وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

گۆڕان: ئەگەر پارتی مەرجەکانی ئێمەی قبوڵ نەبێت هەرکەس لە ماڵی خۆی

لەلایەن 12/8/2017
شۆڕش حاجی: راگەیێندراوەکەی جڤاتی نیشتمانی ناڕاستەوخۆ وەڵامی داوای پارتییە بۆ کۆبوونەوە و ئەمجار ئێمە چاوەڕێی وەڵامی پارتین
شۆڕش حاجی: راگەیێندراوەکەی جڤاتی نیشتمانی ناڕاستەوخۆ وەڵامی داوای پارتییە بۆ کۆبوونەوە و ئەمجار ئێمە چاوەڕێی وەڵامی پارتین

رووداو - هەولێر

گوتەبێژی بزووتنەوەی گۆڕان دەڵێ، راگەیێندراوەکەی جڤاتی نیشتمانی هەڵوێستی ئەوانە بۆ گفتوگۆکردن لەگەڵ پارتی و پێویستە ئەو خاڵانە جێبەجێ بکرێن. دەشڵێت: "ئەو راگەیێندراوەی ئێمە بەشێوەیەکی ناڕاستەوخۆ وەڵامی داوای پارتییە بۆ کۆبوونەوە، ئێستا تۆپەکە لە گۆڕەپانی پارتییە، ئەگەر پارتی ئەو خاڵانەی ئێمە پەسند بکات دانیشتن دەبێت، ئەگەر پەسندیشی نەکات، ئەوا هەرکەس لە ماڵی خۆی".

د. شۆڕش حاجی، گوتەبێژ و ئەندامی خانەی راپەڕاندنی بزووتنەوەی گۆڕان، لەمیانی بەشداریکردنی لە بەرمانەی رووداوی ئەمڕۆی رادیۆ و تەلەڤزیۆنی رووداو، لەبارەی دانیشتن و گفتوگۆکردن لەگەڵ پارتی دیموکراتی کوردستان بۆ تاوتوێکردنی پرسی پەرلەمان و گشتپرسی و پرسەکانی دیکەی هەرێمی کوردستان رایگەیاند: "ئێمە لە هەموو هەلومەرجێکدا پێمانوایە گفتوگۆ ئامرازێکی گونجاوە بۆ چارەسەرکردنی هەر کێشە و ئاڵۆزییەک لەگەڵ هێز و لایەنە سیاسییەکان".

شۆڕش حاجی دەڵێت: "ئێمە مەبدەئی گفتوگۆمان پەسندکردووە، ئەگەر پێشتر گفتوگۆ نەکرابێت لەبەر ئەوە بووە لایەنی بەرامبەر پێشمەرج و پاشمەرجی بۆ تاوتوێکردنی ئەو پرسانە هەبووە کە ئەگەری ئەوە هەیە لەسەر مێزی گفتوگۆ تاوتوێ بکرێن".

سەبارەت بەو کاتەی بۆ کۆبوونەوە لەگەڵ پارتی دیارییان کردووە، شۆڕش حاجی گوتی: "راگەیێندراوەکەی ئێمە بەشێوەیەکی ناڕاستەوخۆ وەڵامی داوای پارتی دیموکراتی کوردستانە بۆ کۆبوونەوە، ئێستا تۆپەکە لە گۆڕەپانی پارتییە".

گوتەبێژی گۆڕان گوتیشی: "ئەگەر پارتی خاڵەکانی ئێمە پەسند بکات، بێگومان پەیوەندی دیکە دروستدەبێت و دانیشتن دەبێت، ئەگەر بەلاشیانەوە پەسند نەبێت، ئەوا هەرکەس لە ماڵی خۆی دانیشتووە و چاوەڕێی ئەوە دەکەین رووداوەکان بەکوێ دەگەن".

شۆڕش حاجی باسی لەوەش کرد کە لەنێو جڤاتی نیشتمانی پرۆژەیەکی موتەکامیلیان بۆ گفتوگۆ و دانوستاندن ئامادەکردووە، هەر کاتێک دەست بە گفتوگۆ و دانوستاندن بکرێت بەپێی ئەو بەرنامەیەی لە جڤاتی نیشتمانی بڕیاری لێدراوە هەنگاودەنێن و پەیڕەوی دەکەن.

