وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

تەندروستی

خۆراکی ساختە بازاڕەکانی کوردستانی تەنیوە

لەلایەن سەروەر سالار 13/2/2018
خۆراکی سەختە متمانەی نییە و کڕیاران بەلاڕێدا دەبات
خۆراکی سەختە متمانەی نییە و کڕیاران بەلاڕێدا دەبات

 
رووداو-سلێمانی 


لەگەڵ زیادبوونی فرۆشی هەر براندێکی تایبەتی خواردن و خواردنەوە، چەندین نموونەی ساختەی پەیدا دەبن و بە دەستکارییەکی بچووک لە ناوەکەیدا، سەر لە کڕیار دەشێوێنن. پسپۆڕێکی خۆراک دەڵێ سەپاندنی یاسای پاراستنی خۆراک و مافی بەکاربەر پێویستن بۆ رێگری لە هەر مەترسییەکی خۆراکە ساختەکان. پسپۆڕێکی بواری بە بازاڕکردنی خواردەمەنیش دەڵێ حکومەت لەوە بەرپرسیارە و دوور نییە لە داهاتوودا کۆمپانیا جیهانییەکان، داوای قەرەبوویەکی زۆر بکەن. 

کاتێک سەر لە مارکێتەکان دەدەی، جۆرەها خواردن و خواردنەوە دەبینی کە بە ئاستەم لێکیان جیادەکەیتەوە، بۆ نموونە هەمان بەرهەمن و هەمان ناو، یان هەمان دیزاینە و لە ناوەکانیاندا تەنیا پیتێک دەگۆڕدرێت کە بۆ کڕیاری ئاسایی ئەستەمە جیای بکاتەوە کامەیان ئۆرجیناڵە و کامەیان ساختە. 
پسپۆڕێکی خۆراک ئەمە بە مەترسی دادەنێت و داوا دەکات بە یاسا رێکبخرێت. د.دارا محەممەد جەمیل پسپۆڕی بواری زانستی خۆراک، بە (رووداو)ی گوت "ئەم دیاردەیە بەهەڵەدابردنی کەسی بەکاربەرە و ئەگەر کەسێک لە وڵاتێکی وەکوو بەریتانی کارێکى وا بکات بە 6-  24 مانگ زیندانی دەکرێ و لەوانەیە بە بەهای دەیان هەزار پاوەند سزا بدرێ". 

دکتۆر دارا، زیاتر لە 10 ساڵ ئەزموونی لە پیشەسازیی خۆراک هەیە لە بەریتانیا، دەڵێ کوردستان پێویستییەکی زۆری بەوە هەیە یاسایەکی پرۆفێشناڵی پاراستنی مافى بەکاربەری هەبێ و بە کردەوەش جێبەجێی بکات. "دەبێ بەکاربەر دڵنیا بکرێتەوە لەوەی ئەو بەرهەمەی دەیکڕێ رەسەنە و لەڕووی بایۆلۆژی، کیمیایی و فیزیاییەوە لە پشکنین دەرچووە و بەرهەمێکی ساختە نییە کە سەرچاوەکەی ناڕوون بێ". 

ئەو پسپۆڕە کە پێشتر راوێژکاری سەرۆکایەتیی ئەنجوومەنی وەزیرانى هەرێمى کوردستان بووە، پرۆژەیەکی تێروتەسەلی ئامادە کردووە بۆ پاراستنی مافی بەکاربەر. ئەو دەڵێت "تێگەیشتنێکی باش هەبوو لە ئەنجوومەنی وەزیران بۆ گرنگیی پرۆژەکە، بەڵام دۆخی سیاسی و ناردنەوەی ئەندامانى بزووتنەوەی گۆڕان بۆ ماڵەوە، ئەو پڕۆژەیەشی پەکخست". 

