وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

حەیدەر شەشۆ: بەشداریی هەڵبژاردنی پەرلەمانی كوردستان و عێراقیش دەكەین

لەلایەن ناسر عەلی 17/7/2017
 حەیدەر شەشۆ
حەیدەر شەشۆ

رووداو- دهۆك

بە بەشداریی نزیكەی 500 كەس لە سەرجەم پێكهاتەكانی عێراق و باشووری كوردستان، یەكەمین كۆنگرەی پارتی ئێزیدیی دیموكرات كە سكرتێرەكەی حەیدەر شەشۆیە لە دهۆك بەڕێوەچوو، لە كۆنگرەكەدا 17 كەس وەكو ئەنجوومەنی بەڕێوەبەری حیزبەكە دەستنیشانكران. حەیدەر شەشۆ دەڵێ پارتی و یەكێتی ئاگاداری دامەزراندنی حیزبەكەی ئەون.

كاتێك داعش لە ئابی 2014 هێرشی كردە سەر شنگال، حەیدەر شەشۆ، ئەندامی ئەنجوومەنی ناوەندی یەكێتی بوو، لەگەڵ ژمارەیەك كوردی ئێزدی هێزێكیان پێكهێنا و توانییان بەرگرییەكی بێ‌ وێنە لە مەزاری شێخ شەرفەدین لە بناری چیای شنگال بكەن، شەشۆ لەوێ‌ بووە ناوێكی دیار. لە سەرەتای 2015 هێزێكی بەناوی هێزی پاراستنی ئێزدیخان دروستكرد كە سەرەتا هاوكاریی لە بەغدا وەردەگرت، بۆیە بۆ ماوەیەك لەلایەن ئاسایشی پارتی لە دهۆك دەستگیركرا و دواتر ئازاد كرا.

سەرەتای ئەمساڵ، بەشێك لەو هێزە كە ژمارەیان هەزار كەس بوو، بوونە لیوایەكی سەر بە وەزارەتی پێشمەرگە. حەیدەر شەشۆ دواتر حیزبێكی بەناوی حیزبی ئێزدیی دیموكرات دروستكرد، رۆژی 15\07\2015 لە هۆڵی كۆنگرەكان لە شاری دهۆك، یەكەمین كۆنگرەی ئەو حیزبە بەسترا.

حەیدەر شەشۆ باسی هۆكاری دامەزراندنی ئەو پارتەی كرد و گوتی "دوای ئەو كارەساتەی بەسەر ئێزدییەكانی شنگال هات، هەستمكرد ئێزدییەكان پێویستیان بە پارتێكە كە بتوانێ‌ خزمەتی ئێزدییان بكات و بەرگرییان لێ بكات. سەرەتا وەكو هێزێكی سەربازی بووین، دوای كەمبوونەوەی مەترسیی داعش، هەستمانكرد پێویستمان بە دامەزراندنی پارتێكی سیاسییە".



پارتەكەی شەشۆ، ناوەكەی ئێزدییە، بەڵام شەشۆ دەڵێت دەرگای بۆ هەموو نەتەوە و كەمینەیەك كراوەیە "ئەم پارتە تەنیا بۆ ئێزدیان نابێت، بەڵكو لە سەرجەم پێكهاتەكانی عێراق، عەرەب، كوردی موسوڵمان، كریستیان، ئەوانەی پێش ئێستا بەرگریان لە ئێمە دەكرد، ئێستا بەشدارن لەناو پارتی ئێمە و بەرپرسیارێتیان هەیە".

ئەو حیزبە مۆڵەتی لە كۆمیسیۆنی باڵای هەڵبژاردنەكانی عێراق وەرگرتووە، حەیدەر دەڵێت "بەپێی یاسای دامەزراندنی پارت، شەش مانگ لەمەوبەر پەیڕەوی ناوخۆمان پێشكێشی كۆمیسیۆن كردبوو، ئێستا مۆڵەتی فەرمیمان لە كۆمسیۆن وەرگرتووە". 

