وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

لە چوارقوڕنە سەگێک دەسووتێندرێت

لەلایەن هاوکار یاسین 9/2/2019
پۆلیس: سەگەکە دوای گیانلەدەستدانی، لەلایەن منداڵێکەوە سووتێندراوە
رووداو - چوارقوڕنە


لە شارۆچکەی چوارقوڕنەی سەر بە قەزای رانیە سووتانی سەگێک کاردانەوەی بەدوای خۆیدا هێنا، هەرچەندە تاوەکو ئێستا نازاندرێت بە مردووی سووتێندراوە یان بە زیندووی، بەڵام خەڵكێکی زۆر دژی سووتانی ئەو سەگەن و ئیدانەی دەکەن.


لە تۆڕە کۆمەڵایەتییەکان ڤیدیۆیەک بڵاوبووەتەوە کە ھەنسکی سەگێکی خەمبار بەدیار لاشەی ھاوەڵە سووتاوەکەیەوە دەبینرێت، دەگوترێت لە سەرقەبرانی گەورەی شارۆچکەی چوارقوڕنە دوو کەسی نادیار و نەناسراو ئاگریان لە جەستەی سەگێکی مێ بەرداوە. 

بەگوتەی چەند منداڵێک کە وەک شایەتحاڵ رووداوەکەیان بۆ ئاشکراکەرانی دیمەنەکە گێڕاوەتەوە، سەگە نێرەکەی ھاوەڵی دیمەنی سووتانەکە دەبینێت بۆیە تا ئەوکاتەی لاشە سووتاوەکە دەشاردرێتەوە جێی ناھێڵێت و بەدیاریەوە دادەنیشێت.

ئومێد ئەحمەد، ئەو کەسەیە کە وێنەی سەگە سووتاوەکەی لە تۆڕی کۆمەڵایەتی فەیسبووک بڵاوکردەوە و دەڵێت: "سەگە سپیەکە بەرەو روومان دەهات، منیش منداڵێکی بچووکم لەگەڵ بوو حەزی دەکرد بیبەم بۆلای سەگەکە، نەمزانی لە نێوانمان سەگێکی سووتاوی لێیە، کە  گەیشتینە لای سەگەکە لەبەردەمماندا پاڵکەوت و سەری خستە سەر سەری سەگە سووتاوەکە زۆر بە خەمباری سەیری ئێمەی دەکرد، وەک ئەوەی بیەوێت قسە بکات و بڵێت هاوەڵەکەی منیان سووتاندووە ئێوەی مرۆڤ ئاوا ئازارتان داوە".

دوای شاردنەوەی لاشەی سەگە سووتاوەکە، سەگە نێرەکەی ھاوەڵی تەنیا و خەمبار لە نزیک شوێنی رووداوەکە دەمێنێتەوە، بەڵام دواتر سەرقەبرانەکە جێدێڵێت.

به‌ڕێوه‌به‌رایه‌تی پۆلیسی راپه‌ڕین لە رووونکردنەوەیەکدا رایگەیاند "به‌گوێره‌ی به‌دواداچوونه‌كانی بنكه‌ی پۆلیسی بیتوێن، ئه‌و سه‌گه‌ پاش ئه‌وه‌ی له‌ گۆڕستانێكی ناحیه‌كه‌ له‌ نزیك كولانه‌كه‌ی خۆی گیانی  له‌ده‌ستداوه،‌ هه‌ر له‌وێ له‌ لایه‌ن منداڵێكه‌وه‌ سووێتندراوه‌ بۆ ئه‌وه‌ی بۆن نه‌كات، پاشان له‌لایه‌ن كارمه‌ندانی بنكه‌ی پۆلیسی ناحیه‌ی چوارقوڕنه‌ ژێر خاك كراوه‌ تاوەکو كاریگه‌ری خراپی له‌ڕووی ته‌ندروستی له‌سه‌ر هاووڵاتیان دروست نه‌كات".

دانا رەزگەیی، مامۆستایە و دڵگرانە بەو رووداوە و دەڵێت: "هەرکەسێک زانیاریم پێبدات دەربارەی ئەوەی ئەم کارە قێزەونەی کردووە تەواوی مووچەکەمی پێشکەشی دەکەم لەپێناوی ئەوەی ئەو کەسە بدەینە دادگا تاوەکو ئەم کارە نەبێتە دیاردە".

بڵاوبوونەوەی ھەواڵی سووتانی سەگەکەی چوارقوڕنە دەگاتە گوێی رێکخراوە جیھانییەکانیش، رێکخراوێکی ئاژەڵ دۆستی ئیتاڵی کە لە ھەولێر کاردەکەن پەیوەندیان بە چالاکوانێکی چوارقوڕنەوە کردووە تاوەکو سەگەکە بەرنە لای خۆیان و خزمەتی بکەن.