د. دارا بە هیوای خستنەوەگەڕی پرۆژەکەی، دووبارە پێشکەشی قوباد تاڵەبانی کردووەتەوە، چونکە دەڵێت "کە مەترسییەک بێتە نێو سیستمی خۆراکیمان، لێمان ناپرسێ ئێمە گۆڕانین یان پارتی، بۆیە دەبێ هەمووان لە خەمی جێبەجێکردنى ئەو پرۆژەیەدا بن کە من پاش خوێندن و ئەزموون و لێکۆڵینەوەیەکی زۆر ئامادەم کردووە". 

رەنگە دانا گاز دوا کۆمپانیا نەبێ کە داوای قەرەبوومان لێبکات. پسپۆڕێکی بواری مارکێتینگ دەڵێ پشتگوێخستنی مافی خاوەندارێتی براندەکان و رێگەدان بە هاتنەناوەوەی بەرهەمی ساختە، لە کوردستان شتێکی ئاساییە، ئەمە رەنگە بۆ داهاتوو لە دیاردەیەکی ناشارستانییەوە ببێتە بابەتێکی مەترسیدار. 

دکتۆر رێژین هاروون، پسپۆڕی کارگێڕی و بەبازاڕکردن دەڵێت: "لە سادەترین پێناسەدا، ئەوە دزییە براندی کۆمپانیایەک بۆ خۆت بەکاربهێنی و هەمانکات لەخشتەبردنی کەسی بەکاربەر و بەکارهێنەرە، پێناچێ حکومەتی کوردستان بە باشی لە مەترسیی ئەم دزییە تێبگات". 
دکتۆر رێژین کە مامۆستای زانکۆی سلێمانییە، بە پێکەنینەوە باسی چێشتخانەیەکی کوردەواریی دەکات کە لۆگۆی بەنێوبانگی (ماکدۆناڵدز)ی لە تابلۆی سەر شوێنى کارەکەی داوە. 

پسپۆڕەکە دەڵێ ئێستا عێراق بەهۆی بارودۆخی ئاڵۆزی ئەمنی و سیاسییەوە لە زۆنی چاودێریی بازرگانیی جیهانی و پێوەرە جیهانییەکان بەدەرە، بەڵام دوور نییە داهاتوویەکی خراپ چاوەڕێی بکات "عێراق ئەندامی رێکخراوی هاوئاهەنگی و پەرەپێدانی ئابووریی جیهانییە و دەبێ پابەندی پێوەرە ئابوورییە جیهانییەکان بێت کە پاراستنی خاوەندارێتی براند لە بنەما سادەکانی ئەو رێکخراوە نێودەوڵەتییەیە". 

دکتۆر رێژین حکومەتی هەرێمى کوردستان ئاگادار دەکاتەوە لە کاردانەوەی توندی کۆمپانیا رەسەنە جیهانییەکان لە داهاتوودا "ئاوا بڕوا دانا گاز دوا کۆمپانیای جیهانیی نابێت کە داوای قەرەبووی زەبەلاح لە کوردستان بکات و رەنگە لە داهاتوودا چەندین کۆمپانیای  خاوەن براندی بازرگانیی خۆراکیش لەم رووەوە گوشار بخەنە سەر هەرێمی کوردستان". 
 
 
کوردستان چۆن مامەڵە لەگەڵ براندی ساختە دەکات؟ 

لایەنی لێکۆڵەر لە رەسەنێتیی بەرهەمە خۆراکییەکان، هۆبەکانی چاودێریی بازرگانین لە سنووری پارێزگاکاندا. ئەوان دەڵێن لە بازاڕەکاندا جۆرەها بەرهەمی ساختە و ناڕەسەن هەن. 

