وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

عێراق

ئەبو ئیزرائیل بۆ رووداو: هەر كەسێك هاوكاری داعشی كردبێت، هەڵدەواسرێت

لەلایەن هیوا حوسامەدین 10/1/2017
حەشدی شەعبی لە دووری چوار کیلۆمەتری له‌ تەلەعفەر سەنگەری لێدا

رووداو - موسڵ

حەشدی شەعبی هێزەکانی لە نزیک شارۆچكەی تەلەعفەر جێگیرکرد. ئەبو ئیزرائیل، فه‌رمانده‌ی كه‌تیبه‌ی ئیمام عه‌لی حەشدی شەعبی-یش هەڕەشەی تۆڵەسەندنەوە دەكات و دەڵێت "ئەوانەی بە پێدانی پەرداخێك ئاویش هاوكاری داعشیان كردبێت، هەڵدەواسرێن".

حەشدی شەعبی لە شارۆچکەی تەلحیدی نزیک موسڵ، كە چوار کیلۆمەتر لە تەلەعفەر دوورە،   هێزەکانی جێگیرکرد و بەدوای تۆڵەدا دەگەڕێت لە داعش و لەو کەسانەش هاوکارییان كردووە.

ئەبو ئیزرائیل، فەرماندەی کەتیبەی ئیمام عەلی،‌ کە رۆڵێکی باڵای لە کۆنترۆڵکردنەوەی تکریت و پاراستنی حەرەمی زەینەبی کچی عەلی لە دیمەشق هەبووە، لە دووری چوار کیلۆمەتر له‌ تەلەعفەر سەنگەری لێداوە و دەستی بە مەشق و راهێنان بە چەکدارەكانی کردووە.

هاوشێوەی ئەو رۆژانەی لە زانکۆکانی بەغدا راهێنانی بە قوتابیان کردووە، ئەبو ئیزرائیل چەکدارانی كەتیبەكەی لە نزیک موسڵ کۆکردووەتەوە تاوەكو لەسەر تۆڵەكردنەوە لە داعش و دەست و پێوەندییەکانیان، رایان بهێنێت.

ئەبو ئیزرائیل بە (تۆڕی میدیایی رووداو)ی راگەیاند: "هەزار و 700 كه‌سی پاڵه‌وانی سپایكه‌ر و قوربانیانی كه‌ڕاده‌ ده‌بێت تۆڵه‌یان وه‌ربگرینه‌وه‌. هه‌موو ئه‌وانه‌ی به‌ پێدانی په‌رداخێك ئاویش هاوكاری داعشیان كردووه‌، هیچ مه‌جالێكی تێدا نییه‌؛ ده‌بێت هه‌ڵبواسرێن و بكوژرێن".

لەبارەی سەربازگەكەیان لە ته‌لحید، ئەبو ئیزرائیل دەڵێت "ئێرە بووەتە سەربازگەیەکی گەورە بۆ چەکدارانی حەشدی شەعبی. زۆربەیان لە حلە، کەربەلا و نەجەفەوە هاتوون و ئامانجیان تۆڵەسەندنەوەیە".

قه‌یس حوسێنی، چه‌كدار له‌ سه‌رایه‌ی ئیمام عه‌لی حەشدی شەعبی دەڵێت "خەممان کۆنترۆڵکردنەوەی موسڵ نییە، بەڵکو بەدوای ئەوانەدا دەگەڕێین داعشیان هێنایە عێراق. ئه‌وانه‌ی رۆڵه‌كانی ئێمه‌یان كوشت. پشت به‌خودا تۆڵه‌یان لێده‌سێنینه‌وه".

ناوچە کۆنترۆڵکراوەکان بوونەتە دەفتەری بیرەوەری ئەو هێزانەی پێیدا تێپەڕیون. لەسەر هەر دیوار و دەرگایەک، ناو و هێما و شوێنەواریان دەبیندرێن. خەڵكیش ترسیان هەیە و زۆرینەیان نەگەڕاونەتەوە ناوچەكانیان.

