وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

رۆژهەڵاتی ناوەڕاست

ئەردۆغان: خەڵک لە باکووری عێراق برسی ناکەین

لەلایەن هێمن عەساف 1/10/2017
رەجەب تەیب ئەردۆغان، سەرۆککۆماری تورکیا
رەجەب تەیب ئەردۆغان، سەرۆککۆماری تورکیا

رووداو - ئەنقەرە

رەجەب تەیب ئەردۆغان لە گوتارێکدا لە پەرلەمانی تورکیا لەبارەی گشتپرسیی باشووری کوردستان رایگەیاند: "ئێمە بە گەمارۆ خەڵکی هەرێمی باکووری عێراق (باشووری کوردستان)  برسی ناکەین. هەمیشە پشتیوانی برایانی کورد دەبین و هیوادارین لەو هەنگاوەیان پاشگەزببنەوە". لەبارەی حکومەتی هەرێمی کوردستانیش گوتی: "ئەگەر هەڵوێستی ئیدارەی باکووری عێراق بگۆڕێت وەک جاران لەپشتیان دەبین".

سەرۆککۆماری تورکیا لە گوتارەکەیدا باسی دۆخی عێراق و کوردستانی کرد و گوتی: "بە هاتنی داعش بۆ عێراق و داگیرکردنی بەشێکی زۆری خاکی ئەم وڵاتە ناوچەکە بووە سەرچاوەی کێشەکان. وێڕای ئەم قەیران و نەهامەتییانەی بەرۆکی ناوچەکەی گرتووەتەوە، دەسەڵاتدارانی باکووری عێراق هەنگاوێکی هەڵەیان گرتەبەر، ئەم گشتپرسییەی هەرێمی باکووری عێراق بەپێی دەستووری عێراق و یاسا نێودەوڵەتییەکان شەرعییەتی نییە، وێڕای ئەمەش سووربوون لە ئەنجامدانی کێشەیەکی دیکەیە".

هەروەها گوتی: "تورکیا هەموو هەوڵ و تواناکانی خستووەتەگەڕ بۆ ئاسایش و سەقامگیری و ئاشتەوایی و خۆشگوزەرانی هەموو پێکهاتەکانی عێراق، بەڵام دڵگران و نیگەرانین بەوەی بەرپرسانی هەرێمی باکووری عێراق بەرەو تێکدانی هەنگاویان ناوە". سەرەڕای ئەوەش گوتی: "کێشەیەکی دیکە لێرە سەرهەڵدەدات، ئەویش ئەم هەنگاوە سوودی بۆ کام لایەن دەبێت، چونکە روون و ئاشکرایە دەرەنجامی ئەم پرسە سوودی بۆ کورد، عەرەب، تورکمان و پێکهاتەکانی دیکەش نابێت".

ئەردۆغان هەر پەیوەست بە گشتپرسیی کوردستان گوتی: "وڵاتان لەم دۆخە هەستیارەدا بە چڕی هەوڵ بۆ پارێزگاریکردن لە خاک و سنوورەکانیان دەدەن، کەچی هەرێمی باکووری عێراق هەوڵی راگەیاندنی سەربەخۆیی دەدات، وادیارە بووەتە بەشێک لە بووکەڵەی سیناریۆ کارپێکراوەکان، ئەگینا هیچ مانایەکی دیکەی نییە".

گوتیشی: "ئێمە و عێراق و وڵاتانی هەرێمیش بەتایبەتی تورکیا بەهیچ شێوەیەک چاوپۆشی لە هەڵکەندنی چاڵی دووبەرەکی و قەیران لەسەر سنوورەکانمان  ناکەین. هەروەها بەهیچ شێوەیەک قبوڵی ناکەین لەسەر شاری کەرکووک هەڕەشەمان لێبکرێت کە بەپێی کۆمەڵگەی نێودەوڵەتی شارێکی جێناکۆک و بەلای ئێمەش شارێکی تورکمانییە. بەدڵنیاییەوە حیسابی ئەمەشیان لێ دەپرسین. ناکرێت مافی کورد لە هەولێر بدەیت و چاوپۆشی لە مافی عەرەب لە موسڵ و مافی تورکمان لە کەرکووک بکەیت".

لەبارەی ئەگەری سەپاندنی گەمارۆی ئابووریش ئەردۆغان گوتی: "دەسەڵاتدارانی هەرێمی باکووری عێراق کە چاوەڕوانی پشتیوانی وڵاتێکن و بوێرییان بەخۆیان داوە رووبەڕووی تورکیا ببنەوە، گومانی تێدانییە لە کۆتاییدا شکست دەهێنن. هیچ کەسێک بۆی نییە ملیۆنان کەس لە ناوچەکەدا گۆشەگیر و برسی بکات بەهۆی گەمارۆوە. لەکاتێکدا هەموو لایەک درک بەوە دەکەن خۆشگوزەرانی و سەقامگیری بە پێکەوەژیان دەستەبەر دەکرێت و بە گرتنەبەری سیاسەتی جوداخوازی گەورەترین خیانەت لە گەلەکەی خۆی دەکات".

