وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

بۆ نوێژكردن چووە دەرەوە و خۆی سووتاند

لەلایەن تریسكە شێرزاد 11/1/2019
 فاتیمە بەهۆی نەخۆشییەكەیەوە وازی لە خوێندن هێنابوو
فاتیمە بەهۆی نەخۆشییەكەیەوە وازی لە خوێندن هێنابوو

رووداو - هەولێر

فاتیمە بە دایكی گوتبوو دەچم نوێژی عیشا دەكەم، بەڵام دوای ئەوەی دەستنوێژ هەڵدەگرێت، دەچێتە سەربانی ماڵەكەیان و دەبەیەك نەوت بەخۆیدا دەكات و ئاگر لە جەستەی بەردەدات. فاتیمە رۆژێك لە نەخۆشخانە مایەوە و مرد، كەسوكارەكەی دەڵێن "نەخۆشیی دەروونی" هەبووە.

كاژێر هەشتی شەوی 31/12/2018 كچێكی تەمەن 15 ساڵان بە ناوی فاتیمە عوسمان، دانیشتووی گەڕەكی حوڕیەی شاری كەركووك، لە سەربانی ماڵی خۆیان ئاگری لە جەستەی خۆی بەردا، بەرەبەیانی رۆژی دواتر بەهۆی زۆریی رێژەی سووتانەكەی، گیانی دەرچوو.

عەقید ئەفراسیاو كامیل، گوتەبێژی پۆلیسی كەركووك بە (رووداو)ی راگەیاند: "ئەو كچە لە سەربانی ماڵەكەیان ئاگری لەخۆی بەردابوو، 90%ی جەستەی سووتابوو، پەڕاوی لێكۆڵینەوەمان بۆ كردەوە، ئیفادەمان لە كەسوكارەكەی وەرگرتووە، دەڵێن نەخۆشیی دەروونی هەبووە، بەڵام ئێمە بەدواداچوونی زیاتر دەكەین بۆ ئەوەی بزانین هۆكاری خۆسووتاندنەكەی تەنیا نەخۆشیی دەروونی بووە، یان هۆكاری دیكەی لە پشتەوەیە".

عوسمان سلێمان كە باوكی فاتیمەیە، لە دووەم رۆژی پرسەی كچەكەیدا قسەی بۆ (رووداو) كرد و گوتی: "فاتیمە تەمەنی 13 ساڵان بوو كە تەندروستیی تێكچوو، نەماندەزانی چییەتی، لە ناكاو دەبوورایەوە و دواتر بەهۆش خۆی دەهاتەوە".

ئەوان هەروا دەزانن كچەكەیان شوێنێكی جەستەی ئازاری هەیە، تا ئەو كاتەی تووشی حاڵەتەكەی پێشوو دەبێتەوە. ئیدی دەیبەن بۆ نەخۆشخانە. عوسمان دەڵێت: "بردمان بۆ نەخۆشخانە، پزیشكەكە پێیگوتین كچەكەتان هیچ كێشەیەكی نییە، بیبەن بۆ لای پزیشكی دەروونی، ئێمەش وامانكرد، پزیشكە دەروونییەكە گوتی: كچەكەتان باری دەروونی زۆر زۆر خراپ بووە".

هەر بەهۆی نەخۆشییەكەیەوە، فاتیمە واز لە خوێندنەكەی دێنێ‌، چونكە چەندینجار لە كاتی دەوامدا بورابووەوە. باوكی فاتیمە دەڵێت: "بردمان بۆ لای چەندین دكتۆر، بەڵام سوودی نەبوو، ناچار بووین لە خوێندن دەریهێنین، فاتیمە زۆر زیرەك بوو، زۆرم پێناخۆش بوو لە خوێندن دابڕا، بەڵام هیچ چارەیەكم نەبوو".

فاتیمە زۆر داوا لە باوك و دایكی دەكات بچێتەوە بۆ قوتابخانە، بەڵام بەهۆی ئەوەی زوو زوو لە هۆش خۆی دەچوو، رێگەیان نەدا. باوكی فاتیمە دەڵێت كچەكەیان رۆژێك باری دەروونی تێكچووە، لە ماڵ دەرچووە و زۆر بەدوایدا گەڕاون نەیاندۆزیوەتەوە، تا رۆژی دواتر پۆلیس ئاگاداری كردبوونەوە كە كچەیان لەسەر رێگای كەركووك – سلێمانی دۆزیوەتەوە.

ئیدی لەو رۆژەوە فاتیمە بەردەوام لەژێر چاودێریی خێزانەكەیدا بووە. باوكی فاتیمە دەڵێت :"یەك دەقە فاتیمەمان بە تەنیا جێنەهێشتووە، هەمیشە خوشكێك یان برایەكی چاودێری دەكرد".

