وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

گەنجانی كورد هەڵەبجە دەكەنە شاری بەرهەمهێنانی فڕۆكە

لەلایەن جەمال ئەحمەد جەمیل 13/3/2018
گرووپی ئاڕسی کورد 8 گەنجی بەهرەمەندی لەخۆی کۆکردووەتەوە
گرووپی ئاڕسی کورد 8 گەنجی بەهرەمەندی لەخۆی کۆکردووەتەوە

رووداو - سلێمانی

كۆنترۆڵێكی بەدەستەوەیە و خۆی ئامادە كردووە بۆ تاقیكردنەوەیەكی گرنگ. ئەگەر ببینێ فڕۆكە بچووكەكە بەو شێوەیە جوڵە دەكات كە ئەو دەیەوێ‌، مانای وایە قۆناغی یەكەمیان سەركەوتوو بووە. فڕۆكەكە بە خێرایی دەڕوات و دواتر بەرز دەبێتەوە. خەریكە لە چاو ون ببێت و پاشان دەگەڕێتەوە هەمان ئەو جێگایەی لێیەوە فڕیوە و دەنیشێتەوە. خۆشییەكی زۆر لە روخساری فەیروز و هاوڕێكانیدا بەدی دەكەی كە نازانن چۆن گوزارشتی لێبكەن.



گرووپێكی فڕۆكەوانی بچووكی هەشت كەسی، بە خەونێكی گەورەوە چاویان بڕیوەتە ئەوەی لە ئاسمانی كوردستاندا بەهرە و لێهاتوویی خۆیان لە بواری دروستكردنی فڕۆكەدا تاقی بكەنەوە. ئەوان توانیویانە چەندین فڕۆكەی بچووك دروستبكەن. هەرچەندە پێكهاتەی كەلوپەلی فڕۆكەكانیان سەردەمیانە نین، بەڵام ئەوەیان بەدیهێنا كە لە مێژە خەونی پێوە دەبینن، فڕاندنی فڕۆكە، بەتایبەت فڕۆكەی بێفڕۆكەوان.

فەیروز سەعدی، سەرۆكی گرووپی فڕۆكەوانیی ئاڕسی كورد، دڵخۆشە بەوەی توانیویەتی هەشت گەنجی شارەزا و خاوەن بەهرە لە شاری هەڵەبجە و كەلار و شارەزوور كۆبكاتەوە بۆ دروستكردنی فڕۆكەیەك كە بەرهەمی دەستی خۆیانە "ئێمە هەفتانە فڕۆكەیەك دروست دەكەین. هەموو كەرەستەكانی بێجگە لە ئەلیكترۆنییەكانی، خۆماڵین. هەر یەكێكمان لە بوارێكدا پسپۆڕین، هەمانە لە بواری ئەلیكترۆنی و هەیە لەبواری دروستكردنی هەیكەلی فڕۆكەكە".



ئەو گەنجانە دەیانەوێ بەردەوام لە هەڵەبجە كۆببنەوە و هەرلەوێش پلان و پرۆژەی نوێ بخەنەڕوو. باشتر وایە بگوترێ، ئەوان لە داخی ئەو فڕۆكانەی لە 16/3/1988 دا شارەكەیان كیمیاباران كرد، دەیانەوێ‌ هەڵەبجە بكەنە شاری بەرهەمهێنانی فڕۆكە. 

رێبین عەلی، ئەندامی گرووپی فڕۆكەوانی ئاڕسی كورد، پسپۆڕی بواری دروستكردنی هەیكەلی فڕۆكەی گروپەكەیەتی و پێیوایە ئەو كارەی دەستیان داوەتێ دانانی بناغەیەكی بەهێزە كە بتوانن لەداهاتوودا كاری گەورەتر بكەن "فڕۆكەكان لە دووبەش پێكهاتوون، بەشی یەكەمی كەرەستەی خۆماڵییە، لە فلین و تەپەدۆر و فایبەر گڵاس و داری بارسایە، تیپ و لاستیك، ئەمانە هەمووی لە هەیكەلەكەیدا بەكاردەهێنرێت، بەشی دووەمی ئامێرە ئەلیكترۆنیەكانە لەسەر خواستی خۆمان لە ‌دەرەوە داوای دەكەین".



ئارسی كورد، لە گەنجانی چەند شارێكی كوردستان پێكهاتووە، دەشزانن دروستكردنی فڕۆكەی بەكار و گەورە بەو شێوازە زانستییەی ئێستا، كارێكی هەروا ئاسان نییە. بەڵام وای دەبینن ئەوەی ئێستا كردوویانە دەبێتە بناغەی تیمی فڕۆكەوانیی كوردستان.

وەك سەرۆكی گرووپەكە باسی دەكات، ئەو فڕۆكانەی دروستی دەكەن بەشێكیان نابێت لەمەودای چاو و كۆنترۆڵ تێپەڕێت "بەڵام ئەوانەی فڕۆكەی بێفڕۆكەوانن، لەڕێگەی ئایپاد یان كۆمپیوتەرەوە كۆنتڕۆڵی دەكەین و رەوانەی مەودای دوورتری دەكەین".



