وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

هێمن هەورامی: ناهێڵین دەنگەکانی پارتی لە کەرکووک بەفیڕۆبچن

لەلایەن گۆڤەند مستەفا 16/4/2018
هێمن هەورامی: بایکۆتمان لە کەرکووک بۆ شەرعیەتنەدانە بە داگیرکاری لەو شارە

رووداو - هەولێر

ئەندامێکی سەرکردایەتیی پارتی دەڵێت، بەشداری هەڵبژاردن لە کەرکووک ناکەن "بۆ ئەوەی شەرعیەت بە خیانەتی 16ی ئۆکتۆبەر لە کەرکووک نەدەن". دەشڵێت خەڵکی کوردستان دڵنیادەکەنەوە دەنگی پارتی لە کەرکووک بە قازانجی کۆی گشتی پێگەی کورد لە کوردستان و لە عێراقیشدا بەکاردەهێندرێت.

لە میانی بەشداریکردنی لە گەشتێکی هەواڵەکانی تۆڕی میدیایی رووداو، لەبارەی بەشداری پارتی لە هەڵبژاردنی پەرلەمانی عێراق، هێمن هەورامی، ئەندامی سەرکردایەتی پارتی رایگەیاند "پارتی شانازی بەوە دەکات کە داینەمۆی ئەساسی گشتپرسی بووە، پرسی ریفراندۆم نە دەستمان لێی هەڵگرتووە نە پەشیمانیشین لێی و نە رەتیشکراوەتەوە، ئێمە پێش ریفراندۆمیش سەرکردایەتی و کۆمیتەی باڵای ریفراندۆم گوتوویەتی ریفراندۆم بە مانای راگەیاندنی سەربەخۆیی لە رۆژی 26ی ئەیلوول نایەت، دوای ریفراندۆم قۆناخی دەستپێکردنی گفتوگۆیە، واتە ئێمە ئەو گفتوگۆیانە دەکەین و بەشدارێکی کارا دەبین لە پرۆسەی سیاسی عێراقدا".

هێمن هەورامی جەخت لەسەر ئەوە دەکاتەوە "ریفراندۆم دەستی لێ هەڵنەگیراوە، ئەوەشمان گوتووە لە پاش ریفراندۆم قۆناخی ئینتیقالی دەستپێدەکات، لەو قۆناخەدا هەرێمی کوردستان دەبێت رۆڵێکی گەورە لە پرۆسەی سیاسی عێراقدا بگێڕێت بۆ ئەوەی بە گفتوگۆ و شێوازێکی ئاشتییانە ئەو بابەتە لەگەڵ بەغدا یەکلایی بکەینەوە".

هەورامی دەشڵێت، پارتی لەگەڵ ئەوەدا بوو هەموو هەڵبژاردنی پەرلەمانی عێراق بایکۆت بکات، بە یەکڕیزیی هەموو لایەنە سیاسییەکان پێکەوە بایکۆتی پرۆسەی سیاسی عێراق بکرایە، ئەوەش وەک وەڵامێک بۆ ئەو هێرشانەی لە 16ی ئۆکتۆبەر کرانە سەر کەرکووک.

هێمن هەورامی گوتیشی "بەداخەوە بەشێک لە لایەنە سیاسییەکان لەگەڵ بایکۆت نەبوون، سەرەڕای ئەوەش ئێمە داوامانکرد با هەموو لایەنە سیاسییەکان بە یەک لیستی کوردستانی وەکو هاوپەیمانێتییەک بەشداری هەڵبژاردنی عێراق بکەین بۆ ئەوەی یەکڕیزی خەڵکی کوردستان پیشانبدەین، بەڵام بەداخەوە لایەنە سیاسییەکان لەبەر بەرژەوەندی تەسکی حیزبایەتی نەهاتنە ژێر ئەو بارە. هاوکات داواشمانکرد ئەگەر لە هەموو کوردستانیش نەتوانین بە هاوپەیمانێتییەک بەشداربین با لە ناوچە کوردستانییە داگیرکراوەکان بە یەک لیست بەشداربین وەکو وەڵامێک بۆ 16ی ئۆکتۆبەر، بەڵام بەداخەوە هەندێک هێز پێش ئێمە کەوتن و چوون لیستێکیان دروستکرد بەبێ ئەوەی گوێ بەوە بدەن لیستی یەکڕیزی دروستببێت، کە نەتوانرا لە ناوچە کوردستانییەکانیش یەک لیستی دروستببێت، ئەوکات پارتی دیموکراتی کوردستان بڕیاریدا لە کەرکووک بایکۆتی هەڵبژاردنەکان بکات".

