وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

خالید عەزیزی بە سکرتێری حیزبی دیموکراتی کوردستان هەڵبژێردرایەوە

لەلایەن ساکار عەبدوڵڵازادە 10/2/2016
خالید عەزیزی
خالید عەزیزی

رووداو- کۆیە

حیزبی دیموکراتی کوردستان-حدک لە پێنجەمین رۆژی شانزدەیەمین کۆنگرەیدا، چارەنووسی سکرتێری گشتی ئەو حیزبەی یەکلایی کردەوە.

کەمێک پێش ئێستا پڕۆسەی دەنگدان بۆ هەڵبژاردنی ئەندامانی رێبەری و سکرتێری گشتی حیزبی دیموکراتی کوردستان-حدک بەڕێوەچوو و تێیدا ئەندامانی کۆنگرە دەنگی متمانەیان بە هەموو ئەندامانی رێبەریی هەڵبژێردراوی کۆنگرەی 15 دایەوە.

رووداو زانیویەتی هەموو ئەندامانی کۆنگرەی 16 بەکۆی دەنگ خالید عەزیزی-یان وەکو سکرتێری گشتی هەڵبژاردووەتەوە و دەنگی متمانەیان بە هەموو ئەندامانی رێبەریی هەڵبژێردراوی کۆنگرەی 15 داوەتەوە.

بەپێی نەریتی کۆنگرەکانی حیزبی دیموکرات، کۆنگرە ئەندامانی کۆمیتەی ناوەندی هەڵدەبژێرێت و ئەندامانی کۆمیتەی ناوەندی سکرتێری گشتی هەڵدەبژێرن، بەڵام لە کۆنگرەی 16دا هەر لە نێو کۆنگرە، ئەندامانی کۆنگرە دەنگی متمانەیان بە رێبەریی پێشووی حیزب  خالید عەزیزی دا. 

رووداو زانیویەتی کە خالید عەزیزی دەیەویست خۆی بۆ سکرتێری نەپاڵێوێتەوە، بەڵام شەوی رابردوو، ئەندامانی کۆنگرە رازیان کردووە تا ئەو خولەش سکرتێری حدک بکات.

لە کۆنگرەی 14ی حدک کە یەکەمین کۆنگرەی دوای جیابوونەوە لە حیزبی دیموکراتی کوردستانی ئێران بوو، لەجیاتی سکرتێری گشتی، گوتەبێژی حیزب داندرا و خالید عەزیزی وەکو گوتەبێژ هەڵبژێردرا، بەڵام لە پلۆنیۆمێکی ئەو حیزبەدا، پۆستی گوتەبێژ لابردرا و خالید عەزیزی بووە یەکەمین سکرتێری حیزبی دیموکراتی کوردستان.

رۆژی سێشەممە، کۆنگرە بەندی دوو خول سکرتێری لادا و رێگەی بۆ خالید عەزیزی خۆشکرد تا خۆی بۆ سکرتێری هەڵبژێرێتەوە.

لە ماددەی شازدەی بڕگەی پێنجەمی پەیڕەوی ناوخۆی حیزبی دیموکراتی کوردستاندا هاتبوو کە "هـــیچ کـــەس زیـــاتر لـــه دوو دەورەی بـــه دوای یـــەک دا وەک سکرتێری گشتی هەڵنابژێردرێ". 

هەر لە چوارەم رۆژی کۆنگرەدا، کۆنگرەی 16ی حیزبی دیموکراتی کوردستان کە خۆی بەرهەمی دابڕانی ژمارەیەک لە ئەندامانی کۆمیتە ناوەندی و سەرکردایەتی حیزبی دیموکراتی کوردستانی ئێرانە، دابڕانەکانی پێشووی ریزەکانی دیموکراتی وەکو بەشێک لە مێژووی حیزبی دیموکرات بە فەرمی ناساند.

لەبارەی دابڕان و جیابوونەوەکان لە بەرنامە و پەیڕەوی ناوخۆی کۆنگرەی 16ی حدک هاتووە: "حیزبی دیموکرات لە مێژووی دەیان ساڵەی خۆیدا، چەندجار لە ئاکامی ناکۆکیی نێوخۆیی‌، تووشی لێکدابڕان و چەند پارچەیی بووە و تێکۆشەرانی ئەم حیزبە لە جیاتی تێکۆشان لە حیزبێکی واحیددا، بوون بە دوو بەش و بە جیا، تێکۆشان و خەباتی خۆیان درێژە داوە، بەڵام دواتر کەوتوونەتەوە سەریەک. لە زۆربەی ئەم حاڵەتانەدام تێکۆشەرانی ئەم حیزبە سەرەڕای ناکۆکیان لەگەڵ یەکدی و تێکۆشانی بە جیایان، هەم لەسەر خەبات بۆ مافەکانی نەتەوەی کورد و ئامانجە لەمێژینەکانی حیزبی دیموکرات بەردەوام بوون، هەم بەرگرییان لە مێژوو و شانازییەکانی حیزبی دیموکرات کردوە. ئەم لێکدابڕانانە، سەرەڕای تاڵی و نەخوازراوبوونیان، بەشێکن لە مێژووی حیزبی دیموکرات".

رۆژی شەممە کۆنگرەی 16ی حیزبی دیموکراتی کوردستان لە بارەگای سەرەکی ئەو حزیبە لە شاری کۆیەی باشووری کوردستان دەستیپێکردووە. 

