وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

رایان دیلن: حەشدی شەعبی دەبێت شوێن فەرمانی سەرۆکوەزیرانی عێراق بکەوێت

لەلایەن دیار کوردە 29/9/2017
رایان دیلن، گوتەبێژی هێزی هاوپەیمانان لە شەڕی دژی داعش

رووداو- هەولێر

گوتەبێژی هاوپەیمانانی شەڕی دژی داعش رایگەیاند: "دەمانەوێت سەرنجەکان لەسەر شەڕی داعش بن و راوێژکارەکانمان لەوبارەوە لەگەڵ حکومەتی عێراق کاردەکەن". گوتیشی: "حەشدی شەعبی دەبێت شوێن فەرمانی سەرۆکوەزیرانی عێراق بکەوێت".



رایان دیلن، گوتەبێژی هێزی هاوپەیمانان لە شەڕی دژی داعش بە

تۆڕی میدیایی رووداو

ی راگەیاند: "پێشمەرگە لە شەڕی حەویجە هەر وەک شەڕی تەلەعفەر بەشدار دەبێت، چاودێری ئۆپەراسیۆنی حەویجە دەکەین و 40 هێرشمان لە حەویجە بۆ سەر چەکدارانی داعش ئەنجامداوە".



لە وەڵامی ئەو پرسیارەی چ چاودێرییەك دەكەن بۆ ئەوەی پێكدادان لەنێوان هێزەكانی حەشدی شەعبی و پێشمەرگەدا لە دەوروبەری حەویجە روونەدات؟ رایان دیلن گوتی:"دووبارە دەچمەوە سەر ئەو قسانەی کە پێشتر گووتم، هەر لایەنێک کە لەژێر چەتری هێزەکانی عێراق ئۆپەراسیۆن دەکات لە نێویاندا هێزەکانی حەشدی شەعبیش دەبێت شوێن فەرمانەکانی سەرۆکوەزیران بکەون. ئێمە راوێژکارمان هەیە و کار لەگەڵ حکومەتی عێراق دەکەین، لەبارەی ئەوەی ئێمە لە داهاتوودا چی دەیکەن." 



دەقی پرسیارەکانی رووداو و وەڵامەکانی رایان دیلن


رووداو: ئایا هێزەكانی ئەمریكا بەشدارن لە ئۆپەراسیۆنی حەویجەدا ؟


رایان دیلن: "بەڵێ هاوپەیمانان بەشداریی لە ئۆپەراسیۆنی ئازادکردنی حەویجە دەکات، ئەم بەیانییە هێزە ئەمنییەکانی عێراق قۆناخی دووەمی ئۆپەراسیۆنەکەیان بۆ ئازادکردنی حەویجە راگەیاند، قۆناخی یەکەم زۆر بەباشی بەڕێوەچوو، زیاتر لە 100 گوند ئازادکران. هێزە عێراقییەکان ئەو کارەیان تەنیا لە کەمتر لە سێ رۆژ کرد. بەڵێ هاوپەیمانان پشتیوانیان دەکات، وەک پێدانی راوێژ، زانیاری هەواڵگری و ئەنجامدانی هێرشی وردی ئاسمانی بۆ تێکشکاندنی داعش لە حەویجە"



رووداو: ئایا هێزە عێراقییەكان پێشتر لەگەڵ ئێوە رێككەوتبوون كە ئەمڕۆ دەست بە ئۆپەراسیۆنی حەویجە بكرێت ؟


رایان دیلن: "ئەوان پێویستیان بە رەزامەندی، یانیش (بەڵێ) لەلایەن هاوپەیمانانەوە نییە، ئێمە پشتیوانی لە هێزە عێراقییەکان دەکەین، هاوکات راوێژکارمان هەیە لەگەڵ ئەم یەکانە، ئەمە بەیەکەوە دەستیپێکردووە لە هەمەنکاتدا، ئێمەش ئامادەبووینە بۆ پشتیوانیکردن، لەماوەی هەفتەی رابردوودا، هاوپەیمانان 40 هێرشی ئاسمانیان لە حەویجە ئەنجامداوە لە دژی ئامانجەکانی داعش. بەردەوامدەبین لە پشتیوانیکردنی هێزە عێراقییەکان تاوەکو کۆتایی سەرکەوتنی ئۆپەراسیۆنەکەیان لە حەویجە".



