وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

عێراق

عەللاوی داوا لە نەتەوە یەکگرتووەکان دەکات شاندێک بۆ دانوستاندن بنێرێت

لەلایەن گۆڤەند مستەفا 30/9/2017
ئەیاد عەللاوی، جێگری سەرۆککۆماری عێراق

رووداو - عەممان

ئەیاد عەللاوی، جێگری سەرۆککۆماری عێراق، داوا لە نەتەوە یەکگرتووەکان دەکات شاندێک بۆ دانوستاندنی نێوان هەولێر و بەغدا بنێرێت و دەڵێت: عێراق هێشتا ئەندامێکی دامەزرێنەری نەتەوە یەکگرتووەکانە، بۆیە ئەوان دەتوانن باشتر چاودێری رێککەوتنێکی عێراقی بکەن و بەشداریکردنی ئەوان بۆ دەرچوونە لەو دەستوەردانە هەرێمییەی لە کاروباری عێراقدا هەیە".

ئەیاد عەللاوی، جێگری سەرۆککۆماری عێراق و سەرۆکی بزووتنەوەی ویفاقی نیشتمانی، ئێوارەی رۆژی شەممە 30-9-2017 لە کۆنگرەیەکی رۆژنامەڤانیدا لە عەممانی پایتەختی ئوردن نێوەڕۆکی دەستپێشخەرییەکەی ئاشکراکرد و گوتی: "دوێنێ نامەیەکمان بۆ حەیدەر عەبادی، سەرۆکی ئەنجوومەنی وەزیران ناردووە، ئەمڕۆش نامەیەکی دیکەم بۆ نارد، نامەیەکیشم بۆ ئەمینداری گشتیی نەتەوە یەکگرتووەکان ناردووە و ئەمڕۆ نامەکەی بەدەست گەیشتووە، هەردوو نامەکەشم بەدەست حەیدەر عەبادی گەیشتوون، هیوادارین رەوشەکە ئارامبێتەوە و گفتوگۆیەکی راستەقینە بکەین".

لەبارەی وەڵامی بارزانیش بۆ دەستپێشخەرییەکە عەللاوی گوتی: "وەڵامی بەڕێز مەسعود بارزانی باسی لە گفتوگۆیەک کرد بۆ ماوەی رەنگە دوو ساڵ، بۆیە ئێمە بەردەوامین لەو هەوڵانەی خۆمان، پێویستە هەوڵەکان بۆ ئارامکردنەوە بەردەوامبن و دۆخەکە ئاڵۆزتر نەبێت، دەمانەوێت دەرەچەیەکی باش بۆ هەموو لایەنەکان بدۆزینەوە بەبێ هیچ سازشێک".

لەبارەی نێوەڕۆکی نامەکانیش گوتی: "من لە نامەکەدا پێشنیازم کردووە پێویستە بەبێ مەرجی پێشوەختە نە لەلایەن حکومەتەوە نە لەلایەن بەڕێز مەسعود بارزانییەوە لە سەرۆکایەتیی هەرێمی کوردستان دیالۆگ ئەنجام بدرێت". گوتیشی: "توانای خۆمان لە خزمەتی ئەو ئاراستەیە خستووەتەڕوو، پەنا بەخوا لە هەردوولا وەڵامدانەوە بۆ ئەو داواکاری و بانگەوازەی ئێمە دەبێت، هیوادارین سەقامگیری و ئارامی بگەڕێتەوە بۆ ئەوەی بتوانین گفتوگۆ بکەین، کە عێراق چۆن بێت لە داهاتوودا".

هەروەها عەللاوی مەترسی خۆی لە دۆخی عێراق راگەیاند و گوتی: "سەبارەت بەوەی روودەدات زۆر ترسناکە، ترسناکییەکەی رەنگدانەوەکەی دەبێت لەسەر هەموو کەسێک لە عێراق نەک تەنیا هەرێمێک یان پارێزگایەک، بەڵکو رەنگدانەوەی لەسەر هەموو تاکێک دەبێت، بۆیە دەبێت هۆشیاربین و خۆمان نەخەینە نێو داواکاریی قورس، پێویستە ئارامبگرین و گفتوگۆی لۆژیکی بکەین لەپێناو سەلامەتی و یەکپارچەیی عێراق و گەیشتن بە دەوڵەتی مەدەنی".

لەبارەی کەرکووکیش گوتی: "بەرلەوەی قسەکانم تەواو بکەم دەبێت ئەوە بڵێم و لە بەیاننامەکەشمدا قسەم لەسەری کردووە، هیچ لایەنێک لە عێراق نابێت بە تەنیا خۆی گفتوگۆ بکات، ئێمە بینیمان شاندی کوردستان کە گەیشتە بەغدا لەگەڵ بەشێک لە هاوپەیمانی نیشتمانی لە گفتوگۆدا بوون، ئەمە نابێت رووبدات، چونکە ئەوە گرنگە بۆ عێراق دەبێت هەمووان بەشداربن، ترسی ئێمە ئەوەیە شتێک لە کەرکووک رووبدات و رەوشی عێراق هەمووی تێکبچێت، ببێتە باهۆزێک و هەمووی بگرێتەوە، بۆیە لەو چوارچێوەیەدا هیوادارین میدیای عێراقی راستییەکان بگوازنەوە و کار بۆ ئارامکردنەوەی رەوشەکە بکەن، نەک گرژکردنی".

