وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

ئێران

گەمارۆکانی ئێران بۆ سەر باشووری کوردستان بە سیاسەتی دووفاقی ناودەبرێت

لەلایەن فواد حەقیقی 1/10/2017
حکومەتی ئێران خۆی سەپاندنی گەمارۆکان بە بڕیارێکی زاڵمانە لەقەڵەمدەدات، بەڵام ئێستا گەمارۆ دەخاتە سەر وڵاتێکی دیکە

رووداو- هەولێر

قەدەخەکردنی هەناردەکردنی سووتەمەنی بۆ باشووری کوردستان لەلایەن حکومەتی ئێران کاردانەوەی جیاوازی لەنێو ئەو وڵاتە لێکەوتووتەوە، عەبدوڵڵا رەمەزانزادە گوتەبێژی کابینەی دووەمی محەممەد خاتەمی، دانانی گەمارۆ لەسەر هەرێمی کوردستان بە سیاسەتێکی دوو فاقی حکومەتی ئێران لەقەڵەم دەدات و دەڵێت: نابێت خەڵکی هەرێمی کوردستان سزا بدرێن.


هەروەها لە تۆڕە کۆمەڵایەتییەکانیش لە رێگەی هاشتاگێک بە ناوی گەمارۆی کوردستان بەشێک لە هاووڵاتیانی ئێران دژایەتی خۆیان بۆ سەپاندنی گەمارۆکان لە دژی باشووری کوردستان پیشاندەدەن ئەوان دەڵێن، حکومەتی ئێران خۆی سەپاندنی گەمارۆکان بە بڕیارێکی زاڵمانە لەقەڵەمدەدات، بەڵام ئێستا گەمارۆ دەخاتە سەر وڵاتێکی دیکە، پێشتر عەلی خامنەیی ریبەری کۆماری ئیسلامی ئێران و حەسەن رووحانی سەرۆککۆماری ئەو وڵاتە ، دوای سەپاندنی گەمارۆکان لە دژی ئێران، سیاسەتی گەمارۆدانانیان بە سووکایەتیکردن و زاڵمانە لەقەڵەمدابوو. 

رێبەری ئێران گەمارۆکانی سەر ئێران بە زاڵمانە لە قەڵەم دەدات. هەڵوێستێک کە ساڵانی رابردوو زۆر جاران بەرپرسانی پلە بەرزی ئێرانی دەریانبڕیوە. سەید عەلی خامنەیی گەمارۆ دانانی وڵاتانی رۆژئاوا و بەتایبەت ئەمریکا ، وەک سوکایەتی بە خەڵکی ئێران دەزانێت. 

حەسەن وروحانی، سەرۆککۆماریش، زۆر جاران گەمارۆی وەک شتێکی زاڵمانە لە قەڵەمدەدات. تەنانەت رووحانی لە دوو خولی رابردووی سەرۆککۆمارییدا بە پشت بەستن بە درووشمی لادانی گەمارۆکان دەنگی هێناوەتەوە. روحانی 3 ساڵ پێش لێرە گەمارۆکانی سەر ئێرانی وەک دەستدرێژیی بۆسەر مافەکانی خەڵکی ئێران لە قەڵەمدا.

بەڵام زۆر کەس لە تۆڕە کۆمەڵایەتییەکان دەڵێن، ئەگەر گەمارۆکان هێندە خراپن بۆچی کۆماری ئیسلامی دژ بە باشووری کوردستان بەکاری دەهێنێ. 

لە توویتەر هاشتاگێک بە ناوی گەمارۆی کوردستان دروست بووە. ئەمیر ئێبتێهاج، روو لە حەسەن رووحانی دەڵێ: سەردەمی هەڵبژاردن دەتگوت دژی گەمارۆم، ئەی بۆچی لە ئاست گەمارۆی کوردستانی عێراقدا بێدەنگی؟. ئەو دەڵێ: گەمارۆی کوردستان ئەزموونێک بۆ ئەو ریفۆرمخوازانەشە کە ساڵانێکی زۆر دەیانگوت گەمارۆکان کردەوەیەکی نائینسانییە.

رەزا حەقیقەت نژادیش نووسیوتی: نوێنەری رشت لە زاری سکرتێری ئەنجومەنی باڵای ئاسایشی نیشتمانی ئێرانەوە گوتوویە، گەمارۆ بەسەر کوردستانی عێراقدا دەسەپێنین. بەگوتەی حەقیقەت نژاد کەوابوو، هەر کات پێویست بێت، گەمارۆ ئامرازێکی گونجاوە.

پێش گشتپرسی باشووری کوردستان عەلی شەمخانی، سکرتێری ئەنجومەنی باڵای ئاسایشی نیشتمانی ئێران، گوتی: ئەگەر هەرێمی کوردستان سەربەخۆیی رابگەیێنێت ئێران سنوورەکان دادەخات.

عەبدوڵڵا رەمەزان زادە، گوتەبێژی حکومەتی محەممەد خاتەمی، ئەمەی وەک ستانداردی دوو فاقی لە قەڵەم داوە. هەروەها لە توویتێکی دیکەدا حەنزەلە تەڵخ نووسیویەتی: ئەگەر گەمارۆکان بۆ ئێمە تاڵ و زاڵمانەیە بۆ کوردستانی عێراقیش زاڵمانەیە.

