وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کولتوور و ستایل

رۆژی ڤالانتاین بازاڕى گوڵفرۆشانى لە سلێمانی گەرمکردووە

لەلایەن ئەحمەد سەنگاوی 13/2/2018
هاونیشتمانییەک: لەم رۆژەدا پەیمانى خۆشەویستى بۆ دەستگیرانەکەم نوێدەکەمەوە

رووداو - هەولێر 

ئەم چەند رۆژە، ڤالانتاین بازاڕى گوڵفرۆشانى گەرمکردووە، بەڵام بەوپێیەى ڤالانتاین لە خۆشەویستى نێوان دوو رەگەزەوە سەرچاوەى گرتووە، هەربۆیە ئەوانەى لەم رۆژەدا گوڵى سوور و دیاریى دەکڕن، زیاتر عاشقان و ئەوانەن کە بە خۆشەویستى بە یەک دەگەن.

چنار ئازاد هاونیشتمانى دەڵێت: "لەم رۆژەدا پەیمانى خۆشەویستى بۆ دەستگیرانەکەم نوێدەکەمەوە و هیوادارم داهاتوویەکى گەش و ئاسوودەمان هەبێت''.

12ساڵە دووکانێکی سلێمانی وەک سەرچاوەى دەستکەوتنى جۆرەکانى گوڵ نێوبانگى دەرکردووە، خاوەنەکەى دەڵێت، پێش ئەو فرۆشگاى هاوشێوە لە سلێمانیدا بوونى نەبووە.

سەربارى ئەوەى کە هێشتا ڤالانتاین و کولتوورى کوردى بە یەکدى رانەهاتوون، بەڵام زۆر جاریش یادەکە بەوە جیاواز دەکرێت کە ئەوانەى گوڵى سوور وەردەگرن، دڵداران نین.

شاجوان وەلى هاونیشتمانییەکی سلێمانییە و هاتووە گوڵ بۆ هاوژینەکەی بکڕێت و دەڵێت "هەموو هەفتەیەک هاوسەرەکەم گوڵى سوورم بۆ دەهێنێت، مەرجیش نییە ئەم یادە تایبەت بێت بە خۆشەویستى نێوان کوڕ و کچ، دەکرێ خۆشەویستى بێت بۆ خوشک بۆ دایک بۆ هاوسەر''.

لە سلێمانى نزیکەى 15 فرۆشیارى تایبەت بە گوڵفرۆشى هەیە، بەڵام هیچ رۆژێک هێندەى رۆژی ڤالانتاین چاویان لە کڕیارانى گوڵ نییە.

مێژووی ڤالانتاین و چۆنێتی هاتنی بۆ كۆمەڵگەی ئیسلامی

لە 14ی شووباتی هەموو ساڵێکدا لە سەرانسەری جیهان رێز لەم رۆژە دەگیرێت و عاشقان وەک رۆژێکی تایبەت جەژنی بۆ دەگێڕن. 

لەم جەژنەدا زۆر کەس لەگەڵ خۆشەویستەکانیان جەژن دەگێڕن و پۆستکارت یان نامەی عاشقانە بۆ یەکردی دەنێرن یان بە بەسەربردنی کاتێکی رۆمانسی لەگەڵ خۆشەویستەکانیان، گوزارشت لە خۆشییەکان دەکەن. 

مێژووی ئەم جه‌ژنی خۆشه‌ویستییە دەگەڕێتەوە بۆ 17 سەدە لەمەوبەر و به‌ یه‌كێك له‌ جه‌ژنی رۆمانه‌کان داده‌نرێت، زیاد له‌ 17 سەدە له‌مه‌وپێش ئەو کاتەی کە بتپەرستی لای رۆمانه‌كان باوبووه‌، ئه‌و جەژنەیان گێڕاوە و گوزارشت بووه‌ له‌ چه‌مكی بتپه‌رستی رۆمانییه‌كان بۆ خۆشه‌ویستی خودایی. 

