وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

راکان جبووری: تاوەکو دڵنیانەبینەوە لە دۆخی کەرکووک سوێندی پەرلەمانتاری ناخۆم

لەلایەن مستەفا گۆران 3/11/2018
"خاڵە گومرگییەکان پرسێکی ئیتحادییە و حکومەت دایناوە"

رووداو-بەغدا

پارێزگاری بەوەکالەتی کەرکووک رایدەگەیێنێت، تاوەکو لە دۆخی کەرکووک دڵنیانەبمەوە سوێندی یاسایی لە پەرلەمانی عێراق ناخۆم. گوتیشی: "خاڵە گومرگییەکان پرسێکی ئیتحادییە و پارێزگار دەسەڵاتی بەسەردا ناشکێتەوە".


راکان سەعید جبووری پارێزگاری بە وەکالەتی کەرکووک لەم خولەی پەرلەمان عێراق، لەپارێزگای کەرکووکەوە و لەسەر لیستی هاوپەیمانی عەرەبی هەڵبژێردرا، بەڵام تاوەکو ئێستا سوێندی یاسایی پەرلەمانتاری نەخواردووە.

رووداو: کەی سوێندی یاسایی وەک پەرلەمانتار دەخۆی؟

راکان جبووری: پێمان باش بوو سەرەتا بەپێی توانا، دڵنیابینەوە لە دۆخی کەرکووک و تاوەکو ئەو کاتەش سوێندی یاسایی ناخۆم. 

رووداو: ئێستا لە کەرکووک کیشەی زەوی هەیە لە نێوان کورد و عەرەب، کە بەگوێرەی نووسراوی ئێوە زەوی لە کورد دەسەندرێتەوە، چی دەکەن بۆ چارەسەری ئەو کێشەیە؟

راکان جبووری: بەڕێککەوتن لەگەڵ حیزب و لایەنە سیاسییەکانی سەرجەم پێکهاتەکان لیژنەیەکمان پێکهێناوە، دەبێ لەماوەی 15 رۆژدا سەرجەم رێنماییەکان جێبەجێ بکرێن و بەیاسا کێشەکان چارەسەر بکرێن. 

رووداو: لە نێوان کەرکووک و شارەکانی هەرێمی کوردستان گومرگ داندراوە، ئەوەش ناڕەزایی درووستکردووە، کەی هەڵدەگیرێن؟

راکان جبووری: بۆچی هەڵبگیرێت؟ خاڵە گومرگییەکان پرسێکی ئیتحادییە و پارێزگار دەسەڵاتی بەسەردا ناشکێتەوە، لە ناوچەی باکووری سەفڕە خاڵی گومرگی نەبووە بەهەمان شێوە لە موسڵ، تکریت و کەرکووک، بۆیە حکومەت بڕیاریدا لەم ناوچانە خاڵی گومرگی دابمەزرێنێت. ئەمەش بڕیارێکی حکومەتی ناوەندییە، ئێمەش دەسەڵاتمان بەسەریانەوە نییە.

رووداو: کێ دەبێتە پارێزگار، ئەگەر تۆ سوێندی یاسایی بخۆیت وەک پەرلەمانتار؟ ئایا کورد دەبێ یان عەرەب و چۆن دادەندرێت؟

راکان جبووری: میدیا چۆنی بیەوێت ئاوا بێت..... یەکەم شت ئێمە نازانین چۆن دەبێت. ئەمە دەگەڕێتەوە سەر پرسی تەوافوقی نێوان لایەنەکان و پێویستی بەدیالۆگ هەیە. 