محەممەد ئازاد، ئەندامی گرووپەكە، خەونی گەورەی ئەوەیە فڕۆكەی گەورەتر دروست بكەن و دەیەوێت گرووپەكەیان فراوانتر بكەن و گەنجانی هەموو كوردستان بەشداربن، بۆ ئەوەی بەهرەی زۆرتر و بیركردنەوەی باشتریان لەگەڵ بێ.

ئەوان چەند جۆرە فڕۆكەیەكیان دروستكردووە. وەك خۆیان دەڵێن ئەگەر هاوكاری بكرێن دەتوانن هەمان ئەو فڕۆكانە بەشێوەیەك دروست بكەن كە حكومەتی هەرێمی كوردستان سوودی لێ ببینێ، بەڵام فڕۆكە بێفڕۆكەوانەكانیان  لەئاستێكدایە بۆ ئێستا دەتوانرێت بەكاربهێنرێ. هاوكات فڕۆكەیەكیان دروستكردووە دەتوانێت لەكاتی پێویستدا لەنێو ئاو و رووبارەكاندا بنیشێتەوە و هاوشێوەی بەلەم جووڵە بكات.

ئەندامانی گرووپەكە توانیویانە پەیوەندی لەگەڵ كۆمیانیاكانی بواری تەكنەلۆژیای فڕۆكەوانی دروست بكەن و چ كەرەستەیەكیان پێویست بێت هاوردەی بكەن و لە فڕۆكەكانیاندا بەكاری بهێنن، لەگەڵ ئەوەدا بەردەوام ئاگاداری دیزانە نوێیەكانی دروستكردنی فڕۆكەن و سوودی زۆریان لێ‌ بینیون.



سەرۆكی گرووپی فڕۆكەوانیی ئاڕسی كورد، دەیەوێت خۆی و تیمەكەی لەداهاتوودا پرۆژەكەیان فراوانتر بكەن لەبواری سەربازی و شارستانی و بوارەكانی دیكەدا.

ئەو كۆمەڵە گەنجە، كاتێك فڕۆكەكانیان لەئاسماندا دەبینن، دڵنیان لەوەی توانیویانە سەركەوتوو بن لەو كارەی دەستیان داوەتێ، هەر بۆیە چاویان لەوەشە حكومەتی هەرێمی كوردستان هەماهەنگییان لەگەڵ بكات و پێكەوە فڕۆكەی گەورەتر و باشتر دروستبكەن.

