وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

عێراق

"دوو هەزار و 500 تەرم" لەژێر داروپەردووی موسڵ دەرهێندراون

لەلایەن سەمیع زوبێر 12/1/2018
ماوەی شەش مانگە هێزە عێراقییەکان شاری موسڵ-یان کردووەتەوە و بەشێک لە خەڵکەکەی گەڕاونەتەوە، بەڵام هێشتا دەست بە ئاوەدانکردنەوەی شارەکە نەکراوە. پاشماوەی جەنگ، وێرانکاری و رووخاون دیمەنی شارەکەن. فۆتۆ: AFP
ماوەی شەش مانگە هێزە عێراقییەکان شاری موسڵ-یان کردووەتەوە و بەشێک لە خەڵکەکەی گەڕاونەتەوە، بەڵام هێشتا دەست بە ئاوەدانکردنەوەی شارەکە نەکراوە. پاشماوەی جەنگ، وێرانکاری و رووخاون دیمەنی شارەکەن. فۆتۆ: AFP

رووداو - هەولێر

هێزە ئەمنییەكانی عێراق "دوو هەزارو 585 تەرم"یان لەژێر داروپەردووی خانوو و باڵەخانە رووخاوەكانی شاری موسڵ دەرهێناوە.

عەمید محەممەد جواری، بەڕێوەبەری بەرگریی شارستانی پارێزگای نەینەوا لە لێدوانێكی رۆژنامەڤانیدا رایگەیاند، پرۆسەی دەرهێنانی تەرمەكانی ژێر داروپەردووی خانووە رووخاوەكانی شاری موسڵ كۆتاییهاتووە، تاوەكو ئێستاش دوو هەزارو 585 تەرم دەرهێندراون.

جواری گوتیشی "ئەو تەرمانەی هێشتا ماون تەرمی چەكدارانی داعشن، هەڵگرتنەوەشیان ئەركی شارەوانی موسڵە، بەڵام تەرمی مەدەنییەكان كە دانیشتووانی شارەكە هێزە ئەمنییەكانیان لێ ئاگاداركردوونەتەوە، كۆتاییهات".

لە ئەنجامی پێكدادانی نێوان هێزە ئەمنییە هاوبەشەكانی عێراق و چەكدارانی داعش و تۆپبارانكردنی زەمینی و ئاسمانی شارەكە، لانی کەم 11 هەزار سڤیل لە موسڵ كوژراون، ئەوەش بەپێی ئاماری میدیا و ناوەندە نێودەوڵەتییەکان، لەکاتێکدا حکومەتی عێراق دەڵێت، هەزار و 260 کەس کوژراون.

رۆژنامەی تایمزی بەریتانی ئاشکرایکردووە، لە شەڕ و پێکدادانەکانی کۆنترۆڵکردنەوەی موسڵدا لە دەست چەکدارانی داعش، 11 هەزار هاووڵاتی سڤیل کوژراون، ئەوەش 10 هێندە لەو ژمارەیە زیاتر کە پێشتر پێشبینیکرابوو.

سێیەکی قوربانییەکان بەهۆی بۆردوومانی ئاسمانی، مووشەک و یاخود تۆپبارانەوە گیانیان لەدەستداوە، سەرەڕای گولـلە هاوەکانی هێزە عێراقییەکان. هاوکات سێیەکی دووەمیش لەلایەن داعش بووە، بەڵام ئاماژە بە ئەوانی دیکە نەکراوە.

بەپێی لێکۆڵینەوەیەکی دیکەی ئاژانسی ئەی پی (AP)، لە شەڕی کۆنترۆڵکردنەوەی موسڵدا نۆ هەزار و 606 سڤیل کوژراون و ئاژانسەکە ناوەکانی دەستکەوتوون. 

بەپێی لێکۆڵینەوەکەی ئەی پی، ژمارەی کوژراوانی سڤیلی ئەو شەڕە کە نۆ مانگی خایاند، لەنێوان 9 بۆ 11 هەزار کەسدایە. ئەوەش بەبێ کوژراوانی دەستی داعش و گۆڕە بەکۆمەڵەکان.

