وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

فازڵ میرانی: کورد مەرجی بۆ کۆنفیدراڵی هەیە

لەلایەن رەنجە جەمال 7/10/2017
فازل میرانی، سکرتێری مەکتەبی سیاسیی پارتی

رووداو - هەولێر

فازڵ میرانی، سکرتێری مەکتەبی سیاسیی پارتی رایدەگەیێنێ، لەگەڵ یەكێتی بەنیازی رێککەوتنێکی نوێن، رێککەوتنەکەش لەپێناو بەرژەوەندی کورد و کوردستان دەبێت. لەبارەی قۆناخی داهاتووش کە زۆرجار باسی سیستەمی فیدارڵی دەکرێت میرانی دەڵێت: "کۆنفیدراڵی باشە بەمەرجێک حاکمەکەی بەغدا بە خەشیممان نەزانێ، ئەگەر دان بە دەوڵەتی کوردیدا بنێن لەسەر کۆنفیدراڵی قسەیان لەگەڵ دەکەین".

فازل میرانی، سکرتێری مەکتەبی سیاسیی پارتی دیموکراتی کوردستان، لەکاتی بەشداریکردنی لە پرسەی مام جەلال لە شاری هەولێر، لە وەڵامی پرسیارێکی تۆڕی میدیایی رووداودا رایگەیاند: "ئێمە لە دۆخێکداین پێویستمان بە یەکڕیزی و ئاشتەوایی سیاسی هەیە، پێویستمان بەوەیە پیشانی خەڵکی بدەین کە ئێمە خاوەنی ئەرزی خۆمانین، هەڵەیەکی وا گەورەمان نەکردووە جیهان وا لێمان زیزبێت، بەڵکو پرۆسەیەکی دیموکراتیمان ئەنجامداوە، مافی میللەتانیش دەستێنرێت، کەس ماف بە کەس نادات".

میرانی پێیوایە ئەو کەلێنە بەهۆی کۆچی دوایی مام جەلال دروست بووە، "تەنیا بە ئاشتەوایی سیاسی پڕدەبێتەوە، لەپێش هەموو شتێکیش یەکێتی لەنێو خۆیدا ببێتە یەک و ببێتە هاوپەیمانی پارتی و هێزە سیاسییەکانی دیکە".

سەبارەت بە رێککەوتننامەی ستراتیژی نێوان پارتی و یەکێتی، سکرتێری مەکتەبی سیاسی پارتی دەڵێت: "لە کۆبوونەوەیەکی پێشتر باسی ئەوەمان کردووە کە ئێمە و یەكێتی بەنیازی رێککەوتنێکی تازەین".

سەبارەت بە شێوازی رێککەوتنەکەش فازڵ میرانی رایگەیاند: "رێککەوتنەکە بەهەمان شێواز نابێت، چونکە بارودۆخەکان گۆڕاون، بارودۆخی خودی و بابەتی گۆڕاوە، بەدڵنیاییەوە رێککەوتنەکەی ئێمە و یەکێتی لەپێناوی بەرژەوەندی کورد و کوردستان دەبێت و بەو هیوایەشم هێزەکەی لە رێککەوتنەکەی پێشوو بەهێزتر بێت".

لەبارەی رێککەوتنێکی گشتگیریش لەنێوان سەرجەم لایەنەکان فازڵ میرانی دەڵێت: "ئەگەر ئەوە بکرێت باشترە، بەرەی کوردستانی زیندوو دەکەینەوە".

سەبارەت بە دروستکردنی ئەنجوومەنی سیاسی کوردستان - عێراق، سکرتێری مەکتەبی سیاسی پارتی دەڵێت: "ئەوە ئەنجوومەنێکی سیاسییە، بەشێک بە بەلاش خۆیان لێ زیزکردووە، ئەوە ئەنجوومەنی سرکردایەتی شۆڕش نییە لە عێراق وەکو دەگوترێت، ئەسڵی ئەو بیرۆکەیە 10 بۆ 15 ساڵ پێش ئێستا هی برادەرانی یەکگرتوو بوو، کە ئەنجوونێکی سیاسی بەرزمان هەبێت بۆ دانانی سیاسەتی باڵا، ئەوەی پێویستە لەڕووی یاساییەوە بۆ پەرلەمانی بنێرێت، ئەوەی رێککارییە بۆ حکومەتی بنێرێت، ئەوەش تەنیا راوێژی بووە و هیچ هێزێکی بڕیاری نەبووە، بەڵام بۆ بەرژەوەندی گشتی بوو".

