وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

هەڤپەیڤین

مەحموود سەنگاوی: هێزە عێراقییەکان توانای بەرگری لە ناوچەکانیان نییە

لەلایەن گۆڤەند مستەفا 28/1/2019
مەحموود سەنگاوی: بەهۆی ئەو مەترسیەی لەسەر خانەقین هەیە تاوەکو ئێستا دوو هەزار ماڵ لە خانەقین زێدی خۆیان جێهێشتووە

رووداو - هەولێر

مەحموود سەنگاوی، بەرپرسی میحوەری گەرمەسێری هێزی پێشمەرگە رایگەیاند، هێزە عێراقییەکان توانای بەرگری لە ناوچەکانیان نییە، داعش جموجۆڵی لە ناوچەکەدا هەیە، بەو هۆیەشەوە دوو هەزار ماڵ زێدی خۆیان جێهێشتووە.

لەکاتی بەشداریکردنی لە بووڵتەنێکی هەواڵەکانی تەلەڤزیۆنی رووداو، مەحموود سەنگاوی، بەرپرسی میحوەری گەرمەسێری هێزی پێشمەرگە رایگەیاند "ئێمە بەردەوام لەسەر خەتین لەگەڵ سوپای عێراق بۆ ئەوەی رێگەمان پێبدەن بچین بەلایەنی کەمەوە ناوچە کوردنشینەکان لەو ناوچەیەدا بپارێزین، بەڵام تاوەکو ئێستا بە فەرمی رێگەیان پێنەداوین بگەڕێینەوە".

مەحموود سەنگاوی دەڵێت، چەکدارانی داعش لە سنووری خانەقین ئەمیریان هەیە کە کەسێکی ئێرانییە. گوتیشی " پیاوێکی ئێرانییە و کەمئەندامیشە، یەک قاچی هەیە و ئەوەکەی بەهۆی مینەوە لەدەستداوە، ئێستا بەرپرسی ئەو ناوچەیەیە".

بەگوتەی مەحموود سەنگاوی، داعش لەو ناوچەیەدا بەجۆرێک بەهێز بووە کە "ئێستا داعش گەیشتووەتە ناو خانەقین.. لەو ناوچەیەدا داعش لەدوای کاژێر 4ی ئێوارە دێنە دەرەوە بۆخۆیان دەسووڕێنەوە، بارەگایان لەو چەمانە هەیە، سوپای عێراق توانای ئەوەی نییە دەریان بکات، لە کاتێکیشدا ئەگەر بیەوێت کردەوەیەک بکات یان کێوماڵی ناوچەکە بکات 3 رۆژ پێشتر رایدەگەیێنن بۆ ئەوەی داعشەکان دووربکەونەوە لەو ناوچەیە، ئەوان دەڕۆن هیچیان دەستناکەوێت، بۆ رۆژی دوایی جارێکی داعش دەگەڕێتەوە جێگەی خۆی".

دەقی هەڤپەیڤینەکە:

رووداو: جموجۆڵی داعش لە خانەقین و گەرمەسێر زیادبووە، هۆکارەکەی چییە؟

مەحموود سەنگاوی: دیارە جوڵانەوەی داعش نەک وەکو داعش، بەڵکو وەکو عەرەبی تووندڕەو ئێستا هاتوونەتە مەیدان، زیاتر هەوڵی ئەوە دەدەن ناوچە کوردنشینەکان و دێهاتەکان چۆڵبکەن، تاوەکو ئێستاش 31 دێ لە سنووری خانەقین چۆڵکراون. بە هۆی ئەو مەترسیەشی لەسەر خانەقین هەیە تاوەکو ئێستا دوو هەزار ماڵ لە خانەقین باری کردووە، هەموو شەوێک کردەوەی تیرۆریستی لەو ناوچەیە هەیە، هەندێکجار ئێمە گومان دەکەین جیا لە کردەوەکانی داعش، کردەوەی عەرەبی تووندڕەویش هەبێت بۆ ئەوەی جارێکی دیکە تەعریب بگەڕێتەوە ناوچەکە، کە ئێمە تاوەکو ئێستا لە بەشێکی هەوڵمان داوە خەڵک خۆی بەرگری بکات بۆ ئەوەی دێهاتەکانیان چۆڵنەکەن بۆ ئەوەی عەرەبی هاوردە نەگەڕێتەوە ناوچەکانی خۆیان. بەڵام لەگەڵ ئەوەش دۆخی خەڵک باش نییە. ئێمە بەردەوام لەسەر خەتین لەگەڵ سوپای عێراق بۆ ئەوەی رێگەمان پێبدەن بچین بەلایەنی کەمەوە ناوچە کوردنشینەکان لەو ناوچەیە بپارێزین، بەڵام تاوەکو ئێستا ئەوان بە فەرمی رێگەیان پێنەداوین بگەڕێینەوە ئەو ناوچانە، هەرچەندە هەندێک لە ناوچەکان لەژێر دەستی ئێمەیە، ئەو ناوچانەی لەژێر دەستی ئێمەیە ئازادن داعش و تووندڕەوکان ناتوانن بێنە ئەو ناوچەیە بۆ ئەزیەتدانی کورد، بەڵام لە ناوچەی خانەقین بەتایبەتی مەترسی گەورە لەسەر شاری خانەقین هەیە، شەوی رابردوو هێرشیان کردە سەر بازگەی مەلیک شا کە دەکەوێتە نێو خانەقین، سوپای عێراق و پۆلیسی فیدراڵی توانای بەرگریان نییە لەو ناوچەیە، شەو نییە چەکداریان لێ نەکوژرێت و پەلاماری رەبییەکانیان نەدەن. بەداخەوە سوپای عێراق و حەشدی شەعبی و پۆلیسی فیدراڵی بە شێوەیەکن تەنانەت تەقەمەنی پێویستیان نییە بۆ ئەوەی بەرگری لەخۆیان بکەن.

