وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

عێراق

حەشدی شەعبی خەریكی بە شیعەكردنی دەشتی نەینەوایە

لەلایەن ناسر عەلی 15/11/2017
کردنەوەی قوتابخانەی (ئیمام خومەینی) لە شارۆچکەی بەرتللەی زۆرینە کریستیاننشین
کردنەوەی قوتابخانەی (ئیمام خومەینی) لە شارۆچکەی بەرتللەی زۆرینە کریستیاننشین

رووداو- دهۆك

حەشدی شەعبی لە دەشتی نەینەوا دەستی داوەتە بەشیعەكرنی خەڵكی ناوچەكە كە مۆزایكێكن لە ئایین و مەزهەب و نەتەوەی جیاواز. كریستیانێكی ناحیەی بەرتللە دەڵێت لە ترسی حەشدی شەعبی تا ئێستا كەسیان نەگەڕاونەتەوە شوێنی خۆیان، چونكە دەڵێت بۆ ئەوان هیچ جیاوازییەك لە نێوان حەشدی شەعبی و داعشدا نییە. 

عامر یاقو، كریستیانێكی ناحیەی بەرتلەیە، كاتێك لە ساڵی 2014 داعش پەلاماری ناوچەكەی دان، ئاوارەی شاری دهۆك بوو، هەرچەندە ساڵێكە بەرتلە ئازادكراوە، بەڵام تاوەكو ئێستا نەگەڕاوەتەوە. ئەو دەڵێت "بەرتلە و حەمدانیە شوێنی مێژوویی ئێمەن، داعش هاتن بەناوی ئیسلام كڵێساكانی ئێمەیان لەناوبرد، سێ ساڵ چاوەڕێمان كرد تاوەكو چەكدارانی داعش نەمان، وامانزانی دوای داعش ژیان ئاسایی دەبێتەوە، بەڵام ئێستا رەوشمان خراپترە".

ناحیەی بەرتللە سەر بە قەزای حەمدانیەی پارێزگای نەینەوایە. ژمارەی دانیشتووانی 40 هەزار كەس دەبێ‌ كە زۆرینەی رەهایان كریستیانن. ناحیەكە سێ‌ ساڵ لەبن دەستی داعشدا بوو، مانگی تشرینی دووەمی ساڵی رابردوو ئازاد كرا، بەڵام تاوەكو ئێستا یەك خێزانی كریستیان نەگەڕاوەتەوە ناوچەكە.

عامر بێ هیوایە لە گەڕانەوە و دەڵێت: "رۆژ بە رۆژ رەوشی ئەو ناوچانە خراپتر دەبێ‌، حەشدی شەعبی بە پلان هەوڵ دەدەن شوێنەواری كریستیانەكان و كڵێساكانی ئێمە لەو ناوچانە بگۆڕن، ئەوان لە شوێنی كڵێسا و ناوەندە ئاینییەكان دەستیان كردووە بە دروستكردن و كردنەوەی خوێندنگەی تایفی".

نزیكەی مانگێك لەمەوبەر، بە ئامادەبوونی سەركونسوڵی ئێران لە شاری هەولێر، خوێندگای ئیمام خومەینی لە ناحیەی بەرتللە كرایەوە. عامر دەڵێت: "ئەو كارەی حەشدی شەعبی و كردنەوەی قوتابخانەی ئیمام خومەینی كریستیانەكانی زۆر دڵگران كردووە، ئێمە یەكسەر نوێنەرەكانی خۆمان لە كوردستان و عێراق ئاگاردار كردەوە".

سەرچاوەیەكی ئەمنی كە ئاگاداری كردنەوەی قوتابخانەی ئیمام خومەینییە لە بەرتللە، گوتی "كریستیانەكان بە كردنەوەی ئەو قوتابخانەیە زۆر نیگەرانن. ئەمە هەوڵێكە بۆ بەشیعەكردنی ناوچەكە". 

ئەو سەرچاوە ئەمنییە كە نەیویست ناوی بڵاوبكرێتەوە، گوتیشی: "جگە لە كردنەوەی ئەو خوێندنگایە، ئێستا حەشدی شەعبی خەریكی نۆژەنكردنەوەی بنكەیەكی تەندروستی و دروستكردنی دوو خوێندنگەی دیكەی مەزهەبین. هەموو ئەو كارانەش لەژێر سەرپەرشتی راستەوخۆی كونسوڵی ئێران و فەرماندەكانی حەشدی شەعبیدا دەكرێن".

