وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

رێبوار تاڵەبانی: حاڵەتی دەستووری و یاسایی هەبێت دەگەڕێینەوە کەرکووک

لەلایەن گۆڤەند مستەفا 11/11/2017
رێبوار تاڵەبانی، سەرۆکی ئەنجوومەنی پارێزگای کەرکووک بەوەکالەت
رێبوار تاڵەبانی، سەرۆکی ئەنجوومەنی پارێزگای کەرکووک بەوەکالەت

رووداو - هەولێر

سەرۆکی ئەنجوومەنی پارێزگای کەرکووک چەند مەرجێک بۆ گەڕانەوەیان بۆ کەرکووک ئاشکرادەکات و دەڵێ، حاڵەتی دەستووری و یاسایی هەبێت دەگەڕێنەوە کەرکووک. ئاشکرایشی دەکات کە نامەیەکی حەوت خاڵییان بۆ حیزبە کوردستانییەکان ناردووە، جەختیشدەکاتەوە کە خەڵکێکی نامۆ هاتوونەتە نێو کەرکووک هیچ زمانێکی دیالۆگیان نییە و پێویستە بەزووترین کات لە کەرکووک بچنەدەرەوە.

رێبوار تاڵەبانی، سەرۆکی ئەنجوومەنی پارێزگای کەرکووک بەوەکالەت، لەکاتی بەشداریکردنی لە بەرنامەی رووداوی ئەمڕۆی رادیۆ و تەلەڤزیۆنی رووداو، لەبارەی دۆخی کەرکووک و هۆکاری نەگەڕانەوەیان بۆ کەرکووک و چارەنووسی شارەکە رایگەیاند: "رۆژی 16 ی ئۆکتۆبەر کاژێر 01:00ی دوای نیوەڕۆ لە کەرکووک دەرچووم، یەکێک بووم لەو کەسانەی بە ئامانجکراوبووم، دوای نیو کاژێر لە دەرچوونم ئەو تانک و هەمەرانەی کە حەشدی شەعبی بوون یان هەر هێزێکی دیکە، راستەوخۆ چوونە ماڵەکەی من و کردیان بە بارەگای عەسائیبی ئەهلی حەق".

رێبوار تاڵەبانی سەبارەت بە پرسی گەڕانەوەشیان دەڵێ: "لە یەکەم رۆژ و دووەم رۆژی دوای 16 ی ئۆکتۆبەر لەلایەن نووسینگەی سەرۆکوزیرانی عێراقەوە تەلەفۆنم بۆ کرا، بۆ ئەوەی بگەڕێمەوە کەرکووک، منیش گوتم بارودۆخەکە بەرقەرار نییە، گوتم رەنگە سوپایەکی عێراقی تێدابێت کێشەیەک نەبێت، یان حەشدی شەعبییەکی تێدابێت پابەندبوونی هەبێت بە فەرمانێکی سەرووی خۆی، بەڵام خەڵکێکیشیان تێوەگلاوە کە مەرامێکی دیکەی هەیە و ئامانجی دیکەی هەیە، بۆیە ناتوانی لێکی جیا بکەیتەوە کامەیان تێکدەرەو کامەش پابەندە، ئەوەبوو بڕوای بە قسەکانم هێناو و گوتی قسەکانت تەواوە ئێمە هەوڵدەدەین دۆخەکە بپارێزین و جەنابیشت بەباشی بگەڕێیتەوە و کارەکانی خۆت جێبەجێ بکەیت".

بەبڕوای سەرۆکی ئەنجوومەنی پارێزگای کەرکووک، ئێستاش ئەو دڵنیاییە نییە بۆئەوەی بگەڕێتەوە  کەرکووک و دەڵێت: "ئێستاش دۆخەکە بە دۆخێکی ناتەندروست دادەنێم بۆیە ناگەڕێمەوە، تەندروستبوونەوەی دۆخەکەش پەیوەست دەبێت بەو گفتوگۆیەی کە بە چاودێری نێودەوڵەتی لەنێوان حکومەتی هەرێم و حکومەتی بە‌غدا بەڕێوەدەچێت، ئایا تاچەند لەیەک نزیکدەبنەوە بەتایبەت لەسەر کەرکووک و ناوچە کوردستانییەکانی دیکەی دەرەوەی هەرێمی کوردستان، ئەگەر بگەنە ئەنجامێک رەنگە بارودۆخەکە بۆ خەڵک ئارامتربێت و بگەڕێنەوە".