سەبارەت بە مۆڵەت وەرگرتن لە كوردستان، شەشۆ گوتی "تەنیا پێویستی بە ئاگاداركردنەوەی وەزارەتی ناوخۆ هەیە، وەزارەتی ناوخۆشمان بە فەرمی ئاگادار كردووەتەوە. بەستنی كۆنگرەكەش لە دهۆك بە رەزامەندیی پارتی و وەزارەتی ناوخۆی حكومەتی هەرێمی كوردستان بووە".

بارەگای حیزبەكەی حەیدەر شەشۆ لە شاری سلێمانییە، بەڵام حەیدەر شەشۆ دەڵێت لە نزیكترین دەمدا بارەگا لە هەولێر و دهۆكیش دەكەنەوە. شەشۆ گوتی "پاش تەواوبوونی رەزامەندی وەزارەتی ناوخۆ، بارەگا لە دهۆك و هەولێریش دەكەینەوە. لەبەر ئەوەی ئێزدییەكان نزیكن لە دهۆك بۆیە مەكتەبی سیاسیمان لە دهۆك دەبێ‌".

سەبارەت بە بەشداریكردنیان لە هەڵبژاردنەكان، حەیدەر شەشۆ گوتی "لە هەڵبژاردنی داهاتووی پەرلەمانی عێراق و كوردستان بەشدار دەبین، ناتوانین پێشبینی رێژەی دەنگی خۆمان بكەین، چونكە لە شنگال پارتی و یەكێتی و زۆر پارتی دیكەش جەماوەری خۆیان هەیە، بەڵام هەتا ئێستا ئێزدی زۆربەیان پشتگیریمان دەكەن".

لە یەكەم كۆنگرەی حیزبەكەی شەشۆدا 17 كەس وەكو ئەنجوومەنی بەڕێوەبردن دەستنیشان كران، كە چواریان خەڵكی بەغدان و هەندێكیشیان خەڵكی مووسڵن. شەشۆ گوتی "500 كەس بەشداریی كۆنگرەكەیان كرد، ئەو ستافە 17 كەسییەی بۆ بەڕێوەبردنی حیزب دەستنیشانكراون كاتین، هەتا كۆنگرەی داهاتوو كە رەنگە لە ناوەڕاستی 2018 ببەسترێ‌".

پارتی و یەكێتی پشتیوانی لێدەكەن



یەكەم كۆنگرەی ئەو پارتە بەشێوەیەكی زۆر ئاشكرا نەبوو، هیچ پارتێكی سیاسی و نوێنەری وڵاتان بانگهێشت نەكرابوون. شەشۆ لەو بارەیەوە گوتی "یەكەم كۆنگرەمان بوو، نەمانویست كەس بانگ بكەین،  كۆنگرەكە زۆر بە سەركەوتوویی بەڕێوەچوو. راستە هەتا ئێستا كەس پیرۆزبایی لێنەكردووین، بەڵام خۆی رێپێدان بە كردنەوەی بارەگامان لە سلێمانی و بەڕێوەچوونی كۆنگرە لە دهۆك، نیشانەی ئەوەیە كە پارتی و یەكێتی پشتگیریمان دەكەن". هەروەها گوتی: "پێش ئێستا مەسعود بارزانی سەرۆكی هەرێمی كوردستانم ئاگادار كردووە، ئەویش ئاگاداری دامەزراندنی ئەم پارتەیە".

پشتگیری لە گشتپرسی دەكەین

دوای هێرشی داعش بۆ سەر شنگال، گۆڕانكارییەكی زۆر بەسەر نەخشەی سیاسی ناوچەكەدا هات، پێشتر تەنیا پارتی لەوێ‌ حاكم و دەسەڵاتدار بوو، بەڵام ئێستا نزیكەی 15 پارت و گرووپی سەربازی و سیاسی لە شنگال هەن، 64%ی خاكی شنگال لەژێر دەسەڵاتی پێشمەرگەدایە و 21%ی لە ژێر دەسەڵاتی پەكەكەدایە، هەروەها 15%یشی لەژێر دەسەڵاتی حەشدی شەعبیدایە.