باوكی فاتیمە بەگریانەوە باسی ئەو شەوە دەكات كە فاتیمە خۆی سووتاند و دەڵێت: "سەعات هەشتی شەو بوو، تازە گەڕابوومەوە ماڵەوە، نانی ئێوارەیان بۆ هێنام. خەریكی سەیركردنی تەلەفزیۆن بووین. فاتیمە هەستا بچێتە دەرەوە، گوتم بۆ كوێ؟ گوتی نوێژ دەكەم. دەرگاكەی داخست.

ئێمە هەر لە ژوورەوە بووین، ئەومان لەبیركرد ماوەیەكی پێچوو گوتم ئەرێ كوا فاتیمە هەر نەهاتەوە، چوونە دەرەوە گوتیان فاتیمە لە ژوورەوە نییە".

لەو كاتەدا بە توندی لە دەرگا دەدرێ‌، دراوسێكانیان بینیبوویان ئاگر لەسەربانی ماڵی عوسمان بەرز دەبێتەوە. عوسمان دەڵێت: "كاتێك كوڕەكەم چوو دەرگای كردوە، دراوسێكان گوتیان دووكەڵ لەسەربانی ماڵەكەتان بەرز دەبێتەوە. كاتێك چووینە سەربان بینیمان فاتیمە ئاگری گرتووە، منداڵەكان ویستیان بە ئاو بیكوژێننەوە، بەڵام نەكوژایەوە، بە پەلە چووم بەتانییەكم هێنا و ئاگرەكەم كوژاندەوە".

فاتیمە بەپێی قسەی پزیشكەكان 90%ی جەستەی سووتابوو، بۆیە هیچ ئومێدێك نەبوو كە لە ژیاندا بمێنێ‌.

كەسوكاری فاتیمە لەبەردەم نەخۆشخانە چاوەڕێ بوون هەواڵێكی دڵخۆشكەر ببیستن، بەڵام كاژێر چواری بەرەبەیانی رۆژی 1/1/2019 فاتیمە دەمرێ‌. 

بە گوتەی عەقید ئەفراسیاو، لە ماوەی 31/12/2018 تاوەكو رۆژی 3/1/2019 لە شاری كەركووك چوار ئافرەت هەوڵی خۆلەناوبردنیان داوە، دوویان ئاگریان لە خۆیان بەرداوە و مردوون، دووەكەی دیكەش ویستوویانە بە حەب خۆیان بكوژن، بەڵام كەسوكاریان فریایان كەوتوون و لە مردن رزگاریان كردوون.

نیشانەکردن : فاتیمە , كەركووك
15525 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/03/2019 03:46:26 م
والله‌ وه‌بیلاهی گه‌ر پارتی نیوه‌ی پۆسته‌كانی خۆشیان بداته‌ یه‌كیه‌تی به‌ته‌ئكید یه‌كیه‌تی له‌ به‌ینی خۆیان ڕێك ناكه‌ون باشتر وایه‌ پارتی هه‌وڵ و...
یەکێتی: بەشداریمان لە کابینەی نوێی حکومەت پەیوەستە بەوەی هاوبەشێکی راستەقینە بین
| 16/3/2019 | (1)
ئیسماعیل عەبدوڵا | 16/03/2019 08:51:18 ص
چۆن بتوانم دەنگ بدەم؟
Azad Azad | 16/03/2019 08:57:23 ص
هونەری فیلمی دۆکیومێنتاری لەبارەی ئازارەکانی گه‌لی كورد به‌گشتیی به‌درێژای ١٠٠ ساڵی ڕابرد و کیمیا باران کردنی هەڵەبجە و ئەنفال و کۆمەڵکوژی کردنی...
لە بەریتانیا فیلمێکی دۆکیومێنتاری لەبارەی کیمیابارانی هەڵەبجە نمایشکرا
| 16/3/2019 | (2)
mohammad kurdish kurdstan | 15/03/2019 03:25:34 م
أن شاءالله‌ بۆخاتری عه‌رشی په‌روه‌ردگاری پیرۆز به‌م رۆژی هه‌ینیه‌ هه‌رچی بكوژان و تاوانانی ئه‌م ڕووداوه‌ بوون سه‌رشۆر و ریسوا ودونیا و قیامه‌تبن أن...
حكومه‌تى هه‌رێمى كوردستان بەتووندی سه‌ركۆنه‌ى هێرشه‌كه‌ى نیوزلەندا ده‌كات
| 15/3/2019 | (1)
REALMADRIDCF | 15/03/2019 02:34:00 م
ئەگەرلەسەردەستی پێرێزڕیاڵ مەدریدهەڵنەستایەوەئەواهاندەران دەیان هەوێت دەست لەکار بکێشێتەوە
پلانێکی شاهانە لە یانەی شاهانە
| 26/2/2019 | (1)
0.453 seconds