وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

جووتیارانی کەرکووک دژی تەعریبکردنی گوندەکانیان خۆپیشاندانیان ئەنجامدا

لەلایەن رووداو 4/12/2018
نزیکەی 500 هەزار دۆنم زەوی کورد و تورکمانی کەرکووک داگیرکراوە

رووداو - کەرکووک

بەشێک لە جووتیارانی کەرکووک کە لە نەتەوەی کورد و تورکمان و عەرەب پێکهاتبوون، لەبەردەم دیوانی پارێزگای کەرکووک، دژی تەعریبکردنی گوندەکانیان و دەستبەسەرداگرتنی زەوییەکانیان گردبوونەوەیەکی ناڕەزایەتییان ئەنجامدا.

هیوا حوسامەدین، پەیامنێری رووداو لە کەرکووک رایگەیاند "نیوەڕۆی ئەمڕۆ (سێشەممە 4-12-2018) نزیکەی 200 بۆ 300 جووتیار کە لە نەتەوەی کورد و عەرەب و تورکمان پێکهاتوون گردبوونەوەیەکی ناڕەزایەتیان لەبەردەم دیوانی پارێزگای کەرکووک ئەنجامدا، ئەوانە خاوەنی زەوین، بەڵام لەلایەن عەرەبی هاوردەوە دەست بەسەر زەوییەکانیاندا گیراوە".

ئەو خۆپیشاندان و گردبوونەوانەی ئەو جووتیارانە دوای زنجیرەیەک بڕیاری راکان سەعید، پارێزگاری بەوەکالەتی کەرکووک دێت، لەسەر تەعریبکردنی گوندە کوردستانییەکانی سنووری پارێزگای کەرکووک، هاوکاتیشە لەگەڵ ئەو بەیاننامەیەی کە چەند رۆژێک پێش ئێستا یەکێتی نیشتمانی کوردستان دەریکردبوو و، ئاماژەی بۆ ئەوەکردبوو ئەگەر راکان سەعید دەست لەوکارانە هەڵنەگرێت، رەنگە شەقام بجووڵێنن، بەڵام وەک پەیامنێری رووداو دەڵێ "ئەمانەی ئەمڕۆ هاتوون، زیاتر جووتیارانی خەڵکی ناحیەکانی: شوان، داقووق، دووبز و سەرگەڕانن".

یەکێک لەو خۆپیشاندەرانەی بەشداری خۆپیشاندانەکەی کردبوو بە تۆڕی میدیایی رووداوی راگەیاند "ئێمە وەکو خەڵکی گوندی مەتارە هاتووین داوای مافەکانی خۆمان دەکەین، دێیەکەمان داگیرکراوە و یەک مەتر زەویمان بۆ نەماوە، لە ناوچەی تاڵەبانی هیچ دێیەک وەکو دێیەکەی ئێمە ستەملێکراو نییە، لە 16ـی ئۆکتۆبەرەوە دێیەکەمان داگیرکراوە".

 

 

نزیکەی 500 هەزار دۆنم زەوی کورد و تورکمانی کەرکووک داگیرکراوە

هەرچەندە لە بڕیاری ژمارە چواری ماددەی 140ـی عێراقدا لە ساڵی 2007 بڕیاری هەڵوەشاندنەوەی گرێبەستی ئەو عەرەبە هاوردانە درا کە خاکی کەرکووکییەکانیان داگیرکردووە، بەڵام ئێستا جارێکی دیکە کار بۆ کارپێکردنەوەی ئەو گرێبەستانەی سەردەمی حکومەتی بەعس دەکرێت.

ئێستا کورد و تورکمان و تەنانەت عەرەبە رەسەنەکانی کەرکووک، چاویان لە حکومەتی عادل عەبدولمەهدییە بۆ ئەوەی مافەکانیان بۆ بگەڕێنێتەوە دژی بەعەرەبکردن لە سنووری کەرکووک.  

عیرفان کەرکووکی، سەرۆکی پارتی گەلی تورکمانی بە تۆڕی میدیایی رووداوی راگەیاند "بەشیر، تازە، تۆخماغڵو، لەیلان، چەرداغلو و بڵاوا و چەند ناوچەیەکی دیکەی تورکماننشین و قزڵیار، کە ناوچەیەکی هاوبەشی کورد و تورکمانە بەر شاڵاوی تەعریب کەوتوون و تاوەکو ئێستا چارەسەرێک نەدۆزراوەتەوە".

هاوکات مەهدی موبارەک، بەڕێوەبەری لەکارلادراوی فەرمانگەی کشتوکاڵی کەرکووک بە رووداوی راگەیاند "لەدوای 16ـی ئۆکتۆبەری2017ـوە، تەعریبکردنی کەرکووک دەستیپێکردووەتەوە و، ئەمساڵ نزیکەی 95%ـی زەویی کشتوکاڵی کورد و تورکمانی کەرکووک نەکێڵراون، کە نزیکەی 500 هەزار دۆنم دەبێت".