رێبوار تاڵەبانی ئاماژە بۆ ئەوە دەکات کە تەنیا بەرپرسانی کەرکووک نین شارەکەیان جێهشتووە، بەڵکو "سەرووی 50%ی کەرکووکییەکان کەرکووکیان جێهێشتووە، ئێستاشی لەگەڵدا بێت خەڵک هەر لە دڵەڕاوکێیە، دۆخەکە بەو جۆرە نییە شامی شەریف بێت، بەتایبەتی بۆ کورد، رەنگە بۆ نەتەوەکانی تورکمان و عەرەب و کلد و سریان جیاوازبێت".

رێبوار تاڵەبانی دەشڵێ: "لیستی برایەتی کە زۆرینەی ئەندامانی ئەنجوومەنی پارێزگای کەرکووک پێکدەهێنێت، ئێستا سەرووی 50% ی ئەندامانی ئەو لیستە لە دەرەوەی کەرکووکن، هەر بەو بۆنەیەوە هەر 26یان لە دەرەوەی کەرکووکن، هەندێکیان هاتووچۆی کەرکووک دەکەن، لە سەرووی 20 کەسیان ماڵیان لە کەرکووک نییە، ئەوەش بۆخۆی خوێندنەوەیەک هەڵدەگرێت".

رێبوار تاڵەبانی ئاماژە بۆ ئەوەش دەکات "خەڵکێکی نامۆ هاتووەتە نێو شارەکە هیچ زمانێکی دیالۆگی نییە، رەنگە بە قسەی فەرماندەی گشتیی هێزە چەکدارەکانیش نەکەن، حەشدی شەعبی بە سەرۆکوەزیران کۆنترۆڵ ناکرێن، رەنگە سوپای عێراقی پێ کۆنترۆڵ بکرێت، بەڵام حەشدی شەعبی بە فەرمانەکانی فەرماندەی گشتیی هێزە چەکدارەکانیش پابەندنابن، حەشدی شەعبی بەبێ بڕیاری عەبادی چووەتە کەرکووک".

سەبارەت بە دۆخی ئێستای کەرکووکیش سەرۆکی ئەنجوومەنی پارێزگای کەرکووک دەڵێ: "رۆژانە زانیاریمان لەبارەی دۆخی کەرکووکەوە پێدەگات، سەبارەت بە مامەڵەی خراپ و تووندیش لەگەڵ خەڵک، وەکو خۆیان باسی لێوەدەکەن عەسائیبی ئەهلی حەق و بەدر، یەکێکی دیکەشیان هەیە بەناوی نوجەبا کە ئەمریکا لە لیستی تیرۆر تۆماری کردووە، ئەوانە زیاتر ئازاردەرن، خەڵکێکی دیکەش هەیە بەناوی حەشدی تورکمانی شیعی، ئەوانیش کینەیەکی کۆنیان بەرامبەر بە کورد هەیە، هەم لەڕووی نەتەوەیی و هەمیش لەڕووی مەزهەبییەوە، دەتوانم بڵێم ئەوانە ژمارە یەکن لە خراپی لە شاری کەرکووک، ئەوان زیاتر ئازاری خەڵکی کورد و نەتەوەکانی دیکەش دەدەن، ئێستا عەرەبی سوننەی کەرکووکیش زۆر بێزار و بێتاقەتن".

