وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

عێراق

عەبادی: پێشوازی لە هەڵوێستی حکومەتی هەرێم دەکەین

لەلایەن رووداو 14/11/2017
حەیدەر عەبادی، سەرۆکوەزیرانی عێراق

نەهرۆ محەممەد و گۆڤەند مستەفا

رووداو - هەولێر 

سەرۆکوەزیرانی عێراق رایگەیاند، پێشوازی لە هەر هەڵوێستێک دەکەن کە هاوڕێک بێت لەگەڵ حکومەتی ئیتیحادی بۆ کۆنترۆڵکردنی سنوور و گوێبیستی لێدوانی حکومەتی هەرێم بوونە لەوبارەوە. گوتیشی "داوای لێکتێگەیشتنی زیاتر دەکەین".  


رۆژی سێشەممە 14-11-2017، حەیدەر عەبادی، سەرۆکوەزیرانی عێراق دوای کۆبوونەوەی ئەنجوومەنی وەزیران لە کۆنفرانسی رۆژنامەڤانی هەفتانەی خۆی رایگەیاند، داواکارە لە حکومەتی هەرێمی کوردستان هاوکار بێت بۆ پەیڕەوکردنی دەستوور و بەڕێوەبردنی خاڵە سنوورییەکان. 

پێشوازی لە هەڵوێستی حکومەتی هەرێمی کوردستان

عەبادی گوتی "جارێکی دیکە دووپات لەسەر هەڵوێستی دەستووریمان دەکەینەوە لە پاراستنی یەکێتیی عێراق و دەستبەرکردنی ئاسایشی و سەقامگیری و دەسەڵاتی ئیتیحادی لە هەموو شوێنەکاندا. ئەم هەڵوێستە لە بەرژەوەندی هاووڵاتییانماندایە، بەتایبەتی هاووڵاتیانی کورد. داوا لە حکومەتی هەرێم دەکەین هاوئاهەنگ و هاوکاربێت لە دەستەبەرکردنی سەروەری دەوڵەت و یاسا و دەستوور لەبارەی سامانی نەوتیی، فڕۆکەخانە، دەروازەکان و کۆنترۆڵکردنی سنوور. بەپێی مادەی 110 دەستووری عێراق کۆنترۆڵکردنی سنوور لە دەسەڵاتی حەسری حکومەتی ئیتیحادیدایە. پێشوازی لە هەر هەڵوێستێک دەکەین کە هاوڕێک بێت لەگەڵ حکومەتی ئیتیحادی بۆ کۆنترۆڵکردنی سنوور، پێشوازی لە هەر هەڵوێستێ دەکەین، گوێبیستی لێدوانی حکومەتی هەرێم بووینە لەوبارەوە. داوای لێکتێگەیشتنی زیاتریش دەکەین، وەک دەزانن حکومەتی ئیتیحادی لیژنەی باڵای سەربازیی و تەکنیکیی دروستکردووە بۆ دانوستاندن لەگەڵ هێزەکانی هەرێم و داوامان لەوانیش کرد لیژنەیەکی باڵا دروستبکەن لەپێناو رێگریکردن لە هەر پێکدادانێکی بێپاساو و کەوتنەوەی قوربانی بێپاساو، نامانەوێت هیچ پێکدادانێکی سەربازیی رووبدات".

مووچەی فەرمانبەرانی هەرێمی کوردستان 

سەرۆکوەزیرانی عێراق دەشڵێت "حکومەتی عێراق پابەندە بە پێدانی مووچەی فەرمانبەرانی هەرێمی کوردستان". بەبێ ئەوەی ئاماژە بە کاتی پێدانی مووچە و بڕی ئەو پارەیە بکات کە بەغدا ئامادەیە بیداتە مووچەخۆرانی هەرێمی کوردستان. عەبادی رەتیشیکردەوە پلانیان هەبێت لە 20%ی مووچەی فەرمانبەران کەمبکەنەوە.

