وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

كچێكی كەڕولاڵی كوردی ئێزدی لە رێگەی ڤیدیۆوە ئازاد دەكرێ‌

لەلایەن ناسر عەلی 17/7/2017
سارا: كە دۆشەكیان بۆ دادەنام دەمزانی ئەوە ئاماژەیە بۆ دەستدرێژیكردنە سەرم
سارا: كە دۆشەكیان بۆ دادەنام دەمزانی ئەوە ئاماژەیە بۆ دەستدرێژیكردنە سەرم

رووداو- دهۆك

چەكدارانی داعش هێندە بێ‌ بەزەیی بوون بەرامبەر كوردی ئێزدی، تەنانەت دەستیان لە كەسانی خاوەن پێداویستی تایبەتی وەكو (سارا)ش نەپاراستووە. سارا كەڕولاڵە، دوای رفاندنی لەلایەن داعشەوە، چەكدارێكی داعش لە تەلعەفەر كڕیویەتییەوە، دواتر چەكدارێكی دیكە لەو چەكدارەی كڕیوەتەوە و بردوویەتییە رەققە. ئەو كچە بە رێگایەكی زۆر سەیر رزگار كراوە، ئەو كەسەی رزگاری كردووە، چیرۆكەكەی بۆ (رووداو) گێڕایەوە.

سارا، تەمەن 26 ساڵ، ناوی خوازراوی كچێكی كوردی ئێزدییە، لە كاتی پەلاماری داعش بۆ سەر شنگال لە ئابی 2014، لەگەڵ كەسوكارەكەی كەوتە دەستی داعش. ئەو هەرچەندە كەڕولاڵ بووە، بەڵام داعش دەستی لێ نەپاراستووە و لەگەڵ هەزاران كوردی دیكەی ئێزدی لە شنگالەوە دەیگوازنەوە بۆ تەلعەفەر. 

عەبدوڵڵا شەریم كە بە بەهێزترین قاچاخچی رزگاركردنی كوردی ئێزدی ناسراوە، دەڵێت تاوەكو ئێستا 329 ئافرەتی لە عێراق و سووریا لە دەستی داعش رزگار كردووە. شەریم باسی سارا دەكات و دەڵێت "دوای مانگێك، داعش سارای بردبووە بازاڕی كڕین و فرۆشتنی ئافرەتانی كوردی ئێزدی، لەوێ‌ بازرگانێك دەیكڕێت و دەیباتە رەققە".

سارا لە شاری رەققە جارێكی دیكە دەبرێتە بازاڕی كڕین و فرۆشتن، لەوێ داعشێكی خەڵكی رەققە دەیكڕێ، عەبدوڵڵا دەڵێت "لە رەققە ئەو كچە وەكو سەبیە لەلای چەكدارێكی داعش دەمێنێتەوە، لەبەر ئەوەی نەیدەتوانی قسە بكات و گوێشی لە هیچ نەدەبوو، بۆیە تەنیا ئەگەر شتێكی پێویست بووبێ‌ بە ئاماژە تێیگەیاندووە، بۆ نموونە هەر كاتێك ویستوویەتی دەستدرێژیی بكاتە سەر، دۆشەكێكی بۆ راخستووە".

عەبدوڵڵا باسی چۆنیەتی رزگاركردنی ئەو كچەی بۆ (رووداو) كرد و گوتی "هەموو رێگایەكم تاقیدەكردەوە بۆ دۆزینەوە و رزگاركردنی ئەو ئافرەتانەی لە دەستی داعشدا بوون. ژنێكم دەناسی خەڵكی رەققە بوو. ئەو بەردەوام بەدوای ئەو كچ و ژنانەدا دەگەڕا كە داعش رفاندبوونی، لە هەر شوێنێك رفێندراوێكی بدۆزیبایەوە، پەیوەندیی پێوە دەكردم".

رۆژێكیان ئەو ژنە پەیوەندی بە عەبدوڵڵاوە دەكات و دەڵێت كچێكم دۆزیوەتەوە لەلای چەكدارێكی داعشە، بەڵام كێشەكە ئەوەیە كەڕولاڵە و ناتوانم قسەی لەگەڵ بكەم. عەبدوڵڵا داوای وێنەیەكی ئەو كچە لە ئافرەتەكە دەكات و ئەویش وێنەكەی بۆ دەنێرێ‌.

عەبدوڵڵا دەڵێت "كە وێنەكەی بۆ ناردم بەدوای كەسوكارەكەیدا گەڕام، تەنیا براژنێكیم دۆزییەوە. ئەو زۆرباش لە زمانی ئەو كچە تێدەگەیشت، بۆیە پارچە ڤیدیۆیەكمان تۆمار كرد و پەیامێكمان بۆ ئەو كچە نارد كە ئەو ئافرەتە دێت تۆ رزگار دەكات. دوای ئەوەی چەند پارچە ڤیدیۆیەكمان لەنێوان ئەو كچە و براژنەكەی ئاڵوگۆڕ كرد، توانیمان ئەو كچە رزگار بكەین".

دوای رزگاركردنی، براژنی زۆر قسەی لەگەڵ سارا كردووە لەبارەی ژیانی كە لەلای ئەو چەكدارە بووە. عەبدوڵڵا دەڵێت "براژنی ئەو كچە دەیگێڕایەوە دەیگوت چونكە ئەو زمانی نەبووە، زۆرجار لێدانی بەدەستی چەكدارە داعشەكە خواردووە كە ساڵ و نیوێك لەلای بوو. ئەو چەكدارە تەنیا بۆ دەستدرێژی ئەو كچەی بردبووە لای خۆی، هەر كاتێكیش بیویستایە دەستدرێژیی بكاتە سەر، دۆشەكێكی بۆ رادەخست، بۆ ئەوەی خۆی بۆ ئامادە بكات".

