وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

مەتین كوژرا و خۆشەویستەكەشی خۆی حەشارداوە

لەلایەن شکار ئەحمەد 3/12/2018
دوای ساڵێك و شەش مانگ هێشتا بكوژەكانی مەتین نەگیراون
دوای ساڵێك و شەش مانگ هێشتا بكوژەكانی مەتین نەگیراون

رووداو – هەولێر

كەسوكاری گەنجێك دوای ساڵێك و شەش مانگ دەیانەوێت دادگایی تۆمەتبارانی كوشتنی كوڕەكەیان لە هەولێرەوە بگوازرێتەوە بۆ سلێمانی، چونكە وەك خۆیان دەڵێن تاوەكو ئێستا 26 جار بانگكراون بۆ دانیشتنی دادگا و دانیشتنەكە نەكراوە.


لەنێو ئۆتۆمبێلەكەیدا كوژرا

شەوی 3/6/2017 گەنجێك بەناوی مەتین بەدەل مستەفا لە شارۆچكەی سۆران و لەنێو ئۆتۆمبێلەكەی خۆیدا بە گوللـەیەكی دەمانچە كوژرا و كەسوكارەكەشی پرسەیان بۆ دانەنا، تاوەكو تۆمەتبارەكانی كوشتنی كوڕەكەیان سزا نەدرێن. بەدەل مستەفا بە (رووداو)ی راگەیاند: "ساڵێك و حەوت مانگە وێنە و بیرەوەرییەكانی كوڕەكەم دێتە بەرچاو، ئەو كوڕی گەورە و پشت و پەنام بوو، لەپێناوی خۆشگوزەرانیی خێزانەكەمان وازی لە خوێندن هێنا و لەگەڵ من فیتەری دەكرد، بەڵام بەناهەق كوشتیان و ماڵیان وێرانكردم".

بەدەل مستەفا لەبارەی كوشتنی كوڕەكەی دەڵێ‌: "كوڕەكەم چوار ساڵ بوو پەیوەندی ئەڤینداری لەگەڵ كچێك هەبوو، چەند جارێك لەگەڵ كەسوكارەكەی دانیشتین و داوامان كرد ئەم دوو خۆشەویستە بەیەك بگەن، بەڵام ئەوان رەتیانكردەوە و لەبەرامبەردا هەڕەشەی كوشتنیان لە كوڕەكەم دەكرد، تەنانەت مامێكی كچەكە پێیگوتم ئامادەم 500 هەزار دۆلار بدەم بۆ كوشتنی كوڕەكەت، لە كۆتاییشدا هەر كوشتیان".

بەدەل مستەفا زانیاری زیاتر لەبارەی كوژرانی كوڕەكەی ئاشكرا دەكات و دەڵێت: "ئەوان لەگەڵ بەرپرسێكی ئەمنی ئەوكات كۆببوونەوە و رێككەوتبوون، ئەویش شەوی 3/6/2017 كارمەندێكی خۆی و كەسێكی دیكەی ناردبووە سەر رێگەی كوڕەكەم و لەنێو ئۆتۆمبێلەكەیدا كوشتیان". 

گوتیشی: "ئەوەی كوڕەكەمی كوشتووە، هیچ خزمایەتییەكی لەگەڵ ماڵی كچەكەدا نییە، دەڵێت لەسەر داوای بەرپرسەكەی چووەتە سەر رێگەی كوڕەكەم و كوشتوویەتی".

بنەماڵەی مەتین پرسەیان بۆ كوڕەكەیان دانەنا و پێیانوایە كوڕەكەیان تیرۆر كراوە، باوكی مەتین گوتی: "چاومان لەدەستی یاسا بوو مافمان وەربگرێتەوە، لەبەرئەوەی غەدرێكی زۆر گەورە لە مەتین و ئێمەش كرا، بۆیە پرسەمان دانەناوە و هەركاتێك یاسا رۆڵی خۆی بینی، ئەوكات ئێمەش پرسە دادەنێین".

بەگوتەی باوكی مەتین، هەرچەندە تۆمەتبارەكان هەڵاتوون، بەڵام هەڕەشەی كوشتنیان لە كچەكەی خۆشیان كردووە: "رۆژێك كچەكە چووبووە سەر گۆڕی كوڕەكەم، بەڵام كەسوكارەكەی هەڕەشەی كوشتنیان لێكردبوو، بۆیە هاتبووە لای ماڵی براكەم و ئاگاداری كردبوونەوە، ئەوانیش ناردبوویان بۆ شوێنێكی پارێزراو كە ماڵی كەسایەتییەكی كۆمەڵایەتییە و ئێستاش لەوێ داڵدەدراوە".

لەسەر رووداوەكە چەند كەسێك دەستگیركران و دواتر ئازادكران، بەدەل مستەفا دەڵێت: "باوك و چەند مامێكی كچەكە، هەروەها بەرپرسە ئەمنییەكە و ئەو چوار كەسەش كە كوڕەكەمیان كوشت دەستگیركران، هەموو شتێك لە دادگا هەیە، ئەوان لە وتەكانیاندا دانیان بە تاوانەكەیاندا ناوە، بەڵام بەرپرسە ئەمنییەكە دوای 13 رۆژ و ئەوانی دیكەش دوای 5 مانگ بە كەفالەت ئازادكران".