رووداو: چەکدارانی داعش لە ناوچەکانی دەوروبەری خانەقین خەڵکی گوندەکانن یان لە ناوچەی دیکەوە هاتوون؟

مەحموود سەنگاوی: ئەو داعشانە هەمووی هی ناوچەکەن، یان ئەو کۆنە بەعسی و داعشانەن کە کاتی خۆی لەو ناوچەیە بوون، ئێستا ژمارەکەیان زیادی کردووە. لەو ناوچەیەدا ئێرانیشیان تێدایە، ئەوەی زانیومانە تاوەکو ئێستا ئێرانیان تێدایە، ئەمیری ناوچەی خانەقین پیاوێکی ئێرانییە و کەمئەندامیشە، یەک قاچی هەیە، قاچێکی بەهۆی مینەوە لەدەستداوە، ئێستا بەرپرسی ئەو ناوچەیەیە. من پێموایە ئەو کردەوە تیرۆریستیانەی لە ناوچەی خانەقین دەکرێت، لە تەواوی عێراقدا داعش ئەوە دەسەڵاتەی نییە کە لە ناوچەی دیالە و خانەقین هەیەتی.

رووداو: پەیوەندیتان لەگەڵ هێزە عێراقییەکان هەیە بۆ شەڕی داعش؟

مەحموود سەنگاوی: ئێمە پەیوەندیمان هەیە بەڵام خۆتان دەزانن ئەگەر لە خوارەوە لە وەزارەتی بەرگرییەوە، لە سەرۆکایەتی ئەنجوومەنی وەزیرانی عێراقەوە رێگەنەدەن بۆ گەڕانەوەی ئێمە، هێزە عێراقییەکان ناتوانن رێگەی ئێمە بدەن بچینەوە ئەو ناوچانە. چاوەڕێین لیژنەیەکی هاوبەش لە وەزارەتی پێشمەرگە و سوپای عێراق دروستبووە بۆ هاوئاهەنگی، تاوەکو ئێستا ئەو لیژنەیە نەگەیشتوونەتە ئەنجامێک کە ئێمە دڵمان پێی خۆش بێت و بەرنامەیەک دانرابێت بۆ ئەوەی ئێمە چۆن بتوانین بەرگری لەو خەڵکە بکەین، تەنیا قسەیە.

رووداو: لەو مانگەدا داعش چەند جارێکی لە خانەقین و دەوروبەری هێرشی کردووە، زیانەکان چی بوون؟

مەحموود سەنگاوی: لە ساڵی 2018دا 46 کردەوەیان کردووە، بەهۆیەوە 35 کەس کوژراو و 33 کەسی دیکەش برینداربوون. لە ساڵی 2019ـەش 7 کردەوەی تیرۆریستی ئەنجامدراوە، بەهۆیەوە 4 کەس کوژراون و 6 کەسی دیکەش برینداربوون.

رووداو: باسی هاتنی هێزی ئەمریکی و پێشمەرگە دەکرێت کە سەردانی خانەقینیان کردووە، ئەوە راستە؟ 

مەحموود سەنگاوی: هیچ شتێکی وا نییە لەناو خانەقین، فەرماندەی هێزەکانی ئەمریکا لە کوردستان هاتووەتە لای ئێمە، تەنیا ئەوەندەی گوتووە، کە هاوئاهەنگی بکەن لەگەڵ سوپای عێراق، هیچ شتێکی دیکەی نەگوتووە. پێموایە ئەم قسانە زیاتر پڕوپاگەندەیە، ئەگینا ئێمە ئاگامان لە شتێکی وەها نییە.

