وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

لە بەغدا دەستدرێژی دەكرێتە سەر ئەندازیارێكی كورد

لەلایەن هیوا حوسامەدین 13/11/2017
غاسل سێ جار بۆ هێنانەوەی هاوژینەکەی چووە بەغدا
غاسل سێ جار بۆ هێنانەوەی هاوژینەکەی چووە بەغدا

رووداو – هەولێر

ساڵی 2011 وەكو ئەندازیارێكی نموونەیی لە سووریا دەستنیشان كرا، پاشان كۆمپانیاكان لە باشووری كوردستان بانگهێشتنامەیان بۆ نارد و لەماوەیەكی كەمدا سەرپەرشتی چەند كۆمپانیایەكی دیكۆری لە هەولێر گرتەدەست. غاسل خەلیل كە كوردێكی رۆژئاوای كوردستانە، هەر زوو باری دارایی باش بوو، بۆیە بیری لە هاوسەرگیری كردەوە، بەڵام دوای شەش مانگ هاوسەرگیرییەكەی تەواوی ژیانی گۆڕی. غاسل دەیەوێ‌ لە رێگەی پۆلیسی ئینتەرپۆلەوە ئەو كەسانە بە گرتن بدات كە ناچاریان كردووە لە پارك و شوێنە گشتییەكان رۆژ بكاتەوە. 

غاسل خەلیل بە (رووداو)ی گوت: "لە هەولێر كچێكی سووریم ناسی و دوای یەك دوو دانیشتن رێككەوتین لەسەر ئەوەی هاوسەرگیری بكەین ، لەلای مەلا مارەم كرد و پێش گواستنەوە 6500 دۆلاری لێ بردم و ون بوو، گوتم دیارە بەخت یاوەرم نەبووە و خێری پێوە بێ".

دوای مانگێك لە رێگەی كرێكارێكی عەرەبەوە كە لە كۆمپانیا بەیەكەوە كاریان كردووە، كچێكی عەرەب دەدۆزێتەوە، كرێكارەكە زۆر پەسنی كچەكە دەدات. غاسل گوتی "دوای ئەوەی كچەكەم بینی، خوازبێنیم كرد، ژیانێكی خۆشمان هەبوو، زۆر ئاسوودە بووین".

بەڵام ئەو ژیانەیان زۆری نەبرد، كاتێك هاوژینەكەی بە ناوی پرسە گەڕایەوە بەغدا، هەموو شتێك تێكچوو. غاسل دەڵێت "ئەو بۆ سێ‌ رۆژ چوو، بەڵام 15 رۆژ هەر وەڵامی تەلەفۆنی نەدامەوە، ناچار چوومە بەغدا بۆ گەڕەكی شوعلە، بۆم دەركەوت براكانی رێگرن لەوەی بێتەوە هەولێر، بە هەر شێوەیەك بوو رازیم كردن و لەگەڵ هاوژینەكەم گەڕاینەوە".

بۆ جاری دووەم هاوژینەكەی غاسل دەچێتەوە بەغدا، ئەمجارەیان بە بیانووی چلەی باوكی براژنەكەی، بەڵام دیسان وەكو جاری پێشوو نەگەڕایەوە، غاسل گوتی: "خێزانی هاوژینەكەم بۆ بەغدا بانگیان كردم و پێیانگوتم دەبێ بێیتە بەغدا و منیش چووم، داوایان لێكردم واز لە هاوژینەكەم بهێنم و تەڵاقی بدەم یان ماڵەكەم لە هەولێر بفرۆشم و بچمە بەغدا دابنیشم".

غاسل بە مەرجی دووەم رازی دەبێ‌ "پێكەوە هاتینەوە هەولێر و لێرە هەموو شتێكمان فرۆشت، بۆ رۆژی دواتر بەنیازبووین بگەڕێینەوە بەغدا هاوژینەكەم گوتی براكەم هەندێك پارەی لەلای كەسێك داناوە، دەچم دەیهێنم و دەڕۆین، دوای كاژێرێك دەركەوت هاوژینەكەم پارەی فرۆشتنی ماڵەكەی هەمووی بردووە و بە تەنیا گەڕاوەتەوە بەغدا".

غاسل ناچار دەبێ‌ بۆ جاری سێیەم ملی رێگا بگرێتەبەر بۆ بەغدا. دەڵێت "لەرێگای كەسێكەوە چوومە ماڵی سەرۆك هۆزی جبوور كە هاوژینەكەم لەو هۆزە بوو، سەرۆك هۆزەكە بانگی هەردوو برای هاوژینەكەمی كرد، ئاشتیان كردینەوە و لەگەڵ ئەوان گەڕامەوە ماڵیان، بەڵام لەوێ‌ زۆر خراپیان بەسەر هێنام.

غاسل گێڕایەوە "هەر ئەو شەوە براكانی هاوژینەكەم بە قایشی موبەڕیدە بۆ ماوەی 2 كاژێر ئەشكەنجەیان دام. دواتر داوایان لە ئافرەتەكان كرد بچنە ژوورێكی دیكە، عەلی كە برا گەورەی هاوژینەكەم بوو، دەمانچەی خستە سەر سەرم و گوتی خۆت رووت بكەوە، زۆر تكام كرد سوودی نەبوو، بوتڵێكی بەتاڵی ئاویان هێنا و بەزۆر منیان لەسەری دانیشاند و دواتریش دەستدرێژییان كردە سەرم، بە مۆبایلیش وێنەیان گرتم و هەڕەشەیان لێكردم لەلای هەر كەسێك باسی بكەم ڤیدیۆكە بڵاودەكەنەوە، كەچی دواتر ڤیدیۆكەیان لە فەیسبووك بڵاوكردەوە".