ئەردۆغان لە گوتارەکەیدا بە ناڕاستەوخۆ پەیامی ئاراستەی مەسعود بارزانی، سەرۆکی هەرێمی کوردستان کرد و گوتی: "ئەو بڕیارە کە بەهۆی مکوڕی تاکەکەسی و نیگەرانی مانەوە لەسەر کورسی دەسەڵات ئەنجامدراوە، ئومێدەوارم بەزووترین کات لێی پاشگەزببێتەوە. لەسەر ئاستی نێودەوڵەتیش بە بایەخەوە نەبوونی پشتیوانی بۆ ئەم پرسە بە هەڵوێستی دروست دەزانم". تورکیا لەم چوارچێوەیەدا لەگەڵ عێراق و ئێران هەنگاوی جیاوازیان ناوە. پشتیوانیکردنی کۆمەڵگەی نێودەوڵەتی بۆ هەنگاوەکانمان مایەی خۆشحاڵییە بۆمان، بەر لەوەی کار لەکار بترازێت و بەرەو دۆخێکی خراپتر هەنگاو نەنرێ، بە هێمنی و لۆژیک و عەقڵەوە خوازیاری چارەسەرکردنی دۆخەکەین. لە ئەگەری پاشگەزبوونەوەی سەرکردایەتیی باکووری عێراق و گرتنەبەری رێوشوێنی عەقلانیتریش، ئەوسا بەدڵنیاییەوە پشتیوانی و هاوئاهەنگی برایانمان دەکەین لە ناوچەکەدا". 

داڕشتنەوە: دەرباز ساڵح
نیشانەکردن : ئەردۆغان , گشتپرسی

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

sarkawt saeed | 17/07/2018 08:16:27 ص
زۆر بە داخە وە دووبارە بە کوشت دانی کورد له پێناو ولاتێکی بێ خێر و هیچ
شاخه‌وان | 18/07/2018 07:38:43 ص
به‌ هه‌مووی دوو ئه‌مريكي نه‌بوون به‌شدار بوون و ته‌ياره‌كانيش ته‌نها بۆ پۆز هاتبوون گه‌رنا 5 پيشمه‌رگه‌ شه‌هيد نه‌ده‌بوون. ئه‌مريكي ته‌نها بۆ...
وردەکاریی ئۆپەراسیۆنەکەی پێشمەرگە و هاوپەیمانان لە چیای قەرەچووغ
| 16/7/2018 | (4)
سێنیار بامەڕنی | 17/07/2018 09:06:45 م
دوور لە سیاسەت و مەرامە گڵاوەكانی سیاسیەت، من لە رووی مرۆڤایەتییەوە ئەم پەیامە ئاراستەی (نادیە موراد و نەتەوە یەكگرتووەكان) دەكەم و دەڵێم: من كەسێكی...
رزگاركەری نادیە موراد داوای یارمەتی دەكات
| 17/7/2018 | (1)
معتصم شوانی | 10/07/2018 06:30:40 م
ئه‌زانن ئه‌م هه‌واڵه‌ی ئێوه‌ ڕوون نییه‌؟
Danar | 17/07/2018 07:11:34 م
کەی کەم ئەندام دابەش دەکرێت
 دابەشکردنی مووچەی بەشێک لە خانەنشینان راگەیێندرا
| 9/7/2018 | (3)
Khoshi Tahir | 17/07/2018 03:15:00 م
بە قوربانی هەموو پێشمەرگەکان بم
شیخ محمد امین | 17/07/2018 04:59:57 م
ئه ی پیشمه رگه ، که ی بو حه شدی شه عبی چول ده که ن؟ ولله حه یفم دیتی و دلم ده تاویته وه بو شه هیدانی ئه م شه ره و خه لک ده بی لیپرسینه وه ی توند له...
ئۆپەراسیۆنی پێشمەرگە بە پاڵپشتی هاوپەیمانان لە قەرەچووخ کۆتاییهات
| دوێنێ کاژێر 05:45 | (2)

لە بەشەکانی دیکەی رووداوەوە

هەڕەشەی کوشتن لە دەرمانسازێک دەکرێت دوێنێ کاژێر 10:13 |

هەڕەشەی کوشتن لە دەرمانسازێک دەکرێت

دەرمانسازەکە پێشتر تەزویرچییەکی دەرمانی بۆ زۆرتر
تویتە ناسازەكانی ترەمپ بازاڕی وزە دەشێوێنن 17/7/2018 |

تویتە ناسازەكانی ترەمپ بازاڕی وزە دەشێوێنن

بەرزبوونەوەی نرخی نەوت بە ناڕاستەوخۆ زیانی بۆ زۆرتر
حکومەتی عێراق هۆشداری دەداتە ئەو خۆپیشاندەرانەی هێرشدەکەنە سەر دامەزراوەکانی  15/7/2018 |

حکومەتی عێراق هۆشداری دەداتە ئەو خۆپیشاندەرانەی هێرشدەکەنە سەر دامەزراوەکانی

خۆپیشاندەران داوای جێبەجێکردنی داواکارییەکانیان زۆرتر
0.422 seconds