رووداو: ئەگەر پێشمەرگە بگەڕێتەوە ئەو ناوچانەی پێشتر لێی بووە، تاوەکو کوێ دەگەڕێتەوە، بەتایبەت لە سنووری خانەقین؟

مەحموود سەنگاوی: لە ساڵی 2009 رێککەوتنێک لەنێوان هەرێمی کوردستان و عێراق و سوپای ئەمریکا کرا. ئێمە لە دارەوشکە، پەڵکانە و کۆمەڵێک جێگەی دیکە هێزی پێشمەرگەی کوردستان هەبووە، توانیویەتی ناوچەکە بپارێزێت، لەوکاتەی ئێمە لەو ناوە بووین، داعش زۆر بەهێز بوو، بەڵام ئێمە نەک تەنها رێگەمان نەداوە داعش لەو ناوچەیە بمێنێت، بەڵکو چووینە ناوچەی نەداب، ئیمام وەیس، وادی سەلاب و حەدیدیە لەو ناوچانە بەدوای داعشدا گەڕاوین، بەڵام ئێستا وایلێهاتووە لە ئەنجامی لاوازی سوپای عێراق داعش گەیشتووەتە ناو خانەقین، لەم شەوانە پەلاماری گوندی ئومەل حونتەیان دا و شەڕ لەنێوان خەڵک و حەشدی شەعبی و سوپای عێراق و پۆلیسی فیدراڵی و داعش روویدا. ئێستا لەو ناوچەیە داعش لەدوای کاژێر 4ی ئێوارە دێنە دەرەوە بۆخۆیان دەسووڕێنەوە، بارەگایان لەو چەمانە هەیە، سوپای عێراق توانای ئەوەی نییە دەریان بکات، لە کاتێکیشدا ئەگەر بیەوێت بچێت کردەوەیەک بکات یان کێوماڵی ناوچەکە بکات 3 رۆژ پێشتر رایدەگەیێنن بۆ ئەوەی داعشەکان دووربکەونەوە لەو ناوچەیە، ئەوان دەڕۆن هیچیان دەستناکەوێت، بۆ رۆژی دوایی جارێکی داعش دەگەڕێتەوە جێگەی خۆی.

رووداو: لە دوای 16ی ئۆکتۆبەرەوە بە سەتان خێزان خانەقینیان جێهیشتووە، چی دەکەن بۆ ئەوەی هاونیشتمانییانی کورد زیاتر بەرەو ناوچەکانی دیکە کۆچ نەکەن؟ 

مەحموود سەنگاوی: هێزی پێشمەرگەی کوردستان لە ئامادەباشیدایە بۆ ئەوەی بڕوات بۆ ئەو دێهاتانە و دێهاتەکان و خەڵکەکە بپارێزێت و بەرگری بکات لەو هێرشانەی دەکرێتە سەر کوردەکان لەو ناوچانەدا.


 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 13/04/2019 05:18:11 م
ده ست خوش کاک " مامه ند" هه موو خه لکی کوردستان دلنیا بن کابینه ی نوی ؛ کوردستانیکی نوی پیشانی جیهان ده داتن !ئیمه سه رده که وین .
ستراتیژی كابینەی تازە
| 12/4/2019 | (1)
ئاسۆ | 12/04/2019 01:29:39 م
سڵاوو ڕێز، سەرەتا سپاس بۆ نوسینی ئەم بابەتە. هەر وەک بەڕێزتان ئاماژەتان بە نەبوونی دیپڵۆماسی دیجیتاڵی کورد کردووە،بەڵام، لە هەمانکاتدا لە کوردستان بە...
ستار | 12/04/2019 07:15:58 م
ده ست خۆش ڕاست ئه فه رمی های تاك له هه مو بواره کاندا ڕۆڵی کاریگه ری گێراوه له په یوه ندی و ئاڵو گۆڕی زانیاریدا
بارزانی لە سریلانكا
| 12/4/2019 | (3)
Aso | 12/04/2019 04:18:07 م
کاتێک لە هەموو شوێنێکی هەرێمی کوردستان ئاڵای عێراق شەکاوەیە و مووچەی خەڵکی کوردستان لە بەغداوە دێت ، دەبێ حکومەتی هەرێمی کوردستانیش ڕەچاوی ...
کۆنسوڵی ئێران لە هەولێر هۆشداریی دەداتە هەرێمی کوردستان
| 12/4/2019 | (1)
Peshwaz | 12/04/2019 04:06:32 م
بيزه حمه ت بوچى او زانياريانه كو اكه نه وه له خلقى پردى
23 گوندی شارۆچکەی بەرکاری زاخۆ چۆڵکراون
| 12/4/2019 | (1)

لە بەشەکانی دیکەی رووداوەوە

گۆڕان تەڵەکەی تەقاند 14 کاژێر لەمەو بەر |

گۆڕان تەڵەکەی تەقاند

هیچ پاساوێک بۆ یەکێتی نەماوەتەوە تا لەوە زیاتر زۆرتر
0.437 seconds