وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

عێراق

عەبادی: لاپەڕەیەکی نوێمان لەگەڵ هەرێمی کوردستان کردووەتەوە

لەلایەن نەهرۆ محەممەد 13/3/2018
کۆنگرەی رۆژنامەڤانی هەفتانەی عەبادی

رووداو - بەغدا

حەیدەر عەبادی رایگەیاند،  رۆژی پێنجشەممە فڕۆکەخانەکانی هەرێمی کوردستان دەکرێنەوە و بەمنزیکانە مووچەی بەشێک لە فەرمانبەرانیش دەنێرین. 

لە کۆنفرانسی رۆژنامەڤانی هەفتانەیدا، حەیدەر عەبادی، سەرۆکوەزیرانی عێراق رایگەیاند "هەوڵدەدەین لاپەڕەیەکی نوێ بکەینەوە، هەندێک دەیانەوێت بۆ ململانێییەکی ناوخۆیی پەلکێشمان بکەن، ئێمە داوای هاوکاریی ناوخۆیی دەکەین، نەک ململانێی نێوخۆیی، کە سوودی بۆ کەس نییە، بۆیە لەو سۆنگەیەوە لاپەڕەیەکی نوێ دەکەینەوە".

عەبادی گوتیشی "هەروەک بەڵێنمدابوو، بەمنزیکانە مووچەی بەشێکی فەرمانبەرانی هەرێمی کوردستان خەرجدەکەین لەسەر ئەو رێژەی لەسەری رێککەوتووین و قسەمان لەگەڵ حکومەتی هەرێم کردووە. ئەوان نزیکەی 300 هەزار بەرمیل نەوت رۆژانە هەناردە دەکەن، بۆیە ئێمە بەشێک لەو مووچەیە دەدەین و بەشەکەی دیکە لەلایەن حکومەتی هەرێمی کوردستان دەدرێت".

دەقی گوتەکانی عەبادی لەبارەی هەرێمی کوردستان:

وەک جێبەجێکردنی راسپاردەکانمان بۆ سەپاندنی دەسەڵاتی ئیتیحادی لە سەرجەم عێراقدا، هەروەک دەزانن کاتی خۆی بڕیارماندا بە راگرتنی گەشتە ئاسمانییە نێودەوڵەتییەکانی هاتن و چوون لە فڕۆکەخانەکانی هەرێمی کوردستان، بەهۆی کەموڕی و پابەندنەبوون بە بڕیارەکانی دەسەڵاتی ئیتیحادییەوە، کە دەستوور بەڕاشکاوانە باسی ئەوەی کردووە، بابەتی سنوور لە دەسەڵاتی تەواوی حکومەتی فیدراڵیدایە، ئەو کارەمان بۆ تۆڵەکردنەوە لە هەرێم نەکردووە و بێڕێزیکردن نەبووە بە رۆڵەکانمان لە هەرێم، چۆن کاری وادەکەین، ئەوانە هاووڵاتیی ئێمەن و هێز و هەوڵەکانمان لە هەموو شوێنێکدا لە خزمەتی هاووڵاتییاندایە، بەڵکو ئەوە تەنیا پرسێکی یاسایی و دەستووریی بوو، کە دەبێت دەسەڵاتی فیدراڵی لە هەموو ناوچەیەک بسەپێنرێت.

هەرێم دەسەڵاتی خۆی هەیە، سیستەمی عێراق، بەڕێوەبردنی لامەرکەزیییە، حکومەت داوا و پەسندی سیستەمی لامەکەزی کردووە و حکومەتی ئیتیحادی دەسەڵاتی خۆی هەیە، هەروەها هەرێم و پارێزگاکانیش دەسەڵاتی خۆیان هەیە و هەمووان دەسەڵاتی خۆیان هەیە و ململانێ لە نێوانیاندا نییە، بەڵکو تەواوکەری یەکدین، سوپاس بۆخوا گەیشتینە شێوە داڕشتنێک و لە کۆتاییدا حکومەتی خۆجێیی لە هەرێم رەزامەندی لەسەر پێشنیازەکانمان دەربڕی، لەگەڵ رەزامەندیدانیان ، ئێمە دەستمانکرد بە دامەزراندنی دوو بەڕێوەبەرایەتی لە هەردوو فڕۆکەخانەکە و لیژنەیەکی باڵا کە سەر بە فەرماندەی گشتیی هێزە چەکدارەکانە، بەمەبەستی بەدواداچوون بۆ هەردوو فڕۆکەخانەکە و سەلامەتییان و ئەنجامدانی رێوشوێنەکان بە دروستی و دەمانەوێت سەلامەتی نێودەوڵەتی لەم دوو فڕۆکەخانەیە هەبێت و رێوشوێنەکانی ناوەندیی جێبەجێبکرێت لە پاسپۆرت و گومرگەکان و  پاراستنی فڕۆکەخانەکان و فەرمانە دیوانییەکەمان باسی  حەوت رۆژ دەکات، کە دەکرێت پێنجشەممەی داهاتوو فڕۆکەخانەکان بکرێنەوە و پێم راگەیاندوون، کە دەتوانن سبەی  یاخود دووسبەی فڕۆکەخانەکان بکەنەوە. لەگەڵ فەرماندەو ئەفسەرانی وەزارەتی ناوخۆ کۆبووینەوە، پشتیوان بەخوا پەلەی لێدەکرێت.

