وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

هەفتەی داهاتوو گۆڕان رێكخەر هەڵدەبژێرێ‌

لەلایەن مەحموود یاسین کوردی 17/7/2017
رێکخەری گشتیی گۆڕان سەرپەرشتی کۆبوونەوەکانی خانەی راپەڕاندن و  جڤاتی نیشتمانی دەکات و لەبەردەم جڤاتی نیشتمانیدا بەرپرسیارە، فۆتۆ: رووداو
رێکخەری گشتیی گۆڕان سەرپەرشتی کۆبوونەوەکانی خانەی راپەڕاندن و جڤاتی نیشتمانی دەکات و لەبەردەم جڤاتی نیشتمانیدا بەرپرسیارە، فۆتۆ: رووداو

رووداو- هەولێر

بڕیارە رۆژی 25/7/2017 لە ساڵیادی یەكەم بەشداریی گۆڕان لە پرۆسەی هەڵبژاردن كە هەڵبژاردنی پەرلەمانی كوردستان بوو، جڤاتی نیشتمانیی بزووتنەوەی گۆڕان كۆببێتەوە بۆ هەڵبژاردنی خانەی راپەڕاندن، دواتریش كەسێك لە خانەكە بە رێكخەری گشتی هەڵدەبژێردرێ‌، بەهێزترین كاندیدیش بۆ ئەو پۆستە هەریەك لە قادری حاجی عەلی و عومەری سەید عەلی، هەڵسوڕاوانی باڵای بزووتنەوەكەن.

ئاوات شێخ جەناب، هەڵسوڕاوی دیاری بزووتنەوەی گۆڕان، كاتی هەڵبژاردنی رێكخەری گشتی بۆ (رووداو) ئاشكرا كرد و گوتی: "تەنیا یەك مەوعیدمان هەیە ئەویش 25ی مانگە، ئەو پرۆسەیە بەپێی دەستووری نێوخۆی گۆڕان بە سەركەتوویی ئەنجام دەدەین".

ئەگەرچی جاڕی دامەزراندنی گۆڕان لە 11/4/2009 لە هەڤپەیڤینێكی نەوشیروان مستەفادا لەگەڵ رۆژنامەی شەرق ئەلئەوسەت هات، بەڵام رۆژی 25/7/2009 بەشداری یەكەم هەڵبژاردنی پەرلەمانی كوردستانی كرد و وەكو عورفێك ئەو رۆژە بووەتە رۆژی دامەزراندنی بزووتنەوەكە. هەروەها رۆژی 31/5/2010 مۆڵەتی یاسایی لە وەزارەتی ناوخۆی حكومەتی هەرێمی كوردستان، وەكو بزووتنەوەیەكی سیاسی وەرگرت.

شۆڕش حاجی، گوتەبێژی بزووتنەوەی گۆڕان لەبارەی هەڵبژاردنی رێكخەری گشتی و ئەندامانی خانەی راپەڕاندن بە (رووداو)ی گوت: "هەڵبژاردنی خانەی راپەڕاندن و رێكخەری گشتی پرسێكی نێوخۆییە، بەپێی دەستووری نێوخۆی بزووتنەوەی گۆڕان مامەڵەی لەگەڵ دەكرێت و نامانەوێ‌ لە میدیاكانەوە قسەی لەسەر بكەین".

رێكخەری گشتی یەك دەسەڵاتی هەیە

خانەی راپەڕاندن كە حەوت ئەندامی هەیە، رۆڵی مەكتەبی سیاسی دەبینێ و بڕیارەكانی جڤاتی نیشتمانی جێبەجێ دەكات، بەپێی دەستووری بزووتنەوەی گۆڕان، هەر دوو ساڵ جارێك ئەندامانی خانەكە هەڵدەبژێردرێن، ئەندامان بۆیان هەیە بۆ سێ خول خۆیان كاندید بكەن. 

