وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

كچێكی 24 ساڵان خۆی دەسووتێنێ‌

لەلایەن عومەر چاوشین 7/12/2017
رێژەی سووتانەكەی نێرگز 100% بوو
رێژەی سووتانەكەی نێرگز 100% بوو

رووداو- رانیە

كچەكەی شەمسەددین وەك باوكی باسی دەكات، تاوەكو نەبووە كچێكی هەرزەكار هیچ كێشەیەكی نەبوو، بەڵام دواتر بە جارێك دوورەپەرێز بوو لە كەسوكار و كۆمەڵگە، باوكی نێرگز پێیوایە ئەو دوورەپەرێزی و گۆشەگیرییە كچەكەی بەرەو مەرگ بردووە.

نێرگز شەمسەددین، تەمەن 24 ساڵ كە دانیشتووی گەڕەكی ماكۆكی كۆمەڵگەی سەروچاوەی سەر بە قەزای رانیە بوو، لەنێو ماڵەكەی خۆیدا ئاگری لە جەستەی خۆی بەردا، بەهۆی زۆریی رێژەی سووتانەكەشی هەر لە شوێنی رووداوەكە گیانی دەرچوو. پۆلیس و تەندروستی دەڵێن بەپێی لێكۆڵینەوەكانی ئەوان ئەو كچە نەخۆشیی دەروونی هەبووە.

باوكی نێرگز باسی ژیانی كچەكەی دەكات و دەڵێت: "كچەكەم بەمنداڵی زۆر باش بوو هیچ گرفتی نەبوو، بەڵام كە گەیشتە پۆلی نۆی بنەڕەتی هەستم پێكرد كە گۆشەگیرە و حەز بە شوێنی چۆڵ دەكات، بۆیە بردمانە لای چەند مەلا و شێخ و پیاوچاكێك، بەڵام ئەوان نەیانتوانی چارەسەری بكەن".

 باوكی نێرگز ئەو قەناعەتەی لەلا دروست دەبێ‌ كە چارەسەری كچەكەی لەلای پزیشكی دەروونییە، نەك شێخ و مەلا. شەمسەددین دەڵێت "لە هەولێر و سلێمانی بردمە لای چەند پزیشكێك، چارەسەریان بۆ نووسی، نێرگز وازی لە خوێندن هێنابوو، ئەمساڵ گوتی حەز دەكەم درێژە بە خوێندنەكەم بدەم، ئێمەش ناردمانەوە قوتابخانە، بەڵام تەنیا یەك مانگ دەوامی كرد و گوتی ناتوانم بەردەوام بم، بێزارم لە قوتابخانە و خوێندكارەكانیش. منیش پێمگوت كچی خۆم با بە ئارەزووی تۆ بێ‌، چۆنت پێ خۆشە وا بكە".

شەوێك لە چیا ماوەتەوە

لە بنەماڵەكەی شەمسەددین، هیچ كەسێك نەخۆشیی دەروونی نییە، ئەو نازانێ‌ كچەكەی بۆچی تووشی نەخۆشیی دەروونی بووە. شەمسەددین بەسەرهاتێكی كچەكەی گێڕایەوە و گوتی "ساڵی رابردوو لە ماڵەوە گوتبووی دەچمە لای باوكم لە كێڵگە. لە ماڵەوە تەلەفۆنیان كرد گوتیان نێرگز نەگەیشتە لای تۆ، منیش گوتم ناوەڵڵا، ئیدی پەشۆكاین، زۆر بەدوایدا گەڕاین نەماندۆزییەوە، رۆژی دواتر شوانێك تەلەفۆنی كرد و گوتی ئەوە كچەكەتان لە چیای ماكۆكە، حاڵی زۆر خراپە، هەرچەند قسەی لەگەڵ دەكەم گوێ‌ لە من ناگرێ‌، زوو فریای بكەون. كە چووینە ئەوێ‌ كەسی نەدەناسییەوە، پێڵاوەكانی فڕێدابوون. خاڵی لێی چووە پێشەوە، دەمێك قسەی لەگەڵ كرد، تاوەكو بیری كەوتەوە كە ئەوە خاڵیەتی".

شەمسەددین دەڵێت دوای ئەو رووداوە زیاتر لە جاران گرنگی بە تەندروستیی كچەكەی داوە، بەڵام دەڵێت "نێرگز كە تووڕە دەبوو زۆر بە خراپی لە دایك و خوشكەكانی دەدا، یان جامی پەنجەرەی دەشكاند، جارێكیان بەو هۆیەوە بریندار بوو، دەماری خۆی بڕیبوو، لە سلێمانی نەشتەرگەریمان بۆ كرد".