ئەمریکا چەند جارێک کوژرانی سڤیلی بەهۆی هێرشە ئاسمانییەکانی هاوپەیمانانەوە پشتڕاستکردووەتەوە. پێشتریش سەرۆکوەزیرانی عێراق رایگەیاندبوو، تەنیا هەزار و 260 سڤیل لەو شەڕەدا کوژراون. 

داعش لە حوزەیرانی 2014 شاری موسڵی کۆنترۆڵکرد. شەڕی کۆنترۆڵکردنەوەی شاری موسڵ و ناوچەکانی دەوروبەری لە 17-10-2016 دەستیپێکرد، دوای نۆ مانگ لە 10-7-2017 کۆتاییهات.

رێکخراوی داعش لە حوزەیرانی 2014دا موسڵ و زۆربەی ناوچە سوننەنشینەکانی عێراقی کۆنترۆڵکرد و دەستی بە سەر بڕێکی زۆر چەک و تەقەمەنی سوپای عێراقدا گرت. 

داعش لە سووریاوە روویکردە عێراق و لە ماوەیەکی کەمدا فەللوجە، موسڵ، تکریت و ژمارەیەک ناوچەی دیکەی کۆنترۆڵکرد. لە سەرەتای ئابی هەمان ساڵدا، داعش هێرشیکردە سەر شنگال و دواتریش سنوورەکانی مەخموور و گوێڕ، کەرکووک و حەویجە.

داڕشتنەوە: حەکیم داود

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Miaad shwan | 13/10/2018 11:01:31 ص
تا كاتژير چه ند ئه م كتيبخانه به رده وأم ده بيت...؟؟؟
لە هەولێر پێشانگەی نێودەوڵەتی کتێب دەکرێتەوە
| 9/10/2018 | (1)
Abdolvahed | 13/10/2018 08:22:50 ص
پیم وانیه ئه مریکا پشتی کوردبگریت چونکه کورد بوخوی پارچه پارچه ونالیکه به داخیکی زورگه وره هه رحیزب وپارتیکی کوردی ئالقه به گوی ده وله تیکی داگیرکه...
لاڤرۆڤ: ئەمریکا هەوڵی دامەزراندنی دەوڵەتێک لە سووریا دەدات
| 12/10/2018 | (1)
ره شید | 12/10/2018 04:27:41 م
ده سخوش کاک رابه ر ، له کوردستانی ئیمه دا دیموکراسی ده له مه یه و حیزبه سیاسیه کان به ده سه لاتیشه وه خاوه نی کلتووریکی دیموکراتیک نین ! چاویان له وه...
Raber | 12/10/2018 05:54:03 م
كاك رابه ر به ريز بابه تكاني تو وتنه وه يه، شي كردنه وه نيه. به داخه وه
دیموكراسی به‌بێ هه‌ڵبژاردن
| 12/10/2018 | (2)
محمد | 12/10/2018 10:07:57 ص
لە باو لە باران هەر تەمەنی بەفر کەم دەکا بە ئەمریکا و ڕوسیا کوردیان نەهێشت
پۆمپیۆ: واشنتن دەیەوێت کورد لە دانوستاندنەکانی داهاتووی سووریادا بەشداربن
| 12/10/2018 | (1)

لە بەشەکانی دیکەی رووداوەوە

ڤیاگرا خراوەتە نێو بەشێک لە جگەرە ئەلیکترۆنییەکان 6 کاژێر لەمەو بەر |

ڤیاگرا خراوەتە نێو بەشێک لە جگەرە ئەلیکترۆنییەکان

دەزگای خۆراک و دەرمانی ئەمریکی هۆشداری دەدات زۆرتر
برسیێتی و بەدخۆراکییەکی گەورەتر بۆ یەمەن بەڕێوەیە 9 کاژێر لەمەو بەر |

برسیێتی و بەدخۆراکییەکی گەورەتر بۆ یەمەن بەڕێوەیە

گەورەترین برسیێتی دەبێت لە 100 ساڵی رابردوودا زۆرتر
چین رۆڵی نێرینە لە درووستکردنی کۆرپەدا ناهێڵێت 23 کاژێر لەمەو بەر |

چین رۆڵی نێرینە لە درووستکردنی کۆرپەدا ناهێڵێت

بە بێ نێرینە کۆرپە بەرهەمهێنرا زۆرتر
0.281 seconds