وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

نێچیرڤان بارزانی: پارتی هەرگیز سازش لەسەر مافە دەستوورییەکانی کوردستان ناکات

لەلایەن گۆڤەند مستەفا 16/4/2018
گوتاری نێچیرڤان بارزانی، جێگری سەرۆکی پارتی دیموکراتی کوردستان

رووداو - هەولێر

لە ئاهەنگی دەستپێکردنی بانگەشەی هەڵبژاردنی پارتی، نێچیرڤان بارزانی رایگەیاند "پارتی هەرگیز سازش لەسەر مافە دەستوورییەکانی کوردستان ناکات".

ئەمڕۆ دووشەممە 16-4-2018 پارتی دیموکراتی کوردستان بانگەشەی هەڵبژاردنی لە هەولێر دەستپێکرد و نێچیرڤان بارزانی، جێگری سەرۆکی پارتی گوتارێکی پێشکەشکرد.

نێچیرڤان بارزانی رایگەیاند "تاوەکو پارتی بەهێز بێت، پێگە و مافە دەستوورییەکانی هەرێمی کوردستان پارێزراوتر دەبن و دەستکەوتی زیاتر بۆ کوردستان مسۆگەر دەبن. پارتی هەرگیز سازشی لەسەر مافەکانی گەلی کوردستان نەکردووە و هەرگیز سازشیش لەسەر مافە دەستوورییەکانی هەرێمی کوردستان ناکات، هەمیشە لە هەوڵ و تێکۆشاندا بووە بۆ ئەوەی گەلی کوردستان و خاکی پیرۆزی کوردستان پارێزراو بێت".

نێچیرڤان بارزانی دەڵێت "ئەگەر خۆڕاگری و قوربانیدان و بەرگریی و گیانفیدایانەی پارتی نەبووایە رووداوەکانی کۆتایی ساڵی رابردوو بە تەواوەتی چارەنووسی هەرێمی کوردستانیان دەگۆڕی". 

دەقی گوتەکانی نێچیرڤان بارزانی


خۆشحاڵین ئەم ئێوارەیە هەموومان لێرەین بۆ ئەوەی بانگەشەی هەڵبژاردنی پارتی دیموکراتی کوردستان بۆ هەڵبژاردنی ئەنجوومەنی نوێنەرانی عێراق رابگەیێنین. هەڵبژاردنێک کە بۆ عێراق و بۆ هەرێمی کوردستان گرنگییەکی تایبەتی هەیە، تا پارتی ئەنجامی باشتری تێدا بەدەستبهێنێت زیاتر لە بەرژەوەندی هەرێمی کوردستاندا دەبێت، تا پارتی تێدا بەهێز بێت پێگە و مافە دەستوورییەکانی هەرێمی کوردستان پارێزراوتر دەبن و دەستکەوتی زیاتر بۆ هەرێمی کوردستان مسۆگەر دەبن.

پارتی بۆ بەدیهێنانی مافەکانی گەلی کوردستان و پێکهاتە نەتەوەیی و ئایینیەکانی دامەزراوە، زیاتر لە 70 ساڵە لەو پێناوەدا خەبات دەکات و قوربانیدەدات و تێدەکۆشێت. پارتی ئێستاش بۆ هەمان ئامانج دەیەوێت بەهێزێکی گەورەوە لە بەغدا ئامادەبێت، دەیەوێت مافە رەوا و دەستوورییەکانی هەرێمی کوردستان بپارێزێت و بە ئامادەیی و پێگەی خۆی لە بە‌غدا هانی عێراقبدات و یارمەتیدەر بێت بۆ ئەوەی هەموو کێشە و گرفتەکان بە دیالۆگ و بە شێوەیەکی ئاشتییانە چارەسەربکرێت.