عەبادی گوتی "من هەمیشە گوتوومە گەندەڵکاران لە هەموو شتێک لە یەکەوە جیاوازن، بەڵام لەسەر گەندەڵی کۆکن، جیاوازیش نییە لەنێوان عەرەبێک و کوردێک و سوننەیەک و شیعەیەک، ئەمەش گەورەترین پرۆسەی گەندەڵییە، درۆیەکی روونە، لە کۆبوونەوەی ئەنجوومەنی وەزیران بەهیچ شێوەیەک باسی ئەو بابەتە نەکراوە، درۆیەکی روونە. من پێموایە وەڵامەکەم روونە، تەنها ئەوەندەش نییە، لەسەر ئاستی کەسی دەیانەوێت هێرشمان بکەنە سەر لەسەر ئاستی ماڵبات هێرش دەهێنن، ئێوە دەبینن ئەمانە شتێک رەتناکەنەوە، من بە راشکاوی دەیڵێم ئەوانە ناهێڵین، ئەگەر بیانەوێت بەمە لە بەرەنگابوونەوەی گەندەڵی دوامانبخەن، ناتوانن دوامانبخەن لە دژایەتیکردنی گەندەڵی، ئەمە نامان وەستێنێت، زۆر لەوە زیاتریش بکرێت، بە بیرتانە دەیانەویست حکومەت بڕووخێنن، لەنێو خراپترین ئەزمە و شەڕ بووین دەیانویست حکومەت بڕووخێنن، بە ئاشکرا ئەو باسیان دەکرد، دەیانگوت نامانەوێت ئۆپەراسیۆنی رزگارکردن تەواو بکرێت، پێش دەستپێکردنی ئۆپەراسیۆنی رزگارکردن دوای رووخانی حکومەتیان دەکرێت، بەبیرتانە متمانەیان لە وەزیری بەرگری سەندەوە، لەکاتێکدا ئێمە لەنێو ئۆپەراسیۆنی ئازادکردنی موسداڵ بووین، هەروەها بابەتی دیکەش، بۆیە من دەڵێم  ئەوە درۆیە دروستکراون، ئەمانە درۆ و دروستکراون کاریگەری بەسەر ئێمەوە نابێت نییە، درۆیەکی روون و دروستکراوە، پێمباشە برایانی کورد لە هەرێم خۆیان بە کێشەکانی خۆیانەوە سەرقاڵ بکەن.

ئێمە پابەندین بە پێدانی مووچەی هاووڵاتیانمان لە هەرێم، ئەوانە هاووڵاتی ئێمەن، بەڵام دەمانەوێت بەشێوەیەکی راست و دروست بڕۆین، پارە بە لایەنێکی نەناسراو بدەین و نەزانین ئەو پارەیە بۆ کوێ دەڕوات، ئێمە ئەوە ناکەین، ئێمە دەمانەوێت ئەو پارەیە بڕوات بۆ فەرمانبەری راستەقینە، ئەو فەرمانبەرەی کاردەکات و پابەندی دەوڵەتە، بەڵام حیزبەکان هەموو ئەندامەکانیان بهێنن ناویان بخەنە لیستی فەرمانبەران یان سێ کار یاخود چوار کاری هەبێت لە یەککاتدا تەنها بۆ ئەوەی پارەکانیان پێ بڕبکەنەوە، ئێمە ئەوە ناکەین، بەڵکو پێویستە وردبینی لەو لیستانەدا بکەین، دەستیشمان بە هەنگاوەکانی سەرەتاییەکان کردووە لە وردبینی بۆ ئەوەی دەستبکەین بە پێدانی مووچە لە هەرێم.