سەبارەت بە مەرجی گەڕانەوەشیان بۆ کەرکووک، رێبوار تاڵەبانی گوتی: "نامەیەکمان بۆ ئەو حیزبە کوردستانیانە ناردووە کە لیستی برایەتیان دروستکردووە، داومان لێکردوون با بێین بارودۆخی کەرکووک چاکبکەین، چونکە ئێمەش قبووڵ ناکەین لێرەوە قسە لەگەڵ خەڵکی شاری کەرکووک بکەین، بەڵکو حەزدەکەین لەنێو شاری کەرکووک بین و کارەکانی خۆمان جێبەجێ بکەین و ئەو بارودۆخە یەکلایی بکەنەوە، بەڵام تاوەکو ئێستا وەڵامیان نەبووە".

لەبارەی نێوەڕۆکی نامەکەش گوتی: "لە نامەکەدا 7 خاڵمان نووسیون، لەوانە: ئەو حاڵەتە نادەستووری و نایاساییەی لە کەرکووک کراون هەموویان چاکبکرێنەوە. دەبێت سوپا و حەشدی شەعبی هەموویان دەربچن، چونکە هەر هەموویان نادەستووری و نایاسایین. دەبێت زیانە گیانی و ماددییەکانی خەڵکی کەرکووک قەرەبووبکرێنەوە. چەند کەس رفێندراون دەبێت هەر هەموویان ئازادبکرێن، چونکە رۆژانە زانیاری ئەوەمان پێدەگات کە خەڵک دەگرن، دەشبێت هەموو حیزبە کوردستانییەکان بگەڕێینەوە، کە بارەگاکانیان ئێستا بووەتە بارەگای عەسائیبی ئەهلی حەق و حەشدی شەعبی، هاوکات چەند خاڵێکی دیکە لە نامەکەدا هەن هەموویان لەبەرژەوەندی خەڵکی شاری کەرکووکن".

رێبوار تاڵەبانی پێیوایە ئەگەر ئەو خاڵانە جێبەجێ بکرێن و حاڵەتە دیموکراتی و دەستوورییەکە بگەڕێتەوە بۆ کەرکووک "ئەوا ئێمە پێمانناخۆشە لە شاری خۆمان نەبین و کەس حەزناکات ئاوارەبێت. بۆنموونە من دەگەڕێمەوە بۆ کەرکووک و بڕیاردەدەم فەرماندەیی ئۆپەراسیۆنەکان لە کەرکووک نەمێنێت، بەپێی دەستوور نابێت لە کەرکووک بێت، ئایا بە قسەم دەکەن؟ بە قسەی ئەنجوومەنی پارێزگای کەرکووک دەکەن؟‌ بە قسەی لیستی برایەتی دەکەن؟ حاڵەتی دەستووری و یاسایی هەبێت ئێستا دەگەڕێینەوە کەرکووک".

سەبارەت هەڵکردنەوەی ئاڵای کوردستانیش جارێکی دیکە لە کەرکووک، رێبوار تاڵەبانی گوتی: "بڕیاری هەڵکردنی ئاڵای کوردستان بە کۆی دەنگی ئەنجوومەنی پارێزگا بووە، یەک حیزبی کوردستانیش نیگەرانی ئەو بڕیارە نەبووە، دڵیشمان پێ خۆشبووە و شانازیش بەو رۆژە دەکەین کە ئاڵامان بەرزکردووەتەوە، بەڵام پرسیارەکە ئەوەیە بە چ شێوەیەک ئەو ئاڵایە داگیرا؟ بێگومان بە هێزی سەربازی هێنرایە خوارەوە، لەکاتێکدا ئاڵای کوردستان وەکو ئاڵای عێراق وایە و دەستووری و یاساییە، دەبێت بڕیارێک هەبێت بۆ داگرتنی ئەو ئاڵایە، ئەنجوومەنی پارێزگا دەتوانێت ئەو بڕیارە بدات ئەو ئاڵایە دابگرێت یان نا، بۆیە کاتێک ئێمە دەگەڕێینەوە دەبێت ئاڵای کوردستان بەرزکرابێتەوە، ئینجا لە کۆبوونەوەی ئەنجوومەن باسدەکرێت کە ئایا ئەم ئاڵا بەرزکردنەوە دەستوورییە یان نادەستوورییە؟ بەپێی ئەو ناکۆییەی لەنێوانی ئێمە و حکومەتی ئیتحادیدا هەیە".