لەبارەی دەستپێشەخەری وڵاتان و بەدیاریکراویش فەرەنسا، فازڵ میرانی دەڵێت: "ئێمە هیچ دەستپێشخەرییەک رەتناکەینەوە، ئێمە پەیڕەوانی هێزی لۆژیکین نەک لۆژیکی هێز، چونکە لۆژیکی هێز لۆژیکێکی کاتییە و رژێمی پێشووی عێراقیش بە هێز قسەی لەگەڵ دراوسێیەکان و گەلی خۆی دەکرد، لەکۆتاییشدا بینیمان چارەنووسی چی بەسەرهات، بۆیە میللەتان دەبێت بەشوێن هێزی لۆژیک بکەون، حاکمەکانیش بەشوێن لۆژیکی هێز دەکەون، بەڵام لەکۆتاییدا هێزی لۆژیک سەردەکەوێت".

سەبارەت بە بژارەی کۆنفیدراڵی بۆ کوردستان فازڵ میرانی گوتی: "کۆنفیدراڵی باشە، بەمەرجێک حاکمەکەی بەغدا بە خەشیممان نەزانێ، دەڵێ کۆنفیدراڵیمان قبوڵە، بەڵام وەرن با دەستوور بگۆڕین بە ئارەزووی ئەو، پاشان بیدەینە پەرلەمان بە زۆرینەی ئەو، پاشان بیخەینە گشتپرسی دیسان بە زۆرینەی ئەو، ئەوەش لای ئێمە ناخوات، ئەگەر دان بە دەوڵەتی کوردیدا بنێن لەسەر کۆنفیدراڵی قسەیان لەگەڵ دەکەین".

داڕشتنەوە: دەرباز ساڵح


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 22/01/2018 10:52:36 ص
ته جروبه و رووداوه کانی باشووری کوردستان ئه م راستیه مان بو مسوگه رده کا که باشترین ریگه بو کورده کانی سوریا ئه وه یه ده س به دانوستانی جیدی و به هه...
عەفرین لەبەردەم ‌هەڕەشەی جەنگ و کاولکاریدا
| دوێنێ کاژێر 09:12 | (1)
ر ه شید | 22/01/2018 10:42:38 ص
ده س خوش ، سالیانیکی دور و دریژ ئیران به حکوومه ته که ی حه مه ره زاشاشه وه پشتیوان و شه ریکی ستراتیجیکی کوردی عیراق بوو و به لام له سالانی دواییدا...
تاران نیوەی رێگایە
| دوێنێ کاژێر 09:02 | (1)
Haval | 21/01/2018 01:49:30 م
دەست خۆش بەڕاستی واقعیانە بوو من زۆر دڵنیام سەدامی دیکتاتۆر و قەزافی و عەلی عبدالله سالح و هاوشێوەکانی لەگەڵ دارودەستەکانیان هەمان گفتوگۆیان هەبووە...
Nabaz Qdir
Nabaz Qdir | 22/01/2018 07:24:30 ص
dast xosh zor jawan mamalat lagal daqakat krdwa
خاوەنشكۆ
| 21/1/2018 | (2)

لە بەشەکانی دیکەی رووداوەوە

لوبنان فەرمانی دەستگیرکردن بۆ خەزعەلی دەردەکات 4 کاژێر لەمەو بەر |

لوبنان فەرمانی دەستگیرکردن بۆ خەزعەلی دەردەکات

"بە رێگەی نایاسایی چووەتە لوبنان" زۆرتر
لە چەمچەماڵ ئاڕ پی جییەک بە ماڵی بەرپرسێكی ئەمنییەوە نرا 4 کاژێر لەمەو بەر |

لە چەمچەماڵ ئاڕ پی جییەک بە ماڵی بەرپرسێكی ئەمنییەوە نرا

"بەپێی یاسا نابێت ئەو جۆرە چەكە لەلای كەسی مەدەنی زۆرتر
0.422 seconds