆرێکی تۆمارنەکراوبێت و لەجیهاندا زۆرتر
لەبارەی لابردنی لەوزەتێن هۆشداری دەدرێ دوێنێ کاژێر 12:08 |

لەبارەی لابردنی لەوزەتێن هۆشداری دەدرێ

بەشێکن لە کۆئەندامی بەرگری زۆرتر
0.39 seconds