وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

کۆسرەت رەسول: ئامانجمانە لەگەڵ عێراق دوو دراوسێی باش بین

لەلایەن راوچی حەسەن 27/9/2017
کۆسرەت رەسول، جێگری سەرۆکی هەرێمی کوردستان و جێگری یەکەمی سکرتێری گشتی یەکێتیی نیشمانیی کوردستان
کۆسرەت رەسول، جێگری سەرۆکی هەرێمی کوردستان و جێگری یەکەمی سکرتێری گشتی یەکێتیی نیشمانیی کوردستان

رووداو - هەولێر 

جێگری سەرۆکی هەرێمی کوردستان و جێگری یەکەمی سکرتێری گشتی یەکێتیی نیشمانیی کوردستان پەیامێکی بەبۆنەی سەرکەوتنی گشتپرسی بڵاوکردەوە و پیرۆزبای لە خەڵکی کوردستان کرد و گوتی"دەمانەوێ لەگەڵ حکومەتی ناوەند ناكۆكی و جیاوازییەكانمان بە گفتوگۆ چارەسەر بكەین و ئامانجمانە دوو دراوسێی باش بین".

رۆژی چوارشەممە 27-9-2017، نووسینگەی رۆژنامەڤانی کۆسرەت رەسول، جێگری سەرۆکی هەرێمی کوردستان و جێگری یەکەمی سکرتێری گشتی یەکێتیی نیشمانیی کوردستان پەیامێکی پیرۆزبایی بڵاوکردەوە و رایگەیاند "شەرەف و شانازییەكی گەورەبوو بۆ گەلەكەمان لە رۆژی گشتپرسیدا هەموومان پێكەوە بەرە و سندووقەكانی دەنگدان چووین و بە "بەڵێ" دەنگماندا بۆ سەربەخۆیی كوردستان".

لە بەشێکی پەیامەکەیدا کە ئاراستەی حکومەتی ناوەندی کردووە هاتووە " ئامانجمانە لەگەڵ حكومەتی ناوەند و سەرجەم هێز و لایەنە عێراقییەكان دەست بكەینەوە بە گفتوگۆیەكی جددی و بنیاتنەرانە و لە رێگای لێكتێگەیشتنی هاوبەش چارەسەری گونجاو بۆ پرسە گرنگەكانی نێوانمان و ئایندەی پەیوەندییەكانمان بدۆزینەوە و دوو دراوسێی باش بین". 

دەقی پەیامەکەی کۆسرەت رەسول

كۆسرەت رەسول عەلی پیرۆزبایی سەركەوتنی گشتپرسی لە كۆمەڵانی خەڵكی كوردستان دەكات

بەناوی خوای گەورەو میهرەبان
كەسوكاری سەربەرزی شەهیدان
پێشمەرگە قارەمانەكان
جەماوەری خۆڕاگر و بەهەڵوێستی كوردستان

شەرەف و شانازییەكی گەورەبوو بۆ گەلەكەمان كە لەرۆژی گشتپرسیدا هەموومان پێكەوە بەرەو سندوقەكانی دەنگدان چووین و بە بەڵێ دەنگماندا بۆ سەربەخۆیی كوردستان، بەم هەنگاوەش گەلەكەمان رۆحی شەهیدانیان ئاسوودەكرد و بۆ جیهانی دەرەوەشمان سەلماند كە میللەتێكی ئازادیخوازین و دەمانەوێ‌ بە ئاشتی و ئازادی و ئارامی بژین.

لەم رۆژە مێژووییەدا پیرۆزبایی گەرمی خۆم ئاراستەی كۆمەڵانی خەڵكی كوردستان دەكەم و دووپاتی دەكەمەوە كە ئیدی دەبێ سەركردایەتی سیاسی كورد بە كۆدەنگی و یەكدەنگی نیشتمانی هەوڵ بۆ هەنگاوەكانی داهاتوو بدات.

جەماوەری خۆڕاگری كوردستان...

لە رۆژی پیرۆزی گشتپرسیدا هاوكات لە هەموو شار و شارۆچكەكانی كوردستان بە كەركووكی شاری ئاشتی و برایەتی و پێكەوەژیانی نێوان پێكهاتەو نەتەوە جیاوازەكان و "سەر"ی كوردستان و سەرجەم ناوچە كوردستانییەكانی ترو كوردانی دەرەوەی وڵات، هاونیشتمانیانمان "بەڵێ"ی سەربەخۆبوونیان هەڵبژاردوو جوانترین و ئاشتیانەترین و دیموكراسیترین پەیامیان ئاراستەی كۆمەڵگای نێودەوڵەتی كرد و، وتیان بەڵێ ئێمە دەمانەوێ‌ ئازادو سەربەخۆ بژین بەبێ هیچ جیاوازییەكی ئایینی، نەتەوەیی و كلتووری، هەربۆیە جارێكی تر پیرۆزبایی گەرمی خۆم ئاراستەی سەرجەم خوشك و برا عەرەبەكان، توركمان و كلد و ئاشوورییەكان دەكەم، كە ئەمڕۆ هاوئاوازی گەلی كورد گوتیان بەڵێ دەمانەوێ‌ بە ئاشتی و ئارامی لەگەڵ خوشك و برا كوردەكانمان بژین.