هێرشکردنە سەر ناوچە کێشەلەسەرەکان

سەبارەت بە هێرشکردنە سەر ناوچەکان، ئێمە هەرگیز هێرشمان نەکردووەتە سەر ئەو ناوچانە، ئەوەی کراوە بڵاوەپێکردنی هێزەکانمان بووە لەو ناوچانەی کە پێویستە بڵاوبکرێنەوە، شەڕمان نەکردووە، نەمانویستووە رووبەڕووبوونەوە بکەین، هێزەکانمان بەوپەڕیی وریایی و ئاگاییەوە مامەڵەیان کردووە بۆ ئەوەی هیچ رووبەڕووبوونەوەیەکی سەربازی روونەدات، بەڵکو بەداخەوە لایەنی دووەم فەرمانی ئەوەیان پێکرابوو سەربازی عێراقی ئیتحادی بکوژن، فەرمانی رووبەڕووبوونەوەیان پێکرابوو، مووشەک و بۆمبیان ئاراستەی هێزەکانمان کرد، فەرمانەکانمان ئەوەبوو کە رووبەڕووبوونەوە روونەدات، ئێمە دەمانەوێت کێشەکانمان چارەسەر بکەین، نامانەوێت بکەوینە کێشەوە، ئێمە دەمانەوێت وڵاتەکەمان یەکبخەین، ئەو وڵاتە هەموو هاووڵاتییەکانی بە سەرجەم ئینتیما جیاوازەکانەوە لەخۆبگرێت، بەڵام چوونە نێو ناکۆکی سەربازی، هەندێک ویستیان بچینە نێو ئەو ناکۆکییە سەربازییە، هانیانداین بۆ ئەوەی بچینە نێو ئەو ناکۆکییە سەربازییە، وەک بینیتان سوپاس بۆ خوا هەموو ئامانجەکانمان بەدیهێنا بەبێ رووبەڕوونەوەی سەربازی، لەسەر هەمان مەنهەجیش بەردەوام دەبین، لە داواکانمان پاشەکشە ناکەین، بە نزیکەیی زۆربەی داواکانمان بەدیهێناوە، زیاتر لەوەی پێشبینی دەکرا، بڕیاری ئەنجوومەنی نوێنەران گەڕانەوە بوو بۆ 2014، بەڵام من لە کۆبوونەوەی ئەنجوومەنی وەزیران ناڕەزایەتیم پیشاندا، پێویست ناکات ئێستا بیڵێم بەڵام بڕیارەکە وەکو خۆی ماوە، سوپاس بۆ خوا ئێستا چەند هێندە زیاترمان بەدیهێناوە لەوەی خواستی لەسەربوو، ئەمەش لە ئەنجامی هاوکاری نێوان عێراقییەکان بەدیهێنرا، ئەمە سەرکەوتنی لایەنێک نییە بەسەر لایەنێکی دیکە، بەڵکو ئەمە سەرکەوتنە بۆ هەموو عێراقییەکان و ئەوانەی یەکپارچەیی عێراق دەخوازن بە هاووڵاتیانی کورد و عەرەب و هەموو پێکهاتەکانی دیکەی عێراق، ئەمە سەرکەوتنە وابەستەی پاراستنی گیانی نیشتمانین، من دەزانم ململانێ لە هەندێک ناوچە هەیە، ململانێ لەنێوان هەندێک پێکهاتە هەیە، هەندێک دەیانەوێت ململانێی ئیتنی لەنێوان گرووپ و عەرەب و کورد و تورکمان دروست بکەن، بەڵام ئێمە رێگە بەوە نادەین، ئەگەر پێشتر سەرپێچی کرابێت، ئەوا سزای ئەوانە دەدەین کە سەرپێچیان کردووە، سزای ئەو خەڵکانەی دەدەین کە بەو ئاراستەیە کاریان کردووە، ئەمە کارێکی هەڵەو ناڕاستە، ئێمە دەمانەوێت دادپەروەری لە وڵات بەدیبێت، دەبێت وڵات بەشێوەیەکی دادپەروەرانە حکومی تێدا بکرێت، دەبێت سەرجەم هاووڵاتیان لەو وڵاتە بگرێتەوە. 

