وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

پاپا فرا‌نسیس سوپاسی کوردستان دەکات بۆ میوانداریی ئاوارە و كریستیانه‌كان

لەلایەن رووداو 12/1/2018
کۆبوونەوەی پاپا فرا‌نسیس و نێچیرڤان بارزانى لە ڤاتیکان
کۆبوونەوەی پاپا فرا‌نسیس و نێچیرڤان بارزانى لە ڤاتیکان

رووداو - هەولێر

لە کۆبوونەوەی لەگەڵ سەرۆکوەزیران نێچیرڤان بارزانى، پاپا فرا‌نسیس سوپاسی خەڵک و حکومەتی کوردستان دەکات بۆ میوانداریی ئاوارە و كریستیانه‌كان. هیواخوازیشە ئه‌و پێكه‌وه‌ژیان و ئاشتى و ته‌باییه‌ى له‌ هه‌رێمى كوردستان هه‌یه‌ بۆ هه‌میشه‌ به‌رده‌وام بێت.

سه‌رله‌به‌یانیى ئه‌مڕۆ هه‌ینى 12-1-2018 له‌ ڤاتیكان، نێچیرڤان بارزانى، سه‌رۆكوه‌زیرانى هه‌رێمى كوردستان به‌ فه‌رمى له‌لایه‌ن پاپا فرا‌نسیس، پاپای کاسۆلیکەکانی جیهان‌ پێشوازى لێكرا.

بەپێی راگەیێندراوی حکومەت "له‌ كۆبوونه‌یه‌كى دووقۆڵیدا قه‌داسه‌تى پاپا سوپاسى ئەو سه‌ردانه‌ى كرد و خۆشحاڵیى خۆى به‌ دووباره‌ دیدار و كۆبوونه‌وه‌ له‌گه‌ڵ نێچیرڤان بارزانى ده‌ربڕیووە. سوپاسى حكومه‌ت و خه‌ڵكى هه‌رێمى كوردستانى كرد بۆ میواندارییان له‌ ئاواره‌كان به‌گشتى و به‌تایبه‌تى كریستیانه‌كان، كه‌ له‌ ئه‌نجامى شه‌ڕى تیرۆرستانى داعش و رووداوه‌كانى دواتر ئاواره‌ى هه‌رێمى كوردستان بوون".

پاپا فرانسیس بە نێچیرڤان بارزانی راگەیاندووە "هیواخوازم ئه‌و پێكه‌وه‌ژیان و ئاشتى و ته‌باییه‌ى له‌ هه‌رێمى كوردستان هه‌یه‌ بۆ هه‌میشه‌ به‌رده‌وام بێت. هه‌موو كێشه‌ و گرفته‌كان له‌ڕێگه‌ى دیالۆگ و ئاشتى و لێكتێگه‌یشتنه‌وه‌ چاره‌سه‌ربكرێن. هه‌روه‌ها هیواى سه‌قامگیرى و ئاشتى بۆ خه‌ڵكى ناوچه‌كه‌ و كوردستان به‌تایبه‌تى و هه‌موو پێكهاته‌كانى خواست و گوتى نزاتان بۆ ده‌كه‌م بۆ ئه‌وه‌ى سه‌ركه‌وتوو بن و له‌ ته‌بایى و پێكه‌وه‌ژیان به‌رده‌وام بن".

نێچیرڤان بارزانى دوای ئەوەی خۆشحاڵیى خۆى به‌ دووباره‌ سه‌ردان و دیدارى پاپا فرانسیس ده‌ربڕیووە، دۆخى ئێستاى ناوچەکە‌ و پێشهاته‌ سیاسى و ئابوورییه‌كان له‌ هه‌رێمى كوردستان بۆ پاپای ڤاتیکان باسکردووە، لەوانەش  سه‌ركه‌وتن به‌ سه‌ر داعش، كێشه‌كان له‌گه‌ڵ به‌غدا، رووداوه‌كانى دواتر كه‌ بوونه‌ هۆى ئاواربوونه‌وه‌ى ژماره‌یه‌كى زۆرى ئه‌و هاووڵاتیانه‌ى گه‌ڕابوونه‌وه‌ ناوچه‌كانیان بۆ هه‌رێمى كوردستان.

