وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

کوردستان

پەیامی نوێنەرانی وڵاتان لە هەرێمی کوردستان بۆ ساڵی نوێ

لەلایەن رووداو 30/12/2018
چین: ئامادەین هەماهەنگییەکانمان ببەینە بەرزترین ئاست
چین: ئامادەین هەماهەنگییەکانمان ببەینە بەرزترین ئاست

رووداو-هەولێر

بەشێک لە کۆنسوڵ و نوێنەرانی وڵاتانی جیهان لە هەرێمی کوردستان، لە لێدوانێکیاندا بۆ تۆڕی میدیایی رووداو، ساڵی نوێ لە گەلی کوردستان پیرۆز دەکەن. کۆنسوڵی بەریتانیا بەپێویستی دەزانێت خەڵکی کوردستان بە گەشبینییەوە بڕواننە داهاتوو. جێگری کۆنسوڵی چینیش ئامادەیی وڵاتەکەی پیشاندا بۆ ئەوەی هەماهەنگی و پەیوەندییەکانیان لەگەڵ هەرێمی کوردستان بۆ بەرزترین ئاست بەرز بکەنەوە.

کۆنسوڵی کۆریای باشوور: سوپاس بۆ ئازایەتی و قوربانیدانی شەهیدان و بەتایبەت پێشمەرگە

 

کۆنسوڵی کۆریای باشوور لە هەرێمی کوردستان لەسەر ئەو دۆخە قورسە قسە دەکات دوچاری هەرێمی کوردستان بوو، بەڵام بە هەوڵی حکومەت تێپەڕینرا. یۆنگ کیپار لەساڵی 2016ەوە کۆنسوڵی کۆریای باشوورە لە هەولێر. ئەو دەڵێت، سەرکەوتن بە سەر داعشدا ئیرادە و ئازایەتی خەڵکی کوردستان بوو. هەروەها دەڵێت، لە 2018 شدا دوو هەڵبژاردن بە ئاشتیانە و بێ گرفت لە کوردستان بەڕێوەچوون. 

یۆنگ کیپارک کۆنسوڵی کۆریای باشوور لە هەرێمی کوردستان بە رووداوی راگەیاند: "ساڵی نوێتان پیرۆز بێت، لەگەڵ هاتنی ساڵی نوێ هیوای باشترینەکان بۆ هەموو خەڵکی هەرێمی کوردستان دەخوازم، لەگەڵ تەندروستی و سەرکەوتنی بەردەوام، یەکەمجار کە من هاتمە کوردستان ساڵی 2016 بوو، وەک کۆنسوڵخانەی گشتی ئێمە لە ماوەی دوو ساڵی رابردوودا، لێرە پێشڤەچوونی زۆرمان بینیوە هەروەها ئاستەنگیش هەبوون لە هەرێمی کوردستان، بەڵام لە سەروو هەموویەوە ئێمە لە شەڕی دژ بە داعش سەرکەوتنمان بەدەستهێنا، بۆ ئەمەش سوپاس بۆ ئازایەتی و قوربانیدانی شەهیدان و بەتایبەت پێشمەرگە. خاڵی دووەم ئەوەیە کە ئەمساڵ دوو هەڵبژاردن بە سەرکەوتوویی و بەشێوەیەکی ئاشتییانە ئەنجامدران، ئێستاش سەرکردە سیاسییەکان لە هەوڵی باشکردنی پەیوەندییەکانی نیوان بەغدا و هەوڵیردان."

چین: ئامادەین هەماهەنگییەکانمان ببەینە بەرزترین ئاست

 

جێگری کۆنسوڵی چین ئامادەیی وڵاتەکەی پیشاندا بۆ ئەوەی هەماهەنگی و پەیوەندییەکانیان لەگەڵ هەرێمی کوردستان بۆ بەرزترین ئاست بەرز بکەنەوە. 

وانگ سیوهونگ، جێگری کۆنسوڵی چین بە رووداوی راگەیاند: "ئێمە ئامادەین لەگەڵ خەڵکی کوردستان کار بکەین بۆ ئەوەی هەماهەنگییەکانمان ببەینە بەرزترین ئاست، هیوای ئەوە دەخوازین خەڵکی کوردستان بەهۆی حکومەت و سەرکردایەتی نوێ ببنە خاوەن داهاتوویەکی خۆشگوزەران."

کۆنسوڵی رووسیا: رۆلی کورد لە شەڕی داعش بەرز دەنرخێنم

 

کۆنسوڵی رووسیا لە هەرێمی کوردستان، هیوای ژیانێکی باش بۆ خەڵکی کوردستان دەخوازێت و، دەڵێت، کورد زەجری زۆریان بینی لە شەڕی داعش دا و لەو شەڕەدا قوربانیان دا.