بەنداوی دەربەندیخان

لەبارەی بەنداوی دەربەندیخان و ئەو بوومەلەرزەی لە ناوچەکە روویدا، عەبادی گوتی "بەنداوی دەربەندیخان کێشەی نییە و مەترسی لەسەر نییە، لیژنەمان ناردووە و پارەشمان تەرخانکردووە بۆ چاککردنەوەی. داواشمان لە لیژنەی پسپۆڕی دەرەوە کردووە بۆ ئەوەی بە وردی کێشەکانی بەنداوەکە دیاریبکەن".

حەیدەر عەبادی گوتی "بە تەواوی بەدواداچوونمان بۆ رووداوی بوولەمەرزەکە کردووە، راسپاردەی پێیویستمان دەرکردووە بۆ دابینکردنی فریاگوزاری خێرا و پێدوایستییەکان، هاووڵاتییان لە دۆخی بەندواوەکان دڵنیادەکەینەوە، ئەنجوومەنی وەزیران بەتایبەتی دۆخی بەنداوی دەربەندیخانی تاووتوێکرد، لە دوێنەوە هەواڵ و دڵنیایی-مان پێدەگەیشت، بەڵام ئەمڕۆ وردەکاری زیاترمان پێگەیشت، پێویستمان بە ئەزموونی نێودەوڵەتیی هەیە،  بەهۆکاری بوومەرزەکە هەندێک درزی سادە لە بەنداوەکە کەوتووە، بەڵام تاوەکو ئێستا رادەی ئەو درزانە نەزانراوە، ئەنجوومەنی وەزیران پارەی لە بوجەی فریاکەوت دیارییکرد، هەروەها داوا لە پسۆرانی بیانی کراوە بە خێرایی سەردانی بەنداوەکە بکەن، پسۆرانی عێراقیش سەردانی بەنداوەکەیان کردووە و پێیانوایە لە بنەڕەتدا بەنداوەکە سەلامەتە ، دوێنێ بەپێی پێویست ئاوی بەنداوەکە بەتاڵ کراوە، بۆ ئەوەی ئاوی کۆگای بەنداوەکە کەم بێتەوە، دڵنیایی دەدەینە هاووڵاتیان بەنداوەکە سەلامەتە، هیچ مەترسییەکی هەنووکەیی نییە دۆخەکەش لە ژێر کۆنترۆڵدایە، بەڵام داوای ئەزموونی نێودەوڵەتی-مان کردووە و لەوچوارچێوەیەدا وەزارەتی سامانە ئاوییەکان راسپێردراوە، سوپاسی هەموو وڵاتانی دراوسێ و دەستە مرۆییەکان دەکەین بۆ  پێشکەشکردن و خستنەڕوویی هاوکارییە مرۆییەکانیان و لەوبارەوە هاوکاری  عێراقیان کردووە، هەندێک هاوکاری خێراییان پێشکەشکردووە، حکومەت بەخێرایی کاریکردووە بۆ هەڵسەنگاندنی زیانەکان و رێوشوێنەکان، بەتایبەتی لەبارەی ناوچە ستراتیژییەکان کە رەنگە کاریگەری بۆ سەریان دروستکردووە و ئەمە وێڕای باڵەخانە و خانووی هاووڵاتییان".

