وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

عێراق

ئەندامێتی پەرلەمانتارانی کورد لە بەغدا هەڵپەسێردرا

لەلایەن رووداو 3/10/2017
ئاکام فەهمی، پەیامنێری رووداو لەنێو پەرلەمانی عێراق باسی دۆخە دەکات

رووداو - بەغدا

رێگە بە پەرلەمانتارانی کورد نەدرا بەشداری کۆبوونەوەی پەرلەمانی عێراق بکەن. پەیامنێری رووداو دەڵێت ئەندامێتییان هەڵپەسێردراوە و پیێنا گوتراوە بگەڕێنەوە کوردستان.

پێشنیوەڕۆی ئەمڕۆی سێشەممە 3-103-2017 پەرلەمانی عێراق کۆبووەوە، لەلایەن هاوپەیمانیی نیشتمانیی شیعەکانیشەوە رێگری لەو پەرلەمانتارە کوردانە کرا کە دەیانویست بەشداری لە کۆبوونەوەی پەرلەماندا بکەن. 

بەمەبەستی بەشداریکردن لە کۆبوونەوەکانی پەرلەمان، پەرلەمانتارانی یەکێتی، گۆڕان و کۆمەڵ گەڕاونەتەوە بەغدا، پەرلەمانتارانی پارتی نەگەڕاونەتەوە، پەرلەمانتارانی یەکگرتووش هەرچەندە گەڕاونەتەوە بەغدا، بەڵام ئەمڕۆ نەچوونەتە پەرلەمانی عێراق.

ئاکام فەهمی، پەیامنێری رووداو لە بەغدا رایگەیاند:  175 پەرلەمانتار ئامادەی دانیشتنەکە بوون، زۆربەی زۆی بەشداربووانی کۆبوونەوەکە شیعە و سوننە و تورکمانەکان بوون، هەندێک پەرلەمانتاری کورد ویستیان بەشداریی کۆبوونەوەکە بکەن، بەڵام لەلایەن هەندێک لە پەرلەمانتارانی هاوپەیمانیی نیشتمانیی شیعەکانەوە رێگرییان لێکرا.

پەیامنێری رووداو دەڵێت: بەگوتەی پەرلەمانتارە شیعەکان ئەو پەرلەمانتارە کوردانە دەنگیان بۆ سەربەخۆیی کوردستان داوە، بۆیە نابێت بەشداری کۆبوونەوەکانی پەرلەمان بکەن، بەڵکو دەبێت بگەڕێنەوە کوردستان.

پەیامنێری رووداو دەشڵێت: دوای رێگریکردنەکە فراکسیۆنە کوردستانییەکان (یەکێتی، گۆڕان، کۆمەڵ) لەگەڵ سەرۆکایەتیی پەرلەمان کۆبوونەتەوە، بەڵام نەگەیشتوونەتە هیچ رێککەوتنێک، بەپێی زانیارییەکان هیچ رێککەوتنێک نەکراوە بۆیە ئەمڕۆ کۆبوونەوەی پەرلەمان بەبێ کورد بەڕێوەدەچێت.

پەیامنێری رووداو ئاماژە بۆ ئەوە دەکات، بەپێی ئەو قسانەی لەلایەن هەندێک پەرلەمانتاری هاوپەیمانیی نیشتمانیی شیعەکانەوە کراوە، رەنگە ئەمڕۆ بڕیاری دیکەش لە دانیشتنەکەی پەرلەمان دژ بە کوردستان بدرێن.

بەپێی زانیارییەکانی تۆڕی میدیایی رووداو، پێش کۆبوونەوەکە سەلیم جبووری، سەرۆکی پەرلەمانی عێراق لەگەڵ هاوپەیمانێتیی نیشتمانیی شیعەکان کۆبووەتەوە کە هاوپەیمانی باڵادەستە و زۆربەی جومگە حکومڕانییەکانیان بەدەستن، لە کۆبوونەوەکەشدا چەند بڕیارێک دەرکراون:

ئاکام فەهمی، پەیامنێری رووداو لەنێو پەرلەمان رایگەیاند: سەرۆکی پەرلەمان و هاوپەیمانیی نیشتمانی داوایان لە لیژنەی یاسایی و لیژنەی کاروباری ئەندامانی پەرلەمان کردووە لە پەرلەمانتارانی کوردستان بکۆڵنەوە و لیستێکیان لە ناوی ئەو پەرلەمانتارانەیان بۆ ئامادە بکەن کە بەشداری گشتپرسییان کردووە و دەنگیان بە بەڵێ داوە.

پەیامنێری رووداو ئەوەشی خستەڕوو کە دەستەی سەرۆکایەتیی پەرلەمان نووسراو بۆ دادگای باڵای فیدراڵی دەکات و داوای لێدەکات بڕیار لەبارەی ئەو پەرلەمانتارانە بدات کە بەشداری گشتپرسییان کردووە، تاوەکو دادگای باڵاش بڕیار نەدات ئەندامێتی پەرلەمانتارانی کورد هەڵدەپەسێردرێت و رێگەیان پێنادرێت بەشداری کۆبوونەوەی پەرلەمان بکەن. ئاماژەی بۆ ئەوەش کرد کە داوای دادگاییکردنی پەرلەمانتارانی کورد و لێسەندنەوەی پارێزبەندییان دەکرێت.