مه‌حموود جه‌بار، خه‌ڵكی موسڵ دەڵێت "خه‌ڵك ماندووه‌ و ئیمكانیه‌تی نه‌ماوه‌. بێ نان و ئاوین، هه‌موومان نه‌خۆشین. نازانین چی بكه‌ین. خانوومان خاپوور كراوه‌، هه‌موومان ده‌ترسین بۆیه‌ رامان كردووه‌ و هاتووینه‌ته‌ ده‌ره‌وه‌".

له‌ دیوی رۆژئاواوە، حه‌شدی شه‌عبی ته‌نیا 11 گوندیان له‌ پێش ماوه تاوه‌كو بگەنە تەلەعفەر (گەورەترین شاری سوننەنشینی عێراق) و ئاڵای "یا عەلی" تێدا بەرز بكەنەوە.

داڕشتنەوە: حەكیم داود

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

عبدالله | 23/04/2017 08:55:04 ص
بيويستة تةنها بو كارمةندانى خاوةن بروانامة بكريتةوة جونكة سالانيكة خزمةت ئةكةن و بسبورن لة بوارةكانيان
Zozan | 23/04/2017 12:59:52 م
خو له که بو کج ده بێت و من په یمانگا ته واو کردوه
وەزارەتی ناوخۆ 300 دەرچووی زانکۆ و ئامادەیی دادەمەزرێنێت
| 19 کاژێر لەمەو بەر | (2)
mamkak | 23/04/2017 09:08:35 ص
ئەمە توێكڵ نييە؛ ئەمە قەپێلكە چونكە توێكڵ بە کوردب دەکاتە (ناوك) واتا كڕۆكى ميوە.
ئالان داوود | 23/04/2017 11:38:29 ص
دەبێ توێکڵە هێلکەکەن لە سپێنەو زەردێنە پاکبکرێنەوە ئنجا بخرێتە ناو فڕنێك بۆ ماوەی ۱۰ تا ۱٥ خولەك بەپلەی گەرمی ۹۰ ، دوای ئەوە بیهاڕین و ببێتە ئارد....
چیدیکە توێکڵی هێلکە فڕێمەدەن؛ بیخۆن
| 19 کاژێر لەمەو بەر | (2)
Aras Y | 23/04/2017 10:51:37 ص
وه‌رگرتنی ئه‌م باجه‌ چ سودێکی ده‌بێت بۆ فه‌رمانبه‌ره‌که‌ جارێ وه‌رن ئه‌مه‌ شی بکه‌نه‌وه‌ بۆ ئه‌م خه‌ڵکه‌، وه‌ پێویسته‌ روونکردنه‌وه‌ی باش وه‌ له‌...
وەرگرتنی باجی كەسی لە کەرتی تایبەت بەشێوازی نوێ‌ دەستپێدەكات
| 17 کاژێر لەمەو بەر | (1)
بۆتان | 22/04/2017 06:40:01 م
ده ستان خوش روداو، به‌لام من پیم باشه‌ له‌ باتی وشه‌ی كه‌نداوی عه‌ره‌بی، ته‌نها وشه‌ی (كه‌نداو) به‌كاربهینن. بو ئه‌وه‌ی بی لایه‌نی خوتان بپاریزن.
 رووداو لەسەر یەکێک لە گەورەترین کەشتییە جەنگییەکانی ئەمریکا
| دوێنێ کاژێر 09:25 | (1)

لە بەشەکانی دیکەی رووداوەوە

لە کوردستان کار بۆ رێکخستنی 7 کاژێر لەمەو بەر |

لە کوردستان کار بۆ رێکخستنی "دیداری پزیشکان" دەکرێت

بۆ گەنگەشەی گرفتەکانیان و چارەسەرکردنیان زۆرتر
پارتی و یەکێتی لیژنەیەکی هاوبەش بۆ کاراکردنەوەی پەرلەمان پێکدێنن 7 کاژێر لەمەو بەر |

پارتی و یەکێتی لیژنەیەکی هاوبەش بۆ کاراکردنەوەی پەرلەمان پێکدێنن

بەئامادەبوونی بارزانی کۆبوونەوە زۆرتر
هەڵەی تەندروستی و کەتنی سیستم 8 کاژێر لەمەو بەر |

هەڵەی تەندروستی و کەتنی سیستم

لە دنیای پزیشكیدا شتێک نییە بەناوی گرەنتی زۆرتر
0.235 seconds