وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

هەڤپەیڤین

ئەسیل نووجەیفی: نێچیرڤان بارزانی سیاسەتڤانێکی زۆر لێهاتووە بۆ سەرۆکایەتی هەرێمی کوردستان

لەلایەن رووداو 7/12/2018
"پێشتر پەیوەندییەکی نێودەوڵەتی زۆر گەورەی دروستکردبوو"

رووداو-ئیستەنبووڵ

سیاسەتمەدارێکی دیاری سوننەکانی عێراق دەڵێت، نێچیرڤان بارزانی کەسایەتییەکی زۆر بەهێزە و سیاسەتڤانێکی زۆر لێهاتووە بۆ سەرۆکایەتی هەرێمی کوردستان و  دەبێت هەموو تواناکانی بەگەڕ بخات کە کاریگەرییەکی راستەوخۆی لەسەر بەغدا هەبێت و بەشێوەیەکی بەردەوام لە بەغدا بێت.

ئەسیل نووجەیفی لە هەڤپەیڤینێکی تایبەت لە بووڵتەنێکی هەواڵەکانی تەلەڤزیۆنی رووداو باسی لە بەربژێرکردنی نێچیرڤان بارزانی بۆ پۆستی سەرۆکی هەرێمی کوردستان کرد و پێیوایە، نێچیرڤان بارزانی لەو پۆستەدا دەروازەیەکی زۆر گەورە دروستدەکات بۆ ئەوەی کە پەیوەندییەکی زۆر فراوان و کرانەوەیەکی زۆرتر لە جاران لەنێوان هەرێمی کوردستان و بەغدا رووبدات.

رووداو: چۆن دەڕوانیتە بەربژێرکردنی نێچیرڤان بارزانی بۆ پۆستی سەرۆکی هەرێمی کوردستان؟

ئەسیل نووجەیفی: لەڕاستیدا ئێمە بە شێوەیەکی زۆر ئەرێنی سەیری ئەم بەربژێرکردنە دەکەین. بەڕێز مەسعود بارزانی دوای ئەوەی دەستبەرداری پۆستی سەرۆکایەتی هەرێمی کوردستان بوو هیچ کەسێکی دیکە نەیتوانی ئەم پۆستە پڕبکاتەوە یان ببێتە جێگرەوەی بەڕێز مەسعود بارزانی و دەبوایە تەنیا بە پشتیوانی بەڕێز بارزانی ئەوە بکرایە. پۆستی سەرۆکایەتی هەرێمی کوردستان لە بنەماڵەی بارزانییەوە دەبێت و خۆشیان بەربژێرەکان دیاریی دەکەن. پێموایە ئاسۆیەکی نوێ دەبێت لە پەیوەندییەکان لەنێوان هەرێمی کوردستان و بەغدا و پەیوەندییە نێودەوڵەتییەکان. بەڕێز مەسعود بارزانی بایەخی زۆر بە رەمزی کوردی دەدا و گرنگی بەوە دەدات کە بەمشێوەیە بمێنیتەوە نەک لە پۆستی سەرۆکایەتی هەرێمی کوردستان بمێنێتەوە. ئەمەش وادەکات کە مەسعود بارزانی ببێتە سەرچاوەیەک و نێچیرڤان بارزانیش دەتوانێت جووڵە سیاسییەکانی بکات، پەیوەندی ناوخۆیی عێراق و پەیوەندی نێودەوڵەتیش ئەنجام بدات. بەڕێز نێچیرڤان بارزانی کەسێکی میانڕەوە لە سیاسەتدا، پێشتر پەیوەندییەکی نێودەوڵەتی زۆر گەورەی دروستکردبوو و پەیوەندییەکی زۆر باشی لەگەڵ هەموو لایەنێکدا هەبووە. بەڕێز نێچیرڤان بارزانی کەسایەتییەکی زۆر بەهێزە و سیاسەتڤانێکی زۆر لێهاتووە، دەتوانێت لەڕووی کارگێڕییەوە هەرێمی کوردستان بەڕێوەببات، کەسایەتییەکی زۆر زۆر شیاوە و ئێمە هیوادارین رەنگدانەوەیەکی زۆر باشی لەنێوان هەرێمی کوردستان لەگەڵ بەغدا و لەگەڵ هەموو جیهان هەبێت.