هاوکات مەسعود حەیدەر، پەرلەمانتاری فراکسیۆنی گۆڕان لە پەرلەمانی عێراق بە رووداوی راگەیاند: " پێش دەستپێکردنی کۆبوونەوەکە بڕیارمان دابوو ئامادەی دانیشتنەکە نەبین، ئامادەنەبوونیشمان بۆ ئەوەبوو کێشەمان لەگەڵ نەیارەکانی کورد لە گوتاردان لەنێو هۆڵی پەرلەمان دروست نەبێت".

مەسعود حەیدەر ئاماژەی بەوەشدا کە پەرلەمان دەیەوێت تووڕەیی خەڵکی عێراق کەمبکاتەوە، بۆیە هەڵوێست لەدژی کورد وەردەگرێت. گوتیشی: "نابێت هاوشێوەی جاران دەست بە دانیشتنەکانی پەرلەمان بکەینەوە، بەڵام هەوڵەکانمان بۆ هێورکردنەوەی دۆخەکەن و سازش لەسەر داواکارییەکانی گەلی کورد ناکەین".



رێگریکردنەکە لەڕێگەی کۆکردنەوەی واژۆی نزیکەی 100 پەرلەمانتار بووە و لەلایەن فراکسیۆنی هاوپەیمانێتی دەوڵەتی یاسا بە پاساوی ئەوەی "ئەگەر پەرلەمانتارانی کورد بەشداری کۆبوونەوەی پەرلەمان بکەن ئەوا دانپێدانانە بە گشتپرسی" کۆکراونەتەوە.

داڕشتنەوە: دەرباز ساڵح

- پابەندبوون بە نێوەڕۆکی پەیامەکەی عەلی سیستانی.

- پەرلەمان داوا لە دادگای فیدرڵی دەکات هەموو رێککارێک بۆ جێبەجێکردنی پەیامەکەی عەلی سیستانی بگرێتەبەر.

- جەختکردنەوە لەوەی دەبێت حکومەتی عێراق هەموو بڕیارەکان دژی هەرێمی کوردستان جێبەجێ بکات.

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

sarkawt saeed | 17/07/2018 08:16:27 ص
زۆر بە داخە وە دووبارە بە کوشت دانی کورد له پێناو ولاتێکی بێ خێر و هیچ
شاخه‌وان | 18/07/2018 07:38:43 ص
به‌ هه‌مووی دوو ئه‌مريكي نه‌بوون به‌شدار بوون و ته‌ياره‌كانيش ته‌نها بۆ پۆز هاتبوون گه‌رنا 5 پيشمه‌رگه‌ شه‌هيد نه‌ده‌بوون. ئه‌مريكي ته‌نها بۆ...
وردەکاریی ئۆپەراسیۆنەکەی پێشمەرگە و هاوپەیمانان لە چیای قەرەچووغ
| 16/7/2018 | (4)
سێنیار بامەڕنی | 17/07/2018 09:06:45 م
دوور لە سیاسەت و مەرامە گڵاوەكانی سیاسیەت، من لە رووی مرۆڤایەتییەوە ئەم پەیامە ئاراستەی (نادیە موراد و نەتەوە یەكگرتووەكان) دەكەم و دەڵێم: من كەسێكی...
رزگاركەری نادیە موراد داوای یارمەتی دەكات
| 17/7/2018 | (1)
معتصم شوانی | 10/07/2018 06:30:40 م
ئه‌زانن ئه‌م هه‌واڵه‌ی ئێوه‌ ڕوون نییه‌؟
Danar | 17/07/2018 07:11:34 م
کەی کەم ئەندام دابەش دەکرێت
 دابەشکردنی مووچەی بەشێک لە خانەنشینان راگەیێندرا
| 9/7/2018 | (3)
Khoshi Tahir | 17/07/2018 03:15:00 م
بە قوربانی هەموو پێشمەرگەکان بم
شیخ محمد امین | 17/07/2018 04:59:57 م
ئه ی پیشمه رگه ، که ی بو حه شدی شه عبی چول ده که ن؟ ولله حه یفم دیتی و دلم ده تاویته وه بو شه هیدانی ئه م شه ره و خه لک ده بی لیپرسینه وه ی توند له...
ئۆپەراسیۆنی پێشمەرگە بە پاڵپشتی هاوپەیمانان لە قەرەچووخ کۆتاییهات
| 17/7/2018 | (2)

لە بەشەکانی دیکەی رووداوەوە

غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون 7 کاژێر لەمەو بەر |

غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون

خۆپیشاندانی فەڵەستینییەکان دژ بە ئیسرائیل زۆرتر
هەڕەشەی کوشتن لە دەرمانسازێک دەکرێت 18/7/2018 |

هەڕەشەی کوشتن لە دەرمانسازێک دەکرێت

دەرمانسازەکە پێشتر تەزویرچییەکی دەرمانی بۆ زۆرتر
تویتە ناسازەكانی ترەمپ بازاڕی وزە دەشێوێنن 17/7/2018 |

تویتە ناسازەكانی ترەمپ بازاڕی وزە دەشێوێنن

بەرزبوونەوەی نرخی نەوت بە ناڕاستەوخۆ زیانی بۆ زۆرتر
0.531 seconds