داواکارییەکانی بەغدا لە کوردستان


حەیدەر عەبادی گوتی "داواکارییەکانمان روونە، مادەی ی 110دەستوور دەسەڵاتە حەسرییەکانی حکومەتی ئیتیحادی ئاسایش و بەڕێوەبردنی سنوورەکانی دیاریکردووە، مادەی 140 سنووری هەرێمی دیاریکردووە پێش دەستێکردنی شەڕی عێراق لە 19/3/ 2003 ، هێزەکانی هەرێم لە هەر کوێ بن ئەوە سنووری ئیداری هەرێمە، ئێمە پابەندین بەو سنوورەوە، هەروەها دەقێکی دیکە هەیە لەبارەی کۆنترۆڵکردنی سنوورەکان کە هەمان هێزی دەستووریی هەیە ئەمە جێبەجێ دەکەین. قسە هەیە لەبارەی دەروازە سنوورییەکان ماددەی دەستووری باسی هاوبەش دەکات، بەڵام ئەمە رێگریمان لێناکات کە حکومەتی ئیتیحادی کۆنترۆڵی سنوور بکات، ئەمە جیاوازە. پرسێکی کارگێڕی هەیە و  پێویستی بە هاوکاری هەیە، ئەگەر لەسەر ناکۆک بووین ئەوا دادگای فیدراڵی هەیە  بۆ یەکلاکردنەوەی، پێموانییە ناکۆکییەکی گەورەمان لەوبارەوە هەبێت و دەکرێت هاوکاربین بۆ بەڕێوەبردنی، ئێمە زۆر روونین، پێشخابوور ناوچەیەکی شاخاوی سەختە و ماوەیەکی درودرێژە حکومەتی ئیتیحادی لەوێ بوونی نییە، بەڵام هێزەکانی پاسەوانی هەیە و مووچە لە حکومەتی ئیتیحادی وەردەگرن و ئەمانە هێزی ئیتیحادتین لەو ناوچەنەدا هەن، ئێوە دەزانن سەردانی فەرمی هێزە عێراقییەکان هەبوو بۆ  ئیبراهیم خەلیل و پێشخابوور، کە بە فەرماندەیی سوپاسالار و بە فەرمانی ئێمە چووە ئەو ناوچانە و وردبینییان تێداکرد، ئێستا پرۆسەی دووبارە کۆنترۆڵکردنەوەی هەیە بۆ ئەوەی حکومەتی ئیتیحادی کۆنترۆڵی تەواوی سنوور بکات.

ئێوە پێش گشتپرسی دۆخەکەتان بینی کە ئاڵۆزییان دروستکرد، وەک ئەوەی حکومەت دەکوژێت و سەردەبڕێت، بەڵام ئێمە هیچ کارێکی لەوشێوەمان نەکرد، نە کوشتمان و نە هەڕەشەمان کرد ئەو ناوچانەمان بەبێ ئاڵۆزکردنی دۆخە کۆنترۆڵکردنەوە، بۆیە دەمانەوێت بەهەمان شێوە سنوور کۆنترۆڵ بکەین. بەڵێ دەتوانین سوپا بنێرین و شەڕ بکەین بەڵام ئەمە ئازایەتی نییە، ئازایەتی نییە هەڕەشە لە هاووڵاتیانی خۆت بکەی، ئازایەتی نییە بەبێ هیچ هۆکارێک هاووڵاتی خۆت بکوژی. ئێمە پاشەکشەمان نەکردووە تاوەکو ئێستا هێزەکانمان بوونیان هەیە، داوا لە بەرپرسانی هەرێم دەکەم پابەندی ئەوەبن، کە خۆتان  لێدوانیتان لەبارەوە داوە. یەکەم: گەڕانەوە بۆ سنووری 2003.خاڵی دووەم، رادەستکردنی سنوورە بە دەسەڵاتی ئیتیحادیی . رەشنووسێکمان هەبوو لە دوایین ساتەکاندا پاشەکشەیان لێکرد، من ناڵێم ئارامگرتنمان نامنێنێت بەڵام دەڵێم ناتوانین تاوەکو ئەبەد هەر چاوەڕێی بکەین و رێوشوێنی پێویست دەگرینەبەر، هەروەها لەبارەی کەرکووک و گشتپرسی باسمانکرد.  ئێمە رێوشوێن دەگرینەبەر. هەندێک پێیانوابوو هیچ نابێت، بەڵام رێوشوێنەکانمان گرتنەبەر و سەرکەوتووش بووین، من جارێکی دیکە دووپاتیدەکەمەوە رێوشوێن دەگرینەبەر، بۆیە داوا لە هەرێم دەکەم بە خرایی ئەمە یەکلایی بکاتەوە، بەڵێ تێدەگەم لەوەی کێشە لەنێو هەرێم هەیە، کەموڕی لەسەر کۆنترۆڵکردنی دەزگای ئەمنی و سەربازی هەیە لەلایەن سەرۆکایەتی ئەنجوومەنی وەزیران، بەڵام داوا لە بەڕێز سەرۆکوەزیران دەکەم کە دەسەڵاتەکان بۆ ئەو گواستراونەتەوە، هەموو ئەرکەکان وەربگرێت و ئەم پرسە بە خێرایی یەکلایی بکاتەوە. ئەمە پێویستی بە یەکلاکردنەوەی خێرا هەیە  و پێویستی بە هەوڵی گەورە نییە، بۆ ئەم پرسە بە هەموو شێوەیەک ئامادەی هاوکارین ، نامانەوێت بە زۆر کۆنترۆڵ بەسەر هاووڵاتیان بسەپێنن، ئەوەی بەلامانەوە گرنگە دەسەڵاتی ئیتحادی لە خزمەتی هاووڵاتییان بێت و هەموو شتێک پێشکەشیان بکرێت. 

