وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

تەندروستی

دەتوانین خەواندنى موگناتیسی لە بری بەنج بەکاربهێنین؟

لەلایەن رووداو 19/5/2017
خەواندنی موگناتیسی
خەواندنی موگناتیسی


کاتێک کە ناوى خەواندنى موگناتیسیمان دێتە بەرگوێ، رەنگە یەکسەر ئەو وێنە لێڵەمان بێتە پێشچاو کە لە فیلم و بەرنامە شۆوئامێزەکاندا بانگەشەى بۆدەکرێ، ئەو پیاوە مڕومۆچەى بەکڵاوە درێژکۆلەکەى سەرى و گۆچانێک بەدەستێکییەوە و بەدەستەکەى دیکەی کاتژمێرێکى باخەڵى بەهەوادا شۆڕکردووەتەوە و  دەیهێنێ ودەیبا بەمەبەستى راکێشانى سەرنجى کەسى بەرامبەرى کە نیازى خەواندنى هەیە، وە کاتێ خەوێندرا، کەسى خەوێندراو ناچار دەبێ بە گوێڕایەڵیکردنى، بێ گوێدانە رادەى نامۆیی و بێمانایی داواکارییەکەى، خەوێندراو تەنیا لەژێر دەمەوە وشەى "بەڵێ" دەگڵمێنێ و ئەوە دەکات کە فەرمانی پێدراوە.


بەڵام ئایا راددەى ڕاستى ئەم وێنەیە تاکوێیە؟ ئایا خەواندنى موگناتیسى خۆى چییە و بۆچى بەکاردێ و مەوداى کۆنتڕۆڵکردنى کەسى خەوێندراو چەنێکە؟ بەمەبەستى وەدەسخستنى وەڵام و زیاتر ئاشنابوون بە خەواندنى موگناتیسى سەردانى بەڕێز دکتۆر (سەروەر لەکى)مان کرد کە یەکێکە لە پسپۆڕانى بوارى چارەسەرکردن بە وزە و پزیشکیى جێگرەوە.

ئەو دەیگووت: خەواندنى موگناتیسى کردارێکە تێیدا بەهۆى چڕکردنەوەى سەرنجەکانەوە دەتوانین کار لەسەر هەستى نائاگاى کەسى خەوێندراو بکەین و لەئەنجامدا گۆڕان لە رەفتار و باری دەروونى کەسەکەدا پێشبینیدەکرێت.

سەبارەت بە چۆنیەتى و میکانیزمى ئەنجامدانى ئەمکارە، د.سەروەر دەیگووت: بۆئەنجامدانى ئەم کردارە کەشێکى ئارام و خۆبەدەستەوەدانى کەسى خەوێندراو دوو کاراى یاریدەدەرى ئەم کردارەن، کە بێگومان بەتوانایی کەسى خەوێنەریش رۆڵی خۆى دەبێت، بەجۆرێک خەوێنەرێکى بەتوانا دەتوانێت لە نەبوونى ئەم دۆخەشدا کردارەکە ئەنجامبدات، لەبارى ئاساییدا کەسى خەوێندراو لەشوێنێکى هێمندا دادەنیشێندرێت و بە جێگیرکردنى جووڵەى چاوەکانى و وەرگرتن و دانەوەى هەناسەى قووڵ و راکێشانى تەواوى سەرنجى کەسەکە و درووستکردنى خەیاڵێک بۆى وردەوردە بەرەو خەواندن دەچێت.

ئەگەر پرسیار لە میکانیزمەکەى بکەین؟ ئێمە لەم کردارەدا ئامانجمان وەلاخستنى هەستى ئاگاى کەسى خەوێندراوە و بەبەکارهێنانى ئەم تەکنیکانە بەتەواوى مامەڵە لەگەڵ هەستى نائاگادا دەکەین کە تواناکەى 31000 جار زیاترە لە هەستى ئاگا و وردودرشتى رووداوەکانى تێدا دەمێنێتەوە.

