وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

گەنجێكی كورد دوای 52 رۆژ لە رفاندنی، ئازاد كرا

لەلایەن تریسكە شێرزاد 27/11/2018
رۆژگار دەڵێت لەلایەن چەكدارانی حەشدی شەعبییەوە رفێنراوە
رۆژگار دەڵێت لەلایەن چەكدارانی حەشدی شەعبییەوە رفێنراوە

رووداو – هەولێر

رۆژگار یاسین، بۆ كڕینی هەندێك پێداویستی چووبووە دەرەوە، لەلایەن چەند كەسێكەوە رفێنرا و دوای 52 رۆژ ئازادیان كرد.


رۆژگار، تەمەن 23 ساڵ كە شەوی 24ی ئەیلول رفێنرا، دانیشتووی گەڕەكی واستی شاری كەركووكە. ئەمساڵ قۆناغی شەشی ئامادەیی تەواو كردبوو، كاتێك ئازادكرا، زۆربەی هاوڕێكانی لە زانكۆ وەرگیرابوون، بەڵام ئەو بەهۆی رفاندنییەوە خوێندنی ئەمساڵی زانكۆی فەوتا.

رۆژگار دوای ئازادكردنی بە (رووداو)ی گوت: "من كادیری لقی سێی پارتی بووم. لە كاتی ریفراندۆمەكە هاوڕێ‌ عەرەب و توركمانەكانم هان دەدا بەشداری بكەن و بە بەڵێ دەنگ بدەن. ئەوان زۆر رێزیان دەگرتم، بەڵام هەندێ كەس دوای رووداوەكانی 16ی ئۆكتۆبەر بوونە دوژمنم، لەلای حەشدی شەعبی شكاتیان لێكردم، حەشد ویستی دەستگیرم بكات، بەڵام من رامكرد بۆ هەولێر و ماوەیەك مامەوە، بەڵام ناچار بووم بگەڕێمەوە كەركووك".

رۆژگار دەڵێت بەهۆی ئەوەی قوتابی بووە، ناچار بووە بگەڕێتەوە شارەكەی، نزیكەی مانگێك خۆی شاردووەتەوە، رۆژانەش برا گەورەكەی هاتوچۆی پێكردووە بۆ قوتابخانە. رۆژگار نزیكەی دوو مانگ لە هەولێر بووە، هەرچەندە باوكی زۆر داوای لێكردووە لە هەولێر بمێنێتەوە، بەڵام بە قسەی نەكردووە. رۆژگار گوتی: "مانگی حەوتی ئەمساڵ دووبارە چوومەوە بۆ هەولێر، نزیكەی دوو مانگ لەوێ‌ مامەوە، بەڵام  بڕیارمدا بگەڕێمەوە كەركووك، چونكە زۆر بیری باوكم و براكەمم دەكرد".

رۆژگار تەنیا 10 رۆژ لەگەڵ كەسوكارەكەی مایەوە، شەوی 24/9/2018 لەلایەن چەند كەسێك بە ئۆتۆمبێلێكی جامڕەش رفێنرا. رۆژگار دەڵێت: "سەعات یەكی شەو بوو لەگەڵ ئەحمەدی هاورێم چووین بۆ فرۆشگایەكی نزیك ماڵی خۆمان، لە كاتی گەڕانەوەمان بۆ ماڵەوە ئۆتۆمبێلێكی جامڕەش رایگرت، سێ كەس دابەزین و بە زەبری دەمانچە منیان خستە نێو ئۆتۆمبێلەكە".

بەو پێیەی چاوی بەسترابووەوە، نەیزانیوە بۆ كوێی دەبەن. ئەو گوتی: "منیان لە ژوورێك دانا، نازانم كوێ‌ بوو، بەس ئەوەندە دەزانم ئەوانەی منیان رفاند حەشد بوون، چوار رۆژ بە بەردەوامی ئەشكەنجەیان دام".

چەكدارەكان چییان لە گیانی رۆژگار دەویست؟ رۆژگار دەڵێت: "ئەوان دەیانگوت تۆ تیرۆرستی و دەبێ‌ ئیعتراف بكەی كە تیرۆریستی، بەڵام من هیچ قسەیەكم نەكرد، كاتێك زانییان سوودی نییە، ئینجا كارەبایان لە جەستەم دا، دیسان هیچم نەگوت، كاتێك داوای ئاو و نانم دەكرد، لە جیاتی بۆم بێنن، زیاتر ئەشكەنجەیان دەدام، چەندینجار لە ژێر ئەشكەنجەدا بوورامەوە". 

وەك رۆژگار باسی كرد، دوایینجار كە بووراوەتەوە بۆ شوێنێكی دیكە گوازراوەتەوە، بەڵام چاوی كرابووەوە و بینیویەتی لە شوێنێكە بەدەستی سوپای عێراقەوەیە. رۆژگار دەڵێت "نەمدەزانی چەند رۆژە لەو شوێنەم، بەڵام ئەوەندەم دەزانی كە لە دەستی حەشدی شەعبیدا نیم".