ئەگەر تۆ دەتەوێت بەشێک لە پێشمەرگە لەژێر فەرماندەیی هێزە ئیتیحادییەکان بێت  لەچوارچێوەی سیستەمی بەرگری عێراقی و فەرماندەیی فەرماندەی گشتیی هێزە چەکدارەکان لەو ناوچانەی لێی پاشەکشە کراوە تاوەکو دڵنیایی بدرێتە هاووڵاتییانی کورد، من ئامادەم چونکە لە خزمەتی هاووڵاتییاندایە و ئەوەم باسکردووە لێی ناترسین. گوێم لە قسەی ئاڵۆزکردن و تووند دەبێت، بەڵام کاتی خۆی خۆیان بەتەواوی لەبارەی ئەو ناوچانە بێدەنگ کردبوو، بەڵام کاتێک ئێمە ئەو ناوچانەمان رزگارکرد، نامانەوێت وابڵێم رزگارکردن بەڵکو کاتێک دەسەڵاتی ئیتیحادی لەو ناوچانە جێگرکرا، ئێستا دەستیان داوەتە قسە و باشە ئێوە پێشتر لە کوێ بوون، هەموو ئەو ناوچانە لە دەرەوەی دەسەڵاتی ئیتیحادی بوون ، گوێ بەوە نادەم، بەرژەوەندی هاووڵاتییان و وڵاتمان لەلا گرنگە، بەڕاشکاوانە پێیان دەڵێم تکایە لە جەنگ بێزاربووین، ئێوە هەر کاتێک قسەکانتان تووند دەبوو زەوی زیاتر لەدەستدەدران ، هەرکاتێک قسەی تووندتان لەبارەی نەوت دەکرد، بەرمیلە نەوتی زیاتر لەدەستدەچوو، لە هەرێمی کوردستان بە قاچ و شێوەی دیکە رەوانەی دەرەوە دەکرا، کاتێک عەنتەریات زیاتر بوو، داعش هات، ئێستا تکایە قۆناخی کارکردنە نامانەوێت قسەی تووند بکرێت، هەندێکیان تەنیا دەمانەوێت بێدەنگ بن لەوە زیاترمان لێیان ناوێت، هاوکاری و  دەستگرتنی ئەوانمان ناوێت، بەس تەنیا قسەیەکی راست هەبوو بڵێن راستە  ئەگەر هەڵەبوو بڵێن، بەڵام نەک بڵاوکردنەوەی پڕوپاگەندەی وەک ئەوەی باسکرا لەبارەی کەمکردنەوەی مووچە، ئەنجوومەنی وەزیران وەڵامی ئەمەی داویەوە، کە ئەمە هیچ بنەمایەکی راستی نییە، لە نەخشتەکار و نە گفتوگۆشی لەبارەوە کراوە، نە پێشتر و نە ئێستا و نە نیازیش هەیە لە داهاتوودا گفتوگۆی لەسەر بکرێت  و ئەمە باس نەکراوە، پرۆژە یاسای بودجە ئامادەکراوە و هیچ تیادا نییە، باشە  کێشەتان لەگەڵ سەرۆکوەزیران هەیە و دەتانەوێت هێرشی بکەنە سەری، من تەحمولیان دەکەم ، بەڵام تەنیا داوایان لێدەکەم لایەنی ئاکاری لەبەرچاو بگرن، من وەڵامی بابەتی کەسی نادەمەوە، بەڵام ئەمە تەنیا زیان بە خۆیان دەگەیێنێت.

