وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

مەلایەك سكاڵا لەسەر وەزیری خوێندنی باڵا تۆمار دەكات

لەلایەن شکار ئەحمەد 11/2/2019
د. یوسف گۆران، وەزیری خوێندنی باڵا و توێژینەوەی زانستی
د. یوسف گۆران، وەزیری خوێندنی باڵا و توێژینەوەی زانستی

رووداو - هەولێر

مەلایەك كە دەرچووی كۆلێژی ئیمام ئەعزەمە، بەهۆی پەسەندنەكردنی بڕوانامەكەی سكاڵا لەسەر وەزارەتی خوێندنی باڵاو و توێژینەوەی زانستی تۆمار دەكات و دەڵێت جیاوازی لە نێوان پەسندكردنی بڕوانامەی قوتابیاندا دەكەن. 

مەلا محەممەد سەباح خەیات كە پێشنوێژ و وتارخوێنە، بە (رووداو)ی گوت: "چوار ساڵ لە زانكۆی ئیمام ئەعزەم خوێندم، وەزارەتی ئەوقاف و وەزارەتی خوێندنی باڵا نەیانگوت زانكۆكە لە هەرێمی كوردستان دانی پێدانانرێت. زانكۆمان تەواو كرد و بڕوانامەمان وەرگرت، بەڵام ئێستا وەزارەتی خوێندنی باڵا بەبیانووی ئەوەی كە زانكۆكە لە هەرێمی كوردستان دانی پێدانانرێ بڕوانامەكانمان پەسەندناكات".

مەلا محەممەد سەباح باس لەوەش دەكات كە وەزارەتی خوێندنی باڵا جیاوازی لەنێوان قوتابییەكان دەكات و دەڵێت: "هاوپۆلی من كە لەگەڵ من بڕوانامەی وەرگرتووە، بڕوانامەكەی پەسەندكراوە و مووچەكەشی زیادكراوە، بەڵام ئەوانەی ئێمە دانی پێدانانرێت و پەسندی ناكەن. لەو رۆژانەش خەڵك هەبووە بڕوانامەكەیان پەسەند كردووە، بەڵام ئەوەی ئێمە رەتدەكەنەوە. لە رۆژی 13/1/2019 لەسەر ئەو فەزاحەتەی لە وەزارەتەكە هەیە، لە دەستەی بەرزەفتكردنی فەرمانبەران لە ئەنجوومەنی شوورا سكاڵام لەسەر وەزیری خوێندنی باڵا تۆماركرد".

ئەو مامۆستایە بەتۆمەتی ناوزڕاندن سەرپەرشتیاری گشتی زانكۆ و پەیمانگا تایبەتەكانیشی داوەتە دادگا. مەلا محەممەد دەڵێ: "سەردانم كرد و پرسیاری هۆكاری پەسەندنەكردنی بڕوانامەی ئەو مەلایانەم لێكرد، ئەویش گوتی ئەو زانكۆیە باوەڕپێكراو نییە و مامەڵەی لەگەڵ ناكەم. ئەو پەنجەیەشم دەبڕم پەسەندی بڕوانامەی دەرچووەكانی بكات، بەڵام كە پێمگوت بڕوانامەی فڵان كەستان پەسەند كردووە تووڕە بوو، پاشان لە پەیجی خۆی منی بە ساختەچی و خاوەن بڕوانامەی بێ ناوەڕۆك لە دەرەوەی هەرێمی كوردستان تۆمەتبار كرد، بۆیە سكاڵام لەسەر تۆمار كرد".

وەزارەتی خوێندنی باڵا كێشەكەی بەستووەتەوە بە تەنیا قوتابییەك و رەتیدەكاتەوە وەزیری خوێندنی باڵا دەسەڵاتەكانی بۆ بەرژەوەندی كەسی بەكارهێنابێ، وەزارەتەكە لە روونكردنەوەیەكدا دەڵێ: "ئەو زانیارییانە چەواشەكارین و دوورن لە راستی. كێشەی خوێندكارێك بەناوی محەممەد سەباح، كە یەكێكە لە دەرچووانی زانكۆی ئیمام ئەعزەم / كەركووك و داوای پەسندكردنی بڕوانامەكەی دەكات‌، بە بڕیاری ئەنجوومەنی وەزیران لە 2015 وە مامەڵە لەگەڵ كۆلێژەكانی ناوچە كوردستانییەكانی دەرەوەی ئیدارەی هەرێمی كوردستان ناكەین".

بەڵام بەپێی بەدواداچوونی (رووداو) ئەمە تەنیا كێشەی یەك قوتابی نییە، بەڵكو زۆربەی قوتابیانی كۆڵێژەكە هەمان كێشەیان هەیە.