بەپێی بەشی نۆیەم لە ماددە 13ی دەستووری گۆڕان، خانەكە پێكدێت لە حەوت كەس: (رێكخەری گشتی، سكرتێری كاروباری جڤاتی نیشتمانی، سكرتێری كاروباری فراكسیۆنەكان، سكرتێری كاروباری باژێڕەكان، سكرتێری كاروباری ژوورەكان، سكرتێری كاروباری خەڵك و سەرۆكی جڤاتی گشتی). لەو 7 ئەندامەی خانەی راپەڕاندن تەنیا جەمال محەممەد، سكرتێری جڤاتی نیشتمانی و رەئووف عوسمان، سەرۆكی جڤاتی گشتی بە هەڵبژاردن لە پۆستەكانیان دانراون.

 بەپێی ماددەی چوارەم، بەشی نۆیەم لە دەستووری گۆڕان، رێكخەری گشتی سەرپەرشتی كۆبوونەوەكانی خانەی راپەڕاندن و جڤاتی نیشتمانی دەكات و لەبەردەم جڤاتی نیشتمانیدا بەرپرسیارە.

بەپێی قسەی سەرچاوەیەكی ئاگادار بۆ (رووداو)، بە فەرمی هیچ هەڵسوڕاوێكی گۆڕان خۆی بۆ خانەی راپەڕاندن و رێكخەری گشتی كاندید نەكردووە و هیچ كەسێكیش لە بەرژەوەندیی كەسێكی دیكە نەكشاوەتەوە، بەڵام چاوەكان زیاتر لەسەر هەریەك لە قادری حاجی عەلی و عومەری سەید عەلین.

(رووداو) زانیویەتی گرووپی راوێژ كە لە سەركردە و هاوڕێكانی نەوشیروان مستەفا پێكهاتوون، لەگەڵ ژووری یاسایی و ژووری هەڵبژاردن میكانیزمیان بۆ چۆنیەتی بەڕێوەچوونی پرۆسەكە ئامادە كردووە كە خۆی لە چوار لاپەڕە دەبینێتەوە. رۆژی 20ی ئەم مانگە دەرگای خۆپاڵاوتن دەكرێتەوە، هەڵسوڕاوانی گۆڕان ئەوانەی مەرجەكانیان تێدایە دەتوانن لە رێگای فۆرمێكەوە خۆیان كاندید بكەن، یەكێك لەو مەرجانەی دانراوە، دەڵێت پێویستە كاندیدی خانەی راپەڕاندن تەمەنی لە 30 ساڵ كەمتر نەبێ‌.

چالاكی موهەندیس، ئەندامی جڤاتی نیشتمانیی گۆڕان بە (رووداو)ی راگەیاند: "یەكێك لە مەرجەكان بۆ خۆكاندیدكردن بۆ خانەی راپەڕاندن و رێكخەری گشتی ئەوەیە كە پێویستە هەڵسوڕاوێكی بەرچاو و جێگای متمانەی گۆڕانخوازان بێت، نابێ‌ پۆستی دیكەی هەبێ‌، ئەگەر بۆ ئەو پۆستە خۆی كاندید كرد، پێویستە دەست لە پۆستی حكومی و پەرلەمانی هەڵبگرێت".

چالاكی موهەندیس گوتیشی:"هەریەك لە سەرۆكی پەرلەمانی كوردستان، جێگری سەرۆكی پەرلەمانی عێراق، پەرلەمانتار و وەزیرەكانی كوردستان و عێراق،  هەروەها ئەندامانی ئەنجوومەنی پارێزگاكان، یان هەر كەسێكی دیكە وەزیفەی گشتی  هەبێ‌، لەنێو بزووتنەوەی گۆڕانیش پلەی حیزبییان هەبێت، ناتوانن خۆیان كاندید بكەن بۆ خانەی راپەڕاندن".

قادر حاجی عەلی یان عومەری سەید عەلی

هەرچەندە تاوەكوو ئێستا كاندیدەكانی پۆستی رێكخەری گشتی دەرنەكەوتوون، بەڵام هەر لە ئێستاوە باس لە دوو كاندیدی بەهێز دەكرێ‌، ئەوانیش قادری حاجی عەلی و عومەری سەید عەلین.
عومەری سەید عەلی، سەرۆكی زۆربەی شاندەكانی دانوستاندنی گۆڕان بووە، لە غیابی نەوشیروان مستەفادا وەكو كەسی یەكەمی بزووتنەوەكە دەركەوتووە. 