کۆمێنتەکان

 
سارا | 13/3/2018
له‌ کانگای دڵمه‌وه‌ جوانترین پیرۆزبایی ی له‌ لاوانی به‌ توانا و داهێنه‌ری شاری هه‌ڵه‌بجه‌ی سومبولی کوردستان و پایته‌ختی ڕۆشنبیری کوردستان ئاڕاسته‌ ده‌که‌م. به‌ ڕآستی شاری هه‌ڵه‌بجه‌ له‌ هه‌موو ڕوانگه‌یه‌که‌وه‌ جێگای شانازی له‌ مێژووی دێرینه‌وه‌ دانیشتوانی ئه‌م شاره‌ پڕ له‌ شکۆ و خاوه‌ن مێژووه‌ تا به‌ ئه‌مڕۆ به‌رده‌وام له‌ تێکۆشان و داهێنان دا مه‌زنترین خزمه‌تی به‌ کورد و کوردستان کردووه‌. به‌ درێژایی ی مێژووی دێرین و نوێ پایته‌ختی کوردایه‌تی و ڕێبازی خه‌بات و سومبولی شه‌هیدانی جینۆسایدکردنی زیتر له‌ 30هه‌زار شه‌هیدی کیمیاباران و ئه‌نفال و له‌ سه‌ده‌ی بیست و یه‌که‌م دا بووه‌ هۆی ناساندنی دۆخی ڕامیاری نه‌ته‌وه‌ی کورد له‌ دنیادا، وه‌ گرنگتر له‌مانه‌ له‌ بواری ڕامیاری دا بووه‌ هۆی گۆڕانکاری و دامه‌زراندنی ده‌وڵه‌تی هه‌رێمی کوردستان و له‌ دایك بوونی په‌ڕله‌مانی کوردستان. ئه‌م ده‌ستکه‌وتانه‌ به‌رهه‌می شه‌هیدانی شاری شه‌هیدپه‌وه‌ری هه‌ڵه‌بجه‌ بوو نه‌ته‌وه‌ی کوردی به‌ ئمانج و مافه‌کانی خۆی نزیك کرده‌وه‌ که‌ کورد له‌ ماوه‌ی 2700 ساڵی ڕابووردوودائه‌و مافه‌ ڕه‌وانه‌ی لێ ی زه‌وت و قه‌ده‌غه‌کراو بووه‌. له‌ به‌ر ئه‌م هه‌موو خه‌بات و قوربانی دان و تێکۆشانی ڕؤڵه‌ نه‌به‌زه‌کان و سه‌روه‌ریه‌کانی شاری هه‌ڵه‌بجه‌ ده‌بوایه‌ خزمه‌ت گوزاری تایبه‌ت وه‌ به‌ بوجه‌یه‌کی تایبه‌ته‌وه‌ ده‌وڵه‌تی هه‌رێمی کوردستان ته‌رخان بکردایه‌ بۆ هه‌موو چینه‌کانی ئه‌م شاره‌ تا له‌ به‌هره‌ و توانای لاوان و پیران و بنه‌ماڵه‌ی سه‌روه‌ری شه‌هیدان پێکه‌وه‌ شیاوی باشترین خزمه‌تگوزارین به‌ ئه‌نجامبگه‌یشتایه‌. زۆر به‌ داخه‌وه‌، به‌ هۆی گه‌نده‌ڵی و پێشێل کردن و ناحه‌زی چه‌ند لایه‌نی خائن ،مافی ئه‌م شاره‌ خاوه‌ن مێژووییه‌ پڕ له‌ کاره‌سات و نه‌هامه‌تی و شه‌هیدپه‌روه‌ره‌ به‌ ده‌ستی گه‌نده‌ڵکارانی ترۆریسیت زۆر زوڵم و سته‌می لێکراوه‌و به‌ به‌رده‌وامی لێکراوه‌و لێ ی ده‌کرێت. به‌ڵام، دانیشتوانی تێکۆشه‌ری ئه‌م شاره‌، به‌ پێچه‌وانه‌ی ئه‌م هه‌موو سته‌م و زوڵمانه‌ به‌ گه‌شبینی و تێکۆشانه‌وه‌ به‌رده‌وامن. هه‌روه‌ك په‌ندی پێشینانی جوانی کوردی ده‌ڵێت: كۆڵنه‌دان له‌ ژیاندا سه‌رکه‌وتنه‌. به‌ هیهوای سه‌رکه‌وتن و سه‌ربه‌رزی بۆ هه‌موو لاوان و پیری خۆشه‌ویست و کۆڵنه‌ده‌ری شاری هه‌ڵه‌بجه‌ی پڕ له‌ شانازی کورد و کوردستان.
Hawzhin | 13/3/2018
dastyan xoshbit harsarkawtu ben.
3119 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/09/2018 01:10:21 م
به‌ ته‌ئكید شیعه‌ و ئێران مه‌لا به‌ختیاریان پێ باش نیه‌ له‌تیف ره‌شیدیان پێ زۆر باشه‌..!!! به‌رهه‌میش تازه‌ بگه‌ڕێته‌ ناو یه‌كیه‌تی یان نه‌ هه‌ر وه‌ك...
لە بەربژێرەکانی یەکێتی بۆ سەرۆککۆماری عێراق دوو کەس مانەوە
| 16/9/2018 | (1)
dara hama | 15/09/2018 03:51:53 م
ئه‌گه‌ر بۆ بانگه‌شه‌ نییه‌ 2 مانگ پێش ئێستا بۆ ئه‌و قسه‌یه‌ نه‌كرا ؟؟
دڵشاد شەهاب: پلانی حکومەتە لە نزیکترین کاتدا پاشەکەوتی مووچە بەیەکجاری نەمێنێت
| 15/9/2018 | (1)
سەردار بێرکۆتی | 15/09/2018 12:20:20 م
پرسیارێك؛ بۆ تەنها لە کوردستان دۆڕاو هەردەم وتوویەتی تەزویر کراوە!!
چوار لایەنی کوردستانی: نوێنەرە دڵسۆز و راستەقینەكانتان بنێرنە پەرلەمان
| 15/9/2018 | (1)
Azad Azad | 15/09/2018 08:07:39 ص
كاك موسه‌نا امین والله‌ به‌راستی وه‌ حه‌ق و عه‌داله‌ت ئێوه‌ حه‌قی هیچ پۆستێكی سیادیتان نیه‌ له‌ په‌ڕه‌مانی كوردستان له‌به‌ر ئه‌وه‌ی ئێوه‌ له‌ كاتی...
سەردار بێرکۆتی | 15/09/2018 09:19:52 ص
شایستەیەتی دوکتۆر موسەنا
موسەننا ئەمین: بە بەرکەوتەی نیشتمانی پۆستی جێگری سەرۆکی پەرلەمان مافی یەکگرتووە
| 15/9/2018 | (2)

لە بەشەکانی دیکەی رووداوەوە

جگەرەکێشان کار لە بینایی دەکات 8 کاژێر لەمەو بەر |

جگەرەکێشان کار لە بینایی دەکات

پێکهاتەیەکی جگەرە لەسەر تۆڕی چاو دەنیشێت زۆرتر
تاکسییەکەی یاریزانانی کورد 19 کاژێر لەمەو بەر |

تاکسییەکەی یاریزانانی کورد

یاریزانی کورد لەرووی رۆشنبیرییەوە زۆر هەژارە زۆرتر
پەیوەندی زیاتر لەنێوان قەڵەوی و رەبۆ دەبینرێتەوە 22 کاژێر لەمەو بەر |

پەیوەندی زیاتر لەنێوان قەڵەوی و رەبۆ دەبینرێتەوە

بە زیاتر لە رێگایەک لوولەکانی هەوا تەسکدەکاتەوە زۆرتر
0.297 seconds