پارتی هیچ دەرفەتێک بۆ ئاشتی لەدەست نەداوە و هەمیشە ئامادەیە بە ساڵ گفتوگۆ بکات لەپێناو ئاشتی، بەڵام نایەوێ یەک رۆژیش شەڕ ببینێت لە کوردستان، پارتی چۆن لە خەبات و شۆڕشدا دلێر و بەرگری لە خاک و لە گەلی کوردستان کردووە لەسەر مێزی گفتوگۆ لە خەباتی سیاسیشدا دەستکەوتی گەورەی گەورەی بۆ گەلی کوردستان بەدەستهێناوە. پارتیمان هەرگیز سازشی لەسەر مافەکانی گەلی کوردستان نەکردووە و هەرگیز سازشیش لەسەر مافە دەستوورییەکانی هەرێمی کوردستان ناکات، هەمیشە لە هەوڵ و تێکۆشاندا بووە بۆ ئەوەی گەلی کوردستان و خاکی پیرۆزی کوردستان پارێزراو بێت، بۆ هەمیشە لەسەر ئەم رێبازە کە رێبازی بارزانی نەمرە دەمینێتەوە و کوردستان دەپارێزێت و هەرگیز رێگەنادات کوردستان لاواز ببێت.

هەڤاڵانی بەڕێز، کوردستانیانی خۆشەویست...

ئەزموونی عێراقی دوای رژێمی بەعس سەلماندی کە عێراق ناتوانێت بکەوێتە سەر رێگای راستی سەقامگیری و پێشکەوتن ئەگەر رێز لە مافە دەستوورییەکانی گەلی عێراق و پێکهاتەکانی نەگیرێت، بوونی بەهێزی پارتی لە بەغدا لەگەڵ لایەنەکانی دیکەی عێراقی و کوردستانی یارمەتیدەرێکی گەورە دەبن بۆ ئەوەی عێراق بخاتە سەر راستەڕێی فیدراڵی و رێزگرتن لە مافە دەستوورییەکانی هەموو لایەنەکان لە عێراقدا، بۆیە دەبێت پارتی بەهێزەوە لە بەغدا بێت.

پارتی دیموکراتی کوردستان چۆن لە یەکەم رۆژی لەدایکبوونییەوە لە دوای راپەڕینی 1991یشەوە تاوەکو ئێستا وەک گەورەترین هێزی هەرێمی کوردستان رۆڵی سەرەکی دەگێڕێت، دەبێت بە ئەزموونی دەوڵەمەند و لێهاتوویی و بە بڕوای پتە و بە دۆز و مافە رەواکانی گەلەکەی بە پێشەنگی پاراستن و بەرگریکردن لە بەرژەوەندییەکانی گەلی کوردستان و پێکهاتەکانی دیکە لە عێراقدا بمێنێتەوە، هەر ئەمەش ئامانجی یەکەم و سەرەکەی پارتییە لە بەشداریکردنی لە هەڵبژاردنەکانی ئەنجوومەنی نوێنەرانی عێراق.

پارتی بە ئەزموون سەلماندوویەتی کە سەرسەختترین بەرگریکار و پارێزەری خاک و مافەکانی کوردستانە و هەمیشە قوربانی مەزنی داوە لەو پێناوەدا، هاووڵاتییانی کوردستان شاهێدی ئەوەن ئەگەر خۆڕاگری و قوربانیدان و بەرگریی و گیانفیدایانەی پارتی نەبووایە رووداوەکانی کۆتایی ساڵی رابردوو بە تەواوەتی چارەنووسی هەرێمی کوردستانیان دەگۆڕی و کەس نەیدەتوانی پێشبینیبکات کە چ روودەدات، ئەو دۆخە سەخت و ئاڵۆزەی کە روویدا، کە رووبەڕووی هەرێمی کوردستان دەبووەوە پارتی ئێستا بەهەمان گیان و نەفەسی بەرگری و پاراستنی مافەکانی گەلی کوردستان دەچێتە هەڵبژاردنەکانی عێراقەوە.

دەنگدەری کوردستان و کوردستانیان لە هەرکوێی عێراق و جیهان بن کاتێک دەنگ بە پارتی دیموکراتی کوردستان دەدەن دڵنیان لەوەی دەنگی ئەوانیش دەچێتە پاڵ هەزارن هەزار دەنگی دیکە و هەموویان پێکەوە دەبنە هێزی پارێزەری کوردستان و دەبنە دەنگێکی زیاتر بۆ دابینکردنی ئاییندەیەکی باشتر بۆ کوردستان، بۆ مافی بڕیاردان لە مافی چارەی خۆنووسین، مافێک کە پارتی هەمیشە خەبات و کۆششی بۆ کردووە تاوەکو بەشێوەیەکی ئاشتیانە بەدەستیبهێنێت، بە هەمان شێوەش  لەسەر ئەم رێبازە بەردەوام دەبێت.