نەوشیروان مستەفا كە لە لەندەن بوو، بریكارنامەی بۆ كردبوو بۆ ئەوەی ئیشەكانی بزووتنەوەكە كە پەیوەستن بە هەڵبژاردن و كۆمیسیۆن جێبەجێ بكات، بەڵام قادری حاجی عەلی نەخشەداڕێژەر و ئەندازیاری پشتی پەردەی هەڵمەتەكانی راگەیاندنی گۆڕان بووە، هەموو جووڵەیەكی سیاسی لە ماوەی نەخۆشكەوتنی نەوشیروان مستەفادا دەستی ئەوی تێدابووە. بە قسەی هەڵسوڕاوانی گۆڕان، بەپێی پێشینەی كاری لە دەزگای زانیاریی یەكێتی، قادر حاجی عەلی وردبینترە، هەرچی عومەی سەید عەلی مامەڵەی نەرمترە. 

بەهۆی تەمەنی وەكو برا گەورەیەك لەنێو سەركردەكانی گۆڕاندا دەركەوتووە، لەو گەنجانەش نزیكە كە پۆستیان لە پەرلەمان و حكومەت لە هەولێر و بەغدا وەرگرتووە، بەڵام قادری حاجی عەلی لە بنكەی جەماوەری گۆڕان نزیكترە و توانای دانیشتن و گوێگرتنی لە خەڵك هاوشێوەی نەوشیروان مستەفایە.

بەشێك لە هەڵسوڕاوانی گۆڕان باسی رێككەوتنێكی پێشوەختەی هاوڕێیەكانی نەوشیروان مستەفا بۆ هەڵبژاردنی خانەی راپەڕاندن دەكەن، بۆئەوەی بە یەك كاندیدی تەوافوقی بچنە كۆبوونەوەی رۆژی 25ی مانگ، بەڵام ژمارەیەك سەركردە كە قسەیان بۆ (رووداو) كردووە، بوونی كاندیدی پێشوەختە بۆ رێكخەری گشتی رەتدەكەنەوە.

حیزبەكان چاوەڕێی رێكخەری نوێن

تەنیا جەماوەر و هەڵسوڕاوانی گۆڕان نین چاویان لە پڕكردنەوەی پۆستی رێكخەری گشتییە، بەڵكو حیزب و لایەنە سیاسییەكانی دیكەش چاوەڕێی 25ی تەمووز دەكەن بۆ ئەوەی بزانن رێكخەری دوای نەوشیروان مستەفا كێیە.

فازڵ بەشارەتی، ئەندامی سەكردایەتی پارتی بە (رووداو)ی راگەیاند: "ئێمە وەكو بزووتنەوەیەكی سیاسی مامەڵە لەگەڵ گۆڕان دەكەین، نەك وەكو تاك، ئومێد دەكەین كەسانی میانڕەو لەو پرۆسەیە سەربكەون و گۆڕان بە سیاسەت و پەیوەندییەكانی لەگەڵ پارتیدا بچێتەوە، بۆ ئەوەی بۆچوونەكانمان بۆ سەرخستنی گشتپرسی یەكبخەین، گۆڕان خاوەنی 24 كورسیە و دەبێ‌ لە پرۆسەی سیاسی رۆڵی خۆیان بە ئاراستەیەكی باش ببەن".

هەروەها سیروان كوێخا نەجم، ئەندامی سەركردایەتی یەكێتی گوتی: "یەكێك لە ئامانج و ئاواتی ئێمە كە لە سەركردایەتی یەكێتیش باسمان كردووە، یەكگرتنەوەمانە لەگەڵ گۆڕان، چونكە گۆڕان لە هەناوی یەكێتی هاتووەتە دەرەوە، ئومێد دەكەین رێكخەری داهاتوو لەسەر رێبازی كاك نەوشیروان مستەفا بەردەوام بێت و زیاتر لە یەكێتی نزیك ببێتەوە. بە هەردوولامان رێككەوتنی نێوانمان وەكو خۆی جێبەجێ‌ بكەین، لەسەر پرسە چارەنووسساز و ستراتیژییەكان زیاتر هاوهەڵوێست بین".