حەیدەر شەشۆ لەبارەی هەڵوێستیشی لە گشتپرسی دەڵێت: "هەر پارت و لایەنێك هەوڵی دابڕینی شنگال بدات لە كوردستان، من بە خیانەتی دەزانم، داوا لە حكومەتی هەرێمی كوردستان دەكەین، وەكو هەموو ناوچەكانی دیكە، گشتپرسی لە شنگالیش بەڕێوەبچێ‌، ئێمە بە هەموو توانایەك پشتیوانی لە گشتپرسی دەكەین".

نیشانەکردن : حەیدەر شەشۆ
33544 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rebwar | 21/02/2018 08:42:43 ص
Dastxosh
یاسین حه‌مه‌ غه‌ریب | 22/02/2018 02:17:42 م
ئه‌ڵێن مێژوو وانه‌یه‌ بۆ داهاتوو ، به‌ڵام وانەیه‌ بۆ قوتابیان یان بۆ سیاسیەکان؟ هه‌ندێک له‌ سیاسیه‌کانی کوردستان ئه‌وه‌نده‌ مێژوو ده‌زانن هه‌تا...
سەردەمی حوكمی ئامۆزاكان
| 20/2/2018 | (2)
دڵخواز | 21/02/2018 07:51:12 م
بە بڕواى من هۆى سەرەكى ئەو پێشهاته خەمۆكى دواى مناڵ بوونه، هيوادارم هەموو هاوژينەكان لەوە ئاگادار بن و دواى مناڵ بوون ئەگەر نيشانەى خەمۆكيان لە...
ژنێكی 20 ساڵان خۆی دەسووتێنێ
| 21/2/2018 | (1)
ره شید | 20/02/2018 05:13:13 م
به ریز کاکه "ئاکو" و هاورییانی به ئه مه گی رووداو، هه مووخه لکی کوردستان ته واوی ئازادیخوازان و ئه سحابی قه له م و راگه یه نه ره گشتیه کان شه ریکه خه...
سارا | 21/02/2018 05:03:02 ص
هه‌زاران سڵاو بۆ گیانی پاکی شه‌هید شیفاهه‌تا هه‌تایه‌ یادی بۆ هه‌میشه‌ یادی له‌ دڵماندا زیندووه‌. سه‌ری ڕێز و نه‌وازش داده‌نێن بۆ بنه‌ماڵه‌ی...
ساڵیادی شەهید شیفا
| 20/2/2018 | (2)
سێنیار بامەڕنی | 20/02/2018 03:59:47 م
بەڵكو میلیشیاكانی سەربە #ئیران چوونە نێو #عەفرین، هەروەك چۆن لەسایەی خیانەتكارییەكەی 16ـی ئۆكتۆبەر حەشدی شەعبی سەر بەئیران هاتوونەتە نێو كەركوك.
هێزە شەعبییەکانی سەر بە حکومەتی سووریا چوونە نێو عەفرین
| 20/2/2018 | (1)

لە بەشەکانی دیکەی رووداوەوە

لە باشووری کوردستان هەفتەی پشتیوانی لە عەفرین راگەیێنرا 4 کاژێر لەمەو بەر |

لە باشووری کوردستان هەفتەی پشتیوانی لە عەفرین راگەیێنرا

کەنەکە بانگەوازێک ئاراستەی هاونیشتمانیان دەکات زۆرتر
شاندێکی ئەمریکا: لە هەوڵەکانمان بەردەوامدەبین بۆ لێکنزیککردنەوەی هەولێر و بەغدا 4 کاژێر لەمەو بەر |

شاندێکی ئەمریکا: لە هەوڵەکانمان بەردەوامدەبین بۆ لێکنزیککردنەوەی هەولێر و بەغدا

کەریم شنگالی: بۆ هەموو هەماهەنگییەک لەگەڵ ئەمریکا زۆرتر
 کۆنفرانسی وزە لە برۆکسل بە بەشداری سێ پارێزگاری کوردستان بەڕێوەدەچێت دوێنێ کاژێر 01:04 |

کۆنفرانسی وزە لە برۆکسل بە بەشداری سێ پارێزگاری کوردستان بەڕێوەدەچێت

هەرێمی کوردستان دەچێتە نێو رێککەوتنی پاریس بۆ زۆرتر
0.391 seconds