دکتۆر کەواتا  بەکارهێنانەکانى چیین؟ ئەوشتانەچین کەپێیدەکرێت؟. وەڵام: ئەم شێوازە لەچارەسەرکردن لە سێ بوارى سەرەکیدا بەکاردەهێندرێت، خەوێنەرمان هەیە 90% نەخۆشییە دەرونییە چارەسەرکراوەکان بەم رێگەیە چارە دەکات، ناڵێم شیزۆفرینیا بەڵام ئەوانی دى وەکو خەمۆکى و خەوزڕان و ترس و قەلەقى و لەبیرچوونەوە، وەهەروەها لەمەسەلەى وازهێنان لە جگەرەکێشانیشدا رۆڵێکى دیارى هەیە، لەدواى دواندن و گفتوگۆکردن لەگەڵ هەستى نائاگاى خەوێندراو و چەسپاندنى بیرۆکەى خراپى کێشان لەلاى، بەشێوەیەکى سەرسوڕهێنەر لەدواى بەخەبەرهاتنەوەى ئیدی ئەم بیرۆکەیەى لەلا دەچەسپێت.

یەکێکی دی لە بەکارهێنانەکانى، لەبوارى دادوەریشدا بەمەبەستى گێڕانەوەى رووداوەکان بە کەسانى گومانلێکراو بەکاردێت، بەڵام ئەم بەکارهێنانەى تاراددەیەک سنووردار کراوە بەهۆى بوونى ئەگەرى گێڕانەوەى نادروست و بەلاڕێدا بردنى رووداوەکان بەهۆى لاوازى تەکنیکى خەواندنەکە یاخود بەهێزى ویستى خەوێندراوەکە.

دکتۆر ئەگەر باسى بەکارهێنانە پزیشکییەکەى بکەین، بیستوومە کە گوایە یەکێک لە نەشتەرگەرەکانى خۆمان لە شارى سلێمانى نەشتەرگەرییەکى لابردنى ریخۆڵەکوێرەى بەم رێگەیە ئەنجامداوە، کە بەداخەوە کە خۆى نەیویست قسەمان بۆبکات، ئەگەرى روودانى رووداوێکى لەجۆرە چۆنە؟ 
وەڵام: بێگومان مەحاڵ نییە، دەکرێت ئەم کردارە لەبوارى پزیشکى یاخود نەشتەرگەریدا بەکاربهێندرێت وەکو جێگرەوەى بێهۆشکەر، کە بەهەمان شێوە لەگەڵ هەستى نائاگادا مامەڵە دەکات و دەکرێ  ئازار وەرگرەکان بلۆک بکرێن.

ئەو پرسیارەى کە زۆر دەکرێ دکتۆر، ئایا کەسى خەوێندراو تاکو چ راددەیەک کۆنتڕۆڵدەکرێ؟  ئایا دەکرێ کە کارێک ئەنجامبدات لە دەرەوەى ویستى خۆى؟
وەڵام: بەشێوەیەکى گشتى کۆنتڕۆڵکردنەکە دەکەوێتەسەر راددەى خۆبەدەستەوەدانى خەوێندراوەکە، بۆیە ئەنجامدانى کارێک لەدەرەوەى ویستی خۆى پێشبینینەکراوە، مەگەر کەسەکە لەبارێکى دەروونى ناجێگیردابێ و کەسى خەوێنەریش توانایەکى زۆرباشى هەبێت.

ئایا ئەم کردارە بەدەرە لە لێکەوتەى نەویستراو؟ یان هیچ زیانێکى لاوەکى هەیە؟
وەڵام: بەڵێ، بێگومان وەکو هەرکارێکی دیکە دەکرێ لێکەوتەى نەویستراوی هەبێت، وەک ماندووبوون و ترس و بێخەوى و سەرلێشێوان لەدواى بەخەبەرهاتنەوە، وە هەریەکێک لەو بوارانەى کە بۆ چاراسەرکردنیان بەکاردێت دەکرێ خراپتریان بکات لەئەنجامى بەکارهێنانى تەکنیکى هەڵە یان ناشارەزایى کەسى خەوێنەر.

