لە باشوری کوردستان زیاتر لە ٣ ملیۆن دۆنم زەوی کشتوکاڵی هەیە، کە زەوییەکانی زۆر بە پیتن ، وەکو زەویە بە پیتەکانی دەشتی شارەزوور و دەشتی هەولێر و دەشتی ناوکوڕ و دەشتی سلێڤانی و چەند ناوچە و دەشتی دیکە. ئەم دەشتانە بە هۆی بە پیتی و بوونی سەرچاوەی ئاوی شیرینەوە لە توانایاندا زۆر زیاتر لە داخوازی پێداویستییەکانی ناوخۆ لە بەرهەمە کشتوکاڵیەکان دابین بکەن .
لە ساڵی رابردوودا نزیکەی ٦٠٠ هەزار تۆن گەنم بەرهەمهاتووە، کە بەشێوەیەکی گشتی زیاترە لە داخوازی ناوخۆ ، بە پێی ستاندارتی جیهانی میللەتانی رۆژهەڵاتی ناوەراست، ساڵانە هەر کەسێک پێویستی بە ١٠٠ کیلۆگرام ئارد هەیە ، رێژەی دانیشتوانی باشوری کوردستان نزیکەی ٥ ملیۆنە، واتە ساڵانە نزیکەی ٤٥٠ تاوەکوو ٥٠٠ هەزار تۆن ئارد پێویستە بۆ داخوازییەکانی ناوخۆی باشوری کوردستان.
دەتوانرێت بگوترێت رێژەی بەرهەمهێنانی گەنم زیاترە لە پێویستی ناوخۆی باشووری کوردستان، تەواوی گەنمی باشووری کوردستان لە لایەن حکومەتی عێراقەوە دەکردرێتەوە و دەکرێتە ئارد و دابەشدەکرێت بەسەر تەواوی دانیشتوانی عێراق و باشوری کوردستان ، نرخی کڕینەوەی هەر تۆنێکیش لە ٥٠٠ دۆلارەوە دەستپێدەکات تاوەکوو نزیکەی ٧٠٠ دۆلار بە پێی باشی و خراپی جۆری گەنمەکە ، واتە تەواوی گەنمی باشوری کوردستان لەلایەن عێراقەوە دەکڕیتەوە و دەکرێتە ئارد.
لە کۆتاییەکانی ساڵی ٢٠١٧ لە پارێزگای سلێمانی لە سەیدسادق کارگەیەکی مۆدێرنی بەرهەمهێنانی ئارد دامەزراوە ، کە تاوەکو ئێستا کاری هاڕین و وردکردنی گەنمی ناوچەکەیە بۆ ئەوەی ئاردی فۆرمی خۆراک بەرهەمبهێنێت بۆ ناوچەکانی پێنجوێن و کەلار ودەربەندیخان و هەڵەبجە و سەید سادق بەتەواوی ناوچە و گوندەکانیانەوە، واتە تاوەکوو ئێستا کاری بەرهەمهێنانی ئاردە بۆ نزیکە ٧٠٠ تاوەکو یەک میلێون کەس لە باشوری کوردستان .
ئەو کارگەیە دواین تەکنەلۆژیای سەردەمی تێدا بەکارهاتووە ، لەماوەی رۆژێکدا توانای بەرهەم هێنانی ٥٠٠٠ هەزار تۆن ئاردی هەیە .
بەرنامەیەكی 24 خولەکی هەفتانەیە بۆ نمایشی پیشەسازی ناوخۆیی هەرێمی كوردستان. بایەخ بەو كاڵایانە دەدات كە لە هەرێمی كوردستان و لە كارگەكانی كوردستاندا بەرهەم دەهێنرێت
