وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

تورکیا

هەدەپە بۆ بەشداریکردن لە هەڵبژاردنی شارەوانی ئیستەنبووڵ یەکلا نەبووەتەوە

لەلایەن هێمن عەساف 11/1/2019
نزیکەی سێ ملیۆن دەنگدەری ئیستەنبووڵ کوردن

رووداو - هەولێر 

هه‌ده‌په‌ بۆ هەڵبژاردنی شارەوانی ئیستەنبووڵ بە سەر دوو بەرەدا دابەشبووە، بەرەیەک پێیوایە پێویستە هەدەپە لە دژی هاوپەیمانی کۆمار پاڵپشتی لە جەهەپە بکات و بەشێکیش پێیانوایە کە پێویستە لەگەڵ لایەنەکان دانوستاندنان بکەن و هەر لایەنێک بە مەرجەکانی هەدەپە رازی بوو پاڵپشتی لێبکەن. 

ئیسته‌نبووڵ شاری یه‌كلاكه‌ره‌وه‌ی هه‌موو هه‌ڵبژاردنه‌كانی توركیایه‌، به‌وه‌ی زۆرترین ده‌نگده‌ر له‌خۆ ده‌گرێت و هه‌موو لایه‌نه‌ سیاسییه‌كان بایه‌خێكی زۆر تایبه‌ت به‌ڕێكخستنه‌كانیان له‌م شاره‌دا ده‌ده‌ن. 

زۆرترین كوردی باكووری كوردستانیش به‌مه‌به‌ستی كاركردن و خۆشگوزه‌رانی و هۆكاری دیكه‌ له‌م شاره‌دا نیشته‌جێن و زۆربه‌شیان ده‌نگده‌ری پارتیی دیموكراتی گه‌لان "هه‌ده‌په‌"ن. 

ده‌نگده‌ری كورد له‌ ئیسته‌نبووڵ 

- نزیكه‌ی 11 ملیۆن ده‌نگده‌ر هه‌یه‌
- 98 كورسی هه‌یه‌
- 3 ملیۆن ده‌نگده‌ری كورد هه‌یه‌
- نزیكه‌ی دوو ملیۆن ده‌نگده‌ری هه‌ده‌په‌ن
- هه‌ده‌په‌ له‌ هه‌ڵبژاردنه‌كانی 2018ـدا 12.7%ـی ده‌نگه‌كانی ئیسته‌نبووڵ به‌ده‌ستهێنا 
- ده‌كاته‌ یەک ملیۆن و 195 هه‌زار و 602 ده‌نگ
- هه‌ده‌په‌ 12 كورسی برده‌وه‌ 
لە کۆی 11 ملیۆن دەنگدەری ئیستەنبووڵ، 3 ملیۆنی کوردە. 

هه‌ده‌په‌ ئێستا له‌نێوخۆیدا به‌سه‌ر دوو به‌ره‌دا دابه‌ش بووه،‌ بەرەیەکیان دەڵێ با بەربژێرمان نەبێت و دەنگی کورد بۆ جەهەپە بێت و بەمەش هاوپەیمانی كۆمار کە لە (ئاكپارتی و مه‌هه‌په)‌ پێكدێت تێکدەشکێنین. 

بەرەکەی دیکەشیان دەڵێ، باشتر وایە لەگەڵ لایەنەکان دیالۆگ ئەنجام بدەین و کام لایەن بە مەرجەکانمان رازی بوون دەنگی پێبدەین. 

ئه‌مه‌ له‌ كاتێكدایه‌ واده‌ی ئه‌و رۆژژمێره‌ی ده‌سته‌ی باڵای هه‌ڵبژاردنه‌كانی توركیا بۆ یه‌كلاییكردنه‌وه‌ی به‌ربژێره‌كان و دوایین دۆخی هاوپه‌یمانیكردنی نێوان لایه‌نه‌ سیاسییه‌كان به‌ره‌و كۆتایی ده‌چێت و پێویسته‌ هه‌ده‌په‌ له‌م مانگه‌دا خۆی یه‌كلایی بكاته‌وه‌. 