مستەفا عەبدوڵڵا، ئەندامی ئەنجوومەنی جێبەجێكردنی یەكگرتووی ئیسلامی كوردستانیش لەوبارەیەوە گوتی  "دەستنیشانكردنی رێكخەری گشتی گۆڕان پرسێكی تایبەت بە نێوخۆی گۆڕانە، ئێمە رێز لە بڕیاری گۆڕان دەگرین هەر كەسێك هەڵبژێرن و دەستنیشان بكەن، ئێمە مامەڵەیەكی ئەرێنی لەگەڵ دەكەین هەر وەكو كاك نەوشیروان مستەفا، پەرە بە پەیوەندییەكانمان لەگەڵ گۆڕان دەدەین".


قادری حاجی عەلی و عومەری سەید عەلی

قادری حاجی عەلی

- ساڵی 1955 لە بنەماڵەیەكی ناسراوی سلێمانی لەدایكبووە.

 - پێنج برا و پێنج خوشكی هەن، پێنج براكە بوونەتە پێشمەرگە كە یەكێكیان هونەرمەندی كۆچكردوو حەمەجەزا بوو.

- دەرچووی بەشی جیۆلۆجی زانكۆی سلێمانییە.

- ساڵی 1972 بووەتە ئەندامی كۆمەڵە.

- ساڵی 1974-1975 پێشمەرگەی شۆڕشی ئەیلوول بووە، دوای هەرەسهێنانی شۆڕش، گەڕاوەتەوە زانكۆ بۆ تەواوكردنی خوێندن.

- ساڵی 1980 جارێكی دیكە چووەتەوە شاخ  و بووەتە پێشمەرگە.

- لە كۆنفرانسی سێیەمی كۆمەڵە كە تەمەنی 28 ساڵ بووە، بووەتە ئەندامی سەركردایەتی كۆمەڵە و سەركردایەتی یەكێتی. بووەتە سەرپەرشتیاری یەكێك لە مەڵبەندەكانی ئەو حیزبە.

- پێش راپەڕین بووەتە ئەندامی مەكتەبی سیاسی یەكێتی.

- لە ساڵی 1990 بووەتە بەرپرسی راگەیاندنی یەكێتی.

- ساڵی 1994 دەزگای زانیاری دامەزراندووە و كەسی یەكەمی ئەو دەزگایە بووە.

- 1996-1997 بەرپرسی پەیوەندییەكانی دەرەوەی یەكێتی بووە.

- ساڵی 1998 – 2000 كارگێڕی مەكتەبی سیاسی یەكێتی بووە.

- لە سەرەتای دامەزراندنی كۆمپانیای وشە لە دوای نەوشیروان مستەفا بە كەسی دووەمی ئەو بزووتنەوەیە دادەنرێت، پەیامی سایتی سبەی و بزووتنەوەی گۆڕانی نووسیوە.

- دامەزرێنەری سەرجەم میدیا نووسراو و بینراو و بیستراوەكانی بزووتنەوەی گۆڕان بووە.
- دووجار هاوسەرگیریی كردووە، خاوەنی سێ‌ كوڕە

عومەری سەید عەلی

- ساڵی 1945 لە گەڕەكی شێخان لە سلێمانی لەدایكبووە.

- خانەی مامۆستایانی لە سلێمانی تەواو كردووە.

- ساڵی 1974 بووەتە پێشمەرگەی شۆڕشی ئەیلوول تا نسكۆی شۆڕش.

- ساڵی 1975 بووەتە ئەندامی سەركردایەتیی كۆمەڵە.

- ساڵی 1976 رێكخستنەكەیان ئاشكرا دەبێت و لەگەڵ شەش سەركردەی كۆمەڵە دەچنە ئێران و لەوێ‌ دەستگیر دەكرێن و رادەستی عێراق دەكرێنەوە.

