وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

گۆڕان: هاونیشتمانیان ئازاد دەکەین لە دەنگدان بۆ گشتپرسی

لەلایەن ئەرکان عەلی 24/9/2017
کۆبوونەوەی جڤاتی نیشتمانی بزووتنەوەی گۆڕان 24-9-2017
کۆبوونەوەی جڤاتی نیشتمانی بزووتنەوەی گۆڕان 24-9-2017

رووداو - سلێمانی

دوای کۆبوونەوە جڤاتی نیشتمانی بزووتنەوەی گۆڕان راگەیێندراوێکی بڵاوکردەوە و رایدەگەیێنێت "هاونیشتمانیانی کوردستان ئازاد دەکەین لە چۆنییەتی مامەڵکردن لەگەڵ پرۆسەی گشتپرسی".

رۆژی یەکشەممە 24-9-2017، جڤاتی نیشتمانی بزووتنەوەی گۆڕان راگەیێندراوێکی بڵاوکردەوە و تێیدا هاتووە "بزووتنەوەی گۆڕان جارێكی دیکە جەخت لە هەڵوێستی نەگۆڕمان بۆ دامەزراندنی دەوڵەتی سەربەخۆی كوردستان، بە كەركووك و ناوچە كوردستانییە دابڕێنراوەكانەوە دەکەینەوە، چونكە لە دروستبوونی دەوڵەتی نوێی عێراقەوە تاوەكو ئەمڕۆ ململانێی سەرەكی نێوان گەلی كوردستان و رژێمە یەك لە دوای یەكەكان لەسەر دیاریكردنی سنووری جوگرافیای باشووری كوردستان بووە، چارەسەركردنی ئەو كێشەیە كرۆكی چارەسەركردنی كێشەی گەلی كوردستانە لە عێراقدا". 

لە بەشێکی دیکەی راگەیێندراوەکەدا لەبارەی دەنگدان لە رۆژی 25ـی ئەیلوول دەڵێت "وەک بزووتنەوەی گۆڕان هاونیشتمانیانی كوردستان ئازاد دەكەین لە چۆنیێتی مامەڵەكردن لەگەڵ ئەم پرسەیەدا"..

دەقی راگەیێندراوی جڤاتی نیشتمانی بزووتنەوەی گۆڕان

بزووتنەوەی گۆڕان لە یەكەم ساتی راگەیاندنیەوە لە بەرنامەی سیاسی خۆیدا مافی چارەنووس و دامەزراندنی دەوڵەتی سەربەخۆی كوردستانی كردوە بە یەكێك لە ئامانجە نەتەوەییەكان. ریفراندۆمیش وەك هەنگاوێك بەرەو بەدیهێنانی ئەم ئامانجە نەتەوەییە دانراوە. بەڵام سەركردایەتی پارتی دیموكراتی كوردستان و یەكێتی نیشتمانی كوردستان و هاوئاوازەكانیان ئەم پرۆسەیان بۆ دەسكەوتی كەسیی و حزبی و خۆدزینەوە لە چارەسەركردنی كێشە ئابوری و یاسایی و سیاسییەكانی كوردستان بەكارهێناوە و ناشیرینیان كردوە. هەروەها هەنگاوەكانیان بەو ئاڕاستەیە بوە كە یەكڕیزی گەلەكەمان و یەك دەنگی خەڵكی كوردستان بخەنە بەردەم مەترسیەوە.

ئێمە لە بزوتنەوەی گۆڕان هەر لە سەرەتاوە لەگەڵ كۆمەڵی ئیسلامی كوردستان و بەشێك لە كەسایەتییە رۆشنبیر و نیشتمانپەروەرەكانی كوردستان هەوڵی زۆرمانداوە گەلەكەمان بە یەكڕیزی و نەخشەیەكی تۆكمەوە هەنگاو بنێت بەرەو دروستكردنی پایەكانی دەوڵەتی سەربەخۆی كوردستان و خۆمان بۆ ئایندەیەكی شایستە بە قوربانییەكانی گەلی كوردستان ئامادە بكەین. هەر بۆیە داوای دواخستنی ئەنجامدانی ریفراندۆممان بۆ كاتێكی گونجاو كرد و داوامانكرد پێشوازی لە دەستپێشخەری هێزە نێودەوڵەتییەكان و نەتەوە یەكگرتوەكان بكرێت. بەڵام ئەو هەوڵانە فەرامۆشكران و گرنگی ئەو هەنگاوانە رەچاو نەكران. بۆیە هەر دەرەنجامێكی نەخوازراوی ئەم پرۆسەیە لە ئەستۆی ئەوانەدایە كە لەم كاتەدا بڕیاریان لەم پرسە داوە.