ڤیکتۆر سیماکۆڤ، کۆنسوڵی رووسیا لە هەرێمی کوردستان بە رووداوی راگەیاند: "بەڕاستی ئەو رۆڵەی ئێوە لە شەڕی داعشدا گێڕاتان بەرز و باشی دەنرخێنم. بەناوی خەڵکی رووسیاوە هیوای ئاشتی و ژیانێکی خۆش بۆ هەموو لایەک دەخوازم. ساڵی نوێتان پیرۆز."

کونسوڵی بەریتانیا: پێویستە خەڵکی کوردستان بە گەشبینییەوە بڕواننە داهاتوو 

 

کۆنسوڵی گشتی بەریتانیا لە کوردستان بەپێویستی دەزانێت، خەڵکی کوردستان بە گەشبینییەوە بڕواننە داهاتوو.

مارتین وار، کۆنسوڵی گشتی بەریتانیا لە هەرێمی کوردستان بە رووداوی راگەیاند: "کریسمس بەڕێگاوەیە، کریسمس کاتێکی ساڵە کە خانەوادەکان بەیەکەوە چێژی لێدەبینن، بۆیە هیوای پشوویەکی خۆش بۆ خۆتان و خانەوادەکانتان دەخوازم، دواییش ساڵی نوێ دێت، ساڵی نوێش ئەوکاتەیە کە بە گەشبینی دەڕوانینە داهاتوو، دەمەوێ 2019یەکی خۆشگوزەران  و ئاشتیخواز بۆ خۆتان و خێزانەکانتان بخوازم."

کونسوڵی ئەڵمانیا: هیواو متمانەی بە حکومەتی نوێی کوردستان هەیە

 

باربارا ڤۆڵف، کونسولی ئەڵمانیا لە هەرێمی کوردستان بە رووداوی راگەیاند: "هیوای باشترین ژیان بۆ ساڵی نوێ بۆ هەموو لایەک دەخوازم، هیوای پشوویێکی خۆش و هێمنانە بۆ هەموو لایەک دەخوازم کە ئێمەی ئەڵمانییەکان هەمیشە لە کریسمس و ساڵی نوێ پێیدا تێپەڕدەبین، ئێمە هیوا بۆ گەشبینی و هیوا و ئاوات دەخوازین، ئێستا خەڵکی عێراق و هەرێمیش بەو پشووەدا تێپەڕدەبین، هیوا و متمانەی زۆرمان بە حکومەتی بەغدا و ئەوە هەیە کە لێرە پێکدەهێندرێت."

پیتەر ماورەر: هیوادارم کورد باشترین بەختی هەبێت

 

نوح ليليانفاين، بەڕێوەبەری گشتیی کۆمیتەی نێونەتەوەیی خاچی سوور لە هەرێمی کوردستان هیوای خۆشی و باشترین بەخت بۆ گەلی کورد دەخوازێ و دەڵیت، هەرێمی کوردستان شوێنێکی خۆشە، بۆیە کاتێک ئەرکەکانیشی لە کوردستان تەواو بێت دووبارە بۆی دەگەڕێتەوە.

ليليانفاين، بەزمانی کوردی پیرۆزبایی ساڵی نوێ لە گەلی کوردستان دەکات و بە رووداوی راگەیاند: "هیوای خۆشی و باشترین بەخت بۆ گەلی کورد دەخوازم، پێموایە کاتێک ئێرە جێدەهێڵم، پارێزگاری لە بەشێک لەو هاوڕێیەتییە دەکەم کە لێرە دروستمکردووە، هاوکات پێموایە ئێرە شوێنێکی خۆشە و کاتێک لێرە دەڕۆم، دەمەوێت لە داهاتوودا بۆی بگەڕێمەوە، سوپاس بۆ هەموو ئەو کەسانەی کە من لە هەولێر ناسیوومن و کاتێکی خۆشم هەبووە".


نوێنەری UN لە هەولێر: سوپاسی خەڵکی کوردستان دەکەم 

 

بەرپرسی نووسینگەی نەتەوە یەکگرتووەکان لە هەولێر لە پەیامێکدا بەبۆنەی هاتنی ساڵی نوێیەوە بەناوی نەتەوە یەکگرتووەکانەوە سوپاسی خەڵکی کوردستان دەکات.

ریکاردۆ رۆدریگز، بەرپرسی نووسینگەی نەتەوە یەکگرتووەکان لە هەولێر بە زمانی کوردی پەیامێک بۆ خەڵکی کوردستان دەنێرێت و دەڵێت"خوشکان، برایان؛ کاتێک لە ساڵی نوێ نزیکدەبینەوە، دەمەوێت بەناوی نەتەوەیەکگرتووەکانەوە سوپاسی دڵسۆزانەی خۆم بگەیەنم بە خەڵکی هەرێمی کوردستان. ئارەزووی تەندروستی باش بۆ خۆتان و خانەوادەکانتان دەخوازم، بەبۆنەی ساڵی 2019 هیوای ئاشتی و سەقامگیری و پێشکەوتنی ئابووری بۆ خەڵكی هەرێمی کوردستان دەخوازم، بە گەشبینییەوە چاو لە ساڵی داهاتوو بکەین. ساڵی نوێتان پیرۆزبێت."