زۆر کەسیش پشتگیرییان لە هەڵوێستی ئێران کردووە. گەمارۆی ئێرانیان وەک تۆڵەی گەمارۆی ئیسرائیل بۆ سەر کەرتی غەزە لە قەڵەم داوە.

لە قۆناخێکدا کە ئێران لە ژێر گوشاری تووندی گەمارۆکاندا بوو، زۆر جاران باشووری کوردستانی بۆ بازدان بەسەر گەمارۆکاندا بەکار دەهێنا. بەڵام دوای گشتپرسی یەکەم وڵات بوو کە گەمارۆی ئاسمانی بەسەر باشووری کوردستاندا سەپاند. دواتر گەمارۆی سووتەمەنیش.

حەسەن رووحانی دوو ساڵ پێش گەمارۆی وەک کار و کەسابەتێک بۆ هەندێ کەس بە ئەژمار هێنا. گوتیشی: "دەمانەوێ لەگەڵ جیهان بەئاشتیانە بژین". ئەو ئەمانەشی لە بانگەشەکانی هەڵبژاردندا دووبارە کردەوە. بەڵام ئێستا حکومەتەکەی گەمارۆ دەسەپێنێ و بە زمانی هەڕەشە لەگەڵ باشووری کوردستان قسە دەکات.

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

یاسین حەمە غریب | 11/06/2018 07:00:33 م
دەست خۆش کاک ڕێبوار، ھەموو ھەفتەیەک شپێکی جوان و سەرنج ڕاکێش دەھەژێنی، بە بڕوای من، ھەندێک لە لایەنەکانی سلێمانی، سیاسەت نازانن، ھەر ھاوار و ناڵەیانە...
Azad Azad | 19/06/2018 03:34:44 م
ده‌ست خۆش به‌ڕێز كاك رێبوار بابه‌ته‌كه‌ت زۆر جوانه‌ باسی مه‌ترسی ئاسایشی كۆمه‌ڵایه‌تیت كردوه‌ زۆر ڕاسته‌ ئه‌مڕۆ له‌ مه‌ترسیایه‌ وه‌له‌وه‌ش زیاتر...
جەنابی سەرۆك ئێستا كاتیەتی
| 11/6/2018 | (4)
ره شید | 19/06/2018 09:29:03 ص
ئه م ئافره ته " فریشته یه کی" جووله که یه هاتوته هانای خوشک و برا کورده کانی ؛ با ئه و خانمه کوردانه ی له هه نده رانن و ده سرویشتووی مالی دونیا یان...
ژنێکی ئیسرائیلی سەنتەرێکی رۆشنبیری لە کەمپی شاریا دەکاتەوە
| دوێنێ کاژێر 12:11 | (1)
شیخ محمد امین | 19/06/2018 09:19:20 ص
ئه فسانه ی ئه وه ی که میلله تی ئیسرائیل جاسووس یان جاشی نیه به سیحره که ی کوماری ئیسلامی پووچه لکرایه وه جا که وه زیریکی ئیسرائیلی جاشه تی و جاسووسی...
وەزیری پێشووتری وزەی ئیسرائیل بەتۆمەتی سیخوڕیکردن بۆ ئێران دەستگیرکراوە
| دوێنێ کاژێر 10:38 | (1)
Pasha fayaq | 18/06/2018 02:24:18 ص
Bzhit mamosta gyan
ره شید | 19/06/2018 08:38:51 ص
کوردیش ئه بی وه ک هه موو گه لانی جیهان به ش و حیسسه ی خوی هه بیت له بواره جواراو جوره کانی وه رش و ریازه له دونیا دا کوورد نابی هه تا هه تایه به ناوی...
كوردێك له‌ ئیتاڵیا 2 مه‌دالیای زێڕ ده‌باته‌وه‌
| 3/6/2018 | (2)

لە بەشەکانی دیکەی رووداوەوە

تەندروستیی جیهانیی خوو دانە یارییە ئەلیکترۆنییەکان وەک دوێنێ کاژێر 01:29 |

تەندروستیی جیهانیی خوو دانە یارییە ئەلیکترۆنییەکان وەک "ئالوودەبوون" پۆلێندەکات

لە ریزبەندی گرفتە دەروونییەکان هەژماری کردووە زۆرتر
ئەوانەی زوو لە خەو رادەبن کەمتر تووشی خەمۆکی دەبن 18/6/2018 |

ئەوانەی زوو لە خەو رادەبن کەمتر تووشی خەمۆکی دەبن

توێژینەوەیەکی زانستی دەریخستووە زۆرتر
 ئیڤان دۆکێ بە سەرۆکی کۆڵۆمبیا هەڵبژێردرا 18/6/2018 |

ئیڤان دۆکێ بە سەرۆکی کۆڵۆمبیا هەڵبژێردرا

ئەنجامی خولی دووەمی هەڵبژاردنی سەرۆکایەتی زۆرتر
0.422 seconds