سەرۆکی هەرێمی کوردستان لە پەیامێکدا بۆ کۆچی دوایی نووسەر و وەرگێڕی دیاری باشووری کوردستان محەممەد مەلا کەریم بە نووسەرێکی نیشتمانپەروەر ناوی دەبات و هاوخەمی خۆی بۆ بنەماڵەکەی دەردەبڕێت.
دەقی پەیامەکەی سەرۆکی هەرێمی کوردستان
بەناوی خودای مەزن و دلۆڤان
بنەماڵەی بەڕێزی کاکە حەمەی مەلاکەریم
بەداخەوە هەواڵی كۆچی دوایی نووسەر و ڕۆشنبیری دڵسۆز و نیشتیمانەروەر و لێکۆڵەری ئەدەبی، مامۆستا حەمەی مەلاعەبدولکەریمی مودەریسمان پێ گەییشت.
لەم بۆنە خەمناکەدا لە دڵەوە سەرەخۆشی لە ئێوەی بەڕێز و کەسوکار و خزمان و ئاشنایانتان و سەرجەم ڕۆشنبیرانی کوردستان دەکەم و هاوبەشی خەمتانم.
لە خودای گەورە داواكارم گیانی کاکەحەمە بباتە بەر ڕەحمەتی خۆی و دڵنەوایی و ئارامییش بە هەموو لایەك ببەخشێت.
انا لله و انا الیه راجعون
مسعود بارزانی
١٢ـی ٣ـی ٢٠١٧
داڕشتنەوە؛ عومەر شایان