 

کونسوڵی فەخریی سریلانکا: پەیوەندییەکانی هەرێمی کوردستان و سریلانکا باشتر دەبن 

د. ئەحمەد جەلال، کونسوڵی فەخریی سریلانکا لە هەرێمی کوردستان دەڵێ "ئێمە وەکو کونسوڵخانەی فەخریی سریلانکا لە هەولێر بەبۆنەی هاتنەوەی سەری ساڵی نوێ، پیرۆزبایی لە هەموو خەڵکی کوردستان و عێراق و جیهان دەکەین، هیوادارین ساڵی داهاتوو ساڵی پێکەوەژیان و ئاشتی و خۆشی بێت".

کونسوڵی فەخریی سریلانکا هەروەها دەڵێ "ئێمە لەو باوەڕەداین لە ساڵی 2019ـدا پەیوەندی نێوان هەرێمی کوردستان و وڵاتی سریلانکا باشتردەبن و، چەندین شاندی بازرگانی لەو وڵاتەوە دێنە هەرێمی کوردستان و سەردانی کۆمپانیاکان دەکەن هەروەها بەپێچەوانەشەوە".

داڕشتنەوە؛ عومەر شایان

 

نیشانەکردن : ساڵی نوێ ,
1226 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 13/04/2019 05:18:11 م
ده ست خوش کاک " مامه ند" هه موو خه لکی کوردستان دلنیا بن کابینه ی نوی ؛ کوردستانیکی نوی پیشانی جیهان ده داتن !ئیمه سه رده که وین .
ستراتیژی كابینەی تازە
| 12/4/2019 | (1)
ئاسۆ | 12/04/2019 01:29:39 م
سڵاوو ڕێز، سەرەتا سپاس بۆ نوسینی ئەم بابەتە. هەر وەک بەڕێزتان ئاماژەتان بە نەبوونی دیپڵۆماسی دیجیتاڵی کورد کردووە،بەڵام، لە هەمانکاتدا لە کوردستان بە...
ستار | 12/04/2019 07:15:58 م
ده ست خۆش ڕاست ئه فه رمی های تاك له هه مو بواره کاندا ڕۆڵی کاریگه ری گێراوه له په یوه ندی و ئاڵو گۆڕی زانیاریدا
بارزانی لە سریلانكا
| 12/4/2019 | (3)
Aso | 12/04/2019 04:18:07 م
کاتێک لە هەموو شوێنێکی هەرێمی کوردستان ئاڵای عێراق شەکاوەیە و مووچەی خەڵکی کوردستان لە بەغداوە دێت ، دەبێ حکومەتی هەرێمی کوردستانیش ڕەچاوی ...
کۆنسوڵی ئێران لە هەولێر هۆشداریی دەداتە هەرێمی کوردستان
| 12/4/2019 | (1)
Peshwaz | 12/04/2019 04:06:32 م
بيزه حمه ت بوچى او زانياريانه كو اكه نه وه له خلقى پردى
23 گوندی شارۆچکەی بەرکاری زاخۆ چۆڵکراون
| 12/4/2019 | (1)

لە بەشەکانی دیکەی رووداوەوە

گەڕی دووەمی هەڵبژاردنی سەرۆکایەتیی ئۆکراینا بەڕێوەدەچێت 16 کاژێر لەمەو بەر |

گەڕی دووەمی هەڵبژاردنی سەرۆکایەتیی ئۆکراینا بەڕێوەدەچێت

ئەمریکا: هەرکەسێک لەلایەن خەڵکەوە هەڵبژێردرێت، زۆرتر
هەرێمی کوردستان بۆ رووبەڕووبوونەوەی ماددەی هۆشبەر هاوکاریی بەسرە دەکات دوێنێ کاژێر 11:37 |

هەرێمی کوردستان بۆ رووبەڕووبوونەوەی ماددەی هۆشبەر هاوکاریی بەسرە دەکات

بەسرە بووەتە ناوەندی بەکارهێنان و بازرگانیکردن بە زۆرتر
یەکەمەکانی زانکۆ و پەیمانگەکان رەخنە لە حکومەت دەگرن  18/4/2019 |

یەکەمەکانی زانکۆ و پەیمانگەکان رەخنە لە حکومەت دەگرن

1197 یەکەمی زانکۆ و پەیمانگەکان دامەزرێندراون زۆرتر
0.234 seconds