رووداو: کۆنفرانسێکتان سازکردووە لەسەر کێشەکانی کەرکووک، ئەو کێشانە چۆن چارەسەر دەبن؟

راکان جبووری: لە گوتارەکەی ئەمڕۆماندا بانگهێشتی لایەنەکانمان کرد بۆ ئەوەی لەڕێگەی دیالۆگ کێشەکان چارەسەر بکرێن. خۆسەپاندن و کاری نایاسایی بێهوودەبوو سەرینەگرت و بووە هۆی سەرهەڵدانی کێشەی گەورە. ئەمڕۆ تاکە رێگای بەردەممان دیالۆگە بۆ ئەوەی هەموو پێکهاتەکانی کەرکووک لەسەر مێزی گفتوگۆ دابنیشن لە فەزایەکی نیشتمانی، چونکە زۆربەی چارەسەرییەکان نیشتمانین و ئامانجی سەرەکی ئەم دیالۆگانەش دیدێکی نیشتمانی بگیرێتەبەر، کە مافی سەرجەم پێکهاتەکان بەبێ جیاکاری پارێزراو بێت. 

رووداو: بۆچی کورد بەشداری ئەو کۆنفرانسەی ئەمڕۆتان نەبوو؟

راکان جبووری: پێموایە رێکخەرانی فیستیڤاڵەکە، لایەنی کوردییان بانگهێشت نەکردووە، وەک دەزانن زۆربەی ئەندامانی ئەنجوومەنی پارێزگای کەرکووک ئەندامی گردبوونەوەی کۆماری عەرەبین و لەنێو ئەم هەموو لێدوانە دژبەیەکەدا، گردبوونەوەی کۆماری پێی باشبوو دەستپێشخەر بێت لە پێدانی پەیامی نیشتمانی و هەموولایەک بانگهێشتی دیالۆگ بکات. نەوەک لە کۆنگرەیەکدا بەشداری بکەن.  

داڕشتنەوە؛ عومەر شایان

نیشانەکردن : کەرکووک , کوردستان ,

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Srur barzani | 11/02/2019 03:00:29 م
زۆر سوپاسی ئەم مامۆستایە و برایە دەکەم بە راسی ئەوە کارێکە کە بۆ کەسێک و دوو کەس نیە بۆ میلەتێکە ئەو کارە ئینشاللە بە هیوای سەرکەوتن و کاری باشتر و...
گەنجێک هەوڵدەدات شێوەزاری سۆرانی بۆ گوگڵ زیادبکات
| 11/2/2019 | (1)
hershhaji | 11/02/2019 02:53:55 م
باشە لێرەدا پرسیار ئەوە یە ئەی چۆن بڕوانامەی پۆلی ۱۱ و۱۲یان داوەتێ ؟؟؟؟
قوتابییەك لە زانكۆوە دەگەڕێندرێتەوە ئامادەیی
| 11/2/2019 | (1)
Rebwar | 11/02/2019 01:53:12 م
Dastxosh
پارتی دەبێ خۆی لەو داوە رزگار بكات
| 11/2/2019 | (1)
Adnan sherwani | 11/02/2019 12:16:27 م
كاك قوباد باسی لیڤەرپول دەكات لە بەر ئەوەی زۆر دەناڵێنن لە دەستی گەورەكەی ئینگلتڕا ولە 24 مانگ دوبارە لێتان دەبەینەوە لە ناو ئۆلتڕافۆرد
قوباد تاڵه‌بانی: سندان له‌ لیڤه‌رپوول
| 10/2/2019 | (1)

لە بەشەکانی دیکەی رووداوەوە

جەواد زەریف بۆ رووداو: پەیوەندییەکی ئابووری باشتر لەگەڵ کوردستان بنیاددەنێین 5 کاژێر لەمەو بەر |

جەواد زەریف بۆ رووداو: پەیوەندییەکی ئابووری باشتر لەگەڵ کوردستان بنیاددەنێین

"کۆبوونەوەیەکی زۆر باشمان لەگەڵ راوێژکاری زۆرتر
خەوی باش، سیستەمی بەرگری جەستە بەهێزدەکات 14/2/2019 |

خەوی باش، سیستەمی بەرگری جەستە بەهێزدەکات

سیستەمی بەرگری وەڵامدانەوەی باشترە زۆرتر
دەرمانێکی نوێ بۆ چارەسەری خەمۆکی پەسند دەکرێت 14/2/2019 |

دەرمانێکی نوێ بۆ چارەسەری خەمۆکی پەسند دەکرێت

بەشێوەی سپڕای لووت بەکاردەهێنرێت زۆرتر
0.219 seconds