لەبارەی بەشداری پارتی لە هەڵبژاردنی پەرلەمانی عێراق، هێمن هەورامی گوتی "پارتی بۆیە بەشداردەبێت لە هەڵبژاردنی پەرلەمانی عێراق بۆ ئەوەی بیسەلمێنێت کە ئێمە بەغدا بە سەنگەری یەکەمی بەرگریکردن لە کوردستان دەزانین، بەغدا بە سەنگەری یەکەمی بەدەستهێنانی مافی چارەنووسی گەلی کوردستان دەزانین، بەغدا بە سەنگەری بەدەستهێنان و زیاترکردنی دەستکەوتە نەتەوەییەکانی خەڵکی کوردستان دەزانین".

سەبارەت بە بەشدارینەکردنیشیان لە کەرکووک، هێمن هەورامی گوتی "ئەوە هەڵوێستێکی سیاسییە بۆ ئەوەی شەرعیەت نەدەینە ئەو خیانەتەی 16ی ئۆکتۆبەر کە لە کەرکووک کرا، ئەو داگیرکارییەی کە ئێستا حەشدی شەعبی و حکومەتی عێراقی و سوپای عێراقی بەهێز کەرکووکیان داگیرکردووە. ئێمە بەشداری هەڵبژاردنێک ناکەین کە رەمزی نەتەوەیی تێدا نەبێت، بەشداری هەڵبژاردنێک ناکەین کە شەرعیەت بداتە ئەو خیانەتەی لە 16ی ئۆکتۆبەردا کراوە، بەڵام دڵنیای خەڵکی کوردستان دەکەینەوە دەنگدەری پارتی لە کەرکووک بە قازانجی کۆی گشتی پێگەی کورد لە کوردستان و لە عێراقیشدا بەکاردەهێندێت، ئێمە تەکنیکێکی خۆمان هەیە کە نایەڵین ئەو دەنگانەی پارتی لە کەرکووک بەفیڕۆبچێت، پارتی لەو بارەیەوە بڕیاری سیاسی خۆی داوە".


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/09/2018 01:10:21 م
به‌ ته‌ئكید شیعه‌ و ئێران مه‌لا به‌ختیاریان پێ باش نیه‌ له‌تیف ره‌شیدیان پێ زۆر باشه‌..!!! به‌رهه‌میش تازه‌ بگه‌ڕێته‌ ناو یه‌كیه‌تی یان نه‌ هه‌ر وه‌ك...
لە بەربژێرەکانی یەکێتی بۆ سەرۆککۆماری عێراق دوو کەس مانەوە
| 16/9/2018 | (1)
dara hama | 15/09/2018 03:51:53 م
ئه‌گه‌ر بۆ بانگه‌شه‌ نییه‌ 2 مانگ پێش ئێستا بۆ ئه‌و قسه‌یه‌ نه‌كرا ؟؟
دڵشاد شەهاب: پلانی حکومەتە لە نزیکترین کاتدا پاشەکەوتی مووچە بەیەکجاری نەمێنێت
| 15/9/2018 | (1)
سەردار بێرکۆتی | 15/09/2018 12:20:20 م
پرسیارێك؛ بۆ تەنها لە کوردستان دۆڕاو هەردەم وتوویەتی تەزویر کراوە!!
چوار لایەنی کوردستانی: نوێنەرە دڵسۆز و راستەقینەكانتان بنێرنە پەرلەمان
| 15/9/2018 | (1)
Azad Azad | 15/09/2018 08:07:39 ص
كاك موسه‌نا امین والله‌ به‌راستی وه‌ حه‌ق و عه‌داله‌ت ئێوه‌ حه‌قی هیچ پۆستێكی سیادیتان نیه‌ له‌ په‌ڕه‌مانی كوردستان له‌به‌ر ئه‌وه‌ی ئێوه‌ له‌ كاتی...
سەردار بێرکۆتی | 15/09/2018 09:19:52 ص
شایستەیەتی دوکتۆر موسەنا
موسەننا ئەمین: بە بەرکەوتەی نیشتمانی پۆستی جێگری سەرۆکی پەرلەمان مافی یەکگرتووە
| 15/9/2018 | (2)

لە بەشەکانی دیکەی رووداوەوە

سەرۆکی فەڕەنسا: سیستمی تەندروستی وڵاتەکەم دەکەمە یەکەم لە جیهاندا 11 کاژێر لەمەو بەر |

سەرۆکی فەڕەنسا: سیستمی تەندروستی وڵاتەکەم دەکەمە یەکەم لە جیهاندا

ئیمانوێڵ ماکرۆن گۆڕانکاری لە سیستمی تەندروستی زۆرتر
هەوڵەکانی حکومەت بەردەوامن بۆ چاکسازی لە کەرتی تەندروستی 14 کاژێر لەمەو بەر |

هەوڵەکانی حکومەت بەردەوامن بۆ چاکسازی لە کەرتی تەندروستی

بەهۆی بوونی کەموکورتییەکان 30 کەس دەستگیرکراون زۆرتر
چـــامپــیــۆنــتــرس 22 کاژێر لەمەو بەر |

چـــامپــیــۆنــتــرس

بێ زیدان – دۆنێک لە دۆڵێک زۆرتر
0.406 seconds