لەماوەی کەمتر لە مانگێکدا راکان جبووری، پارێزگاری کەرکووک بەوەکالەت نزیکەی پێنج فەرمانی بۆ گەڕاندنەوەی عەرەبە هاوردەکان دەرکردووە، ئەمەش ناڕەزایی لای کورد و تورکمان لێکەوتووەتەوە.

تەعریب لە کەرکووک:

- یەکەم پرۆسەی تەعریب لە کەرکووک لە ساڵی 1934 دەستیپێکرد

- لە ساڵی 1975بەدواوە بە کردەیی جێبەجێ کرا

- لە 1975-1980 دەست بەسەر 300 هەزار دۆنم زەوی کورددا گیرا

- لە هەشتاکاندا دەیان گوندی کوردستانی کورد و تورکماننشین وێرانکران، دوو هەزار گرێبەستی کورد و تورکمان هەڵوەشێندرانەوە  و عەرەبی ناوەڕاست و باشوور هێنرانە سەر زەوییەکان

- ساڵی 1993 بەبڕیارێکی لیژنەی کاروباری باکوور دەست بەسەر 900 هەزار دۆنم زەویدا گیرا

- پێنج هەزار و 326 گرێبەست لەلایەن عەرەبەوە لەسەر زەوی کورد و تورکمان واژۆکران

- بە گشتی 50%ی زەوی کەرکووک بەر شاڵاوی تەعریب کەوت

- لەدوای 2003ـوە کورد و تورکمان نزیکەی 95%ی خاکی خۆیان وەرگرتەوە

- لەدوای 16ـی ئۆکتۆبەری2017 جارێکی دیکە تەعریب دەستیپێکردەوە

- ئێستا زیاتر لە 95%ـی زەوییە کشتوکاڵییە کوردستانییەکان نەکێڵدراون کە نزیکەی 500 هەزار دۆنم دەبێت

 

 

 

داڕشتنەوە: هەڵات رێبوار


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 21/02/2019 12:18:33 م
ده ستخوش پروفیسور دلاوه ر به راستی ده ستت بردوته هه ناوی کیشه کانه وه ؛ با ده و له تداره کان که لک له م نوسینه به نرخه وه رگرن .
Lawk | 21/02/2019 01:37:42 م
بەرێزم باسی سیستەمێکی دیموکراسی لە وڵاتێکی دیکتاتۆریداکارێکی دروست نییە. ئەمە ئەگەر لە کەناڵی bbc بەریتانی باسی بکەیت بەهەرحاڵ. بەڵام برام لێرە باسی...
لامەركەزی بە دروومانێكی خۆماڵی
| 21/2/2019 | (2)
مادی ئومێد | 21/02/2019 08:48:38 ص
ووتارێکی زۆر بەجێیە ،،پەڵپ و بیانووی ئەوان هەندە بێکەڵک ە و روون و ئاشکرا مەبەستەکانیان دیارە ...پارتی یەک رێگای لەپێشە هەندە بایەخیان پێنەدات ....
سیری جەلالی و زوڕنای گەل
| 18/2/2019 | (1)
Azad Azad | 19/02/2019 08:13:54 م
خودای گه‌وره‌ خائین و خاك فرۆش رسوا كات.
عەبادی داوای پاراستنی سەقامگیریی کەرکووک دەکات
| 19/2/2019 | (1)
Zhino assad | 16/02/2019 10:06:03 م
شيكاريةكى زور واقعيانة ،،،،،،، نوسةريكى بةتوانا
حزبەكانی باشوور لەبەردەم وەرچەرخانی نەوەكاندا
| 15/2/2019 | (1)

لە بەشەکانی دیکەی رووداوەوە

رێككەوتنی واشنتن و پەكین نرخی نەوت بەرز دەكاتەوە؟ 20 کاژێر لەمەو بەر |

رێككەوتنی واشنتن و پەكین نرخی نەوت بەرز دەكاتەوە؟

ئیدارەی ترەمپ تەنیا چین بە هۆكاری كورتهێنانی زۆرتر
جێنیفێر لۆپێز وازهێنانی لە شەکر رادەگەیێنێت دوێنێ کاژێر 06:21 |

جێنیفێر لۆپێز وازهێنانی لە شەکر رادەگەیێنێت

جەستەی ئالوودەبووە بە شەکر زۆرتر
نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن دوێنێ کاژێر 03:09 |

نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن

هیچ یاسایەکی نێودەوڵەتی نییە بۆ پاراستنی ئەو زۆرتر
0.344 seconds