پرسی نەوت

عەبادی دەڵێت "زۆربەی بیرە نەوتییەکانی سنووری پارێزگای کەرکووک کۆنترۆڵکراون، هەندێک بیری دیکەی نەوتی هەن لەنێو هەرێمی کوردستانە، بابەتی هەناردەکردنی نەوت گرنگە، لە تۆڕی بۆرییەکانی نەوت کێشەمان هەیە، پێشتر هێڵی بۆری ستراتیژی نەوتی عێراقی  لە حەویجە، فەتحە و نەینەوا لەژێر دەسەڵاتی داعش بووە   ئێستا هەموو هێڵەکەمان رزگارکردووە، بەشێکیان لەژێر کۆنترۆڵی هێزەکانی پێشمەرگەدایە، بەڵام لەمەدا کێشەمان نییە، بەڵام کێشەکە ئەوەیە زۆربەی ئەو هێڵە وێرانبووە ، وێستگە سەرەکییەکانی هەناردەکردن وێرانبوون، ئێستا باسی ئەو بابەتەمان کرد، چونکە ئەمە پێویستی بە هەڵسەنگاندن هەیە. لیژنە پێکهاتووە بۆ هەڵسەنگاندن و پشکنینی تەواوی هێڵەکە، لە چەندین شوێن بۆمبی چێندراو هەبووە ، هێزە ئەمنییەکان و لیژنەی تەکنیکی هەڵسەنگاندنیان کردووە و کارەکە کۆتایی هاتووە، هەڵسەنگاندنەکە گەیشتووەتە ئەوەی دەبێت شتێکی نوێ بونیاتبنرێت، بۆیە داوامانکردووە سیستەمێکی نوێ بونیاتبنرێت، ئەمەش کاتی پێویستە، ئێمە دەمانەوێت پەلە بکەین لە هەناردەکردنی نەوت، هێڵی دیکەی بۆری نەوت هەیە کە لە هەرێمی کوردستانە و لەلایەن هەرێمەوە لە رێگەی بودجەی هەرێمەوە دروستکراوە، ئەمە بەستراوەتە بە بیرە نەوتییەکانی کەرکووک و ناوچەکانی دیکە، ئەمە پێویستی بە دانوستاندن هەیە، بۆ ئەوەی بگەینە ئەوەی چۆن ئەو نەوت هەناردە بکەین بۆ بەندەی جەیهانی تورکی و رادەستی حکومەتی ئیتیحادی بکرێت، داواکاری ئێمە ئەوەیە هەموو نەوت رادەستی حکومەتی ئیتیحادی ( سۆمۆ) بکرێتو  پارەکەی بچێتە نێو بودجە عێراق و دواتر بەپێی پڕۆژەیاسای بودجەی ساڵی 2018  دابەشبکرێت، پێویست ئێستا پڕۆژەیاسای بودجە بۆ پەرلەمان بەرزبکرێتەوە، تاوەکو لەماوەی ئەمساڵدا پەرلەمان پەسندی بکات و ساڵی داهاتوو جێبەجێ بکرێت.