ئه‌م بۆنه‌ بتپه‌رستییه‌ش چه‌ندین ئه‌فسانه‌ و خورافیاتی له‌ پشته‌وه‌یه‌، كه‌ لای رۆمانه‌كان و دواتریش لای کریستیانەکان و بەشێکی زۆر لە دانیشتووانی وڵاتانی جیهان هه‌ر به‌رده‌وام بووه‌.

پاش بڵاوبوونه‌وه‌ی مه‌سیحییه‌ت و هاتنی رۆمانه‌كان بۆ نێو ئایینی مه‌سیحییه‌ت، رۆمانه‌كان به‌رده‌وامبوون له‌ سه‌ر ئاهه‌نگگێڕان به‌بۆنه‌ی جه‌ژنی خۆشه‌ویستییه‌وه‌، به‌ڵام له‌ چه‌مكه‌ بتپه‌رستییه‌كه‌ی خۆیان، کە خۆشه‌ویستی ئیلاهی بووە گواستویانەتە‌وه‌ بۆ چه‌مكێكی دیکە و به‌ گه‌واهیده‌رانی خۆشه‌ویستی گوزارشتیان لێده‌كرد.

له‌و ساته‌دا و له‌ سەدەی 3ـی زایینیدا ئیمپراتۆری رۆمانی كلۆدیۆسی دووه‌م حوكمڕانی رۆمانییه‌كانی ده‌كرد و به‌هۆی سه‌رقاڵبوونی به‌ جه‌نگه‌وه‌، ژنهێنانی له‌ سه‌ربازه‌كانی قه‌ده‌خه‌كرد بۆ ئه‌وه‌ی به‌شداری جه‌نگه‌كان بكه‌ن و به‌ ژنهێنانه‌وه‌ سه‌رگه‌رم نه‌بن، به‌ڵام ڤالا‌نتاینی قەدیس کە رەبەنێکی گاور بووە رووبه‌ڕووی بڕیاره‌كه‌ی ئیمپڕاتۆر بووه‌وه‌ و ژێربه‌ژێر و به‌نهێنی گرێبه‌ستی ژنهێنانی بۆ سه‌ربازه‌كان ئه‌نجامده‌دا، پاش ئه‌وه‌ی ئیمپڕاتۆر به‌وه‌ی زانی ده‌ستگیریكرد و زیندانیکرد و بڕیاری له‌ سێداره‌دانی به‌سه‌ردا سەپاند و له‌ رۆژی 14-2-270ـی زاینی لەسێدارە درا، دواتر پاپا رۆژی كوژرانی (ڤالا‌نتاین)ی قەدیس، كه‌ بانگه‌وازی بۆ خۆشه‌ویستی و ئاشتی دەكرد بە جه‌ژنی خۆشه‌ویستی لە قەڵەمدا و ئێستا پێشیده‌وترێت جه‌ژنی عاشقان.
 
لێرەوە  عیشقی ئیلاهی بووە عیشقی مرۆڤ، ڤالانتاین بوو بە رەمزی  عیشقێکی مرۆڤدۆستانە، لە ئاسمانەوە دادەبەزێت بۆ سەر زەمین. عیشق رەهەندی ستوونی نامێنێت و رەهەندی ئاسۆیی مرۆڤدۆستانە وەردەگرێت.     

له‌ ساڵی 350ی زایینی له‌ رۆما به‌ مه‌به‌ستی به‌رزڕاگرتنی ناوی ڤالا‌نتاین و یادكردنه‌وه‌ی، له‌و شوێنه‌ی كه‌ تێیدا لەسێدارەدرا كه‌نیسه‌یه‌ك دروستكرا، دواتر پیاوانی ئایینی مه‌سیحی دژ به‌م دیارده‌یه‌ وه‌ستانه‌وه‌ و به‌ شێوێنه‌ری ره‌وشتی كچ و كوڕانی لاویان له‌ قه‌ڵه‌مدا، له‌ناو خودی ئیتاڵیادا كه‌ پێی به‌ناوبانگ بوو ئه‌م جه‌ژنه‌ هه‌ڵوه‌شێنرایه‌وه‌، بەڵام له‌ سه‌ده‌ی (18و 19)ی زایینیدا دووباره‌ زیندووكرایه‌وه‌.
  