رووداو: کاریگەری نێچیرڤان بارزانی لەسەر پەیوەندییەکانی نێوان هەولێر و بەغدا چۆن دەبینن؟

ئەسیل نووجەیفی: بەڕێز نێچیرڤان بارزانی هیچ کێشەیەکی لەگەڵ هیچ لایەنێکدا نییە و ئەمەش دەروازەیەکی زۆر گەورە دروستدەکات بۆ ئەوەی کە پەیوەندییەکی زۆر فراوان و کرانەوەیەکی زۆرتر لە جاران رووبدات لەنێوان هەرێمی کوردستان و بەغدا.

رووداو: چ ئومێدێک بە نێچیرڤان بارزانی هەیە کە کێشە هەڵپەسێردراوەکانی نێوان هەولێر و بەغدا لە سەردەمی سەرۆکایەتی ئەودا بەرەو چارەسەرکردن بڕۆن؟

ئەسیل نووجەیفی: پێموایە هەرێمی کوردستان بەشێوەیەکی گشتیی پێویستی بە شێوازێکی نوێی پەیوەندی هەیە لەگەڵ بەغدا. لە 2003 ـەوە تاوەکو ئەمڕۆ یان تاوەکو گشتپرسییەکە، هەرێمی کوردستان تەنیا بایەخی بە سیاسەتی نێوخۆیی هەرێمی کوردستان دەدا و گرنگی بە دۆخی عێراق نەدەدرا. من پێموایە دوای گشتپرسییەکە دەبێت هەرێمی کوردستان رۆڵێکی زۆر باڵای هەبێت لە عێراق و، ببێتە بەشێکی زۆر کارا و لە پایتەختەوە دەستپێبکات نەک تەنیا لە رێگەی هەولێرەوە. ئەوە روون و ئاشکرایە کە هێزی هەرێمی کوردستان تەنیا لە هەولێرەوە سەرچاوە ناگرێت بەڵکو لە بەغداشەوە سەرچاوە دەگرێت، پێگەی تاچەند لە بەغدا بەهێز بێت دەبێتە خاڵێکی وەرچەرخانی زۆر گەورە و کاریگەری گەورەی دەبێت بەسەر سەرکردە سیاسییەکان لە هەرێمی کوردستان. ئەمە وادەکات پێگەی هەرێمی کوردستان بەهێز بکات و عێراقیش بەهێز بکات. ئەمە رێگری دەکات لە هەژموون سالاری هێزە شیعەکان بەهۆی لاوازی هێزە سوننەکان یان نەبوونی کورد لە بەغدا، بۆیە پێموایە کە بەڕێز نێچیرڤان بارزانی دەبێت هەموو تواناکانی بەگەڕ بخات کە کاریگەرییەکی راستەوخۆی لەسەر بەغدا هەبێت و بەشێوەیەکی بەردەوام لە بەغدا بێت.

رووداو: سەرکردە سیاسییەکانی عێراق چۆن وەڵامی ئەو گۆڕانکارییانەی هەرێمی کوردستان دەدەنەوە و کاردانەوەی ئەوان چی دەبێت؟

ئەسیل نووجەیفی: تاکە لایەنێک یان سەرکردەیەک بە تەنیا ناتوانێت هەموو سیاسەتی عێراق بگۆڕێت، لەسەرەتادا هەوڵدرا سوننەکان پشتگوێ بخرێن و رۆڵیان پێنەدرێت. دواتر بە هەمانشێوە کورد پشتگوێخرا، دوای ئەوەی ناوماڵی کوردیان شێواند ئێستا لەنێو ماڵی شیعەش کێشە سەریهەڵداوە و پارچە پارچە بوونی تێدا دەبیندرێت و بەشێک لە گرووپە شیعەکان دژایەتی بەشەکەی دیکە دەکەن. ئەمە وادەکات هەژموونێکی تایبەت لەنێو ماڵی شیعە دروستببێت. بۆیە پێویستە ئەم دۆخە بشکێندرێت. کورد هێزێکی زۆر باشیان هەیە لە هەرێمی کوردستان و دەتوانن کارێگەری خۆشیان هەبێت لەسەر ئاستی نێودەوڵەتیش. پێموایە هەرێمی کوردستان ئەگەر بێت و پەیوەندییەکانی خۆی لەگەڵ لایەنە شیعە و سوننە میانڕەوەکان بونیات بنێتەوە، دەتوانێت پەیوەندییەکان زۆر زۆر بەهێز بکات و لەم چوارچێوەیەشدا دەتوانێت پێگەی هەرێمی کوردستان بەهێز بکات. بەڵام بەپێچەوانە ئەگەر کورد هاوپەیمانی لەگەڵ شیعە تووندڕەوەکان بکەن کە دەیانەوێت هەژموونی خۆیان بەسەر عێراقدا بسەپێنن، تەنیا بەڵێنیان پێدەدرێت و هیچی دیکە. رێککەوتنەکانی هەولێر و بەغداش باشترین بەڵگەن.