بەڕێزان و هەڤاڵانی خۆشەویست..

مێژوو سەلماندوویەتی بەهێزبوونی پارتی واتە بەهێزبوونی کوردستان، تا پارتی بەهێز بێت کوردستان پارێزراوتر و ئارامترە، سەقامگیرترە، چەندی پارتی بەهێز بێت هێندە شانسی بەدەستهێنانی مافەکانی گەلی کوردستان بەهەموو پێکهاتە نەتەوەیی و ئایینیەکان زیاترە، بە تەئکید ئەمڕۆی باشترە و ئاییندەشی گەشترە، بۆیە ئەرکی هەموو هەڤاڵان و جەماوەری پارتییە کە وەک هەمیشە بسەلمێنن پارتی هێزی یەکەمی کوردستانە، پارتی هێزی یەکەمی کوردستان دەمینێتەوە، ئەرکی ئەوانە رۆژی دەنگدان هەموویان رووبکەنە سەر سندووقی دەنگدان و بە دەنگدان بۆ کاندیدەکانی پارتی دەنگ بۆ پارێزەرانی مافەکانی گەلی کوردستان بدەن.

زۆرجار ناحەزان و رکەبەران و دوژمنانی ئێمە بۆ ئەوەی ئێوە ساردبکەنەوە لەوەی کە تێکۆشان بکەن، خەبات بکەن لەپێناو مافە رەواکانی گەلی کوردستان لەژێر ئاڵای پارتی دیموکراتی کوردستان ئەو پڕوپاگەندەیە بڵاو دەکەنەوە کە پارتی باڵ باڵێنە، پارتی یەکگرتوو نییە، پارتی رای جیاوازی هەیە، بە تەئکید رای جیاواز هەبێت زۆر ئاساییە، چونکە پارتی پارتێکی دیموکراتە، بەڵام بە تەئکید پێتاندەڵێم دڵنیابن پارتی پارتێکی یەکگرتووەو هەموومان پێکەوە خەبات دەکەین لە پێناو بەدیهێنانی مافەکانی گەلی کوردستان، یەک سەرکردەمان هەیە و لەژێر ئاڵای ئەو سەرکردەیە خەبات دەکەین بۆ بەدیهێنانی مافەکانی کوردستان.

هەڤاڵان و خۆشەویستان..

دڵنیابن پارتی یەکگرتووە لە ئاییندەشدا بە کوێرایی ناحەزانی ئێمە بە یەکگرتووییش دەمێنێتەوە، لەپێناو مافەکانی گەلی کوردستانیش تێدەکۆشێت، ئەم حیزبە، ئەم پارتییە گەورەترین نەکسەی شۆڕش لە ساڵی 75دا بەسەر ئەم حیزبەدا هات، پارتی چۆن خۆی راگرت؟ نە بە ئیمکانیات بوو نە بە هیچ بوو، بەڵکو بە پشتیوانی گەلی کوردستان خۆی راگرت، ئەمڕۆش جارێکی دیکەش لەکاتێکدا کە دوژمنانی گەلی کوردستان و ئەوکاتە یەکجار زۆربوون بە خۆڕاگری و بە خەبات و بە پشتیوانی و قوربانیدانی ئەم تێکۆشەرانەی کە ئەمڕۆ لێرە دانیشتوون پارتی جارێکی دیکە سەلماندی کە هێزی یەکەمی کوردستانە و بە هێزی یەکەمی کوردستانیش دەمێنێتەوە.