بەپێی راگەیێندراوەکە، سه‌رۆكوه‌زیرانی کوردستان "هیواى خواست قه‌داسه‌تى پاپا پێگه و رۆڵى خۆى بۆ چاره‌سه‌ركردنى كێشه‌كانى هه‌ولێر ـ به‌غدا بگێڕێت. روونیشىكرده‌وه‌ كه‌ حكومه‌تى هه‌رێمى كوردستان وێڕاى دۆخه‌ سه‌خته‌كه‌ى، به‌ڵام ده‌رگا و دڵى كراوه‌ بووه‌ بۆ پێشوازیكردن له‌ ئاواره‌كان و هه‌وڵى جددیشى داوه‌ كه‌ خوشك و برایانى كریستیان بگه‌ڕێنه‌وه‌ شوێنه‌كانیان و له‌گه‌ڵ كه‌نیسه‌كان له‌ هه‌رێمى كوردستان هه‌وڵیانداوه‌ كۆمه‌ڵگه‌ى كریستیان وڵات جێنه‌هێڵن".

نێچیرڤان بارزانى رایگەیاندووە، حكومه‌تى هه‌رێمى كوردستان به‌رده‌وام ده‌بێت له‌ پاراستنى ئه‌و ته‌بایى و پێكه‌وەژیانه‌ى پێكهاته‌كان‌ كه‌ به‌شێكى گرنگى كه‌لتوورى هه‌رێمى كوردستانه‌.

هەر ئەمڕۆ (12-1-2018) له‌ ڤاتیكان له‌ كۆبوونه‌وه‌یه‌كدا له‌گه‌ڵ پیێترۆ پارۆلین، سه‌رۆكوه‌زیرانى ڤاتیكان، نێچیرڤان بارزانى تیشكى خسته‌ سه‌ر دۆخى سیاسى و ئابووریى هه‌رێمى كوردستان و دوایین پێشهاته‌كانى نێوان هه‌ولێر و به‌غدا و ئه‌و هه‌وڵانه‌ى بۆ ده‌ستپێكردنى دیالۆگى نێوان حكومه‌تى هه‌رێمى كوردستان و حكومه‌تى فیدراڵى عێراق ده‌درێن.

پیێترۆ پارۆلین، سه‌رۆكوه‌زیرانى ڤاتیكان وێڕاى سوپاسكردنى حكومه‌ت و خه‌ڵكى هه‌رێمى كوردستان بۆ یارمه‌تیدان و هاوكاریكردنى ئاواره‌كان، به‌تایبه‌تیش كریستیانه‌كان، هیواى خواستووە هه‌موو كێشه‌ و ناكۆكییه‌كانى هه‌ولێر و به‌غدا لەڕێگه‌ى دیالۆگ و لێكگه‌یشتنه‌وه‌ چاره‌سه‌ربكرێن.

داڕشتنەوە: حەکیم داود


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Behrooz Shojai
Behrooz Shojai | 19/04/2018 07:25:01 ص
کاک رەشید، مەبەستی ئەم گوتارە پەیماننامەی کەجەکە و جەوهەری تۆتالیتەری پەکەکە بوو. بۆ هەڵداڕشتنەوەی گوتار و تیۆریی ناسیۆنالیزمی نەریتی کوردی لە...
هیرانی | 19/04/2018 11:49:52 ص
وتارێكی تەواو حیزبیانەیە و لەساتەوەختێکدا نووسراوە کە تیایدا کۆنگرەی نەتەوەیی زەرورەتێکی هەنووکەییە وەک وەڵامدانەوەی ئەو هەموو هێرشە قڕکەرانەی...
كۆنگرەی نەتەوەیی پەكەكە بەپێی كۆنفیدراڵیزمی دێموكراتیك
| 17/4/2018 | (5)
ره شید | 19/04/2018 07:34:26 ص
با خه لکی کوردستان ویرای شادبوون به م رووداوه دلخوشکه ره ؛ بیر له قاره مانانی راسته قینه ی خه باتی گه له که یان که له ریبازی پر له شانازی پارتی و...
Rebwar | 19/04/2018 08:40:26 ص
zor karigara, dastxosh
دوو برا دوای 60 ساڵ بەیەکدی شادبوونەوە
| 19/4/2018 | (2)
Rebwar | 18/04/2018 04:55:19 م
Dastxosh
سووریا و عێراق.. دوو سەرچاوەی پشێوی
| 18/4/2018 | (1)
Rebwar | 18/04/2018 06:03:13 ص
ganjeki bahramandu dastrangina, hiway sarkawtni bo axwazm la gsht karakan
گەنجێک لە سۆران هاوشێو‌ه‌ی چاپ وێنه‌ی دراوه‌كان ده‌كێشێته‌وه
| 17/4/2018 | (1)

لە بەشەکانی دیکەی رووداوەوە

0.344 seconds