پێم وابی کارێکی کوردانەو دلسۆزانەیە بۆ گەلی کورد، دیارە کە هەر ئەندامی هەر حزبێ کە ئاوا بی شەرمانە سەر پێچی لە حزبەکەی خۆی بکات،ئەگەر سزا نەدرێت لە لای حزبەکەیەوە مانای ئەوەیە حزبەکەی لە گەل بۆچوونی ئەو ئەندامە دای، دەرکردنی هەر ئەندامێ لە هەر لایەنێک وەک ئەم سەنگاویە،کە من حەیفم دێت ئاوا چووەتە ریزی نەخێر و ئەو هەموو هاژ و هۆژی رابوردووی خۆی بەم کارە نابەجێ و خیانەتکارانە هەموو رەش کەدەوەودیارە کە ڕاستی نەگوتوەو لەپێناوی شتێکەوە کە دوورە لە کوردایەتی وای کردوە، بۆیەکە دەستخۆشی لە مەکتەبی سیاسی یەکێتی نیشتمانی وەکو کوردێک دەکەم کە پێم وایە ۆ ئەو هەنگاوە ڕاست و دروست و رەوایە کە هەق بە هیچ ئەندامێک لە هیچ لایەنێکەوە نەدرێت دژ بە گەل و نیشتمانەوە هەنگاو باوێت ە ئاوا خایانەت بکات.

دەنگدان لە ڕیفراندۆم بۆ سەربەخۆیی جیاوازە لە دەنگدان بۆ هەڵبژاردنی سەرۆک یان کاندیدانی حزبێک بۆ پارلەمان. ئەو خەڵکە بەشێکی زۆریان وا دەزانن ئەگەر دەنگ بە بەڵێ بدەن بۆ سەربەخۆیی لە ڕیفراندۆم واتە دەنگیان داوە بە بارزانی یان پارتی، کاکە وانیە، ئەم دەنگدانە ڕیفراندۆمە، گەڕانەوەیە بۆ دەنگی گەل بۆ دیاریکردنی چارەنووسی سیاسیی ئەو هەرێم و ئەو گەلە، دەنگدانە لە سەر دەربازبوونتان لە کۆیلایەتی و گەیشتن بە خەون و ئاوات و ئامانجی ئەحمەدی خانی، بەدیهێنانی بەرهەمی خوێنی شەهیدان و هەڵەبجە و ئەنفال و شەنگار... ڕیفراندۆمی سەربەخۆیی فەرقی هەیە لە هەڵبژاردنی سەرۆکایەتی یان لیستی حزب. ڕیفراندۆم چارەنووسی هەموو خەڵکی کوردستانی باشوور دیاری دەکات، دەمانبات بەرەو دەوڵەتبوون و ئەندامبوون لە ڕێکخراوی نەتەوە یەکگرتووەکان، دەبینە خاوەن سەروەری و لە هەر حالەتی شەڕپێفرۆشتن و قەیراندا، هەموو دونیا و بە تایبەتی، نەتەوە یەکگرتووەکان لە سەرمان بە جواب دێن ئەگەر دەوڵەتی سەربەخۆ بین، وەک چۆن دیفاعیان لە کوێت کرد و سەددامیان دەرپەڕاند، بەڵام کە هەر هەمان سەددام هێرشی ئەنفال و کیمیایی کردینە سەر لە ١٩٨٧ و ١٩٨٨ لە بەر ئەوەی دەوڵەت نەبووین، خاوەن سەروەری و پایە نەبووین لە ئاستی نێودەوڵەتی، کەس ئاوڕی لێ نەداینەوە.... ڕیفراندۆم بریتی نیە لە دەنگدان بە بارزانی یان بە پارتی، ئەو ساویلکەییە چۆن چاوی کوێر کردوون، کاکە هەر ناکۆکیەکی سیاسی هەبێت دواتر بە ڕێگای خەباتی سیاسی و مەدەنی چارەسەر دەکرێن، وە جۆری سیستەمی سیاسیش بە خەبات و سازش چارەسەر دەکرێت بەڵام دوای سەربەخۆیی،،، مەعقول نیە لە ئێستاوە مەرج بۆ ئازادبوون و سەربەخۆبوونت دابنێی،، ئاخر بووە لە دونیا و لە مێژوو کۆیلە مەرج بۆ ئازادبوونی دابنێت؟ کاکە گوێ بە هەندێک تاجیر و سەرمایەدار مەدەن کە دەترسن زەرەر بکەن، ئەوان بە دوای پارە کەوتوون، سەربەخۆیی و خوێنی شەهیدانیان لا سفرە، تەقەی سەریان دێت.. دەنگدانتان بۆ چارەنووسی گەلێکە، بۆ بەرهەمی نیو ملیۆن شەهید، بۆ یەک سەدەی خەباتی نەتەوەیی، بۆ سێ سەدەی خەونی ئەحمەدی خانیە کە تەنانەت پێش شۆڕشی فڕەنسیش باسی نەتەوە و دەوڵەتی نەتەوەیی کردووە، ئەو شۆڕشەی کە بە سەرەتای دروستبوونی بیری نەتەوە و نەتەوەگەری دادەنرێت... ساویلکە و ڕقدار مەبن، زیرەک و دووربین و دڵسۆز بن بۆ دۆزی کورد، بەشداری نەکردنتان لە ڕیفراندۆم یان بە دەنگی نەخێر، خیانەتێکی گەورە بۆ خۆتان تۆمار دەکەن کە تا ماون ویژدانتان ئازارتان دەدات. من دوو ملیۆن ڕەخنەم لە پارتی و بارزانی هەیە، بەڵام هەرگیز ناهڵێم ڕقدار و ساویلکە و کورتبین بم، خوێندنەوەی مێژووی سیاسیی کوردم هەیە، خوێندنەوەی بارودۆخی سیاسیی ئێستای هەرێمەکە و جیهانم هەیە، چاک دەزانم ئەو دەرفەتە مێژووییە و بە ئاسانی دووبارە نابێتەوە، چۆن داڤید بن گۆریۆن ئازایانە بڕیاری سەربەخۆیی دا لە هاوینی ١٩٤٨، ئیسرائیل بووە دیفاکتۆ، ئەوهاش ئێمە هەر بە ڕیفراندۆم، دەوڵەتی سەربەخۆی کوردستان دەکەینە دیفاکتۆ (ئەمری واقع) و ئینجا وڵاتان وردە وردە مامەڵە لەگەڵ ئەو دیفاکتۆیە دەکەن و دواتر یەک یەک ئیعتراف بە دەوڵەتەکەمان دەکەن، وە ئەگەر ڕیفراندۆمە یان دۆخی پاش ڕیفراندۆمە بە ڕێککەوتن بێت لەگەڵ بەغداد، ئەوە ئیعترافی وڵاتان بەو دەوڵەتە کوردیە خێرا و ئۆتۆماتیک دەبێت وەک سودانی باشوور. وڵاتان ئەگەر ئێستا بە ئاشکراش نەڵێن پشتیوانتانین، ئەمە بۆ خاتری فلان و فیسار ئەجێندا یان دەوڵەتە، بۆ نمونە ئەردۆغان گەیشتۆتە قەناعەت کە کوردستانی باشوور بشبێتە دەوڵەت هەرگیز زیانی نابێت بۆ تورکیا بە پێچەوانەوە سوودی هەبووە بۆی: لە ١٩٩١ەوە تا ئێستا یەک زیانمان بۆ تورکیا نەبووە، وە ئەردۆغان و حکومەتەکەی ئەگەر بشڵێن ڕیفراندۆمی کورد هەڵەیە، یەکپارچەییی خاکی عێراق تێک دەدات (ئەمە