من مەبەستم ئەوەیە بە دڵ ساردتان نەکەنەوە، دڵسارد نەبن لەوە، یەکگرتووین ئێمە بە یەکگرتووییش دەمێنینەوە بەهێزی یەکەمیش ئینشائەڵڵا لەم هەڵبژاردنەو لە هەڵبژاردنی دیکەش بە هێزی یەکەمی کوردستان دەمێنینەوە، پارتی کار دەکات بۆ ئەوەی هەموو مافە دەستوورییەکانی هەرێمی کوردستان مسۆگەر بکات، تەواوی دەستووری عێراق و ماددەی 140 بە تایبەتی جێبەجێ بکات، دۆخی سەرجەم ناوچەکانی ئەو ماددەیە ئاسایی بکرێتەوە و تەواوی ئاوارەکانی ئەو ناوچەیە بگەڕێنەوە سەر ماڵ و حاڵی خۆیان، بۆ ئەوە دەبێت پارتی وەکو ژمارەیەکی قورس  و هێزێکی گەورە لە بەغدابێت، ئێمە دڵنیاین کوردستان دڵنیایە کە هەر وادەبێت بە دڵسۆزی و هەوڵ و کۆششی ئێوەو کوردستانیانی خۆشەویست پارتی دیسانەوە وەک هێزی یەکەمی هەرێمی کوردستان لە بەغدا دەبێت و کار دەکات بۆ ئەوەی لایەنە کوردستانییەکان لە بەغدا یەکدەست و یەکدەنگ بن، لەوێ دەبێت بۆ ئەوەی کوردستان کوردستانیان بە هەموو پێکهاتەکانیانەوە لە ئاییندەی خۆیان و منداڵەکانیان لەو وڵاتە دڵنیا بن، قورسایی و سەنگی پارتی و جەنابی سەرۆک بارزانی لە ئاستی عێراقەوە لە ساڵی 2003وە تاوەکو ئێستا هەمیشە وایکردووە کە لە هەموو هاوکێشە سیاسییەکاندا حیسابی گەورەی بۆ بکرێت، بە دڵنیاییەوە ئەگەر جوهدی ئەوکاتەی جەنابی سەرۆک بارزانی نەبووایە زۆر لەو مافە دەستووریانەی کە جێگر بوون لە دەستووری عێراقدا لەوێ جێگر نەدەبوون، هەوڵ و کۆششێکی بێوچانی کرد، پارتی بە سەرکردایەتی سەرۆک بارزانی بۆ جێگربوونی ئەو مافە دەستوورییانە لە دەستووری عێراقدا.

هەڤاڵانی بەڕێز کوردستانیانی خۆشەویست..

پارتی پێکهاتەیەکی گرنگی پرۆسەی سیاسی عێراقەو هەراوش دەمێنێتەوە بڕوای بە پێکەوە ژیانی ئاشتیانە هەیە، لەسەر بنەمای شەراکەتی راستەقینە لە عێراق کە تێیدا سەرجەم مافەکانی گەلی کوردستان و پێکهاتە نەتەوەیی و ئایینیەکان لە تورکمان و کلدان و سریان و ئاشووری و ئەرمەن و عەرەب و موسڵمان و مەسیحی و ئێزدی و فەیلی و شەبەک و هەمووانی دیکە دەبێت دەستبەر ببن.

لە کۆتاییدا سەری رێز و نەوازش لەبەردەم گیانی پیرۆزی شەهیدانی کوردستان دادەنوێنین سڵاو لە کەسوکار و خانەوادەی سەربەرزی شەهیدان و ئەنفالکراوەکان دەکەین، سڵاو لە خۆڕاگری پێشمەرگە قارەمانەکان دەکەین، کە پارێزەری ئەو وڵاتەن، سڵاو لە پارێزەرو هێزە ئەمنییەکانی کوردستان دەکەین، سڵاو لە ئاوارە و پەنابەران لە هەرێمی کوردستان دەکەین، جارێکی دیکە بە رێز و پێزانینەوە دەڕوانینە خۆڕاگری گەلی کوردستان، لە بارودۆخە سەخت و دژوارەکاندا کە بەناحەق بەسەر گەلی کوردستانن سەپێنراوەو دڵنیایان دەکەینەوە بە پشتگیریان لە پارتی دیموکراتی کوردستان مافەکانیان پارێزراون دەبن و ئاییندەیەکی باشتریش چاوەڕوانیان دەکات، ئیر هەموومان پێکەوە بۆ ئاییندەیەکی باشتر، بۆ دەستکەوتی زیاتر، بۆ پاراستنی زیاتری ئارامی و سەقامگیری رۆژی هەڵبژاردن لەسەر سندووقی دەنگدان دەنگ بە کاندیدەکانی پارتی دیموکراتی کوردستان بدەین، هەموومان پێکەوە دەنگ بە لیستی ژمارە 184ی پارتی دیموکراتی کوردستان بدەین.