بە گوتەی ئەو سەرچاوەیە، تاكە دەسەڵاتداری ئەو ناوچەیە حەشدی شەعبییە. سەرچاوەكە گوتی: "حەشدی شەعبی زۆر كار لەسەر بە شیعەكردنی ئەو ناوچەیە دەكات، گەڕەك و شەقامەكانی بەرتللەی پڕكردووە لە دروشم و لافیتەی تایفەگەری. لە حەمدانییەش بەهەمانشێوە، هەرچەندە لەوێ‌ كریستیانی سەر بە حەشدی شەعبی هەن، بەڵام هیچ دەسەڵاتیان نییە".

وەحیدە یاقو كە یەكێكە لە نوێنەرانی كریستیانەكان لە پەرلەمانی كوردستان، دەڵێت ئاگاداری ئەو هەوڵانەی حەشدی شەعبین بۆ بە شیعەكردنی ناوچەكە، هەموو هەوڵەكانیشمان دۆكیۆمێنت كردووە.

وەحیدە یاقۆ بە (رووداو)ی گوت "مەسەلەی بە شیعەكردنی دەشتی نەینەوامان گەیاندووەتە ڤاتیكان و رێكخراو و ناوەندە نێودەوڵەتییەكانی مافی مرۆڤ، چونكە ئەوە ستەمێكی ئاشكرایە لە كریستیانەكان دەكرێت، نابێت بەغدا بەرامبەر ئەو كارانەی حەشدی شەعبی بێدەنگ بێ‌".

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rebwar | 21/02/2018 08:42:43 ص
Dastxosh
سەردەمی حوكمی ئامۆزاكان
| دوێنێ کاژێر 09:46 | (1)
ره شید | 20/02/2018 05:13:13 م
به ریز کاکه "ئاکو" و هاورییانی به ئه مه گی رووداو، هه مووخه لکی کوردستان ته واوی ئازادیخوازان و ئه سحابی قه له م و راگه یه نه ره گشتیه کان شه ریکه خه...
سارا | 21/02/2018 05:03:02 ص
هه‌زاران سڵاو بۆ گیانی پاکی شه‌هید شیفاهه‌تا هه‌تایه‌ یادی بۆ هه‌میشه‌ یادی له‌ دڵماندا زیندووه‌. سه‌ری ڕێز و نه‌وازش داده‌نێن بۆ بنه‌ماڵه‌ی...
ساڵیادی شەهید شیفا
| دوێنێ کاژێر 02:57 | (2)
سێنیار بامەڕنی | 20/02/2018 03:59:47 م
بەڵكو میلیشیاكانی سەربە #ئیران چوونە نێو #عەفرین، هەروەك چۆن لەسایەی خیانەتكارییەكەی 16ـی ئۆكتۆبەر حەشدی شەعبی سەر بەئیران هاتوونەتە نێو كەركوك.
هێزە شەعبییەکانی سەر بە حکومەتی سووریا چوونە نێو عەفرین
| دوێنێ کاژێر 05:12 | (1)
ره شید | 19/02/2018 05:27:08 م
ده س خوش برای به ریز عه فرین چون بپاریزین؟ پیم وابی برای خوشه ویستی من جه نابت توزیک که و توویه داوی پوپولیزمی پ.ک.ک و لک وپوپه کانی یامن پیم وایه...
بارزان | 20/02/2018 08:59:49 ص
به ته واوی نه زه ری کاک ره شید ره د ده که مه وه چونکه هیچ یک له ولاته کانی دراوسی نایانهه ویت کورد وه سه ر که ون ده نا چه ند له وه ی پیش ده با موعزه...
عەفرین، پیلانێكی هەرێمایەتی لەدژی كورد
| 19/2/2018 | (3)

لە بەشەکانی دیکەی رووداوەوە

لە زانکۆکانی کوردستان زاراوە پزیشکییەکان بە کوردی ناخوێندرێن 13 کاژێر لەمەو بەر |

لە زانکۆکانی کوردستان زاراوە پزیشکییەکان بە کوردی ناخوێندرێن

زانینی زمانی دایک بۆ پەیوەندی نێوان پزیشک و نەخۆش زۆرتر
لە سیدەکان مینێکی پەکەکە بە سوپای تورکیادا تەقییەوە 19 کاژێر لەمەو بەر |

لە سیدەکان مینێکی پەکەکە بە سوپای تورکیادا تەقییەوە

سوپای تورکیا چەند گوندێک تۆپباران دەکات زۆرتر
0.391 seconds