ئامادەکردنی:
بێلان کاوە حسێن
 خوێندکارى کۆلێژى پزیشکى

 
   


 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rebwar | 21/02/2018 08:42:43 ص
Dastxosh
یاسین حه‌مه‌ غه‌ریب | 22/02/2018 02:17:42 م
ئه‌ڵێن مێژوو وانه‌یه‌ بۆ داهاتوو ، به‌ڵام وانەیه‌ بۆ قوتابیان یان بۆ سیاسیەکان؟ هه‌ندێک له‌ سیاسیه‌کانی کوردستان ئه‌وه‌نده‌ مێژوو ده‌زانن هه‌تا...
سەردەمی حوكمی ئامۆزاكان
| 20/2/2018 | (2)
دڵخواز | 21/02/2018 07:51:12 م
بە بڕواى من هۆى سەرەكى ئەو پێشهاته خەمۆكى دواى مناڵ بوونه، هيوادارم هەموو هاوژينەكان لەوە ئاگادار بن و دواى مناڵ بوون ئەگەر نيشانەى خەمۆكيان لە...
ژنێكی 20 ساڵان خۆی دەسووتێنێ
| 21/2/2018 | (1)
ره شید | 20/02/2018 05:13:13 م
به ریز کاکه "ئاکو" و هاورییانی به ئه مه گی رووداو، هه مووخه لکی کوردستان ته واوی ئازادیخوازان و ئه سحابی قه له م و راگه یه نه ره گشتیه کان شه ریکه خه...
سارا | 21/02/2018 05:03:02 ص
هه‌زاران سڵاو بۆ گیانی پاکی شه‌هید شیفاهه‌تا هه‌تایه‌ یادی بۆ هه‌میشه‌ یادی له‌ دڵماندا زیندووه‌. سه‌ری ڕێز و نه‌وازش داده‌نێن بۆ بنه‌ماڵه‌ی...
ساڵیادی شەهید شیفا
| 20/2/2018 | (2)
سێنیار بامەڕنی | 20/02/2018 03:59:47 م
بەڵكو میلیشیاكانی سەربە #ئیران چوونە نێو #عەفرین، هەروەك چۆن لەسایەی خیانەتكارییەكەی 16ـی ئۆكتۆبەر حەشدی شەعبی سەر بەئیران هاتوونەتە نێو كەركوك.
هێزە شەعبییەکانی سەر بە حکومەتی سووریا چوونە نێو عەفرین
| 20/2/2018 | (1)

لە بەشەکانی دیکەی رووداوەوە

لە باشووری کوردستان هەفتەی پشتیوانی لە عەفرین راگەیێنرا 4 کاژێر لەمەو بەر |

لە باشووری کوردستان هەفتەی پشتیوانی لە عەفرین راگەیێنرا

کەنەکە بانگەوازێک ئاراستەی هاونیشتمانیان دەکات زۆرتر
شاندێکی ئەمریکا: لە هەوڵەکانمان بەردەوامدەبین بۆ لێکنزیککردنەوەی هەولێر و بەغدا 4 کاژێر لەمەو بەر |

شاندێکی ئەمریکا: لە هەوڵەکانمان بەردەوامدەبین بۆ لێکنزیککردنەوەی هەولێر و بەغدا

کەریم شنگالی: بۆ هەموو هەماهەنگییەک لەگەڵ ئەمریکا زۆرتر
 کۆنفرانسی وزە لە برۆکسل بە بەشداری سێ پارێزگاری کوردستان بەڕێوەدەچێت دوێنێ کاژێر 01:04 |

کۆنفرانسی وزە لە برۆکسل بە بەشداری سێ پارێزگاری کوردستان بەڕێوەدەچێت

هەرێمی کوردستان دەچێتە نێو رێککەوتنی پاریس بۆ زۆرتر
0.438 seconds