وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

هەڤپەیڤین

فەرەیدوون عەبدولقادر: داوای دەستپێشخەری لە کاک مەسعود و پارتی دەکەم

لەلایەن سەرباز سیامەند 18/6/2017
فەرەیدون عەبدولقادر بەشداری لە بەرنامەی رووداوی ئەمڕۆ کرد.

رووداو- هەولێر

فەرەیدون عەبدولقادر دەڵێت، بۆ سەرخستنی پرۆسەی گشتپرسی دەبێت پارتی پشت بە هەموو هێزەکان ببەستێت. داواش دەکات سەرۆکی هەرێمی کوردستان دەستپێشخەرییەکی دیکە بکات.

فەرەیدون عەبدولقادر، ئەندامی پێشووی مەکتەبی سیاسی یەکێتیی نیشتمانیی کوردستان بەشداری لە بەرنامەی رووداوی ئەمڕۆی تۆڕی میدیایی رووداو کرد.

لە یەکێتیدا دوو رای جیاواز هەن

فەرەیدون عەبدولقادر باسی لەوەکرد "لەنێو یەکێتی رایەکی زۆرینە هەیە بۆ ئەنجامدانی گشتپرسی و رایەکیش هەیە، کە دەڵێت هەموو هێزەکان بۆ سەرخستی پرۆسەکە کۆبکەینەوە و پەرلەمان کارابکەینەوە. پەرلەمانی کوردستان لە پلەی دووەمە، کاراکردنەوەشی گرنگە، بەڵام یەکێتی و پارتی رێککەوتنێکیان کردووە لەسەر ئەوەی چۆن پەرلەمان کارابکەنەوە".

فەرەیدون عەبدولقادر گوتیشی "قسە لەسەر ئەوە ناکەم لەنێو یەکێتیدا کێ باڵادەستە، بەڵام شتێکی زۆر روون لەنێو یەکێتیدا هەیە، کە کێشە و گیروگرفت هەیە و د‌وو را و بۆچوونی جیا هەن. رایەک هەیە لە کۆبوونەوەکاندا لەگەڵ پارتی و لە سەردانەکانیشدا بە روونی بۆچوونی خۆی دەربڕیوە و نوێنەری یەکێتیش بوون بە حیساب. بەهەموو توانا پشتیوانیان لە گشتپرسی کردووە. رایەکی دیکەش هەیە کە هەمان رای گۆڕانە و داوا دەکات دەبێت پەرلەمان کارابکرێتەوە و دەڵێ ئەوە مەرجە بۆ گشتپرسی".

لەباری داخستنی دەرگای گفتوگۆ بەڕووی یەکدیدا، فەرەیدون عەبدولقادر گوتی "نابێت پرۆسەی لەیەکدی تێگەیشتن داببڕین و لەشوێنێكدا کۆتایی پێبێنین. چونکە رۆڵەی یەک میللەتین، یەک دۆزی هابەشمان هەیە و هەموومان لە زیانەکان و قازانجەکانی بەرپرس و بەشدارین".

ئەندامەکەی پێشووی مەکتەبی سیاسی یەکێتی باسیشی لەوەشکرد "زەمانێک هەموومان عەقڵمان پێنەشکاوە و شەڕمان لەگەڵ یەکدی کردووە. زەمانی کاڵفامی جوڵانەوەی کورد هەقە کۆتایی پێهاتبێت. هەموومان لە کاڵفامیا، لە رێزنەگرتن لە بیروڕای یەکدی تووشی کارەسات و وەیشوومەکانی شەڕی ناوخۆ بووین".

فەرەیدون عەبدولقادر گوتیشی "گۆڕان و یەکێتی دەبێت لەو دۆخی ئەمڕۆمان تێبگەن. چونکە هێشتان دەوڵەت نین و نازانین کەی و چۆن پلانێکمان لێدەگێڕن و فیدراڵیەتەکەمان لێ تێکدەدەن".

ئەندامەکەی پێشووی مەکتەبی سیاسی یەکێتی هۆشداریدا لەوەی مەترسییەکان بەکۆتا نەهاتوون و دەڵێت "هێشتان لەژێر هەژموونی عێراق و تورکیا و ئێرانداین، لەمانە دەربازمان نەبووە، لە پیلان و لە نیازی خراپی هیچ لایەکیان دەربارەی ئازادی و سەربەستی و سەربەخۆیی کورد دەربازمان نەبووە".

"هێشتا دوو زۆنی سەوز و زەرد هەن"

ئەندامەکەی پێشووی مەکتەبی سیاسی یەکێتی ئەوەی نەشاردەوە کە "لە پێشکەوتن و بەدامەزراوەکرنی کوردستان دەربازمان نەبووە. پێویستە ئاوڕێک لە هەموو ئەو قۆناخە و ئەرکەکانمان بدەینەوە. هێشتا لە هەرێمی کوردستاندا واقیعێک هەیە کە دوو زۆنی سەوز و زەرد هەن. هەرچەندە سەرۆکایەتیی هەرێمی کوردستان و ئەنجومەنی وەزیران و پەرلەمانی کوردستان هەبووە، نەیتوانیوە یەک زۆن بەدیبهێنێت".
 