عەبدوڵڵا لە زاری براژنی ساراوە باسی یەكێك لە رۆژە ناخۆشەكانی سارا دەكات و دەڵێ: "ئەو كچە بۆ براژنەكەی گێڕابووەوە، شەوێك هێشتا زوو بووە، چووەتە ژوورەوە بینیویەتی چەكدارەكەی داعش دۆشەكەكەی راخستووە، ئەویش ناچار بووە خۆی بۆ ئامادە بكات، جلەكانی داناوە، لەو كاتەدا یەكسەر دوو چەكداری داعش هاتوونەتە ژوورەوە. ئەویش ترساوە و رایكردووە بۆ دەرەوە، كە داعشەكە ئەوی بەو شێوەیە بینیوە، زۆری لێداوە و هاواری كردووە: تۆ ئابڕووی منت برد. ئێستاش بەهۆی ئەو لێدانەوە بڕبڕەی پشتی ژان دەكات".

جگە لە سارا، عەبدوڵڵا دەڵێت سێ‌ ئافرەتی دیكەی كەڕوڵاڵی رزگار كردووە و ئێستا لە نێو كەسوكاریاندان. عەبدوڵڵا ئامادە نەبوو بڕی ئەو پارەیە ئاشكرا بكات كە لە رزگاركردنی هەر ئافرەتێكدا خەرجی دەكات، بەڵام گوتی "هەموویان بە پارەی نووسینگەی سەرۆكی حكومەت رزگاركراون".

کۆمێنتەکان

 
Iman Botani | 17/7/2017
ئەز ژنەکا کوردم دخازم پەیکەرەک ژ بۆ کاک عەبدوڵڵا شەریم ل کوردستانێ، تایبەت ل شنگال پایتەختێ برینان، بهێتە چێکرن...

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Ahoora | 23/11/2017 11:19:19 م
گوران باشتر وایه پروژه و پلانی هبی بو هلوشانوه و راست و دروست بوونی خویی، هلوشینیتوه و دستی هاوکاری بو حکومتی کوردی دریژ بکا و پشت و متمانه یی...
گۆڕان پرۆژەکەی بۆ حکومەتی کاتی بڵاودەکاتەوە
| دوێنێ کاژێر 08:29 | (1)
ره شید | 23/11/2017 10:05:10 م
نه ته وه یه کگرتوه کان له ژیر هه ژموونی ئه مریکا دایه و سیاسه تی زلهیزه کان وه ک به رژه وه ندیه کانیان عه ینی حه لقه کانی زنجیر به یه ک به ستراونه ته...
یان کوبیش: ئەو هێزانەی هاتنە کەرکووک هێزی فیدراڵی عێراق بوون
| دوێنێ کاژێر 09:50 | (1)
bawer | 23/11/2017 05:44:03 م
kura aw flimana dameka hana
Rondek Be Dang | 23/11/2017 09:33:18 م
پیڕۆز به‌ت و به‌ هیواێ ژیانه‌ک خۆش بۆ هموو کورده ک و کوردوستانیک و ئه‌وانه‌ی کوردیان و کوردوستانیان خۆش ده‌ۆه‌ت۰
بەهۆی كچێكی نەمسایی بە ئاواتی خۆی دەگات
| دوێنێ کاژێر 05:51 | (2)
Azad Azad | 23/11/2017 06:42:15 م
ته‌نیا ڕێگا بۆ حكومه‌تی كوردستان ئه‌ویش ده‌بێت پارتی بیكات ئیعلانی مقاوه‌مه‌ بكات بۆ ئه‌وه‌ی گۆمه‌كه‌ بشڵقێنێت نه‌ێڵن ئه‌مانه‌ جێی پێی خۆیان قه‌یم...
جەواد یارئەحمەدی | 23/11/2017 08:21:26 م
کاربەدەستانی هەرێم باش دەزانن کە تاکه کەسێکی دەزگای فیدراڵی باوەڕی بەو دەستوورە نیە کە ئەمان هەموو ڕۆژێک پەنای بۆ ئەبەن. دەستوور تەنیا هێزە، لە...
حکومەتی هەرێمی کوردستان وەڵامی لێدوانه‌‌كانى عه‌‌بادی دەداتەوە
| دوێنێ کاژێر 08:02 | (3)

لە بەشەکانی دیکەی رووداوەوە

پیشەسازیی شەکر تاوانباردەکرێ بە شاردنەوەی زیانەکانی بۆ سەر تەندروستی مرۆڤ 8 کاژێر لەمەو بەر |

پیشەسازیی شەکر تاوانباردەکرێ بە شاردنەوەی زیانەکانی بۆ سەر تەندروستی مرۆڤ

"تەنیا ئەو توێژینەوانەیان بڵاوکردووەتەوە کە زۆرتر
 مەترسیدارترین بکوژەکەی جیهان بناسە! 9 کاژێر لەمەو بەر |

مەترسیدارترین بکوژەکەی جیهان بناسە!

نەخۆشییەکانی دڵ و جەڵتەی مێشك کوشندەترین نەخۆشیین زۆرتر
لە رۆژی مامۆستایان سیستەمی پەروەردەی تورکیا رەخنەباران دەکرێت 11 کاژێر لەمەو بەر |

لە رۆژی مامۆستایان سیستەمی پەروەردەی تورکیا رەخنەباران دەکرێت

لە تەمموزی 2016 ەوە دەیان هەزار مامۆستا زۆرتر
0.391 seconds