بژارده‌كانی هه‌ده‌په‌ بۆ هاوپه‌یمانیكردن له‌ ئیسته‌نبووڵ 

- کورد لە ئیستەنبووڵ ئەو کارتە بەهێزەیە دەتوانێت بەربژێری جەهەپە یان ئاکپارتی سەرخات
- هه‌ده‌په‌ ناتوانێت به‌ته‌نیا سه‌رۆكایه‌تیی شاره‌وانی بباته‌وه‌ 
- بۆیه‌ هه‌ده‌په‌ تاوه‌كو ئێستا بێ به‌ربژێره‌ 
- ده‌نگی كورد بۆ هه‌ر لایه‌نێك بچێت ئه‌و لایه‌نه‌ له‌ سه‌ركه‌وتن زۆر نزیك ده‌بێته‌وه‌
- هه‌ده‌په‌ له‌ ئیسته‌نبووڵ پارسه‌نگی هێزه‌ 

هه‌ده‌په‌ ئەگەر لەگەڵ جەهەپە هاوپەیمانی بکات، ئەوا جەهەپە لە بردنەوە زۆر نزیکدەبێتەوە، ئەگەر بەربژێری هەبێت بۆ سەرۆکایەتی شارەوانی، ئەوا لە بەرژەوەندی ئاکپارتی دەبێت، چونکە دەنگەکان ناچن بۆ جەهەپە و په‌رته‌وازه‌ ده‌بن و به‌ربژێری ئاكپارتی سوودی لێ وه‌رده‌گرێت. بۆ به‌ده‌ستهێنانی سه‌رۆكایه‌تی گه‌وره‌ شاره‌وانیی ئیسته‌نبووڵ و 39 شارۆچكه‌كه‌ی دیكه‌شی. هه‌ده‌په‌ش له‌ هه‌ڵبژاردنه‌كانی رابردوودا ئه‌گه‌ر به‌فه‌رمیش نه‌بێت ژێربه‌ژێر له‌گه‌ڵ جه‌هه‌په‌ رێككه‌وتبوون و پێده‌چێت ئه‌مجاره‌ش هه‌ده‌په‌ ده‌نگده‌رانی ئاراسته‌ بكات بۆ هه‌مان رێككه‌وتن. 

داڕشتنەوە؛ راوچی حەسەن 

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/03/2019 03:46:26 م
والله‌ وه‌بیلاهی گه‌ر پارتی نیوه‌ی پۆسته‌كانی خۆشیان بداته‌ یه‌كیه‌تی به‌ته‌ئكید یه‌كیه‌تی له‌ به‌ینی خۆیان ڕێك ناكه‌ون باشتر وایه‌ پارتی هه‌وڵ و...
یەکێتی: بەشداریمان لە کابینەی نوێی حکومەت پەیوەستە بەوەی هاوبەشێکی راستەقینە بین
| 16/3/2019 | (1)
ئیسماعیل عەبدوڵا | 16/03/2019 08:51:18 ص
چۆن بتوانم دەنگ بدەم؟
Azad Azad | 16/03/2019 08:57:23 ص
هونەری فیلمی دۆکیومێنتاری لەبارەی ئازارەکانی گه‌لی كورد به‌گشتیی به‌درێژای ١٠٠ ساڵی ڕابرد و کیمیا باران کردنی هەڵەبجە و ئەنفال و کۆمەڵکوژی کردنی...
لە بەریتانیا فیلمێکی دۆکیومێنتاری لەبارەی کیمیابارانی هەڵەبجە نمایشکرا
| 16/3/2019 | (2)
mohammad kurdish kurdstan | 15/03/2019 03:25:34 م
أن شاءالله‌ بۆخاتری عه‌رشی په‌روه‌ردگاری پیرۆز به‌م رۆژی هه‌ینیه‌ هه‌رچی بكوژان و تاوانانی ئه‌م ڕووداوه‌ بوون سه‌رشۆر و ریسوا ودونیا و قیامه‌تبن أن...
حكومه‌تى هه‌رێمى كوردستان بەتووندی سه‌ركۆنه‌ى هێرشه‌كه‌ى نیوزلەندا ده‌كات
| 15/3/2019 | (1)
REALMADRIDCF | 15/03/2019 02:34:00 م
ئەگەرلەسەردەستی پێرێزڕیاڵ مەدریدهەڵنەستایەوەئەواهاندەران دەیان هەوێت دەست لەکار بکێشێتەوە
پلانێکی شاهانە لە یانەی شاهانە
| 26/2/2019 | (1)

لە بەشەکانی دیکەی رووداوەوە

0.484 seconds