داڕشتنەوە؛ عومەر شایان



 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

دلشاد | 23/02/2019 09:55:57 ص
بژی پێشکەوتنخوازی کوردان، بژی کوردستانی باشور
لە کوردستان 129 رێکخراو و کۆمەڵەی تایبەت بە مافەکانی ژنان هەن
| 21 کاژێر لەمەو بەر | (1)
Deioces | 23/02/2019 08:50:29 ص
ئاخر ئەو وڵاتە چۆن پێش ناکەوێت ، نابێت بە سەرمەشق و بە نمونە بۆ وڵاتانی تر. لێرە، کە گوتیان کاتژمێر 3 یانی 3:30. بۆیە کا کات دانرا بۆ دیدارێک یان...
وەزیرێکی ژاپۆن لە بەرامبەر دواکەوتن بۆ سێ خولەک داوای لێبووردن دەکات
| دوێنێ کاژێر 12:10 | (1)
ره شید | 21/02/2019 12:18:33 م
ده ستخوش پروفیسور دلاوه ر به راستی ده ستت بردوته هه ناوی کیشه کانه وه ؛ با ده و له تداره کان که لک له م نوسینه به نرخه وه رگرن .
Lawk | 21/02/2019 01:37:42 م
بەرێزم باسی سیستەمێکی دیموکراسی لە وڵاتێکی دیکتاتۆریداکارێکی دروست نییە. ئەمە ئەگەر لە کەناڵی bbc بەریتانی باسی بکەیت بەهەرحاڵ. بەڵام برام لێرە باسی...
لامەركەزی بە دروومانێكی خۆماڵی
| 21/2/2019 | (2)
مادی ئومێد | 21/02/2019 08:48:38 ص
ووتارێکی زۆر بەجێیە ،،پەڵپ و بیانووی ئەوان هەندە بێکەڵک ە و روون و ئاشکرا مەبەستەکانیان دیارە ...پارتی یەک رێگای لەپێشە هەندە بایەخیان پێنەدات ....
سیری جەلالی و زوڕنای گەل
| 18/2/2019 | (1)

لە بەشەکانی دیکەی رووداوەوە

میوەی بلوبێری ئەگەری نەخۆشییەکانی دڵ کەمدەکاتەوە 13 کاژێر لەمەو بەر |

میوەی بلوبێری ئەگەری نەخۆشییەکانی دڵ کەمدەکاتەوە

بەرێژەی %20 کەمتردەبێتەوە زۆرتر
 ئەو منداڵانەی پشتگوێدەخرێن، گەشەی مێشكیان دوادەکەوێت و یادەوەرییان لاوازدەبێت 16 کاژێر لەمەو بەر |

ئەو منداڵانەی پشتگوێدەخرێن، گەشەی مێشكیان دوادەکەوێت و یادەوەرییان لاوازدەبێت

زەبری دەروونی گۆڕانکاری لە پێکهاتەی فیزیکی و زۆرتر
 لە ئەڵمانیا پشکنینێکی خوێن بۆ دەستنیشانکردنی شێرپەنجەی مەمک دەدۆزرێتەوە 17 کاژێر لەمەو بەر |

لە ئەڵمانیا پشکنینێکی خوێن بۆ دەستنیشانکردنی شێرپەنجەی مەمک دەدۆزرێتەوە

زانکۆی هایدیلبێرگ: پشکنینەکە بە چەند سیسێك خوێن زۆرتر
0.562 seconds