رووداو: ئایا بەپێی ئاگاداری ئێوە پێشمەرگە بەشداریی لە ئۆپەراسیۆنی حەویجەدا دەكات؟


رایان دیلن: "پێشمەرگە رۆڵی هێرشکردنی نییە، ئەوان بەشێک نین لە لایەنی هێرشکار لە ئۆپەراسیۆنی حەویجە ، بەڵام هاوشێوەی ئەوەی لە تەلەعفەر بینیمان، هێڵی بەرگری کورد زۆر نزیکە لە حەویجە، بۆیەش وەک ئەوەی لە تەلەعفەر بینیمان، کاتێک هێزە عێراقییەکان داعشیان لە تەلەعفەر خستەدەرەوە بەرەو هێڵی بەرگری پێشمەرگە، هێزەکانی پێشمەرگە ئامادەکاریان کردبوو و، ئامادەبوون، ژمارەیەک چەکداری داعشیان کوشت و ژمارەیەکیشیان دەستگیرکرد، بۆیەش شتێکی هاوشێوەدەبێت لە حەویجە".



رووداو: ئێوە چ چاودێرییەك دەكەن بۆ ئەوەی پێكدادان لەنێوان هێزەكانی حەشدی شەعبی و پێشمەرگەدا لە دەوروبەری حەویجەدا روونەدات؟


رایان دیلن: "ئێمە راوێژکارمان هەیە، سەرکردەکانی ئێمە لەگەڵ حکومەتی عێراق و، لەگەڵ چەند لایەنێکی دیکەی نێو حکومەتی عێراق لە پەیوەندیدان. ئەگەر بارگرژی هەبێت لەنێوان چەند لایەنێکی دیاریکراو، ئێمە نیگەرانییەکانی خۆمان بەرز دەکەینەوە، چونکە ئێمە دەمانەوێت هەموو کەس سەرنجیان لەسەر تێکشکاندنی داعش بێت کە گەورەترین هەڕەشەیە لەسەر عێراقییەکان و کوردیش، ئەوە ئەوەیە کە ئێمە دەمانەوێت سەرنجەکانی لەسەربێت".



رووداو: چەكدارانی حەشدی شەعبی نووسراوێكیان بڵاودەكردەوە كە دوای راگرتنی گەشتە ئاسمانییەكان بۆ كوردستان ، هەر فڕۆكەیەك بەرەو ئاسمانی كوردستان بفڕێت لێیدەدەن. بەڵام راگەیاندنی جەنگیی عێراق دەڵێن ئەو نووسراوە راست نییە ، ئێوە تاوەكو چەند لەو نووسراوەتان كۆڵیوەتەوە ؟


رایان دیلن: "ناتوانم تەواو لەوە دڵنیابم، بەڵام هێزەکانی حەشدی شەعبی کە رازیبوونە بەپێی یاسا شوێن بڕیار و رێنماییەکانی سەرۆکوەزیرانی (عێراق) بکەون، ئەگەر ئەوە نەکەن و شوێن ئەو بڕیارە نەکەون، ئەوە ئەمە شتێک دەبێت لە دژی ئەو شتانەی سەرۆکوەزیران دەیڵێت. ئەمە شتێک نییە هاوپەیمانان دەستی تێبخات. ئێمە پشتیوانی لە هێزە عێراقییەکان دەکەین لە تێکشکاندنی داعش لە عێراق ئەمەش بەباشی بەڕێوەدەچێت".