داڕشتنەوە؛ راوچی حەسەن



کۆمێنتەکان

 
ره شید | 16/11/2017
ده سه لاتی عه بادی کارتونیه
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ناسر | 20/11/2017 08:56:03 ص
جیا بوونەوە پێویست بە یاسا ناکات.
کوردسرائیل | 20/11/2017 10:30:58 ص
شەکری خوارد ،نوێنەری کوردی تیا نیە و بڕیارەکەش سیاسیە
دادگای فیدراڵی عێراق بڕیاری کۆتایی لەبارەی گشتپرسی دەرکرد
| 19 کاژێر لەمەو بەر | (2)
Azad Azad | 20/11/2017 10:12:50 ص
كه‌ركوك له‌ لایه‌نی هه‌ڤاڵانی ئه‌حمه‌د عه‌سكه‌ریه‌وه‌ فرۆشراوه‌ وه‌ ئێستاش كه‌ركوك داكیر كراوه‌ ئه‌وانه‌ی ده‌یانه‌وێت شه‌رعیه‌ت ساز كه‌ن بۆ داكیر...
ئەحمەد عەسکەری: یەکێتی لە دەرەوەی کەرکووک بەشداری کۆبوونەوەی ئەنجوومەن ناکات
| 11 کاژێر لەمەو بەر | (1)
ره شید | 17/11/2017 01:38:58 م
ده ستتان خوش ، من پرسیاریک له جه نابت و خوینه رانی به ریز ده که م له کامه ولاتی موسولمان له جیهاندا توزقالیک ریز له دیموکراسی و رای گشتی خه لک وه...
كةتةلونيا | 19/11/2017 09:39:10 م
ماموستا سلام ؟ پرسيار ئةوةية .... أوروپا بة حساب ديموكراتيةت ليي دةچورى ؟ بو هةزمي ( ريفراندومةكةى ) كةتةلونيا ناكات ؟؟؟؟؟ كةواتة مةسةلةكة توزيك ورد...
رۆژهەڵاتی ناوین هەزمی ریفراندۆم ناكات
| 17/11/2017 | (2)
مةملةكةتى پياوةتى | 16/11/2017 08:10:56 ص
مةحالة سةركةوتن بة بي تاقيكردنةوة و پاكسازى !!!! ، نةبووة و نابيت !!!، ئةم گولةش كة حساب نةكرا ، هةر ئةو حةكةمة نا دادپةروةرانة ، هةر بة نادادپةروةرى...
هادي | 19/11/2017 07:00:22 م
کاك كاوە دەست خۆش ..لەدايك بووني دەوڵەتي كوردي بە عەرەبي پێی ئەڵێن (محاض) یاخود ژان یان ژانێکي قورسي ئەوێت كاك كاوە لە سايکس بیکۆوە حەکەمەكان عادل...
گۆڵەکەی بارزانی!
| 16/11/2017 | (3)

لە بەشەکانی دیکەی رووداوەوە

ئەنفلۆنزای باڵندە لە کۆریای باشوور دەرکەوتەوە 4 کاژێر لەمەو بەر |

ئەنفلۆنزای باڵندە لە کۆریای باشوور دەرکەوتەوە

ئەوە یەکەم حالەتی دەرکەوتنەوەی ئەو ڤایرۆسەیە زۆرتر
مەترسی بڵاوبوونەوەی نەخۆشی لە ناوچە بوومەلەرزەلێدراوەکان هەیە 8 کاژێر لەمەو بەر |

مەترسی بڵاوبوونەوەی نەخۆشی لە ناوچە بوومەلەرزەلێدراوەکان هەیە

رێوشوێنەکانی پاراستنی خاوێنی جێبەجێ ناکرێن زۆرتر
ڤایرۆسی کوشندەی 10 کاژێر لەمەو بەر |

ڤایرۆسی کوشندەی "ماربێرگ" لە ئۆگەندا بڵاودەبێتەوە

دەبێتەهۆی تای خوێنبەربوون زۆرتر
0.219 seconds