سەبارەت بە خاڵەکانی نێو راگەیێندراوەکەش شۆڕش حاجی پێیوابوو ئەو خاڵانە مەرج نین و ئەوان مەرجیان دانەناون، "بەڵام دەکرێت وەک مەرج سەیری ئەو خاڵانە بکرێت کە لە راگەیێندراوی کۆتایی کۆبوونەوەی جڤاتی نیشتمان هاتوون، پێمانوانییە هیچ یەکێک لەو خاڵانەش قابیلی جێبەجێکردن نەبن".

سەبارەت بەو خاڵەش کە داوای دواخستنی گشتپرسی لە 25ی ئەیلوول دەکات وەکو مەرجێکی کۆنکرێتی، گوتەبێژی گۆڕان گوتی: "دانانی کاتی گشتپرسی و سوربوون لەسەر ئەنجامدانی لەلایەن کەسێکەوە یان حیزبێکەوە، ئەمە مەرجی کۆنکرێتییە کە تۆ دەتەوێت بەسەر هەموو خەڵکی کوردستانی بسەپێنیت، ئێمە لەگەڵ دەوڵەتی سەربەخۆین، گشتپرسیش قۆناخێکە و بەشێکی بچووکە لە پرۆسەی راگەیاندنی دەوڵەتی سەربەخۆی کوردستان، بەڵام دەبێت زەمینەسازی یاسایی بۆ ئەو پرسە بکرێت".

سەبارەت بە لێکچوونی هەردوو راگەیێندراوی کۆمەڵ و گۆڕان، شۆڕش حاجی گوتی: "ئێمەو کۆمەڵی ئیسلامی کۆمەڵێک دید و بۆچوونی وەک یەکمان هەیە و هەڵوێستە سیاسییەکانمان لەمەڕ ئەو پرسانەی ئەمڕۆ لە کۆبوونەوەی جڤاتی نیشتمانیدا تاوتوێکران، لەیەک نزیکن".

رۆژی شەممە 12-8-2017، جڤاتی نیشتمانیی بزووتنەوەی گۆڕان کۆبوونەوەی ئاسایی خۆی ئەنجامدا و نزیکەی حەوت کاژێری خایاند. دوای تاوتوێکردنی هەلومەرجی کوردستان و راپۆرتی جڤاتی گشتیی گۆڕان، جڤاتی نیشتمانی بزووتنەوەکە راگەیێندراوێکی   پێنج خاڵی خستە بەردەم رای گشتی، پارتی و هێز و لایەنە سیاسییەکانی کوردستان:

یەکەم: هەڵوەشاندنەوەی بڕیاری پاشەکەوتی مووچە، کە حکومەتی هەرێمی کوردستان بە نایاسایی بەسەر خەڵکی کوردستاندا سەپاندوویەتی.

دووەم: دەستەبەرکردنی شەفافییەت لە داهاتی نەوت ‌و گاز و داهاتە ناوخۆییەکانی دیکە لەڕێگەی جێبەجێکردنی یاسای ژمارە (2) ی ساڵی (2015)ی پەرلەمانی کوردستان تایبەت بە سندووقی کوردستان بۆ داهاتە نەوتی ‌و گازییەکانی کوردستان ‌و یاسا کارپێکراوەکانی وەزارەت‌ و دەستەکانی هەرێمی کوردستان. ئەمەش بۆ ئەوەی بتوانرێ پارەی کۆمپانیا و کاسبکاران‌ بدرێتەوە و پارەی پرۆژە پەکخراوەکان خەرجبکرێ‌ و خزمەتگوزاری لە هەموو کەرتەکاندا چاکبکرێت.