کۆمێنتەکان

 
Khoshi tahir | 16/4/2018
به ته ما نه بوم قه ت و قه ت به شدارى هه لبژاردن بكه م لو عيراق چونكه ئه من عيراقى نيمه و عيراقيش ( به خوشحاليه وه ) نيشتيمانى من نيه . به لان پاش گيگرتن له گوتارى ئه وروى به ريز نيچيرڤان بارزانى و له به ر خاترى به ريزيان به لين ده ده م بچمه سه ر سندوقى ده نگدان و ده نگ بده م
آهورا | 17/4/2018
منیش له و بروایه دام که اگر پارتی نبوایه و به ریز مسعود بارزانی و تیکوشه رانی دلسوزی پارتی نبانا، ایستاکا وضعکه جوریکی دیکه دبو، پارتی بو خه می نیشتمانی له دلدایه، بلام اگر وازی لئ بینن احزابی دیکه ی به ناو کورد پرور و مشاکیلی نه خه نه سر رئ. مافی و نگرانم نیه .بلام اگر توانیبام به گیان و دلم حزم دکرد دنگ به پارتی بدم
اكيد شيخان برادوستي | 17/4/2018
جنابي (نيچيرڤان) منيش ئه مروو وات لي كردم بچم كارتي دنگدانه كه م بينمه وه بچمه سه سندوق ي دنگدان دنگ بده م

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

sarkawt saeed | 17/07/2018 08:16:27 ص
زۆر بە داخە وە دووبارە بە کوشت دانی کورد له پێناو ولاتێکی بێ خێر و هیچ
شاخه‌وان | 18/07/2018 07:38:43 ص
به‌ هه‌مووی دوو ئه‌مريكي نه‌بوون به‌شدار بوون و ته‌ياره‌كانيش ته‌نها بۆ پۆز هاتبوون گه‌رنا 5 پيشمه‌رگه‌ شه‌هيد نه‌ده‌بوون. ئه‌مريكي ته‌نها بۆ...
وردەکاریی ئۆپەراسیۆنەکەی پێشمەرگە و هاوپەیمانان لە چیای قەرەچووغ
| 16/7/2018 | (4)
سێنیار بامەڕنی | 17/07/2018 09:06:45 م
دوور لە سیاسەت و مەرامە گڵاوەكانی سیاسیەت، من لە رووی مرۆڤایەتییەوە ئەم پەیامە ئاراستەی (نادیە موراد و نەتەوە یەكگرتووەكان) دەكەم و دەڵێم: من كەسێكی...
رزگاركەری نادیە موراد داوای یارمەتی دەكات
| 17/7/2018 | (1)
معتصم شوانی | 10/07/2018 06:30:40 م
ئه‌زانن ئه‌م هه‌واڵه‌ی ئێوه‌ ڕوون نییه‌؟
Danar | 17/07/2018 07:11:34 م
کەی کەم ئەندام دابەش دەکرێت
 دابەشکردنی مووچەی بەشێک لە خانەنشینان راگەیێندرا
| 9/7/2018 | (3)
Khoshi Tahir | 17/07/2018 03:15:00 م
بە قوربانی هەموو پێشمەرگەکان بم
شیخ محمد امین | 17/07/2018 04:59:57 م
ئه ی پیشمه رگه ، که ی بو حه شدی شه عبی چول ده که ن؟ ولله حه یفم دیتی و دلم ده تاویته وه بو شه هیدانی ئه م شه ره و خه لک ده بی لیپرسینه وه ی توند له...
ئۆپەراسیۆنی پێشمەرگە بە پاڵپشتی هاوپەیمانان لە قەرەچووخ کۆتاییهات
| 17/7/2018 | (2)

لە بەشەکانی دیکەی رووداوەوە

خواردنی هێلکە  تووشبوون بە شەکرەی جۆری دوو کەمدەکاتەوە 22 کاژێر لەمەو بەر |

خواردنی هێلکە تووشبوون بە شەکرەی جۆری دوو کەمدەکاتەوە

هێلکەی کوڵاو سوودەکانی زۆرتن زۆرتر
چەرەس توانای بەپیتی پیاوان زیاددەکات دوێنێ کاژێر 11:58 |

چەرەس توانای بەپیتی پیاوان زیاددەکات

چەرەسەکان بە برێکی زۆر لە ماددە دژەئۆکسێنەکان زۆرتر
غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون دوێنێ کاژێر 11:07 |

غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون

خۆپیشاندانی فەڵەستینییەکان دژ بە ئیسرائیل زۆرتر
0.844 seconds