ئه‌م دیارده‌یه‌ ته‌نها وڵاتانی خۆرئاوای نه‌گرته‌وه‌، به‌ڵكو ته‌شه‌نه‌ی سه‌ند و پەلی هاوێشتە نێو وڵاتانی ئیسلامیشه‌وه‌ و كچان و كوڕانی مسوڵمانیش گیرۆده‌ی ئه‌و داوه‌ بوون و بوونه‌ چاولێکه‌ر و ئێستا هەموو ساڵێک، بەبێ لەبەرچاوگرتنی مانا و رەهەندە ئایینی و مێژووییەکەی هاوکات لەگەڵ کریستیانەکانی جیهان جەژن دەگێڕن.

ساڵانە ئەم جەژنە لە هەر وڵاتەو بە جۆرێک ئەنجام دەدرێت، هەریەکەیان بە شێوازی نەریتی خۆیان ئەم کارە ئەنجام دەدەن.


داڕشتنەوە؛ راوچی حەسەن 

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : ڤالانتاین
1384 ژمارەی بینین
بابەتە پەیوەندیدارەکان
گوڵی سوور سیمبولی رۆژی ڤالانتاینە

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rebwar | 21/02/2018 08:42:43 ص
Dastxosh
سەردەمی حوكمی ئامۆزاكان
| دوێنێ کاژێر 09:46 | (1)
ره شید | 20/02/2018 05:13:13 م
به ریز کاکه "ئاکو" و هاورییانی به ئه مه گی رووداو، هه مووخه لکی کوردستان ته واوی ئازادیخوازان و ئه سحابی قه له م و راگه یه نه ره گشتیه کان شه ریکه خه...
سارا | 21/02/2018 05:03:02 ص
هه‌زاران سڵاو بۆ گیانی پاکی شه‌هید شیفاهه‌تا هه‌تایه‌ یادی بۆ هه‌میشه‌ یادی له‌ دڵماندا زیندووه‌. سه‌ری ڕێز و نه‌وازش داده‌نێن بۆ بنه‌ماڵه‌ی...
ساڵیادی شەهید شیفا
| دوێنێ کاژێر 02:57 | (2)
سێنیار بامەڕنی | 20/02/2018 03:59:47 م
بەڵكو میلیشیاكانی سەربە #ئیران چوونە نێو #عەفرین، هەروەك چۆن لەسایەی خیانەتكارییەكەی 16ـی ئۆكتۆبەر حەشدی شەعبی سەر بەئیران هاتوونەتە نێو كەركوك.
هێزە شەعبییەکانی سەر بە حکومەتی سووریا چوونە نێو عەفرین
| دوێنێ کاژێر 05:12 | (1)
ره شید | 19/02/2018 05:27:08 م
ده س خوش برای به ریز عه فرین چون بپاریزین؟ پیم وابی برای خوشه ویستی من جه نابت توزیک که و توویه داوی پوپولیزمی پ.ک.ک و لک وپوپه کانی یامن پیم وایه...
بارزان | 20/02/2018 08:59:49 ص
به ته واوی نه زه ری کاک ره شید ره د ده که مه وه چونکه هیچ یک له ولاته کانی دراوسی نایانهه ویت کورد وه سه ر که ون ده نا چه ند له وه ی پیش ده با موعزه...
عەفرین، پیلانێكی هەرێمایەتی لەدژی كورد
| 19/2/2018 | (3)
0.141 seconds