هەوڵدەدەین لاپەڕەیەکی نوێ بکەینەوە، هەندێک دەیانەوێت بۆ ململانێییەکی ناوخۆیی پەلکێشمان بکەن، ئێمە داوای هاوکاریی ناوخۆیی دەکەین، نەک ململانێی نێوخۆیی، کە سوودی بۆ کەس نییە، بۆیە لەو سۆنگەیەوە لاپەڕەیەکی نوێ دەکەینەوە ، پشتیوان بەخوا لەهەموو شوێنێکدا هەموو سامانی وڵات بۆ خزمەت و مافی گەلەکەمان بەکاردەهێنین، هەروەک بەڵێنم دابوو، بەو نزیکانە مووچەی بەشێکی فەرمانبەرانی هەرێمی کوردستان خەرجدەکەین لەسەر ئەو رێژەی لەسەری رێککەوتووین و قسەمان لەگەڵ حکومەتی هەرێم کردووە، ئەوان نزیکەی 300 هەزار بەرمیل نەوت رۆژانە هەناردە دەکەن ، بۆیە ئێمە بەشێک لەو مووچەیە دەدەین و بەشەکەی دیکە لەلایەن حکومەتی هەرێمی کوردستان دەدرێت و دەمانەوێت گرەنتی ئەوەهەبێت، کە مووچە دەگاتە هەموو فەرمانبەران، بۆیە داوادەکەین لە هەموو چاودێران و هێزە خێرویستەکانی هەرێم و ئەوانەی  پەیوەندییان پێوەکردووین، لەو چاودێرییەدا هاوکاریمان بکەن، ئێمە دەمانەوێت گەرەنتی ئەوە هەبێت، کە مووچە بۆ هەموو  فەرمانبەران دەچێت، هەروەک بەڵێماندابوو، ئەو مووچەیە پشتیوان بەخودا بەمنزیکانە دەگات و پارەی بۆ تەرخانکراوە.

نیشانەکردن : عەبادی
6567 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/09/2018 01:10:21 م
به‌ ته‌ئكید شیعه‌ و ئێران مه‌لا به‌ختیاریان پێ باش نیه‌ له‌تیف ره‌شیدیان پێ زۆر باشه‌..!!! به‌رهه‌میش تازه‌ بگه‌ڕێته‌ ناو یه‌كیه‌تی یان نه‌ هه‌ر وه‌ك...
لە بەربژێرەکانی یەکێتی بۆ سەرۆککۆماری عێراق دوو کەس مانەوە
| 16/9/2018 | (1)
dara hama | 15/09/2018 03:51:53 م
ئه‌گه‌ر بۆ بانگه‌شه‌ نییه‌ 2 مانگ پێش ئێستا بۆ ئه‌و قسه‌یه‌ نه‌كرا ؟؟
دڵشاد شەهاب: پلانی حکومەتە لە نزیکترین کاتدا پاشەکەوتی مووچە بەیەکجاری نەمێنێت
| 15/9/2018 | (1)
سەردار بێرکۆتی | 15/09/2018 12:20:20 م
پرسیارێك؛ بۆ تەنها لە کوردستان دۆڕاو هەردەم وتوویەتی تەزویر کراوە!!
چوار لایەنی کوردستانی: نوێنەرە دڵسۆز و راستەقینەكانتان بنێرنە پەرلەمان
| 15/9/2018 | (1)
Azad Azad | 15/09/2018 08:07:39 ص
كاك موسه‌نا امین والله‌ به‌راستی وه‌ حه‌ق و عه‌داله‌ت ئێوه‌ حه‌قی هیچ پۆستێكی سیادیتان نیه‌ له‌ په‌ڕه‌مانی كوردستان له‌به‌ر ئه‌وه‌ی ئێوه‌ له‌ كاتی...
سەردار بێرکۆتی | 15/09/2018 09:19:52 ص
شایستەیەتی دوکتۆر موسەنا
موسەننا ئەمین: بە بەرکەوتەی نیشتمانی پۆستی جێگری سەرۆکی پەرلەمان مافی یەکگرتووە
| 15/9/2018 | (2)

لە بەشەکانی دیکەی رووداوەوە

جگەرەکێشان کار لە بینایی دەکات 8 کاژێر لەمەو بەر |

جگەرەکێشان کار لە بینایی دەکات

پێکهاتەیەکی جگەرە لەسەر تۆڕی چاو دەنیشێت زۆرتر
تاکسییەکەی یاریزانانی کورد 19 کاژێر لەمەو بەر |

تاکسییەکەی یاریزانانی کورد

یاریزانی کورد لەرووی رۆشنبیرییەوە زۆر هەژارە زۆرتر
پەیوەندی زیاتر لەنێوان قەڵەوی و رەبۆ دەبینرێتەوە 22 کاژێر لەمەو بەر |

پەیوەندی زیاتر لەنێوان قەڵەوی و رەبۆ دەبینرێتەوە

بە زیاتر لە رێگایەک لوولەکانی هەوا تەسکدەکاتەوە زۆرتر
0.281 seconds