رووداو: لەوباوەڕەدانین قەدەخەكردنی هاتووچۆی ئاسمانی لە كوردستان و ، سزادانی بەكۆمەڵی خەڵكی كوردستان ناكۆكییەك دروستدەكات كە بەرەی هاوپەیمانی دژی داعش لاواز دەكات ؟


رایان دیلن: "من نامەوێت بەگشتی قسە لەسەر قەدەخەکە بکەم، بەڵام دەڵێم کە ئەمە کاریگەری نەبووە لەسەر ئۆپەراسیۆنەکان، ئۆپەراسیۆنە سەربازییەکان، ئۆپەراسیۆنی هاوپەیمانان بۆ تێکشکاندنی داعش لە هەولێر، ئەوەی تاوەکو ئێستا لەبارەی فڕۆکەخانەوە باسی لێوەکراوە، ئێمە بەردەوامدەبین لە گەشتەکانمان بۆ دابینکردنی پێدوایستی لۆجستی و کەلوپەلەکان لە هەولێرەوە بۆ پشتیوانی لە شەڕی دژ بە داعش لە عێراق".


داڕشتنەوە؛ عومەر شایان

 


کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Ahmad Jamel
Ahmad Jamel | 16/10/2017 09:02:59 م
خیانەت هەموو گەلی کوردی و پیشمەرگەی گریاد
پەرلەمانتارێکی گۆڕان دەقی رێککەوتنی بافڵ تاڵەبانی و ھادی عامری بڵاودەکاتەوە
| 21 کاژێر لەمەو بەر | (1)
Kori Boukan | 16/10/2017 03:57:51 م
من ته نيا داواكارم كه ئاگاتان له سنوره كانى روژئاوا بىت. هىندىك جولانه وه ى مه ترسىى دار له پيرانشار ديتراوه.
هاشمی: ئەوەی لە کەرکووک روودەدات بە هاوئاهەنگی بافل تاڵەبانی و قاسم سولەیمانییە
| دوێنێ کاژێر 06:27 | (1)
rzgar | 16/10/2017 01:53:16 م
خودابی پارێزیت
Kardo | 16/10/2017 03:12:53 م
سه لا مه تى بو كاک کوسره ت و هه موو پیشمه رگه ی کوردستان .به نه فره ت بن ئه وانه ی خیانه تیان له کورد و له که رکووک کرد
 برینداربوونی کۆسرەت رەسول رەتدەکرێتەوە
| دوێنێ کاژێر 03:07 | (3)
Aso | 16/10/2017 11:13:30 ص
ئه گه ر خيانه تى ئه مريكا نه بوايه كورد واى به سه ر نه ئه هات ، تكايه مه كه ونه تاوانبارى يه كترى ، ئه گه ر يه كيتيش باليكى خراپ تصرفى كردبيت ، هه...
حەشدی شەعبی هەوڵی دابڕینی کەرکووک لە هەولێر و سلێمانی دەدات
| دوێنێ کاژێر 11:07 | (1)

لە بەشەکانی دیکەی رووداوەوە

هەڵامەتمە یان نەخۆشییەکی سەخت؟ 2 کاژێر لەمەو بەر |

هەڵامەتمە یان نەخۆشییەکی سەخت؟

دە نیشانەی جیاکەرەوە زۆرتر
 رەنگکوێری چییە؟ بۆچی پیاوان زۆرتر تووشدەبن؟ 3 کاژێر لەمەو بەر |

رەنگکوێری چییە؟ بۆچی پیاوان زۆرتر تووشدەبن؟

رەنگکوێری زۆرتر تووشی پیاوان دەبێت زۆرتر
شوان قەڵادزەیی کۆچی دوایی کرد 3 کاژێر لەمەو بەر |

شوان قەڵادزەیی کۆچی دوایی کرد

لەکاتی گەڕانەوەی لە کەرکووک تووشی رووداوی هاتووچۆ زۆرتر
4.75 seconds