منجە منجە و دیارە جددی نیە، بینیتان لە ٢٠٠٧ کە جێبەجێکردنی ماددەی ١٤٠ نێزیک بووبۆوە، تورکیا چۆن هەڕەشەی دەکرد، دەیگوت دێین هەوێر و کەرکوک دەگرین، جا زمانی ئەو کات یان هی ساڵی ١٩٩٢، لەگەڵ زمانی ئێستا زۆر جیاوازە سەبەب بەرژەوەندیی ئابووری و ستراتیژیە)، ئەو وردە گلەیی و ڕەخنە نەرمانە تەنها بۆ خاتری مەهەپە و تورکە فاشیستەکانە و بۆ بەکاربردنی ناوەخۆیە (استهلاک محلی اعلامی) و هیچی تر... دڵنیا بن کوردستان گەمارۆی ناخرێتە سەر، ئەگەر ئێران و حەشدی ئێرانی گرفتیشمان بۆ دروست بکەن دڵنیا بن وڵاتانی ڕۆژئاوایی لە سەرووی هەموویانەوە ئەمەریکا و بریتانیا و فڕەنسا و ئەڵمانیا پشتیوانمان دەبن وفشار دەهێنن بۆ لابردنی گەمارۆکە و دەوڵەتەکەمان دەبێتە دیفاکتۆ دواتر دەبێتە "دی یور" واتە یاسایی و شەرعی. با زیرەک و وریا بین، دووربین بین، وە خیانەت لە مێژوو و خوێنی شەهیدان نەکەین، با دەوڵەتێکی سەربەخۆی کوردی دروست بکەین و ئینجا خەبات بۆ جۆری سیستەم و مافە سیاسی و مەدەنیەکان دەکەین و لە ناو دەستوورێکی هەمیشەییدا دەیانچەسپێنین. ئێستا کە عێراق لاوازە، سوریا وێران بووە و قسەی ناڕوات، ئێران لە ژێر فشارە، تورکیا حیساب بۆ بەرژەوەندیە ئابووریەکانی دەکات، بەرژەوەندیی چەندین ملیار دۆلاری ساڵانە، نەک ترس لە دەوڵەتێک کە جگە لە شەریکێکی بازرگانی واتە سوودی دەبێت بۆی، یەک تۆزقاڵ زیانی نابێت، دۆزی کورد لە باکووریش هەر بە دیالۆگ چارەسەر دەبێت و کوردی ئەویش دەبنە خاوەن ئۆتۆنۆمی، ئەوان بە خۆیان ئۆتۆنۆمییان پێ باشە چونکە زۆر تێکەڵی تورک بوونە ٨٠%ی کوردی باکوور بە تورکی قسە دەکەن، وەک ئێمە نین،، ئێمە لە ١٩٢٠ەوە لە خەباتداین بۆ مافە نەتەوەییەکان یەک کورد نابینیەوە بە عەرەبی قسە بکات لە عێراق... عێراق بە چەسپ لێکدرا بوو، ئێمە بە ڕیفراندۆم و دەنگی خۆمان ئەو چەسپە دەپچڕێنین و چیتر ئامادە نین لە یەک خانوودا لەگەڵ عەرەب بژین، هەر یەکە و خاوەنی خانووی خۆی دەبێت و دەبینە دراوسێی یەکتر. حەیف، سلێمانی کە جەرگەی ناسیۆنالیزمی کوردی بووە لە ماوەی یەک سەدە زیاتر، کەچی ئێستا لە ڕقی بارزانی دەنگ لە دژی سەربەخۆیی دەدات. سلێمانی، ڕێز لە مێژوو و ناودەنگی خۆت بگرە، بە ئەمەک بۆ دەریایەک خوێنی شەهیدەکانت، هەڵەیەک نەکەی کە ببێتە پەڵەیەکی ڕەش لە نێوچەوانت.