 
زانا ئەحمەد، چالاکوان دەڵێت: "ئەوان وتیان ئەو سەگە (هاوەڵی سەگە سووتاوەکە) دەبێت لە حاڵەتیکی تایبەتدا بێت، چونکە هاوەڵەکەی سووتێندراوە ئێمەش حسابی تایبەتی بۆ دەکەین، دەزانین سەگی  بێخاوەن زۆر زۆرە لە هەرێمی کوردستان، بەڵام ئەمە حاڵەتەکەی تایبەتە بۆیە دەمانەوێت ئەو سەگە هەرچیتان کردووە بۆمان بنێرن بۆئەوەی ئێمەش هاوکاری بین و لە شوێنێکی گونجاودا بەخێوی بکەین".

ھەرچەندە بەشێک لە شایەتحاڵانی رووداوەکە دەڵێن سەگەکە بە زیندوویی سووتێندراوە، بەڵام بەشێکی دیکەی خەڵک پێچەوانەکەی دەڵێن بۆیە پۆلیس بەدوای سەرەداوێکدا دەگەڕێت، ھەم ئەو دوو بۆچوونەی بۆ یەکلابکاتەوە ھەم ئەنجامدەری کردەوەکەش دەستگیر بکات.

 

 

داڕشتنەوە؛ راوچی حەسەن 

کۆمێنتەکان

 
Azad Azad | 9/2/2019
ئه‌مه‌ تاوانێكی قێزه‌وه‌بوه‌ هیوادارین تاوان بار به‌سزای خۆی بگات..!!! به‌ڕێزان به‌س منداڵ پێوستی به‌ په‌روه‌رده‌ نیه‌ به‌ڵكو كۆمه‌ڵگاكه‌شمان پێوستی به‌ په‌روه‌رده‌ی زانیاری و مرۆی هه‌یه‌؟؟؟ ئه‌وسه‌گه‌ نێره‌ی هاوسه‌ری سه‌گه‌ سوتاوه‌كه‌ زۆر زۆر له‌ تاوانباره‌كه‌ مرۆڤ تره‌ و ساحێبی ئوژدان و مرۆڤایه‌تیه‌...!! به‌ڵام تاوان بار دڕنده‌یه‌ مرۆڤ نیه‌.
نیشانەکردن : چوارقوڕنە
7201 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 13/04/2019 05:18:11 م
ده ست خوش کاک " مامه ند" هه موو خه لکی کوردستان دلنیا بن کابینه ی نوی ؛ کوردستانیکی نوی پیشانی جیهان ده داتن !ئیمه سه رده که وین .
ستراتیژی كابینەی تازە
| 12/4/2019 | (1)
ئاسۆ | 12/04/2019 01:29:39 م
سڵاوو ڕێز، سەرەتا سپاس بۆ نوسینی ئەم بابەتە. هەر وەک بەڕێزتان ئاماژەتان بە نەبوونی دیپڵۆماسی دیجیتاڵی کورد کردووە،بەڵام، لە هەمانکاتدا لە کوردستان بە...
ستار | 12/04/2019 07:15:58 م
ده ست خۆش ڕاست ئه فه رمی های تاك له هه مو بواره کاندا ڕۆڵی کاریگه ری گێراوه له په یوه ندی و ئاڵو گۆڕی زانیاریدا
بارزانی لە سریلانكا
| 12/4/2019 | (3)
Aso | 12/04/2019 04:18:07 م
کاتێک لە هەموو شوێنێکی هەرێمی کوردستان ئاڵای عێراق شەکاوەیە و مووچەی خەڵکی کوردستان لە بەغداوە دێت ، دەبێ حکومەتی هەرێمی کوردستانیش ڕەچاوی ...
کۆنسوڵی ئێران لە هەولێر هۆشداریی دەداتە هەرێمی کوردستان
| 12/4/2019 | (1)
Peshwaz | 12/04/2019 04:06:32 م
بيزه حمه ت بوچى او زانياريانه كو اكه نه وه له خلقى پردى
23 گوندی شارۆچکەی بەرکاری زاخۆ چۆڵکراون
| 12/4/2019 | (1)

لە بەشەکانی دیکەی رووداوەوە

هەرێمی کوردستان بۆ رووبەڕووبوونەوەی ماددەی هۆشبەر هاوکاریی بەسرە دەکات 8 کاژێر لەمەو بەر |

هەرێمی کوردستان بۆ رووبەڕووبوونەوەی ماددەی هۆشبەر هاوکاریی بەسرە دەکات

بەسرە بووەتە ناوەندی بەکارهێنان و بازرگانیکردن بە زۆرتر
یەکەمەکانی زانکۆ و پەیمانگەکان رەخنە لە حکومەت دەگرن  18/4/2019 |

یەکەمەکانی زانکۆ و پەیمانگەکان رەخنە لە حکومەت دەگرن

1197 یەکەمی زانکۆ و پەیمانگەکان دامەزرێندراون زۆرتر
0.422 seconds