حیزبی دیموکراتی کوردستان لە ساڵی 1945 لە شاری مەهابادی رۆژهەڵاتی کوردستان دامەزراوە.
حیزبی دیموکرات پێش دامەزراندنی کۆماری کوردستان، لە 1945 یەکەمین کۆنگرەی خۆی لە مەهاباد بەست و لەو کۆنگرەیەدا، قازی محەممەد وەک پێشەوای ئەو حیزبە هەڵبژێردرا.
ئەو حیزبە تائێستا 3 جار ( لە كۆنگرەی 4، 8 و 13) رووبەڕووی دابڕان و پارچەبوون بووە و دواتر وەك یەكگرتنەوە یان گەڕانەوەی كەسەكان، ریزەكانی یەكخستووەتەوە.

دوایین دابڕانی حیزب لە 06/12/2006 بوو کە بەشێک لە ئەندامانی رێبەری و ئەندامانی مەکتەبی سیاسی و کۆمیتەی ناوەندی (کەمینەی کۆمیتەی ناوەندی کۆنگرەی 13)ی حیزبی دیموکراتی کوردستانی ئێران بە دەرکردنی بەیاننامەیەک جیابوونەوەی خۆیان لە زۆرینەی کۆمیتە ناوەندی حیزبی دیموکرات راگەیاند و دواتر بەناوی حیزبی دیموکراتی کوردستان درێژەیان بە کاری سیاسییان دا.

کۆمێنتەکان

 
مەریوان | 10/2/2016
تەنیا خاڵی بەهێزی حدک کە ئەو حیزبەی لە تەواوی حیزبە کوردییەکان جیا دەکردەوە، مادەی 16 بوو کە لە لایەن مامۆستا حەبدوڵڵا حەسەنزادەوە پێشنیار کرابوو و بە هەوڵی ئەو گونجێندرابوو، کە رێگەی لە قورخکردنی پۆستی رێبەریی دەگرت. بەڵام بەداخەوە دەرکەوت کە حدیکیش ناتوانێ لە حیزبەکانی دیکە لە پێشتر بێ.
نیشانەکردن : حدك, خالید عەزیزی
5448 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 19/01/2019 10:49:00 ص
هه تا کوردستان به شیک بیت له عیراق ئه مریکا و ئه وانیتریش ناتوانن کورد وه ک حه لیفیکی ستراتیژیک بو خویان دا بنین ! به واتایه کی دیکه کورد هه تا نه...
سرهد | 22/01/2019 08:30:35 ص
لێکدانەوەیەکى واقیعبینانەیە، دەست خۆش برا.
لە چاوەڕوانیی گۆڕانكارییە هەرێمییەكاندا
| 19/1/2019 | (2)
Azad Azad | 21/01/2019 08:38:25 م
ده‌ست خۆش بۆ بۆچونه‌كانت كاك مه‌جید گلی، به‌قه‌ناعه‌تی من ئه‌مه‌ریكا ده‌یه‌وێت توركیا راگرێت به‌ ئارامی وه‌ك هاو په‌یمان به‌ڵام له‌ راستیدا بۆ...
سیناریۆ و نهێنییەكانی پشت ناوچە ئارامەكەی سووریا
| 21/1/2019 | (1)
Azad Azad | 21/01/2019 07:25:55 م
تاوانی هه‌ر گه‌وره‌ و درندانه‌ منداڵ كوشتنه‌ ...!!! حه‌قی وایه‌ له‌هه‌ر كۆی دونیابێت بی هێنرێته‌وه‌ دادگای بكرێت و سزای هه‌ڵواسینی بۆ ده‌ركرێت.
وردەکاریی کوژرانی باوک و کوڕە سێ ساڵانەکەی لە حاجیاوا
| 21/1/2019 | (1)
Rebwar | 21/01/2019 12:09:08 م
Dastxosh
Rizgar Khoshnaw | 21/01/2019 05:08:48 م
خوێندنه وه ی شته کانی ڕێبوار تامێکی زۆر تایبه تی هه‌ یه ، هه‌ رچه نده له وانه یه ڕێک وه کو ئه و بیر نه که یته وه ، به ڵا م ئه وه نده ورده کاری به...
دوای ئۆكتۆبەرچییەكان نۆرەی بەرهەم ساڵحە
| 21/1/2019 | (2)

لە بەشەکانی دیکەی رووداوەوە

فلتەرەکانی سناپچات، هۆکارن بۆ ئەنجامدانی نەشتەرگەری جوانکاری 3 کاژێر لەمەو بەر |

فلتەرەکانی سناپچات، هۆکارن بۆ ئەنجامدانی نەشتەرگەری جوانکاری

نەشتەگەری لووت، فیلەر و بۆتۆکس زۆرتر
بەریتانیا.. میوزیک، دانس و وێنەکێشان وەک دەرمان بۆ نەخۆش دەنووسرێن 15 کاژێر لەمەو بەر |

بەریتانیا.. میوزیک، دانس و وێنەکێشان وەک دەرمان بۆ نەخۆش دەنووسرێن

دەیانەوێ لە زۆربەکارهێنانی دەرمان رزگاریان ببێت زۆرتر
لە ئوسترالیا ئەپلیکەیشنێك پشکنینی توانای بیستنی قوتابییان دەکات 16 کاژێر لەمەو بەر |

لە ئوسترالیا ئەپلیکەیشنێك پشکنینی توانای بیستنی قوتابییان دەکات

د. گێما کوخ: زوودەستنیشانکردنی کەمبیستن زۆرتر
0.329 seconds