سۆران عەبدولغەفوور، بەڕێوەبەری چاودێریی بازرگانی لە سلێمانی، دەڵێ نەک هەر بۆ بەرهەمە بیانییەکان، بۆ ناوخۆش ئەمە هەیە "بۆ نموونە ماوەیەک لەمەوبەر کارگەی ماستی سلێمانی بەرهەمەکانی خستە بازاڕ، کەچی هێندەی پێنەچوو بەرهەمەکانى ساختە کران و بە هەمان ناوەوە خرایە بازاڕ".. 
وەک سۆران باسی دەکات، ئەوان خۆبەخۆ دەست بەسەر بەرهەمە ساختەکاندا ناگرن "تەنیا کاتێک دەستیان بەسەردا دەگرین، خاوەنی بەرهەمە رەسەنەکە بە بەڵگەی تەواوەوە بێتە لامان و سکاڵا لەسەر لایەنە ساختەکارەکە بکات، لەو بارەدا کەسی بەرامبەر دەهێنین و ماوەیەک مۆڵەتیان پێدەدەین بۆ رێککەوتن، ئەگەر رێکنەکەون، ئەوە کەیسەکە دەدرێتە دادگا". 

وەک سۆران عەبدولغەفوور گوتی، هەموو هاووڵاتییەک لە سلێمانی دەتوانێ ئەوان ئاگادار بکاتەوە لە هەر خۆراکێکی ساختە و گوماناوی بە ژمارە تەلەفۆنی 100 یان ژمارە مۆبایلی 07707660909. 

نیشانەکردن : خۆراک
 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

روژهه لاتی | 14/01/2019 04:56:55 م
زور سپاس وشه کانو زور جوان و به جی بون به لام به بروای من تا او نیزامه ی ایران و او ده سهه لات دارانه له سه ر کار بن او گرژی و الوز یش ده نیو مالی...
Azad Azad | 14/01/2019 06:53:23 م
به‌ڕێزان ده‌بێت خه‌ڵكی كوردستان باش ئه‌وه‌ بزانن ئه‌گه‌ر ئه‌مه‌ریكا و ئیسرائیل نه‌ بێت كورد كورگ ده‌یخوات،له‌وانه‌یه‌ خه‌ڵكێك دڵ گرانبێت به‌م قسه‌یه‌...
ناکرێ ئێران دوژمن بێت
| دوێنێ کاژێر 02:36 | (2)
محمد | 14/01/2019 05:54:58 م
کوره سلاو بو خوت مام ترامپ.
ترەمپ: ئابووری تورکیا تێکدەشکێنین ئەگەر هێرش بکاتە سەر کوردانی سووریا
| 14/1/2019 | (1)
Dunya | 14/01/2019 05:42:50 م
ئةوى يةكةم ودووم وسيةم دادةمةزرين جى سالك ؟ سالى ٢٠١٧ _۲۰۱۸ شمولى ئةوان دةكات
 بەبڕیاری نێچیرڤان بارزانی یەکەم و دووەم و سێیەمی زانکۆکان دادەمەزرێندرێن
| 14/1/2019 | (1)
شاخەوان | 14/01/2019 04:35:00 م
000000 لە کۆمەلگەى نەخۆشی کوردى
كوژرانی خاڵۆزا و پوورزاكەی قەڵادزێ تاوانی شەرەف بووە
| دوێنێ کاژێر 02:30 | (1)

لە بەشەکانی دیکەی رووداوەوە

چیرۆکی گەنجە چووک شکاوەکە! 18 کاژێر لەمەو بەر |

چیرۆکی گەنجە چووک شکاوەکە!

چووک لە چی پێکدێت، ئایا چووک ئێسکی تێدایە؟ زۆرتر
روونکردنەوەی وەزارەتی تەندروستی لەبارەی بڵاوبوونەوەی نەخۆشییەکی کوشندە دوێنێ کاژێر 10:32 |

روونکردنەوەی وەزارەتی تەندروستی لەبارەی بڵاوبوونەوەی نەخۆشییەکی کوشندە

نێرگەلە و جگەرە هۆکاری چەندین نەخۆشیین زۆرتر
لە وێنەکەی مۆنالیزا دەردەکەوێت کە تووشبووی نەخۆشییەک بووە دوێنێ کاژێر 04:44 |

لە وێنەکەی مۆنالیزا دەردەکەوێت کە تووشبووی نەخۆشییەک بووە

گرفتی لە رژێنی دەرەقی هەیە زۆرتر
0.406 seconds