پێداچوونەوە: دەرباز ساڵح

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rizgar Khoshnaw | 10/12/2018 09:03:40 ص
هه‌ زار ڕه حمه ت له گۆڕتان بەشیر موشیر و مامۆستا نه به ز .
Rebwar | 10/12/2018 12:48:56 م
Ruhhy ba bahasht shadbet
رەسمەن ئینفیسالی بوو
| 10/12/2018 | (2)
Hawas kakaey | 10/12/2018 10:20:17 ص
توركمانه كان پشتيان به توركيا قايمه ،مه سيحيه كان پشتيان به ئه مريكا قايمه ، ئه ى كاكه يى داماو پشت به كى ببه ستيت بو ئه وه ى وزاره تى ...
رووداو پشکی پارتی و یەکێتی و گۆڕان لە کابینەی نۆیەم ئاشکرا دەکات
| 10/12/2018 | (1)
كاميران بامه رنى | 09/12/2018 01:52:07 ص
وهگرتنی خه لاتی روزنه مه وانی UN پیروزت بئت هه رسه رکه وتوییت. بابه ته که ت زور گرنگ و له جئگا و کاتی خویدایه هیفیدارم لایه نه به رپرس و هه مو کوردیک...
فرهاد | 10/12/2018 09:28:46 ص
كاك مةجيد دةستت خوش بةراستي ئةوةى جنابت و نامو لةو جةند سالةى رابردوو كردتان تايبة ت لة ماوةى شةرى داعش بة ناسان\نى كور ئةو بة ناو فةرمانكةى...
ئەو دەرفەتەی کە کورد خەریکە لەدەستی دەدات
| 5/12/2018 | (9)
ئەختیار یارئەحمەد بەگ | 09/12/2018 10:26:56 ص
زۆر بە داخەوە بۆ دواماڵئاوایی گەورە پیاو مامۆستای خەمخۆری ڕاستەقینەی خەباتی کوردایەتی دکتۆر جەمال نەبەز. هەموومان مەبەستم نوخبەی ڕۆشنفکر، خەمخۆرانی...
Rizgar Khoshnaw | 10/12/2018 09:11:52 ص
بلیمه تێک ماڵ ئاوایی لێ کردین ، ڕۆحت شاد .
پرۆفیسۆر د.جەمال نەبەز کۆچی دواییکرد
| 8/12/2018 | (4)

لە بەشەکانی دیکەی رووداوەوە

 سێیەمین کۆنفرانسی نێودەوڵەتی زانکۆی هەولێری پزیشكی بەردەوامە 4 کاژێر لەمەو بەر |

سێیەمین کۆنفرانسی نێودەوڵەتی زانکۆی هەولێری پزیشكی بەردەوامە

بە سپۆنسەری میدیایی تۆڕی میدیایی رووداو زۆرتر
ئەمڕۆ لە سلێمانی و شەممە لە دهۆک پشكنینی بەشداربووانی ئەنتیتۆباکۆ دەکرێت 5 کاژێر لەمەو بەر |

ئەمڕۆ لە سلێمانی و شەممە لە دهۆک پشكنینی بەشداربووانی ئەنتیتۆباکۆ دەکرێت

ئەنتیتۆباکۆ زاراوەیەکی تەندروستی جیهانییە و بە زۆرتر
پشکنینی بەشداربووانی ئەنتیتۆباکۆ دەستپێدەکات دوێنێ کاژێر 12:15 |

پشکنینی بەشداربووانی ئەنتیتۆباکۆ دەستپێدەکات

ژمارەی بەشداربووان 9000 کەسی تێپەڕاندووە زۆرتر
0.422 seconds