وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

تەندروستی

کەشە ساردەکان مەترسیی جەڵتەی دڵ زۆرتر دەکەن

لەلایەن هونەر رێبوار 3/1/2019
سەرمای زستان
سەرمای زستان

رووداو-سلێمانی

پزیشكانی زانکۆی لۆند لە سوێد رایدەگەیێنن سەرمای توند بۆ تەندروستی تووشبووانی نەخۆشییەكانی دڵ مەترسیدارە و ئەگەر  خۆیان نەپارێزن ئەگەری تووشبوونیان بە جەڵتەی دڵ زیاددەكات. 

توێژینەوەیەکی پزیشكانی زانکۆی لۆند لە سوێد دەریخستووە سەرمای زستان هەر ڤایرۆسەكانی ئەنفلۆنزا و هەڵامەت لەگەڵ خۆی ناهێنێ، بەڵكو وەهاشدەكات لوولەکانی خوێن گرژببن و فشاری خوێن بەرزببێتەوە بۆ پاراستنی گەرمیی لەش؛ بەمەش مەترسیی لەسەر دڵ دروستدەکات و دوورنییە ببێتەهۆی جەڵتەی دڵ. 

د. دەیڤد ئێرلینگ، سەرۆکی بەشی نەخۆشییەکانی دڵ لە زانکۆی لۆند دەڵێت بۆیان دەرکەوتووە مەترسیی جەڵتەی دڵ لە کەشە ساردەکان، رۆژانی بایە توندەکان و کەمی تیشكی خۆر زۆرترە. 

سەرۆکی بەشی نەخۆشییەکانی دڵ لە زانکۆی لۆند روونیدەکاتەوە بە گرژبوونی لوولەکانی خوێن لە رۆژە ساردەکاندا، ماسولكەكانی دڵ و لوولەکانی خوێن زۆر خۆیان ماندوو دەكەن بۆ پاڵدانی خوێن بۆ هەموو جەستە، بەمەش رەنگە ببێتە هۆی جەڵتەی دڵ. 

چەند رێنماییەک بۆ نەخۆشانی دڵ لە زستاندا:

چاودێری خۆتان بكەن:
دامەزراوەی پسپۆریی نەخۆشییەكانی دڵ لە ئەڵمانیا دەڵێ دەبێ نەخۆشانی دڵ لە زستاندا بەشێوەیەكی رێكوپێك و بەرنامەدار پێوانەی فشاری خوێن و لێدانی دڵیان بكەن. هەروەك دەبێ رێگە نەدەن پلەی گەرمی ماڵ لە 20 پلەی سیلیزی كەمتر بێ. جگە لەوە جلوبەرگی گەرم بپۆشن و زوو زوو لەنێو ماڵ بجووڵێن تاكو پارێزگاریی لە گەرمیی جەستەیان بكەن.

زۆر خۆتان ماندوو مەكەن:
دامەزراوە ئەڵمانییەكە، كە گرنگیی بە هەموو بابەتەكانی پەیوەست بە نەخۆشییەكانی دڵ و تووشبووانی ئەو نەخۆشییانە دەدات، دەڵێ دەبێ تووشبووانی نەخۆشییەكانی دڵ خۆیان بەدوور بگرن لە گوشاری دەروونی و ماندووبوونی زۆری جەستەیی.

لە ئاماژەكانی جەستەتان تێبگەن:
دامەزراوەكە دەڵێ نابێ ئاماژەكانی جەستەتان نادیدە بگرن، بۆ نموونە ئازار یان سووتانەوەی سنگ یان هەناسە توندی. چونكە دوورنییە هەریەك لەوانە نیشانەی سەرەتایی روودانی جەڵتەی دڵ بن.

لە خەمۆكی بەدووربن:
زستان وەرزی هەوروهەڵا و دووربوونە لە تیشكی هەتاو، هەروەك وەرزی مانەوەیە لەنێو ماڵ و شوێنە داخراوەكان، ئەوەش هاندەری پەیدابوونی خەمۆكییە. بۆ قەرەبووكردنەوەی ئەوانە، دامەزراوە ئەڵمانییەكە رێنمایی تووشبووانی نەخۆشییەكانی دڵ دەكات كاتی پێویست لەگەڵ هاوڕێ و كەسانی نزیك بەسەرببەن و دۆخێكی پڕ هاوسۆزیی كۆمەڵایەتی پێكبهێنن.

جگەرەكێشانی زستان مەترسیدارترە:
جۆرناڵی (ئۆگسیۆرگەر ئەلگماینە)ی ئەڵمانی دەڵێ توێژینەوەیەكی بەریتانی دەریخستووە زیانی جگەرەكێشان لە سەرمای زستاندا دوو هێندەی وەرزەكانی دیكەیە، چونكە فشارێكی زۆرتر دەخاتە سەر دڵ و بۆڕییەكانی خوێن.


نیشانەکردن : سەرما، دڵ
2437 ژمارەی بینین
 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/03/2019 03:46:26 م
والله‌ وه‌بیلاهی گه‌ر پارتی نیوه‌ی پۆسته‌كانی خۆشیان بداته‌ یه‌كیه‌تی به‌ته‌ئكید یه‌كیه‌تی له‌ به‌ینی خۆیان ڕێك ناكه‌ون باشتر وایه‌ پارتی هه‌وڵ و...
یەکێتی: بەشداریمان لە کابینەی نوێی حکومەت پەیوەستە بەوەی هاوبەشێکی راستەقینە بین
| 16/3/2019 | (1)
ئیسماعیل عەبدوڵا | 16/03/2019 08:51:18 ص
چۆن بتوانم دەنگ بدەم؟
Azad Azad | 16/03/2019 08:57:23 ص
هونەری فیلمی دۆکیومێنتاری لەبارەی ئازارەکانی گه‌لی كورد به‌گشتیی به‌درێژای ١٠٠ ساڵی ڕابرد و کیمیا باران کردنی هەڵەبجە و ئەنفال و کۆمەڵکوژی کردنی...
لە بەریتانیا فیلمێکی دۆکیومێنتاری لەبارەی کیمیابارانی هەڵەبجە نمایشکرا
| 16/3/2019 | (2)
mohammad kurdish kurdstan | 15/03/2019 03:25:34 م
أن شاءالله‌ بۆخاتری عه‌رشی په‌روه‌ردگاری پیرۆز به‌م رۆژی هه‌ینیه‌ هه‌رچی بكوژان و تاوانانی ئه‌م ڕووداوه‌ بوون سه‌رشۆر و ریسوا ودونیا و قیامه‌تبن أن...
حكومه‌تى هه‌رێمى كوردستان بەتووندی سه‌ركۆنه‌ى هێرشه‌كه‌ى نیوزلەندا ده‌كات
| 15/3/2019 | (1)
REALMADRIDCF | 15/03/2019 02:34:00 م
ئەگەرلەسەردەستی پێرێزڕیاڵ مەدریدهەڵنەستایەوەئەواهاندەران دەیان هەوێت دەست لەکار بکێشێتەوە
پلانێکی شاهانە لە یانەی شاهانە
| 26/2/2019 | (1)
0.421 seconds