نێوەڕۆکی نامەکانی عەللاوی بۆ مەسعود بارزانی، سەرۆکی هەرێمی کوردستان و حەیدەر عەبادی، سەرۆکوەزیرانی عێراق و نەتەوە یەکگرتووەکان ئەم شەش خاڵە لەخۆدەگرێت:

یەکەم: دەستپێکردنی دانوستاندنی بێمەرجی پێشوەختە. 

دووەم: بنەمای دانوستاندنەکان دەستووری کۆماری عێراق بێت.

سێیەم: داوا لە نەتەوە یەکگرتووەکان دەکەین پشتیوانی دانوستاندنەکان بکات و ئەمینداری گشتیی نەتەوە یەکگرتووەکان تیمێکی شارەزایان بنێرێت. 

چوارەم: راگرتنی هەڵمەتی راگەیاندن و بڕیارەکان کە دۆخەکە تێکدەدەن. 

پێنجەم: چڕکردنەوەی هەوڵەکان بۆ دوورخستنەوەی هەر رووبەڕووبوونەوەیەکی چەکداری لە ناوچە جێناکۆکەکان، لەپێش هەموو ناوچەکانیشەوە پارێزگای کەرکووک. 

شەشەم: دۆزینەوەی چارەسەری نیشتمانی و دوورخستنەوەی عێراق لە دەستوەردانی دەرەکی و وڵاتانی دراوسێ، کە ئەگەری ئەوە هەیە کێشەکان قووڵترببنەوە و عێراق بکەوێتە نێو کۆمەڵێک کێشمەکێشی زیاتر. 

 

داڕشتنەوە: دەرباز ساڵح


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

إمتحان | 20/11/2017 05:34:49 م
سلاو كاك عارف ..... بابةتةكةت تفسيرةكةى لة ووشةكانى جةنابتدا دروست دةكةم ، (((( آيا هةلپةرستيةكة گشتى بوو ))) .... پيم واية هةريةكة لة آوازيك...
zana | 21/11/2017 09:47:40 ص
کاکی برا ئیتر ته‌واو هه‌موو شتی کۆتایی هات ئه‌مانه‌ زیاتر له بیست و پێنچ ساله‌ به‌ ئیمه‌ ده‌ڵین خه‌متان نه‌بێ که‌س ناتوانی کوردستان داگیربکات تا...
ئایا گشتپرسی هەڵە بوو؟
| دوێنێ کاژێر 11:55 | (6)
حسێن هرنی | 21/11/2017 08:36:37 ص
هەر بژیت و بە راستی جێ دەستی دیارە و بە هیڤیا سەرکەفتن بو بەرێزیان و هەمی تێکوشەرانی رووداو
 دلبخوین دارا: ئەو ئازادییەی لە رووداو هەیە، لە هیچ تەلەڤزیۆنێکم نەدیوە
| 18 کاژێر لەمەو بەر | (1)
Rebwar | 21/11/2017 06:47:07 ص
dastxosh
ره شید | 21/11/2017 07:27:11 ص
کا ک ریبوار راست ده فه رمووی ، من خوم له ماموستا مه لا ره شیدی بورهانی که له قایری مه رگه وه ر دائه نیشت و زیاتر له سه د مه لای به ناو بانگی به ده...
پارتیش تابیعی ئێرانە!
| 20 کاژێر لەمەو بەر | (2)
هادي | 19/11/2017 07:00:22 م
کاك كاوە دەست خۆش ..لەدايك بووني دەوڵەتي كوردي بە عەرەبي پێی ئەڵێن (محاض) یاخود ژان یان ژانێکي قورسي ئەوێت كاك كاوە لە سايکس بیکۆوە حەکەمەكان عادل...
حسێن حسن هرنی | 21/11/2017 06:41:54 ص
دەست خوش کاک کاوە زور زور راستە و بە هیوای خوا چەرخی گەردوون لە گەریان ناوەستێت و روژەک دێت کە حەکەمە نا دادپەروەرەکان بە هوش خویان بێنەوە .
گۆڵەکەی بارزانی!
| 16/11/2017 | (4)

لە بەشەکانی دیکەی رووداوەوە

کەمی هۆرمۆنی نێرینە تووشبوون بەشێرپەنجەی پڕۆستات کەمدەکاتەوە 8 کاژێر لەمەو بەر |

کەمی هۆرمۆنی نێرینە تووشبوون بەشێرپەنجەی پڕۆستات کەمدەکاتەوە

توێژینەوەیەکی نوێ دەریخستووە زۆرتر
پسپۆڕێک: کەمخەوی دەبێتەهۆی کەمکردنەوەی چالاکییەکانی مێشک 11 کاژێر لەمەو بەر |

پسپۆڕێک: کەمخەوی دەبێتەهۆی کەمکردنەوەی چالاکییەکانی مێشک

بە چاودێری هەزاران خانەی مێشک دەرکەوتووە زۆرتر
کحول دەبێتە هۆی لەناوچوونی خانە سەرەتاییەکانی مێشک 11 کاژێر لەمەو بەر |

کحول دەبێتە هۆی لەناوچوونی خانە سەرەتاییەکانی مێشک

کحول هۆکارێکی دیاری مردنە زۆرتر
0.453 seconds