وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

پێشمەرگەیەك لەلایەن هاوڕێكەیەوە دەكوژرێ‌

لەلایەن تریسكە شێرزاد 22/11/2018
تۆمەتبارەكە داوای 3500 دۆلاری لە شێركۆ كردبوو
تۆمەتبارەكە داوای 3500 دۆلاری لە شێركۆ كردبوو

رووداو – هەولێر

هاوڕێكانی تەلەفۆنیان بۆ كرد بۆ ئەوەی بە یەكەوە پیاسەیەك بكەن، پێكەوە چوونە دەرەوە، بەڵام هەر كە گەیشتەوە بەر دەرگای ماڵی خۆیان، هاوڕێیەكی نزیكی تەقەی لێكرد و كوشتی. برایەكی شێركۆ دەڵێت، ئەوەی تەقەی لە براكەی كردووە نزیكترین هاوڕێی بووە.

شێركۆ محەممەد، تەمەن 21 ساڵ، نیشتەجێی شارۆچكەی چەمچەماڵ، پێشمەرگە بوو لە لیوای 16، رۆژی 8/11/2018 لەلایەن هاوڕێیەكی خۆیەوە لە گوندی حەفتەغاری سەر بە قەزای داقووق، تەقەی لێكرا و كوژرا.

عەمید ئەسیر محەممەد، بەرپرسی راگەیاندنی پۆلیسی فیدراڵیی عێراق لە قەزای داقووق بە (رووداو)ی گوت: "پۆلیس دۆسیەی بۆ روواوەكە كردووەتەوە، سێ‌ لە هاوڕێكانی قوربانییەكەی دەستگیركردوون كە یەكێكیان تەقەی لێكردووە". گوتیشی: "هاوڕێكەی ئیعترافی لەسەر تاوانەكە كردووە، بەڵام تا ئێستا هۆكاری كوشتنەكەی باس نەكردووە، ئێمە لە لێكۆڵینەوە لەگەڵیدا بەردەوام دەبین، تا هۆكاری كوشتنەكەیمان پێدەڵێ‌".

كەسوكاری شێركۆ بۆ پرسەی ناسیاوێكیان گەڕابوونەوە گوندەكەیان، نەیانزانی هەر لەوێ‌ پرسە بۆ كوڕەكەیان دادەنێن.
محەممەد ئەمین كە باوكی شێركۆیە، بە (رووداو)ی گوت: "پێش 16ی ئۆكتۆبەر لەو گوندە دادەنیشتین، پاشان چووین بۆ چەمچەماڵ و لەوێ نیشتەجێ بووین. رۆژێك پێش رووداوەكە خزمێكمان پەیوەندی پێوەكردین و پێیگوتین  ناسیاوێكمان لە گوند مردووە، وەرن بۆ پرسەكەی".

هەموو ئەندامانی خێزانەكەی شێركۆ دەگەڕێنەوە گوندەكەیان، دوای ئەوەی بەشداری پرسەكە دەكەن، هەر لە گوندەكەیان دەمێننەوە. كاتێك هاوڕێكانی شێركۆ زانیویانە شێركۆ هاتووەتەوە، پەیوەندیان پێوە كردووە.

باوكی شێركۆ دەڵێت: "شێركۆ گوتی باوكە هاوڕێكانم دەڵێن مادام هاتوویت بۆ ئێرە، وەرە پیاسەیەك دەكەین. نەمزانی شێركۆ بە دەستی هاوڕێی منداڵیی خۆی دەكوژرێ‌".

محەممەد وەك ئەوەی دڵی خەبەری دابێ‌ كە بەڵایەك بەسەر كوڕەكەیدا دێت، ئەو رۆژە زوو زوو تەلەفۆنی بۆ كوڕەكەی كردووە "چەندینجار پەیوەندیم بە شێركۆوە كرد. گوتم: كوڕم لە كوێیت؟ گوتی: لەگەڵ هاوڕێكانم دانیشتووم قسە دەكەین و كەمێكی دیكە دەگەڕێمەوە".

زۆری نەبرد شێركۆ ئۆتۆمبێلەكەی لەبەر دەرگا راگرت، لەناكاو دەنگی تەقەش هات، باوكی كە بەپەلە چووبووە دەرەوە، كوڕەكەی لەبەردەرگا لە نێو خوێندا بینیبوو.