لێرەش بەپێویستی دەزانین بڵێین كە حكومەتی بەغداش بەدەر نییە لە پێشێلكردنی دەستور و مافی پێكهاتە نەتەوەیی و ئایینەكانی ترو  جێبەجێ نەكردنی ئەو مادە دەستورییانەی كە مافە نەتەوەییەكانی خەڵكی كوردستان دەستەبەر دەكەن.

لەكۆتاییدا ئێمە لە بزوتنەوەی گۆڕان جارێكی تر جەخت لە هەڵوێستی نەگۆڕمان بۆ دامەزراندنی دەوڵەتی سەربەخۆی كوردستان، بە كەركوك و ناوچە كوردستانییە دابڕێنراوەكانەوە دەکەینەوە، چونكە لە دروستبونی دەوڵەتی نوێی عێراقەوە تاكو ئەمڕۆ ململانێی سەرەكی نێوان گەلی كوردستان و رژێمە یەك لە دوای یەكەكان لەسەر دیاریكردنی سنوری جوگرافیای باشوری كوردستان بوە. چارەسەركردنی ئەو كێشەیە كرۆكی چارەسەركردنی كێشەی گەلی كوردستانە لە عێراقدا. بۆیە وەك بزوتنەوەی گۆڕان هاوڵاتیانی كوردستان ئازاد دەكەین لە چۆنیێتی مامەڵەكردن لەگەڵ ئەم پرسەدا.


جڤاتی نیشتیمانی بزوتنەوەی گۆڕان
24/9/2017


کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Ahmad Jamel
Ahmad Jamel | 16/10/2017 09:02:59 م
خیانەت هەموو گەلی کوردی و پیشمەرگەی گریاد
پەرلەمانتارێکی گۆڕان دەقی رێککەوتنی بافڵ تاڵەبانی و ھادی عامری بڵاودەکاتەوە
| دوێنێ کاژێر 10:12 | (1)
Kori Boukan | 16/10/2017 03:57:51 م
من ته نيا داواكارم كه ئاگاتان له سنوره كانى روژئاوا بىت. هىندىك جولانه وه ى مه ترسىى دار له پيرانشار ديتراوه.
هاشمی: ئەوەی لە کەرکووک روودەدات بە هاوئاهەنگی بافل تاڵەبانی و قاسم سولەیمانییە
| 16/10/2017 | (1)
rzgar | 16/10/2017 01:53:16 م
خودابی پارێزیت
Kardo | 16/10/2017 03:12:53 م
سه لا مه تى بو كاک کوسره ت و هه موو پیشمه رگه ی کوردستان .به نه فره ت بن ئه وانه ی خیانه تیان له کورد و له که رکووک کرد
 برینداربوونی کۆسرەت رەسول رەتدەکرێتەوە
| 16/10/2017 | (3)
Aso | 16/10/2017 11:13:30 ص
ئه گه ر خيانه تى ئه مريكا نه بوايه كورد واى به سه ر نه ئه هات ، تكايه مه كه ونه تاوانبارى يه كترى ، ئه گه ر يه كيتيش باليكى خراپ تصرفى كردبيت ، هه...
حەشدی شەعبی هەوڵی دابڕینی کەرکووک لە هەولێر و سلێمانی دەدات
| 16/10/2017 | (1)

لە بەشەکانی دیکەی رووداوەوە

چۆڵکردنی کەرکووک دەستیپێکردەوە 6 کاژێر لەمەو بەر |

چۆڵکردنی کەرکووک دەستیپێکردەوە

حەشدی شەعبی داوادەکات چۆڵی نەکەن زۆرتر
چۆن خیانەت لە بارزانی كرا؟ 6 کاژێر لەمەو بەر |

چۆن خیانەت لە بارزانی كرا؟

چییان دەستكەوت؟ زۆرتر
0.25 seconds