سێیەم: راگەیاندن ‌و دامەزراندنی دەوڵەتی سەربەخۆی کوردستان ئامانجی هەموو خەڵکی کوردستان ‌و بزووتنەوەی گۆڕانە. ریفراندۆم ئامرازێکە پێش راگەیاندنی سەربەخۆیی ئەنجامدەدرێ. بەڵام بڕیاری ئەنجامدانی ریفراندۆم لە (25-9-2017) لە دەرەوەی زەمینەسازی یاسایی‌ و هەلومەرجی لەباری سیاسی، ئابووری، ئەمنی ‌و کۆمەڵایەتی دراوە، بەتایبەتی کێشەی ناوچە کوردستانییە دابڕێنراوەکان. بۆیە پێویستە ئەم پرسە بۆ کات ‌و هەلومەرجێکی لەبار دوابخرێ‌ و بخرێتەوە بەردەم پەرلەمانی کوردستان.

چوارەم: پەرلەمانی کوردستان دوای رێککەوتنی سیاسی نێوان هێز و لایەنە سیاسییەکان، ئاسایی بکرێتەوە و درێژە بە کاری یاسادانان ‌و چاودێری بکات‌ و بەردەوام بێت لە هەموارکردنی یاسای سەرۆکایەتی هەرێمی کوردستان بۆ چەسپاندنی سیستەمی پەرلەمانی دیموکراسی لە کوردستان.

پێنجەم: هەڵبژاردنە گشتییەکان لە وادەی یاسایی دیاریکراوی خۆیاندا ئەنجامبدرێن.

داڕشتنەوە: دەرباز ساڵح

31252 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Ahmad Jamel
Ahmad Jamel | 16/10/2017 09:02:59 م
خیانەت هەموو گەلی کوردی و پیشمەرگەی گریاد
پەرلەمانتارێکی گۆڕان دەقی رێککەوتنی بافڵ تاڵەبانی و ھادی عامری بڵاودەکاتەوە
| دوێنێ کاژێر 10:12 | (1)
Kori Boukan | 16/10/2017 03:57:51 م
من ته نيا داواكارم كه ئاگاتان له سنوره كانى روژئاوا بىت. هىندىك جولانه وه ى مه ترسىى دار له پيرانشار ديتراوه.
هاشمی: ئەوەی لە کەرکووک روودەدات بە هاوئاهەنگی بافل تاڵەبانی و قاسم سولەیمانییە
| دوێنێ کاژێر 06:27 | (1)
rzgar | 16/10/2017 01:53:16 م
خودابی پارێزیت
Kardo | 16/10/2017 03:12:53 م
سه لا مه تى بو كاک کوسره ت و هه موو پیشمه رگه ی کوردستان .به نه فره ت بن ئه وانه ی خیانه تیان له کورد و له که رکووک کرد
 برینداربوونی کۆسرەت رەسول رەتدەکرێتەوە
| 16/10/2017 | (3)
Aso | 16/10/2017 11:13:30 ص
ئه گه ر خيانه تى ئه مريكا نه بوايه كورد واى به سه ر نه ئه هات ، تكايه مه كه ونه تاوانبارى يه كترى ، ئه گه ر يه كيتيش باليكى خراپ تصرفى كردبيت ، هه...
حەشدی شەعبی هەوڵی دابڕینی کەرکووک لە هەولێر و سلێمانی دەدات
| 16/10/2017 | (1)

لە بەشەکانی دیکەی رووداوەوە

دڵەڕاوکێ و شڵەژانی دەروونی هەڕەشە لە تەندروستیی خەڵک دەکات 3 کاژێر لەمەو بەر |

دڵەڕاوکێ و شڵەژانی دەروونی هەڕەشە لە تەندروستیی خەڵک دەکات

پشتگوێخستنی دەروون نەخۆشیی جەستەیی لێدەکەوێتەوە زۆرتر
فراکسیۆنی کۆمەڵی ئیسلامی بەشداری دانیشتنی پەرلەمان دەکات 3 کاژێر لەمەو بەر |

فراکسیۆنی کۆمەڵی ئیسلامی بەشداری دانیشتنی پەرلەمان دەکات

ئەمڕۆ پەرلەمانی کوردستان کۆدەبێتەوە زۆرتر
کوردانی خورماتوو داوای هاوکاری بەپەلە دەکەن 4 کاژێر لەمەو بەر |

کوردانی خورماتوو داوای هاوکاری بەپەلە دەکەن

"سەتان خێزان گیریانخواردووە و تەنانەت خواردنیان زۆرتر
0.907 seconds