فەرەیدون عەبدولقادر گوتیشی "داوای ئەوە لە پارتی و کاک مەسعود دەکەم دەستپێشخەرییەکی وا بکەن کە پەرلەمان کارابکرێتەوە. دەبێت هێڵی سوور لەسەر ئەوە دابنرێت کە دەڵێن دەبێت سەرۆکایەتیی هەرێمی کوردستان وای لێ بکرێت و وای لێ بکەین. کارێکی باش نییە دەستکاری سەرۆکایەتی هەرێمی کوردستان بکرێ".

فەرەیدون عەبدولقادر گوتیشی"کاک مەسعودم بۆ سەرۆکی هەرێمی کوردستان پێباشترە لە هەر کەسێکی دیکە، بۆ ئەم دۆخەی ئێستا. کاک مەسعود بە فەرمی و غەیرە فەرمی سەرۆکایەتیی ئەم هەرێمە دەکات، سەرۆکی وڵاتان و پەرلەمانتاران و سەرۆکی حیزبەکان و کۆمپانیاکان و جەنەڕاڵی بیانییەکانی هەموو ناسیووە، ئەمە سەروەتێکە چۆن بیگۆڕمەوە بە کەسێکی ناشارەزا، لەکاتێکدا من هێشتا دەوڵەت نیم و دەمەوێت کاربکەم بۆ سەربەخۆیی وڵات و میللەتەکەم".

داڕشتنەوە: حەکیم داود

نیشانەکردن : گشتپرسی
6090 ژمارەی بینین

 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Slemanpasha | 22/05/2018 01:11:10 م
قسەکەی ماموستا زۆر ڕاستە فیسبوک وانترنیت لە کوردستان بۆتە تێکدانی شیرازەی خێزان وکۆمەلگا .
Azad Azad | 23/05/2018 10:38:40 ص
خه‌ڵكه‌كه‌ی تۆڕه‌ كۆمه‌ڵایه‌تیه‌كانی كوردستان زۆر شتی نامۆ و نادروستیان دیوه‌ له‌ هه‌ندێك مامۆستای ئاینی بۆ یه‌ هه‌مو وه‌ره‌قه‌كان ناتوانن له‌یه‌ك...
تاهیر بامۆکی: لە خودا بترسن ئەوە کچمە
| 22/5/2018 | (3)
شیخ محه مه د ئه مین | 21/05/2018 06:45:27 م
سه ربازی ریبازی پیروزی کوردایه تی و پیشمه رگه ی سه نگه ری نه گوری" قه له م " ئازاده پیاوی بویری به ئیمانی خوشه ویست ؛ هه لویسته پر له شه هامه ت و...
ڕێناس | 22/05/2018 12:15:29 م
تۆ نوسەرێکی جیهانی، سوپاس بۆ خوای گەورە ئێمەش تۆماس فریدمانێکمان هەیە
حیزبەكانی سلێمانی لەكوێ هەڵەیان كرد؟
| 21/5/2018 | (5)
شیخ محمد امین | 22/05/2018 05:09:20 ص
ده ستت خوش بی هه ربژی "هودهودی" خوش خه به ری کورد ، دلی ئیمه ت پر کرد له هومید و هیواو زیندووت کردینه وه ؛ بریا کاربه ده ستانی کورد هه نگاوی به...
دلشاد سابلاغ | 22/05/2018 08:21:00 ص
وێرای ده‌ست خۆشی شکم له دلسۆزی و بیر و رای زانستی کاک مه‌جید نیه ، به‌ڵآم به بڕوای من دانی زانیاری له‌و چه‌شنه و رێگا نیشان دان به کار به‌ده‌ستانی...
پلانێكی نوێی ئەمریكا بۆ كەركووك
| 21/5/2018 | (3)
Azad Azad | 22/05/2018 05:16:18 ص
به‌ڕێزان خاوه‌نی ئیمارات حوشتره‌ له‌وان بۆ..!!! نه‌وتیان دۆزیه‌وه‌ په‌نایان بۆ ئه‌مه‌ریكا و غه‌رب برد وڵاتیان بۆ دروست كات ئه‌وه‌ش به‌چاوی خۆمان...
ئیمارات یاسای نوێی وەبەرهێنان دەردەکات
| 21/5/2018 | (1)

لە بەشەکانی دیکەی رووداوەوە

دەکرێ بە حەب جێگەی کرێمی دژەخۆر بگرینەوە؟ 6 کاژێر لەمەو بەر |

دەکرێ بە حەب جێگەی کرێمی دژەخۆر بگرینەوە؟

دەزگای خۆراک و دەرمانی ئەمریکی روونکردنەوە دەدات زۆرتر
رۆژانە خواردنی هێلکەیەک تووشبوون بە نەخۆشی دڵ کەمدەکاتەوە 21 کاژێر لەمەو بەر |

رۆژانە خواردنی هێلکەیەک تووشبوون بە نەخۆشی دڵ کەمدەکاتەوە

توێژینەوەیەکی چینی دەریخستووە زۆرتر
خالید شوانی: پۆستی سەرۆککۆمار پشکی یەکێتییە دوێنێ کاژێر 01:31 |

خالید شوانی: پۆستی سەرۆککۆمار پشکی یەکێتییە

باسی نێوەڕۆکی کۆبوونەوەی پارتی و یەکێتی دەکات زۆرتر
0.375 seconds