- لە 11/7/1976 بە شەش ساڵ بەندكردن سزا دەدرێت، ساڵی 1979 بەر لێبوردنی گشتی دەكەوێ و ئازاد دەكرێ‌. 

- دوای ئازادبوونی لە زیندان بە ئەندامی سەركردایەتی كۆمەڵە، سەركردایەتی یەكێتی هەڵبژێردراوە.

- ساڵی 1980 بەهۆی بۆردومانی فڕۆكە لە بناری كێوەڕەش بریندار بووە، پاشان رەوانەی سوێد كراوە، سەرپەرشتی رێكخستنەكانی یەكێتی كردووە لە ئەوروپا.

- لە هەموو كۆنگرەكانی یەكێتی بە ئەندامی سەركردایەتی و پاشان مەكتەبی سیاسی هەڵبژێردراوە.

- ماوەیەك سەرۆكی شاندی یەكێتی بووە بۆ گفتوگۆكردن لەگەڵ پارتی بۆ پرۆسەی ئاشتی.

- ساڵی 1992 بووەتە ئەندامی پەرلەمانی كوردستان.

 - ماوەیەك بەرپرسی مەڵبەندی یەكی سلێمانی یەكێتی بووە.

-  بەرپرسی مەكتەبی دارایی یەكێتی بووە.

- ساڵی 2009 دەستی لە ئەندامێتی مەكتەبی سیاسی یەكێتی كێشایەوە.

- ساڵی 2009 لەسەر لیستی گۆڕان خۆی كاندید كرد و دواتر كشایەوە.

- سەرپەرشتیاری فراكسیۆنەكانی گۆڕان بووە.

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Hogeer.NE | 08/04/2016 08:32:52 م
ياخوا هه ر ساخو سلامه ت بئت
Biyar | 28/07/2017 12:42:44 م
har bzhet....
فەلافل فرۆش
| 17/5/2015 | (5)
سەردار بێرکۆتی | 28/07/2017 11:52:03 ص
من پشتگیری کاك سەفین دەکەم و هیوادارم سەرکەوتووبێت.
پیاوێك هەڕەشەی وەرگرتنەوەی تۆڵەی ژنەكەی لە پزیشكێك دەكات
| 27/7/2017 | (1)
ئەحمەد میراودەلی | 28/07/2017 12:02:56 ص
دەستەکانت خۆشبن وتارێکی زۆر جوان و بەجێیە.
بەرەو مەفرەزە سەرەتاییەكانی داهاتوو!
| دوێنێ کاژێر 09:45 | (1)
AMANJ.xoshnaw | 19/07/2017 12:59:50 م
ده‌سته‌کانت خۆش بێت کاك هێدی بێ دڵ
Ahmadxambar | 27/07/2017 11:32:23 م
دەستەکانت خۆشبێت هەرساخ بی
شعرێک بۆ هەڵمەتی وازهێنان لە جگەرە
| 29/6/2017 | (4)

لە بەشەکانی دیکەی رووداوەوە

لە رۆژی جیهانیی بەرەنگاربوونەوەی هەوکردنی جگەر داین دوێنێ کاژێر 01:00 |

لە رۆژی جیهانیی بەرەنگاربوونەوەی هەوکردنی جگەر داین

تەندروستی جیهانیی داوای هەنگاوی کردەیی دەکات زۆرتر
لە کوردستان جۆرێکى هەوکردنى ڤایرۆسیی جگەر پەرە دەستێنێ دوێنێ کاژێر 12:17 |

لە کوردستان جۆرێکى هەوکردنى ڤایرۆسیی جگەر پەرە دەستێنێ

هەندێجار تووشبوو دەکوژێ زۆرتر
لە هەڵەبجە لە رۆژی فشەدا پێشانگایەکی کاریکاتێری کرایەوە دوێنێ کاژێر 04:38 |

لە هەڵەبجە لە رۆژی فشەدا پێشانگایەکی کاریکاتێری کرایەوە

به‌ شێوه‌يه‌كى ته‌نزئامێز قه‌يران و گرفته‌كان زۆرتر
0.172 seconds