غاسل لە ئاسایشی هەولێر و نووسینگەی یونامی سكاڵای تۆمار كردووە و چاوی لەوەیە دەزگا ئەمنییەكان مافەكانی بۆ وەربگرنەوە.

عومەر، برای هاوژینەكەی نەیشاردەوە كە لەگەڵ عەلی برای لە غاسلیان داوە و سوكایەتییان پێ كردووە. عومەر بە تەلەفۆن بە (رووداو)ی گوت: "ئەو پیاوە غەدری زۆری لە خوشكەكەم كردبوو، ئاڵتوونەكانی  فرۆشتبوو، رۆژانەش لێیداوە. غاسل لە رێگای فەیسبووك زیاتر لە دە جار شەڕی بە خێزانی من و عەلی برام و خزم و كەسەكانم فرۆشتووە، وێنەیانی دەگرت و لە فەیسبووك بڵاوی دەكردەوە، قسەی ناشیرینی زۆری پێدەگوتین، بە جۆرێك نەدەكرا لەوە زیاتر بێدەنگ بین، ئێستاش كە سكاڵای لەسەر ئێمە تۆمار كردووە، هەندێك لە قسەكانی بە درۆ دەزانین و ئێمەش سكاڵامان لەسەری هەیە و هەفتەی داهاتوو دێینە هەولێر و سكاڵای لەسەر تۆمار دەكەین".

کۆمێنتەکان

 
Iman Botani | 15/11/2017
دەستیان خۆش بێت، ئەم هەموو کچە کوردە هەیە بۆ دەبێ ئەرەب بێنی!دوایی خۆ ئاشکرایە کە بەشێکی زۆری ئافرەتانی ئەرب بۆ ئەم جۆرە کارانە(فێڵ بۆ پارە پەیدا کردن) یان بۆ لەشفرۆشی هاتونەتە هەرێمی کوردستان. بە راستی ماندو بووین، لە سەر ئاستی گشتی بەس نییە ئەم هەموو ستەمە دەبینرێت کە رۆبەرۆی مللەتی کورد بووە و بەردەوام دەبێت؟ تکایەهاوولاتی کورد لە سەر ئاستی کەسی دەبێت وشیار تر بێت و خۆت زۆر تر بپارێزێت
نیشانەکردن : بەغدا , کوردستان

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Miaad shwan | 13/10/2018 11:01:31 ص
تا كاتژير چه ند ئه م كتيبخانه به رده وأم ده بيت...؟؟؟
لە هەولێر پێشانگەی نێودەوڵەتی کتێب دەکرێتەوە
| 9/10/2018 | (1)
Abdolvahed | 13/10/2018 08:22:50 ص
پیم وانیه ئه مریکا پشتی کوردبگریت چونکه کورد بوخوی پارچه پارچه ونالیکه به داخیکی زورگه وره هه رحیزب وپارتیکی کوردی ئالقه به گوی ده وله تیکی داگیرکه...
لاڤرۆڤ: ئەمریکا هەوڵی دامەزراندنی دەوڵەتێک لە سووریا دەدات
| 12/10/2018 | (1)
ره شید | 12/10/2018 04:27:41 م
ده سخوش کاک رابه ر ، له کوردستانی ئیمه دا دیموکراسی ده له مه یه و حیزبه سیاسیه کان به ده سه لاتیشه وه خاوه نی کلتووریکی دیموکراتیک نین ! چاویان له وه...
Raber | 12/10/2018 05:54:03 م
كاك رابه ر به ريز بابه تكاني تو وتنه وه يه، شي كردنه وه نيه. به داخه وه
دیموكراسی به‌بێ هه‌ڵبژاردن
| 12/10/2018 | (2)
محمد | 12/10/2018 10:07:57 ص
لە باو لە باران هەر تەمەنی بەفر کەم دەکا بە ئەمریکا و ڕوسیا کوردیان نەهێشت
پۆمپیۆ: واشنتن دەیەوێت کورد لە دانوستاندنەکانی داهاتووی سووریادا بەشداربن
| 12/10/2018 | (1)

لە بەشەکانی دیکەی رووداوەوە

ڤیاگرا خراوەتە نێو بەشێک لە جگەرە ئەلیکترۆنییەکان 6 کاژێر لەمەو بەر |

ڤیاگرا خراوەتە نێو بەشێک لە جگەرە ئەلیکترۆنییەکان

دەزگای خۆراک و دەرمانی ئەمریکی هۆشداری دەدات زۆرتر
برسیێتی و بەدخۆراکییەکی گەورەتر بۆ یەمەن بەڕێوەیە 9 کاژێر لەمەو بەر |

برسیێتی و بەدخۆراکییەکی گەورەتر بۆ یەمەن بەڕێوەیە

گەورەترین برسیێتی دەبێت لە 100 ساڵی رابردوودا زۆرتر
چین رۆڵی نێرینە لە درووستکردنی کۆرپەدا ناهێڵێت 23 کاژێر لەمەو بەر |

چین رۆڵی نێرینە لە درووستکردنی کۆرپەدا ناهێڵێت

بە بێ نێرینە کۆرپە بەرهەمهێنرا زۆرتر
0.453 seconds