مەلا محەممەد هەروتی كە ئەویش پێشنوێژ و وتارخوێنە و یەكێكە لەو كەسانەی بڕوانامەكەی پەسەند نەكراوە بە (رووداو)ی راگەیاند: "بڕوانامەكەم بردە وەزارەتی ئەوقاف، بەڵام گوتیان نابەسترێت، چونكە زانكۆكە دانپێدانراو نییە، دەبێت بچنە وەزارەتی خوێندنی باڵا، لەوێش پێیان گوتم ئێمە دان بەو زانكۆیەدا نانێین، بەڵام لەدوای من هاوپۆلێكم چووبووە وەزارەتی خوێندنی باڵا و بڕوانامەكەیان پەسەندكردبوو".

مەلا محەممەد پێیوایە هۆكاری ئەو جیاكارییەی نێوان دەرچووەكان ئەوەیە كە ئەوان سەر بە هیچ لایەنێك نین، ئەو دەڵێ: "من كەسێكی بێلایەنم و لەگەڵ هیچ لایەنێكدا نیم، بۆیە هیچمان بۆ ناكرێت".

مەلا حەسەن هادی عەبدولكەریم، پێشنوێژ و وتارخوێن كە هاوپۆلی مەلا محەممەد هەروتی بووە و بڕوانامەكەی پەسەند كراوە، بە (رووداو)ی گوت: "مانگی 10ی ساڵی رابردوو بڕوانامەكەم نارد بۆ وەزارەتی خوێندنی باڵای عێراق و پەسەند كرا، بڕوانامەكەم هێنایە وەزارەتی خوێندنی باڵای حكومەتی هەرێمی كوردستان، ئەوانیش پەسەندیان كرد و ناردیان بۆ وەزارەتی ئەوقاف".

یەكێكی دیكە لەو دەرچووانە بە (رووداو)ی گوت: "ئێمە 7 كەسین كە بڕوانامەكانمان پەسەند كراوە لەلایەن وەزارەتی خوێندی باڵا، بەڵام پێم سەیرە هاوپۆلەكانم بڕوانامەكانیان پەسەند ناكرێ".

نەبەز ئیسماعیل، گوتەبێژی وەزارەتی ئەوقاف لەبارەی كێشەی ئەو قوتابیانە بە (رووداو)ی گوت: "ئەم بابەتە پەیوەندی بە وەزارەتی خوێندنی باڵاوە هەیە، ئەوان ساڵانە لیستی ناوی ئەو زانكۆیانەمان بۆ دەنێرن كە بڕواپێكراو نین لەلایان، ئێستا نووسراویان بۆ ئێمە ناردووە كە بڕوانامەی ئەو زانكۆیە بڕواپێكراو نییە و ئێمە لەسەر قسەی ئەوان ناتوانین دان بە بڕوانامەكانیاندا بنێین".

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن :
2798 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Zhino assad | 16/02/2019 10:06:03 م
شيكاريةكى زور واقعيانة ،،،،،،، نوسةريكى بةتوانا
حزبەكانی باشوور لەبەردەم وەرچەرخانی نەوەكاندا
| 15/2/2019 | (1)
Srur barzani | 11/02/2019 03:00:29 م
زۆر سوپاسی ئەم مامۆستایە و برایە دەکەم بە راسی ئەوە کارێکە کە بۆ کەسێک و دوو کەس نیە بۆ میلەتێکە ئەو کارە ئینشاللە بە هیوای سەرکەوتن و کاری باشتر و...
کەریم | 14/02/2019 09:43:37 ص
زۆر سپاس بۆ کاک بۆکانی بەڕێز بۆ ئەم کارە گەورەیە دەست خۆش و سەرکەوتوبیت.
گەنجێک هەوڵدەدات شێوەزاری سۆرانی بۆ گوگڵ زیادبکات
| 11/2/2019 | (2)
hershhaji | 11/02/2019 02:53:55 م
باشە لێرەدا پرسیار ئەوە یە ئەی چۆن بڕوانامەی پۆلی ۱۱ و۱۲یان داوەتێ ؟؟؟؟
omer salem | 13/02/2019 08:33:21 م
slaw
قوتابییەك لە زانكۆوە دەگەڕێندرێتەوە ئامادەیی
| 11/2/2019 | (2)
Rebwar | 11/02/2019 01:53:12 م
Dastxosh
پارتی دەبێ خۆی لەو داوە رزگار بكات
| 11/2/2019 | (1)

لە بەشەکانی دیکەی رووداوەوە

ئەمساڵ تەنیا شەش بەشە خۆراك دەدرێتە هاووڵاتیان دوێنێ کاژێر 09:19 |

ئەمساڵ تەنیا شەش بەشە خۆراك دەدرێتە هاووڵاتیان

پەرلەمانتارێكی كورد: بەرە بەرە بایەعی نامێنێ‌ زۆرتر
پارتی و یەکێتی لەسەر کۆبوونەوەی ئەنجوومەنی پارێزگای کەرکووک رێکنەکەوتوون 17/2/2019 |

پارتی و یەکێتی لەسەر کۆبوونەوەی ئەنجوومەنی پارێزگای کەرکووک رێکنەکەوتوون

دەنگۆی ئەنجامنەدانی کۆبوونەوەکە بڵاوبووەتەوە زۆرتر
0.203 seconds