رۆژگار هەر خەیاڵی لەلای ئەوە بووە یەكێك بێت و دەست و قاچ و چاوی ببەستێ‌ و بیكوژێ‌، هیچ ئومێدێكی بەوە نەبووە رزگار بكرێ‌، بەڵام گفتوگۆیەكی نێوان دوو سەرباز دووبارە ئومێد بە رۆژگار دەبەخشێ‌. رۆژگار دەڵێت: "گوێم لێبوو سەربازەكان لە نێوان خۆیاندا دەیانگوت ناتوانین ئەو كوڕە بكوژین، تووشی كێشە دەبین، ئیدی لەوێوە ئومێدم بۆ دروست بوو كە رزگار دەبم".

كاتێك یەكێك لە سەربازەكان دەچێتە ئەو ژوورەی رۆژگاری تێدا بەندكراوە، پێیدەڵێت بەیانی ئازادت دەكەین، بەڵام دەڵێت "من باوەڕم نەكرد، وامزانی درۆ دەكات و بەیانی دەمكوژن".

قسەی سەربازەكە راست دەرچوو، بەیانی چاوی رۆژگار دەبەستن و سواری ئۆتۆمبێلێكی دەكەن، دوای ماوەیەك چاوی دەكەنەوە و لە شوێنێك دایدەبەزێنن، تەماشا دەكات شوێنەكە نزیك ماڵی خۆیانە. بۆیە بە پەلە رادەكاتەوە بۆ ماڵەوە.

ئەو ترسی لەوە هەبوو بەهۆی رفاندنەكەیەوە باوكی لە حەژمەتان مردبێ‌. رۆژگار دەڵێت كە چوومە ژوورە بینیم باوكم لە ماڵە، كە منی بینی لە خۆشیان دەستی بە گریان كرد".

سەرباز یاسین كە برای رۆژگارە، بە (رووداو)ی گوت، لەو ماوەی براكەی بێسەروشوێن بووە، لە زۆر شوێن بەدوایدا گەڕاون و دواجار گەیشتبوونە ئەو باوەڕەی كە كوژرابێ‌، بۆیە كاتێك رۆژگاریان بەزیندوویی بینیوەتەوە، باوەڕیان بەچاوی خۆیان نەكردووە.

نیشانەکردن : رفاندن
955 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 21/02/2019 12:18:33 م
ده ستخوش پروفیسور دلاوه ر به راستی ده ستت بردوته هه ناوی کیشه کانه وه ؛ با ده و له تداره کان که لک له م نوسینه به نرخه وه رگرن .
Lawk | 21/02/2019 01:37:42 م
بەرێزم باسی سیستەمێکی دیموکراسی لە وڵاتێکی دیکتاتۆریداکارێکی دروست نییە. ئەمە ئەگەر لە کەناڵی bbc بەریتانی باسی بکەیت بەهەرحاڵ. بەڵام برام لێرە باسی...
لامەركەزی بە دروومانێكی خۆماڵی
| 21/2/2019 | (2)
مادی ئومێد | 21/02/2019 08:48:38 ص
ووتارێکی زۆر بەجێیە ،،پەڵپ و بیانووی ئەوان هەندە بێکەڵک ە و روون و ئاشکرا مەبەستەکانیان دیارە ...پارتی یەک رێگای لەپێشە هەندە بایەخیان پێنەدات ....
سیری جەلالی و زوڕنای گەل
| 18/2/2019 | (1)
Azad Azad | 19/02/2019 08:13:54 م
خودای گه‌وره‌ خائین و خاك فرۆش رسوا كات.
عەبادی داوای پاراستنی سەقامگیریی کەرکووک دەکات
| 19/2/2019 | (1)
Zhino assad | 16/02/2019 10:06:03 م
شيكاريةكى زور واقعيانة ،،،،،،، نوسةريكى بةتوانا
حزبەكانی باشوور لەبەردەم وەرچەرخانی نەوەكاندا
| 15/2/2019 | (1)

لە بەشەکانی دیکەی رووداوەوە

رێككەوتنی واشنتن و پەكین نرخی نەوت بەرز دەكاتەوە؟ 20 کاژێر لەمەو بەر |

رێككەوتنی واشنتن و پەكین نرخی نەوت بەرز دەكاتەوە؟

ئیدارەی ترەمپ تەنیا چین بە هۆكاری كورتهێنانی زۆرتر
جێنیفێر لۆپێز وازهێنانی لە شەکر رادەگەیێنێت دوێنێ کاژێر 06:21 |

جێنیفێر لۆپێز وازهێنانی لە شەکر رادەگەیێنێت

جەستەی ئالوودەبووە بە شەکر زۆرتر
نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن دوێنێ کاژێر 03:09 |

نەتەوە یەکگرتووەکان: هەورامی و زمانی کلدانی لەژێر هەڕەشەی لەنێوچوونن

هیچ یاسایەکی نێودەوڵەتی نییە بۆ پاراستنی ئەو زۆرتر
0.281 seconds