محەممەد دەڵێت: "شێركۆم بینی هەموو گیانی خوێنە، رامكێشایە ژوورەوە، لێمپرسی: كێ‌ تەقەی لێكردی، گوتی (ز)ی هاوڕێم بوو. لێمپرسی بۆچی تەقەی لێكردی؟ گوتی نازانم، تازە بە یەكەوە بووین و هیچ كێشەیەكمان نەبوو، نازانم چۆن دڵی هات تەقەم لێبكات. شێركۆ لە نێو دەستەكانم گیانی دەرچوو".

برایەكی شێركۆ دەڵێت دوو هەفتە پێش رووداوەكە، براكەی بە بێتاقەتی بینیوە، زۆر هەوڵی لەگەڵ داوە تاوەكو پێیگوتووە بۆچی بێتاقەتە.

سۆرانی برای شێركۆ بە (رووداو)ی گوت كە شێركۆ پێیگوتووە "ئەگەر شتێكم بەسەرهات یەخەی (ز) بگرن. چونكە چەند هەفتەیەكە بە ژمارەیەكی نەناسراو پەیوەندیم پێوە دەكات. بە عەرەبی قسە دەكات وا دەزانێت نایناسم، بەڵام من دەنگەكەی دەناسمەوە. (ز) داوای 3500 دۆلارم لێدەكات، لە كاتێكدا دەزانێ‌ من پێشمەرگەم و ئەو پارە زۆرەم نییە، نازانم ئەو پارەیەی بۆ چییە".

 بەڵام سۆران دەڵێت لەو باوەڕەدا نەبووە براكەی بە دەستی نزیكترین هاوڕێی خۆی بكوژرێ‌. ئەو دەڵێت: "نازانین بۆچی داوای 3500 دۆلاری لێكردووە، بۆچیش كوشتی، چاوەڕێی تەواوبوونی لێكۆڵینەوەی پۆلیسین". 



ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 21/02/2019 12:18:33 م
ده ستخوش پروفیسور دلاوه ر به راستی ده ستت بردوته هه ناوی کیشه کانه وه ؛ با ده و له تداره کان که لک له م نوسینه به نرخه وه رگرن .
Lawk | 21/02/2019 01:37:42 م
بەرێزم باسی سیستەمێکی دیموکراسی لە وڵاتێکی دیکتاتۆریداکارێکی دروست نییە. ئەمە ئەگەر لە کەناڵی bbc بەریتانی باسی بکەیت بەهەرحاڵ. بەڵام برام لێرە باسی...
لامەركەزی بە دروومانێكی خۆماڵی
| 21/2/2019 | (2)
مادی ئومێد | 21/02/2019 08:48:38 ص
ووتارێکی زۆر بەجێیە ،،پەڵپ و بیانووی ئەوان هەندە بێکەڵک ە و روون و ئاشکرا مەبەستەکانیان دیارە ...پارتی یەک رێگای لەپێشە هەندە بایەخیان پێنەدات ....
سیری جەلالی و زوڕنای گەل
| 18/2/2019 | (1)
Azad Azad | 19/02/2019 08:13:54 م
خودای گه‌وره‌ خائین و خاك فرۆش رسوا كات.
عەبادی داوای پاراستنی سەقامگیریی کەرکووک دەکات
| 19/2/2019 | (1)
Zhino assad | 16/02/2019 10:06:03 م
شيكاريةكى زور واقعيانة ،،،،،،، نوسةريكى بةتوانا
حزبەكانی باشوور لەبەردەم وەرچەرخانی نەوەكاندا
| 15/2/2019 | (1)

لە بەشەکانی دیکەی رووداوەوە

رێككەوتنی واشنتن و پەكین نرخی نەوت بەرز دەكاتەوە؟ 20 کاژێر لەمەو بەر |

رێككەوتنی واشنتن و پەكین نرخی نەوت بەرز دەكاتەوە؟

ئیدارەی ترەمپ تەنیا چین بە هۆكاری كورتهێنانی زۆرتر
جێنیفێر لۆپێز وازهێنانی لە شەکر رادەگەیێنێت دوێنێ کاژێر 06:21 |

جێنیفێر لۆپێز وازهێنانی لە شەکر رادەگەیێنێت

جەستەی ئالوودەبووە بە شەکر زۆرتر
نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن دوێنێ کاژێر 03:09 |

نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن

هیچ یاسایەکی نێودەوڵەتی نییە بۆ پاراستنی ئەو زۆرتر
0.39 seconds