باوكی مەتین بەتەواوی لە دادگا بێهیوا بووە و دەڵێت: "دادگا وەك ئەوەیە كە كاركردنی لەسەر كەیسی كوڕەكەم راگرتبێت، چونكە دوای ئازادكردنی تۆمەتبارەكان بە كەفالەت، هێشتا هیچ دانیشتنێكی دیكەی دادگا لەسەر كەیسەكە بەڕێوەنەچووە، تاوەكو ئێستا 26 جار لە سۆرانەوە بانگێشتكراوین بۆ دادگایی تۆمەتبارەكان، بەڵام ئەوان ئامادە نابن و دادگاش دوایدەخات، بە رۆژی رووناك غەدرمان لێدەكرێت. تەنانەت دوایین جار دادوەرێك پێیگوتم باشترە خۆت واستە بكەی، چونكە ئەوان خەڵكی پلەدار لەناو حكومەت زۆر دەناسن و دادگا ناتوانێت دادگایی ئەو كەسانە بكات".

بەدەل مستەفا چیتر بڕوای بەو دادگایە نەماوە و دەیەوێت بیگوازێتەوە سلێمانی، ئەو گوتی: "زیاتر لە مانگێكە لەڕێگەی دوو پارێزەرەكەمانەوە داوامان پێشكەش كردووە كە كەیسی كوشتنی كوڕەكەم بگوازرێتەوە سلێمانی، بەڵكو لەوێ بتوانین مافی خۆمان وەربگرینەوە، بەڵام هێشتا نەگوازراوەتەوە و چاوەڕوانین بەڵكو لەوێ دادگا كاری خۆی بكات".

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rizgar Khoshnaw | 10/12/2018 09:03:40 ص
هه‌ زار ڕه حمه ت له گۆڕتان بەشیر موشیر و مامۆستا نه به ز .
Rebwar | 10/12/2018 12:48:56 م
Ruhhy ba bahasht shadbet
رەسمەن ئینفیسالی بوو
| 10/12/2018 | (2)
Hawas kakaey | 10/12/2018 10:20:17 ص
توركمانه كان پشتيان به توركيا قايمه ،مه سيحيه كان پشتيان به ئه مريكا قايمه ، ئه ى كاكه يى داماو پشت به كى ببه ستيت بو ئه وه ى وزاره تى ...
رووداو پشکی پارتی و یەکێتی و گۆڕان لە کابینەی نۆیەم ئاشکرا دەکات
| 10/12/2018 | (1)
كاميران بامه رنى | 09/12/2018 01:52:07 ص
وهگرتنی خه لاتی روزنه مه وانی UN پیروزت بئت هه رسه رکه وتوییت. بابه ته که ت زور گرنگ و له جئگا و کاتی خویدایه هیفیدارم لایه نه به رپرس و هه مو کوردیک...
فرهاد | 10/12/2018 09:28:46 ص
كاك مةجيد دةستت خوش بةراستي ئةوةى جنابت و نامو لةو جةند سالةى رابردوو كردتان تايبة ت لة ماوةى شةرى داعش بة ناسان\نى كور ئةو بة ناو فةرمانكةى...
ئەو دەرفەتەی کە کورد خەریکە لەدەستی دەدات
| 5/12/2018 | (9)
ئەختیار یارئەحمەد بەگ | 09/12/2018 10:26:56 ص
زۆر بە داخەوە بۆ دواماڵئاوایی گەورە پیاو مامۆستای خەمخۆری ڕاستەقینەی خەباتی کوردایەتی دکتۆر جەمال نەبەز. هەموومان مەبەستم نوخبەی ڕۆشنفکر، خەمخۆرانی...
Rizgar Khoshnaw | 10/12/2018 09:11:52 ص
بلیمه تێک ماڵ ئاوایی لێ کردین ، ڕۆحت شاد .
پرۆفیسۆر د.جەمال نەبەز کۆچی دواییکرد
| 8/12/2018 | (4)

لە بەشەکانی دیکەی رووداوەوە

 سێیەمین کۆنفرانسی نێودەوڵەتی زانکۆی هەولێری پزیشكی بەردەوامە دوێنێ کاژێر 10:38 |

سێیەمین کۆنفرانسی نێودەوڵەتی زانکۆی هەولێری پزیشكی بەردەوامە

بە سپۆنسەری میدیایی تۆڕی میدیایی رووداو زۆرتر
ئەمڕۆ لە سلێمانی و شەممە لە دهۆک پشكنینی بەشداربووانی ئەنتیتۆباکۆ دەکرێت دوێنێ کاژێر 09:47 |

ئەمڕۆ لە سلێمانی و شەممە لە دهۆک پشكنینی بەشداربووانی ئەنتیتۆباکۆ دەکرێت

ئەنتیتۆباکۆ زاراوەیەکی تەندروستی جیهانییە و بە زۆرتر
پشکنینی بەشداربووانی ئەنتیتۆباکۆ دەستپێدەکات 12/12/2018 |

پشکنینی بەشداربووانی ئەنتیتۆباکۆ دەستپێدەکات

ژمارەی بەشداربووان 9000 کەسی تێپەڕاندووە زۆرتر
0.25 seconds