بەهۆی ئەو رەوشەی كچەكەی تێیدابوو، شەمسەددین بەردەوام خۆی یان كەسێكی راسپاردووە چاوی لەسەر نێرگزبێ‌، نەوەك بەڵایەك بەسەرخۆی بهێنێ‌، بەڵام ئەوەی چاوەڕێیان نەدەكرد روویدا.
شەمسەددین باسی ئەو رۆژە دەكات و دەڵێت: "نەوتمان لە تانكی بەتاڵ كرد، هەندێكیان بۆ بەردەست لە دەبەیەك كردبوو، لە شوێنێكی پارێزراو هەڵمانگرت بۆ ئەوەی نێرگز دەستی نەگاتێ‌، بەڵام دواتر نازانم چۆن نێرگز نەوتەكەی دۆزیبووەوە، چووبووە حەمام. نەوتەكەی بەخۆیدا كردبوو و ئاگری لە جەستەی خۆی بەردابوو".

فەرمان ئەحمەد پیرۆت، بەڕێوەبەری كارگێڕیی نەخۆشخانەی گشتیی رانیە، سەبارەت بەو رووداوە گوتی "ئەو كچە 100% سووتابوو، بە نەوتیش خۆی سووتاندبوو، زۆریی رێژەی سووتانەكەی دەیسەلمێنێ‌ كە خۆی سووتاندووە". سەبارەت بە هۆكاری خۆسووتاندنەكەش، فەرمان گوتی "كەسوكاری كچەكە دەڵێن راپۆرتی پزیشكییان هەیە كە كچەكەیان نەخۆشیی دەروونی هەبووە".

نیشانەکردن : سووتان
38643 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

sarkawt saeed | 17/07/2018 08:16:27 ص
زۆر بە داخە وە دووبارە بە کوشت دانی کورد له پێناو ولاتێکی بێ خێر و هیچ
شاخه‌وان | 18/07/2018 07:38:43 ص
به‌ هه‌مووی دوو ئه‌مريكي نه‌بوون به‌شدار بوون و ته‌ياره‌كانيش ته‌نها بۆ پۆز هاتبوون گه‌رنا 5 پيشمه‌رگه‌ شه‌هيد نه‌ده‌بوون. ئه‌مريكي ته‌نها بۆ...
وردەکاریی ئۆپەراسیۆنەکەی پێشمەرگە و هاوپەیمانان لە چیای قەرەچووغ
| 16/7/2018 | (4)
سێنیار بامەڕنی | 17/07/2018 09:06:45 م
دوور لە سیاسەت و مەرامە گڵاوەكانی سیاسیەت، من لە رووی مرۆڤایەتییەوە ئەم پەیامە ئاراستەی (نادیە موراد و نەتەوە یەكگرتووەكان) دەكەم و دەڵێم: من كەسێكی...
رزگاركەری نادیە موراد داوای یارمەتی دەكات
| 17/7/2018 | (1)
معتصم شوانی | 10/07/2018 06:30:40 م
ئه‌زانن ئه‌م هه‌واڵه‌ی ئێوه‌ ڕوون نییه‌؟
Danar | 17/07/2018 07:11:34 م
کەی کەم ئەندام دابەش دەکرێت
 دابەشکردنی مووچەی بەشێک لە خانەنشینان راگەیێندرا
| 9/7/2018 | (3)
Khoshi Tahir | 17/07/2018 03:15:00 م
بە قوربانی هەموو پێشمەرگەکان بم
شیخ محمد امین | 17/07/2018 04:59:57 م
ئه ی پیشمه رگه ، که ی بو حه شدی شه عبی چول ده که ن؟ ولله حه یفم دیتی و دلم ده تاویته وه بو شه هیدانی ئه م شه ره و خه لک ده بی لیپرسینه وه ی توند له...
ئۆپەراسیۆنی پێشمەرگە بە پاڵپشتی هاوپەیمانان لە قەرەچووخ کۆتاییهات
| 17/7/2018 | (2)

لە بەشەکانی دیکەی رووداوەوە

غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون 7 کاژێر لەمەو بەر |

غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون

خۆپیشاندانی فەڵەستینییەکان دژ بە ئیسرائیل زۆرتر
هەڕەشەی کوشتن لە دەرمانسازێک دەکرێت 18/7/2018 |

هەڕەشەی کوشتن لە دەرمانسازێک دەکرێت

دەرمانسازەکە پێشتر تەزویرچییەکی دەرمانی بۆ زۆرتر
تویتە ناسازەكانی ترەمپ بازاڕی وزە دەشێوێنن 17/7/2018 |

تویتە ناسازەكانی ترەمپ بازاڕی وزە دەشێوێنن

بەرزبوونەوەی نرخی نەوت بە ناڕاستەوخۆ زیانی بۆ زۆرتر
0.265 seconds