لێرەوەش دووپاتی دەكەمەوە، كە ئامانجمانە لەگەڵ حكومەتی ناوەند و سەرجەم هێز و لایەنە عێراقییەكان دەست بكەینەوە بە گفتوگۆیەكی جدی و بنیاتنەرانە و لەرێگای لێكتێگەیشتنی هاوبەش چارەسەری گونجاو بۆ پرسە گرنگەكانی نێوانمان و ئایندەی پەیوەندییەكانمان بدۆزینەوە و دوو دراوسێی باش بین. 

هاوپەیمانی ستراتیژی سەرجەم وڵاتانی دیموكراتخواز بین و بەهەموومان لەبەرەی دیموكراسی دژی تیرۆرستان بوەستینەوە، جەختیش لەوە دەكەمەوە كە دەرگای گفتوگۆمان واڵایە بۆ هەموو لایەك و دەمانەوێ‌ سەرجەم ناكۆكی و جیاوازییەكانمان لەسەر مێزی گفتوگۆ و بە دیالۆگ چارەسەر بكەین.

جارێكی تر پیرۆزبایی خۆم و سەرجەم سەركردایەتی سیاسی كورد ئاراستەی گەلەكەمان دەكەم و لەم رۆژە مێژووییەدا سەری رێز و نەوازش بۆ سەرجەم شەهیدان دادەنوێنین و پێیان دەڵێین كاروانەكە بەردەوامەو تا دوامەنزڵ ناوەستێ‌.

كۆسرەت رەسول عەلی
كەركووك- كوردستان

کۆمێنتەکان

 
emad mohamad | 27/9/2017
Har bzhet sarok ba raste to saroke kaka kosrat

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

شێرکۆ | 10/12/2017 12:46:20 م
فیرعەون و دزە گەورەکان خۆتانن سەرۆک حزب و ئەندام مەکتەب سیاسی و ئەندامانی ئەنجومەنی سەرکردایەتیی حزبەکان بە تایبەتی پارتی و یەکێتی، وە ئەندامانی...
قوباد تاڵەبانی: هێشتا ئازایەتیمان نەبووە رووبەڕووی فیرعەون و دزە گەورەکان ببینەوە
| 21 کاژێر لەمەو بەر | (1)
Rebwar | 10/12/2017 08:04:01 ص
Dastxosh bo am babata grnga u matrsidara, ba rasty agar pisbuni aww u zhinga grngi penadret awa matrseaky gawra barokman dagret, hiwadarin hkumat u...
ئاوی تانجەرۆ لە سلێمانی بەتەواوی پیسبووە و مەترسیدارە
| دوێنێ کاژێر 08:38 | (1)
آهورا | 09/12/2017 11:22:27 م
کورد هر کورده و پیشمرگه ش قارمان و هیرکولی آو گه له و بویر و نه ترسه، هموشیان باش دزانن ،عبادی له رق و کینه وه و مالکیش لبر برژوندی هلبژاردنی...
ئەندام دیلان | 10/12/2017 06:57:47 ص
نابێ سیقوی پێ بکرێتەوە، بۆ فریودانی دووبارەی کوردە، دوژمنانمان باش دەزانن کورد بە چی هەڵدەخڵەتێنرێ، عەڕەب و تورک و فارس قەت پاکییان نایە لەگەڵ ئێمە،...
بەپێچەوانەی عەبادی، مالیکی ستایشی پێشمەرگە دەکات
| دوێنێ کاژێر 09:55 | (3)
mahamad kurdish | 09/12/2017 10:08:45 م
هه‌موو دونيا ده‌زانێت پێشمه‌رگه‌ چى كردوه‌ ئه‌مريكا بۆيه‌ ناوى كورد ناهێنێت چونكه‌ مه‌سله‌حه‌تى خۆيتێدايه‌ عه‌باديش بۆيه‌ ناوى نه‌هێنا چونكه‌ چاوى...
ئەمریکا: کۆنترۆڵکردنەوەی تەواوی خاکی عێراق مانای کۆتاییهاتنی داعش نییە
| دوێنێ کاژێر 10:47 | (1)

لە بەشەکانی دیکەی رووداوەوە

 لەبارەی ماددەیەکی مێرووکوژ هۆشداریدەدرێت 14 کاژێر لەمەو بەر |

لەبارەی ماددەیەکی مێرووکوژ هۆشداریدەدرێت

مەترسی تووشبوون بە شێرپەنجە زیاددەکات زۆرتر
رادیۆ و تەلەڤزیۆنەکان ملیارێک و 274 ملیۆن دینار قەرزداری حکومەتن 17 کاژێر لەمەو بەر |

رادیۆ و تەلەڤزیۆنەکان ملیارێک و 274 ملیۆن دینار قەرزداری حکومەتن

وەزارەتی رۆشنبیری هەڕەشەی داخستنیان دەکات زۆرتر
مۆڵەتی بەناوکردنی ئۆتۆمبێلی بێ ساڵیانە 30 رۆژ درێژکرایەوە 20 کاژێر لەمەو بەر |

مۆڵەتی بەناوکردنی ئۆتۆمبێلی بێ ساڵیانە 30 رۆژ درێژکرایەوە

"ئەگەر لەماوەی 30 رۆژدا بەناوی نەکەن، سزا دەدرێن" زۆرتر
0.281 seconds