وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

قوربانییانی هەڵەبجە کۆمپانیا ئەڵمانییەکان دەدەنە دادگا

لەلایەن رووداو 13/3/2018
7657 ژمارەی بینین

ئوسامە گوڵپی

رووداو - هەڵەبجە

رێکخراوی قوربانیانی هەڵەبجە سکاڵای یاسایی دژی ژمارەیەک کۆمپانیای ئەڵمانی تۆمارکرد و داوای ملیاران دۆلار قەرەبوو دەکات.

رۆژی سێشەممە 13-3-2018 رێکخراوی قوربانیانی هەڵەبجە گردبوونەوەیەکی رێکخست. هەمانکات لە دادگای بەرایی هەڵەبجەش سکاڵای لەسەر چەند کۆمپانیایەکی ئەڵمانی تۆمارکرد و ناوەکانی راستی دادگاکە کرد، بە تۆمەتی ئەوەی هاوکاربوون لە کیمیابارانکردنی خەڵکی هەڵەبجە لە 16-3-1988.

سکاڵاکە کە لەلایەن کۆمپانیایەکی یاسایی نێودەوڵەتییەوە جوڵێنراوە، وەک قەرەبوو داوای ملیاران دۆلار بۆ قوربانییان و رزگاربووانی جینۆسایدی هەڵەبجە دەکات.

بڕی ئەو قەرەبووەى لە کۆمپانیاکان داوادەکرێت، بەپێی کەیسی کەسەکان دەگۆڕێت، کە لەنێوان یەک بۆ حەوت ملیۆن دۆلارە بۆ هەر قوربانییەک.

پارێزەر گاڤی ماریەون دەڵێت، ماوەى 10 ساڵە کار لەسەر ئەو کەیسە دەکەن لە ئەوروپا، ئێستا بەو بڕوایە گەیشتوون کە بەشی پێویست بەڵگەیان لەبەردەستە بۆ بردنەوەی کەیسەکە لە دادگاکانی ناوخۆی کوردستان و دەرەوە. 

ئەو تۆمەتانەى دراونەپاڵ کۆمپانیا ئەڵمانییەکان بریتین لە "تاوانی جینۆساید، تاوانی شەڕ و تاوان لە دژی مرۆڤایەتی".

پێداچوونەوە: حەکیم داود

جیهان
0.203 seconds